1.Balancon nivelin e pH-it të flokëve dhe skalpit të kokës: Niveli ideal i pH-it të flokëve duhet të jetë në nivelet 4 dhe 5, por shumë produkte si shampoja apo balsami i çrregullojnë këto norma dhe për pasojë keni flokë të thatë dhe të djegur. Aciditeti natyral i uthullës së mollës rregullon pH-in e flokëve pa dëmtuar yndyrën e tyre natyrale, sebumin.

2.Lufton zbokthin: Uthulla e mollës ka veti të forta antibakteriale dhe antimykotike. Lufton bakteret që shkaktojnë zbokth, kruajtje dhe thatësi të skalpit të kokës.

3.Hidraton flokët: Uthulla e mollës është hidratuesi më i mirë natyral që mund të përdorni për flokë tuaj. Mjafton një aplikim i thjeshtë dhe flokët tuaj do të jenë më të butë e do të krihen më lehtë.

Si duhet përdorur uthulla e mollëve në flokë? Së pari është e rëndësishme të zgjidhni një uthull molle organike pasi vetëm kështu mund të përfitoni nga vetitë e saj të mrekullueshme. Lani flokët si zakonisht, përdorni ujë të vakët dhe një shampo organike. Në larjen e fundit, merrni një gotë uji me uthull molle (150-200 ml) dhe lagni flokët. Mund të përdorni një shishe spray për më shumë lehtësi. Masazhoni rrënjët e flokëve me delikatesë dhe më pas majat e tyre. Pas pesë minutash shpëlani kokën pa përdorur balsam. Uthulla mund të lëshojë fillimisht një erë të fortë, por kur flokët të jenë tharë do të jetë zhdukur krejtësisht. Përsëriteni këtë trajtim dy herë në javë.

The post Lani flokët dy herë në javë me këtë uthull dhe na falenderoni më vonë appeared first on Albeu.com.

Por ja që në Tik Tok, veçanërisht vajzat dhe gratë po njihen me një metodë të re për të shmangur larjen e shpeshtë. Ideja qëndron në trajnimin e flokut që të vetëpastrohet. Sipas atyre që e kanë sugjeruar dhe provuar, kjo metodë synon të krijojë hapësirë mes ditëve që lani flokët derisa të arrini në larjen e tyre vetëm 1 herë në muaj.

Teoria thotë se mungesa e larjes dhe trajnimi i skalpit do të bëjë të mundur që të prodhohet më pak vaj nga lëkura dhe yndyra do të shfaqet shumë vonë. Ka qenë një përdoruese e njohur në Tik Tok që tregoi sesi për një vit trajnoi flokun e saj dhe tani ka arritur rezultatin që dëshironte. Edhe pas 25 ditësh me flokë të palarë prap duket sikur sapo ka dalë nga salloni.

Po specialistët çfarë thonë?

Edhe pse opinioni nuk është unanim, sipas disa ekspertësh, ka një grimcë vërtetësie në këtë teori. Nëse e lan flokun rrallë, skalpi do prodhojë më pak yndyrë dhe nuk do duket keq shumë shpejt. Por ekspertët sugjerojnë që për të trajnuar flokun duhet eliminuar përdorimi i shampove me përbërës agresivë dhe spray të jashtëm për flokun. Nëse i lan flokët më rrallë dhe përdor produkte pa përmbajtje sulfatesh dhe alkooli, mund ta trajnosh flokun dhe mundesh të krijosh një rutinë që i jep skalpit freski.

The post 1 muaj pa larë flokët? Çfarë thonë ekspertët për trendin e fundit të TikTok-ut appeared first on Albeu.com.

Profesionalja stomatologjike Anna Peterson, nga Essex, paralajmëroi se larja e dhëmbëve të bëhet para ngrënies së mëngjesit dhe jo pas tij.

Dentisti tha se larja pas mëngjesit mund të dëmtojë dhëmbët tuaj.

“Kur hani mëngjes goja juaj bëhet acid. Pra, ajo që po bëni kur lani dhëmbët pas mëngjesit është të lani acidin në dhëmb dhe kjo e prish smaltin”, tha ajo.

Dhëmbët tuaj janë më të ndjeshëm ndaj dëmtimit acid nga bakteret kur zgjoheni në mëngjes pasi nivelet e kalciumit në pështymë janë në nivelin më të ulët.

Sipas Sloan Dental, nëse i lani dhëmbët para se të hani, fillon rrjedha e pështymës që është reduktuar gjatë natës, plus, fluori në pastën e dhëmbëve do të ndihmojë në mbrojtjen e dhëmbëve kundër ushqimit acidik, përcjell Klankosova.tv

Konsumimi i ushqimit dhe pijeve para larjes do të thotë ekspozim i smaltit ndaj acidit kur ato janë më të dobëta, kjo mund të çojë në gërryerje dhe rritje të ndjeshmërisë, dhe askush nuk e dëshiron këtë!

Rekomandohet gjerësisht që të gjithë të pastrojmë dhëmbët të paktën dy herë në ditë, kështu që nëse një nga të vetmet herë që mund ta futni në orarin tuaj është pas meze të lehtë të mëngjesit, atëherë kështu qoftë.

Megjithatë, sipas Healthline, disa nga artikujt më të njohur të mëngjesit mund të shkaktojnë disa nga dëmtimet më të këqija për këlyshët tanë, si shembuj: Kafe, lëng portokalli, agrume, fruta të thata, bukë, ëmbëlsira.

Larja e dhëmbëve menjëherë pas ngrënies së mëngjesit mund të mbulojë dhëmbët me mbetje të ushqimit acid, që dobëson smaltin tuaj, kështu që një pushim prej gjysmë ore deri në një orë para se të lani është mënyra më e mirë për të mbrojtur dhëmbët tuaj nga dëmtimet e ardhshme.

The post A duhet t’i lani dhëmbët para apo pas ngrënies së mëngjesit? appeared first on Albeu.com.

Ujë i vakët me kripë: Kjo metodë ka funksionuar dhe do të funksionojë gjithmonë për larjen e çorapeve të bardha, por edhe për veshjet intime. Sasinë e përcaktoni sipas dëshirës. Ajo që duhet të bëni është e thjeshtë, futini çorapet në një enë ku keni hedhur paraprakisht ujë dhe kripë dhe lërini aty për disa orë. Më pas mund t’i lani me dorë ose në lavatriçe me çfarëdolloj detergjenti.

Uthull rrushi të bardhë: E dimë që uthulla e kuqe apo ajo e mollës janë të preferuarat tuaja, por mesa duket uthulla prej rrushit të bardhë është aleate për larjen e çorapeve. Përgatisni një masë me 250 ml uthull rrushi të bardhë dhe 1 litër ujë të ftohtë. Shtoni brenda çorapet e palara dhe lërini për 40 minuta. Më pas kalojini në lavatriçe. Do të duken si të reja.

Sodë buke: Soda e bukës është një produkt i gjithanshëm, por përdorimi i saj në larjen e rrobave mund të rezultojë më efektiv se vetë detergjentet larëse. Krijoni një masë me sodë buke dhe lëng limoni të freskët, raporti duhet të jetë 100 gr sodë buke me 100 ml lëng limoni. Pastën vendoseni mbi çorapet e njoma. Lërini 10 minuta të pushojnë. Theksojmë që nuk duhet të shtoni ujë. Më pas lajini në makinë larëse. Për rezultat më të fortë shtoni 2 lugë gjelle krahas ilaçit të rrobave. Do habiteni nga rezultati.

The post Paska qenë kaq e thjeshtë, 3 truke për të patur çorape të bardha si bora appeared first on Albeu.com.

Nëse do të dish metodat më të mira të pastrimit, mësoji nga specialistja. Lexo disa udhëzime sesa rregullisht duhet t’i lash këto aksesorë prej cohe, që përdoren më shpesh.

Peshqirët e trupit

Larja e rekomanduar: Çdo 3 apo 4 përdorime

Edhe pse janë krijuar për përdorim të shpeshtë, ato mund të nisin të mbajnë erë pas disa përdorimesh, sidomos nëse nuk ajrosen si duhet pas përdorimit. Nëse bën stërvitje, ose ke një punë të lodhshme fizike, laji edhe më shpesh dhe mos i ndaj me asnjë anëtar të familjes që mund të ketë një infeksion të lëkurës.

Çarçafët

Larja e rekomanduar: Çdo javë ose çdo 2 javë

“Shtrojet e shtratit mund të përdoren në mënyra të  ndryshme, prandaj edhe shpeshtia e larjes është individuale. Nëse janë bërë me njolla, nëse dikush në familje është sëmurë, nëse fle e zhveshur ose pothuajse, ose nëse shkon të flesh pa bërë dush pas palestrës, duhet t’i lash më shpesh. Edhe stinët janë gjithashtu një faktor. Në varësi të stilit të jetës, shtrojet mund të kenë nevojë për më shumë larje gjatë verës, duke qenë që djersijmë më shpesh dhe djersa kalon te peshqirët dhe çarçafët.

Peshqirët e enëve

Larja e rekomanduar: 2 herë në javë

”Peshqirët e kuzhinës grumbullojnë copëza ushqimi dhe këto njolla mund të krijojnë baktere dhe erëra të rënda, kështu që duhet t’i lash çdo javë nëse gatuan rregullisht, por nëse peshqirët e kuzhinës nuk përdoren shpesh dhe qëndrojnë të varur sa për dekor, një herë në muaj mjafton”- thotë Richmond.

Peshqirët e duarve

Larja e rekomanduar: Çdo 2-3 ditë.

Duke qenë që peshqirët e duarve zakonisht janë të varura në një hapësirë me shumë qarkullim dhe të favorshme për zhvillimin e baktereve dhe përdoren nga shumë njerëz, është e arsyeshme t’i hedhësh në lavatriçe më shpesh sesa gjithë peshqirët e tjerë.

Jastëkët

Larja e rekomanduar: Një herë në gjashtë muaj

Jastëku, qoftë i mbushur me pupla apo fibra sintetike, duhet larë dy herë në vit për të mos lejuar që era dhe njollat të bëhen të përhershme. Ndiq udhëzimet e pastrimit me përpikëri, mund të lahen në lavatriçe ose në pastrim kimik dhe sigurohu që të jetë plotësisht i thatë para se ta vendosësh në shtrat.

Pastrim të mbarë!

The post Nga peshqirët e trupit tek jastëkët, e dini sa shpesh duhen larë këto produkte? appeared first on Albeu.com.