Por paralelisht me prestigjin e një evenimenti të tillë, për Shqipërinë do të ketë edhe një premio të majme në lojë.

Një premio që vjen direkt nga FIFA, e cila ka zbuluar se ka rritur shifrën që do t’u paguajë të gjitha skuadrave pjesëmarrëse në Botërorin që zhvillohet në SHBA, Kanada dhe Meksikë.

Këshilli i FIFA-s, i mbledhur në Doha të Katarit me rastin e finales së Kupës Interkontinentale, ka miratuar një pagesë rekord prej 10 milionë eurosh, për çdo ekip i cili merr pjesë në Botërorin 2026.

Kjo është shifra më e lartë e akorduar ndonjëherë për ekipet përfaqësuese në një kompeticion të tillë, ku janë rritur edhe shpërblimet për çdo fazë që kalohet në turne, për të arritur deri në 50 milionë euro më shumë që do të përfitojë skuadra e cila shpallet Kampione Bote.

The post Zbulohet shpërblimi nga FIFA për Shqipërinë nëse shkon në Botëror appeared first on Albeu.com.

Nëse kuqezinjtë arrijnë të fitojnë sfidën e parë në Varshavë, atëherë do të kenë përballë fituesin e çiftit Ukrainë-Suedi.

Natyrisht që për Shqipërinë, do të jetë një rrugëtim i vështirë duke parë edhe emrat që Shqipëria ka përballë, por shorti mund të ishte treguar edhe më i ashpër me kuqezinjtë, pasi janë shmangur emra si Turqia apo Italia që mund të kishim në një finale të mundshme.

Gjithsesi, nëse shohim emrat dhe vlerat e kundërshtarëve të Shqipërisë, bëhet fjalë për skuadra shumë më të forta se skuadra jonë Kombëtare, megjithatë kuqezinjtë kanë treguar shpesh herë se ndaj skuadrave me emër, dinë të luajnë futboll dhe madje të bindin. Kështu, diçka të tillë duhet ta vërtetojnë edhe një herë tjetër në ndeshjen e 26 marsit.

VLERAT- Shqipëria nuk ka pasur shumë ndryshime në listën e lojtarëve, duke grumbulluar thuajse të njëjtët futbollistë në të gjitha kualifikueset e Botërorit. Kështu, vlera e kuqezinjve sipas “Transfermarkt”, arrin në 88 milionë euro duke qenë njëkohësisht një nga vlerat më të ulëta të 16 skuadrave të kualifikuara për në “Play Off”.

Nga lojtarët që Silvinjo ka grumbulluar në këtë fushatë kualifikuese, Armando Broja është futbollisti me vlerën më të lartë në treg. Sulmuesi që aktivizohet me Bërnlein, e ka vlerën e kartonit të tij 14 milionë euro, ndërkohë që ndiqet në vendin e dytë nga Kristjan Asllani me vblerën 13 milionë euro. Sulmuesi Mirlind Daku renditet i treti, vlera e të cilit ka arritur në 10 miulionë euro ndërkohë që 7 milionë euro është vlera e Uzunit. “Top 5” mbyllet me Berat Gjimshitin dhe Ardian Ismajlin, vlera e të cilëve arrin në 6 milionë euro.

RIVALËT- Në ndeshjen e parë, Shqipëria do të ketë përballë Poloninë, kundërshtar të cilin e njeh mirë duke qenë se në ndeshjet e fundit është përballur shpesh me të. Veç eliminatoreve të Botërorit të shkuar, Shqipëria e kishte Poloninë edhe në grupin e kualifikueseve të Europianit ku mori një fitore që e ndihmoi jo pak për të shkuar në Europian. Sipas “Transfermarkt”, vlera e Polonisë është 166 milionë euro, thuajse dyfishi i vlerës së Shqipërisë.

Lojtari më i shtrenjtë për skuadrën polake, është mbrojtësi i Aston Vijës, Mati Kash, vlera e të cilit arrin në plot 25 milionë euro. Të njëjtën vlerë, ka edhe qendërmbrojtësi Kivior që aktivizohet me skuadrën e Portos. Ndërkohë, në “Top 5” e Polonisë, renditen edhe Zalevski me 17 milionë euro vlerë, e mbyllet me Zymanskin e Grabaran me nga 14 milionë euro.

Vlerë të lartë ka edhe Ukraina me Suedinë, sidomos këta të fundit. Vlera e Ukrainës sipas “transfermarkt”, arrin në 274 milionë euro, ndërsa Suedia është ndër skuadrat me vlerën më të lartë, që kap shifrën e 517 milionë eurove.

KOSOVA- Dardanët kanë aktualisht vlerë më të lartë se kuqezinjtë. Skuadra e Kosovës kap vlerën e 131 milionë eurove dhe kushton vetëm 8 milionë euro më pak se Sllovakia, rivalja e saj në gjysmëfinale. Lojtari më i shtrenjtë i Kosovës, është sulmuesi i Juventusit Edon Zhegrova, kartoni i të cilit arrin në 25 milionë euro dhe ndiqet nga Fisnik Asllani me vlerë 18 milionë euro. Pesëshja më e shtrenjtë, mbyllet me Amir Rrahmanin, Albian Hajdarin dhe Leon Avduallahun, të cilët kushtojnë nga 12 milionë euro. Dy të fundit, u afruan rishtazi te Kosova pasi vendosën që të largoheshin nga Zvicra.

SKUADRAT MË TË LIRA- Shqipëria renditet e katërta si skuadra me vlerën më të ulët në “Play Off”, ndërkohë që vendin e parë e mban Maqedonia e Veriut. Kualifikimi i tyre ka ardhur për shkak të Ligës së Kombeve ndërkohë që në kualifikuese morën rezultate surprizë duke barazuar me Belgjikën, por edhe duke u turpëruar nga Uellsi. Vlera e Maqedonisë arrin në 38 milionë euro, e ndjekur nga Irlanda e Veriut me vlerë 82 milionë euro e më pas nga Rumania me vlerë 86 milionë euro. TOP 5- Italia është padyshim skuadra me vlerën më të lartë në “Transfermarkt”, nga të gjitha skuadrat e kualifikuara në “Play Off”, vlera e të cilëve arrin në 846 milionë euro. Në vendin e dytë është Suedia me 517 milionë euro, e ndjekur nga Danimarka me 399 milionë euro e më pas Turqia me 337 milionë. Vendin e pestë, e mban Ukraina, vlera e së cilës arrin në 274 milionë euro.

The post Kualifikimi në Botëror/ Shqipëria “kërcënon” të pasurit, por Kosova na parakalon appeared first on Albeu.com.

Anësori i cili luan me Antverpin në Belgjikë, në një intervistë për “Telegrafi”-n, zbulon atë që Silvinjo u ka thënë pas kualifikimit. Sipas tij, Shqipëria nuk do të shkojë si turiste në Gjermani, por do të synojë të kalojë grupin. Muja, tregon edhe prapaskenat e transferimit te skuadra belge dhe si Mark Overmars e pyeti pas ndeshjes, deri te lotët e gëzimit që ngatërruan shokët e skuadrës që mendonin se Arbnori po qante për eliminimin që Drita pësoi në Ligën e Konferencës.

Arbnor, dy ndeshjet e fundit ishin barazime, por që mjaftuan për të kaluar zyrtarisht në kampionatin europian. Më shumë ka qenë festë?

Pas lojës së parë me Moldavinë, më shumë ka qenë festë se sa futboll. Sidomos në ndeshjen e dytë. Është aftësi e madhe të arrish aty dhe jam krenar që jam pjesë e kësaj Kombëtareje dhe që kemi gëzuar gjithë shqiptarët kudo që janë. Jam ndjerë shumë mirë në kohën e grumbullimeve edhe shpresoj që pas kualifikimit, të vazhdojmë edhe në grupe.

Në 2016 ju keni qenë i vogël në moshë, por pas 7 vitesh e mendonit se do të ishit pjesë e Kombëtares, që do të kualifikohej për në Europian?

Me thënë të drejtën nuk e kam menduar një gjë të tillë, sepse kam qenë i ri, vetëm tifoz, një djalë që ka jetuar në Mitrovicë dhe ka luajtur futboll për qejf që i vogël. Ka qenë kënaqësi që kemi ndjekur Shqipërinë në “Euro 2016” dhe jo një kombëtare tjetër. Tani jam pjesë e saj dhe kjo është një ëndërr që po e jetoj. Nuk e kisha menduar.

Sa keni besuar realisht që Shqipëria do të kualifikohej, pasi në letër ka qenë tepër e vështirë?

Duke marrë parasysh se në ndeshjet e qershorit Shqipëria mori 6 pikë, shanset u rritën shumë. Pastaj edhe me lojërat e shtatorit, ku unë u bëra pjesë e ekipit, barazimi në Çeki dhe fitorja me Poloninë, aty mundësia është rritur shumë e më shumë dhe e kam ndjerë që kjo Kombëtare, nëse qëndrojmë bashkë siç kemi qëndruar, mund të bëjë gjëra të mëdha.

Ka qenë një vit i suksesshëm, po ashtu edhe me klubin…

Nëse do të më thoshte dikush një vit më parë se do të luaja në grupe të Ligës së Kampionëve, do t’i thoja pse tallesh me mua. Nuk e di se çfarë do t’i bëja, pasi ka qenë vërtetë e pabesueshme dhe e paimagjinueshme për mua. Të luaj në Ligën e Kampionëve ka qenë vërtetë një ëndërr që tani është bërë realitet. Prej se gara e ka emrin Liga e Kampionëve, kjo është hera e parë që Antverpi futet në fazën e grupeve. Shënova dhe gol aty. Luajta kundër Barcelonës, një ekipi që unë jam tifoz që i vogël. Ishin emocione të papërshkrueshme, sa mu rrëqeth mishi kur dëgjova himnin. Besoj se të gjithë futbollistët do të jemi në histori të klubit, pasi përveç që fituam ‘tripletën’ në Belgjikë, u futëm edhe në grupe, një sukses i jashtëzakonshëm. Ndërsa shokët këtej më thonë: “Shkove t’i dhe ata i fituan të gjitha” (qesh).

A e konsideroni veten me fat që nuk luan më në Kosovë, por jeni transferuar jashtë?

Kur je futbollist duhet të kesh edhe fat, sepse nëse nuk fat, përballesh me çdo lloj problemi, dëmtime etj. Ju e dini që Kosova nuk i ka kushtet dhe infrastrukturën njësoj me vendet e zhvilluara. Kur kam qenë te Drita kam bërë paraqitje të mira. Kalova një vit të vështirë në fillim, pasi kisha dëmtim tek kyçi i këmbës dhe nuk luajta shumë. Dëmtimet po vazhdonin njëri pas tjetrit dhe erdhi një moment që u theva, nuk kisha më shpresë. E kisha të sigurt që do të bëja operacion, por një fizioterapist më ktheu në formë për dy muaj. Normale që kisha dyshime me veten në fillim, por falenderoj edhe trajner Nuhiun për besimin që më ka dhënë. Ishin ndeshjet e Europës dhe përballeshim me Antverpin pasi kaluam Inter Turkun.

Aty ndodhi transferimi?

Luajtëm ndeshjen e parë dhe aty u lëndova në minutën e 80-ë. U kthyem në Kosovë dhe kishim një javë kohë. Klubet kanë hyrë në bisedime me njëri-tjetrin, por unë nuk dija asgjë. Nuk jam stërvitur deri të mërkurën, derisa të enjte u bëra gati. Hyra në lojë dhe luajta normal, edhe për shkak të lëndimit. Isha i mërzitur dhe duke qarë për eliminimin, derisa presidenti, Valon Murseli, më kapi për qafe dhe më tha: “Mos qaj se po transferohesh te Antverpi”. Në atë moment u shtanga dhe e pyesja nëse po bënte shaka me mua, pasi ai është një tip që bën shumë shaka. Me tu futur në dhomat e zhveshjes, vjen drejtori sportiv Mark Overmars dhe më pyet nëse do të transferohem në Antverp. Sigurisht që isha i emocionuar dhe i thashë po menjëherë dhe se që të nesërmen mund do nisesha. Trajneri i tyre më rekomandoi të pushoja disa ditë dhe të shkoja të hënën. Ishte e enjte. Ndërsa Overmars më ka thënë se asnjeri nuk kam pyetur më përpara, por zemra po më thotë që duhet të të marr te Antverp, sepse je lojtari i profilit tim. Ndërsa lojtarët po mendonin se po qaja ngaqë u eliminuam, derisa u tregoi presidenti që ishin lot gëzimi.

Ku mund ta shohim Arbnor Mujën pas Antverpit, cilat janë objektivat tuaja?

Pas një viti të tillë, patjetër që duhet ta shfrytëzosh këtë moment. Unë jam duke luajtur me një ekip kampion dhe në garën më të fortë, Champions-i. Për momentin jam i fokusuar aty dhe duhet të jem në një mendim me klubin, me interesat e tyre. Antverpi sërish mbetet faktori kryesor dhe nuk kam qejf që të ndryshoj shumë ekipe. Nëse ka diçka interesante që është mirë për mua dhe për klubin, do flasim.

Ku ëndërron Arbnori të luajë një ditë?

Kampionati që më tërheq dhe për të mos dalë jashtë imagjinatës është liga angleze. Së pari, edhe ajo gjermane është pak e njëjtë me atë të Belgjikës dhe aty mund të përshtatesha më shpejt. Nuk i dihet asnjëherë. Të jemi mirë me shëndet fillimisht pastaj të tjerat vijnë.

A i keni vendosur vetes një objektiv se sa gola doni të shënoni?

Dhjetë do të doja të shënoja këtë sezon. Edhe pse statistikat nuk janë gjithçka, pasi ka të bëjë edhe loja që zhvillon dhe ekipet elitare i shohin të gjitha. Por që patjetër edhe statistikat kanë rëndësi.

Si ka për të qenë Europiani me Shqipërinë?

Që tani kam marrë qindra mesazhe nga familjarë, shoqëria e njerëz që i njoh për bileta. Gjermania do të pushtohet nga shqiptarët dhe do të jetë një kaos total, aq sa do të jenë në stadium, aq do të mbeten edhe jashtë, pasi sigurisht që numri do të jetë shumë i madh. Ne nuk do të shkojmë si turistë në Gjermani. Pasi kemi fituar grupin në kualifikime, tani synimi i të gjithëve është që të kalojmë edhe grupin në “Euro 2024”. Jemi një popull që e duam shumë futbollin.

Kë do të dëshironit në grup?

Nuk e di ç’të them. Shpresoj që grupi të jetë i favorshëm dhe të mos jetë i vështirë. Por, edhe nëse e kemi të vështirë, nuk do të jemi kalimtarë dhe do të synojmë kualifikimin. Kjo është fryma që ka krijuar trajneri Silvinjo sepse jemi në gjendje për të kaluar grupin. Është diçka pozitive që kemi synime vetëm për lart.

The post Arbnor Muja zbulon çfarë ju tha Silvinjo pas kualifikimit dhe ku ëndërron të luajë në të ardhmen appeared first on Albeu.com.

Vetë sulmuesi zgjodhi të reagonte me anë të një postimi në rrjetet sociale, duke u shprehur se këtë ditë nuk do e harronte kurrë.

“Në mbrëmjen e 17 nëntorit, kam qenë shumë i lumtur për një arsye të madhe, familja ime u ndje krenare! Unë ndihem krenar për këtë ekip, për këtë kombëtare! Këtë gol do e mbaj mend gjatë! Faleminderit Shqipëri”, shkruan Çikalleshi në postimin e tij.

The post Shënoi golin që i dha kualifikimin Shqipërisë, Cikalleshi: Do ta mbaj mend gjatë appeared first on Albeu.com.

Në këto kualifikuese ishte zbulimi i tij, teksa Sylvinho besoi fort në atësitë e mëngjarashit. Krahu i majtë i mbrojtjes është kthyer në pronë e tij dhe pavarësisht moshës së re ia ka dalë të bëjë më së miri atë që i takon.

Kualifikimi me kombëtaren shqiptare në Euro 2024 sigurisht do ta mbajë mend gjatë. Emocionet e këtij momenti janë të paharrueshme.

Në rrjetet sociale mbrojtësi ka bërë një postim, ndërsa thekson se e ka bekuar Zoti që është shqiptarë.

“Çfarë emocioni të kualifikohesh në Evropianin 2024. Shumë krenar për këtë skuadër dhe më krenar që me ka bekuar Zoti të jem Shqiptar”, ka shkruar Mitaj.

The post Mario Mitaj pas kualifikimit: Më ka bekuar Zoti që jam shqiptar appeared first on Albeu.com.

Në të dytën, maqedonasit shënuan dy herë me Atanasov, duke i vendosur në vështirësi italianët. Me këtë fitore, Italia renditet tashmë në vendin e dytë me 13 pikë, ndërsa ka edhe një ndeshje të fundit për të luajtur atë kundër Ukrainës teksa një barazim do t’i dhuronte kualifikimin.

Në po të njëjtin grup, Anglia ka marrë një fitore modeste me shifrat 2-0 ndaj Maltës.

Danimarka gjithashtu ka marrë një fitore tepër të rëndësishme në shtëpi ndaj Sllovenisë me shifrat 2-1. Nordikët me këtë fitore renditen në vendin e parë me 22 pikë.

The post Euro 2024, Italia mposht Maqedoninë e Veriut, përballja direkte me Ukrainën vendos kualifikimin appeared first on Albeu.com.

“Jam shumë i lumtur pasi të gjithë tifozët i kemi gëzuar. Më në fund u kualifikuam në Europian, por pa tifozët do të ishte e vështirë. Të gjithë kemi bërë diçka të madhe si stafi, Presidenti dhe të gjithë. Të shënoj në Europian? Patjetër që do të shënoj, por kemi ndeshje dhe të hënën. E provova nga 16 metërshi goditjen, por duhet të pasoja tek Hysaj. Rëndësi ka që siguruam kualifikimin”, u shpreh Jasir Asani ps barazimit 1-1 në tokën moldave.

The post Asani: Shumë i lumtur për kualifikimin, do të shënoj të hënën appeared first on Albeu.com.

Silvinjo tha se egjithë kjo arritje e kuqezinjve ëhstë meritë e lojtarëve, duke shtuar se filloi të besojë në kualifikim pas ndeshjes me Poloninë.

“Meritë e djemve dhe të gjithë njerëzve që na kanë mbështetur, është nder të jem trajneri i kombëtares së Shqipërisë dhe të ndjej pasionin e njerëzve. Gjithçka është shumë e bukur. Nuk është vetëm Sylvinho, është Zabaleta, Doriva, Bulku i gjithë stafi. Më shumë se taktika është pasioni dhe dashuria për futbollin, ka pasion në punën tonë. Rezultati nuk vjen shpejt, ne kemi bërë një punë të mirë dhe kemi marrë rezultat, është një kombinim i mirë.

Moldavia po luante për gjithçka, nuk kishin çfarë të humbnin. Luanin me topa të gjatë dhe ishte e vështirë, ata nuk kanë humbur në shtëpi. Kanë humbur vetëm një ndeshje në kualifikuese, kundër nesh në Shqipëri.

Kombëtarja është e hapur për lojtarë të rinj, kemi një skuadër të konsoliduar, por kjo është puna e një kombëtareje, jemi gati të presim lojtarë që janë në formë.

Ky djalosh e meriton shumë këtë moment,është shembull për të gjithë ne (pasi Gjimshiti u afrua)” – tha ai.

Sylvinho shtoi: Isha i bindur që ishte një grup i vështirë dhe të gjitha skuadrat mund të merrnin pikë. Mendoj se momenti vendimtar ishte pas ndeshjes me Poloninë dhe nuk e meritonim humbjen, aty ndryshoi sjellja e lojtarëve. Ishte moment kyç.

Pyetje: A do të fitojmë Europianin?

Silvinjo: Ndeshja e radhës është kundër Ishujve Faroe.

The post Silvinjo pas kualifikimit: Merita u takon futbollistëve, fillova të besoja pas Polonisë appeared first on Albeu.com.

“Urime të gjithëve. Është ndjenjë e veçantë, jam gëzuar shumë. Kjo shkon për të gjithë shqiptarët anë e mbanë botës dhe për të gjithë shqiptarë. Një ndjenjë e veçantë që nuk do ta harroj kurrë, nuk jam ndjerë kurrë kaq shumë i emocionuar në gjithë karrierën time.

Më keni mbështetur gjithmonë kur kam ardhur edhe në fillim në Kombëtare. Festë e çmendur. Desha të falenderoj të gjithë shqiptarët dhe tifozët, na dhanë përkrahje shumë të madhe. Jemi në Berlin të gjithë”, u shpreh Ramadani.

The post Ramadani pas kualifikimit: Emocionet më të mëdha në karrierë appeared first on Albeu.com.

I pari është ai i numri të fitoreve në kualifikueset e një Europiani. Asnjëherë më parë Shqipëria nuk ka bërë më shumë se 4 suksese në një edicion, shifër te e cila është ndalur në të dy edicionet e fundit në kualifikuese, si në atë 2016 ashtu edhe në 2020. Aktualisht kuqezinjtë kanë 4 fitore në grup dhe e 5-ta do të shënonte rekordin e ri të kësaj Kombëtareje.

Gjithashtu, Shqipëria është në ndjekje të rekordit për numrin më të lartë të pikëve në një turne kualifikues për Europianin. Kuqezinjtë kanë 13 pikë, pa aq sa arriti skuadra në edicionin e kaluar me 10 ndeshje të luajtura, teksa kanë vetëm 1 pikë më pak se sa rekordi i 14 pikëve me të cilën mbyllen kualifikueset në Euro 2016, ku siguruan pjesëmarrjen në fazën finale të turneut.

The post Jo vetëm për kualifikimin, Shqipëria luan sot edhe për dy rekorde të tjera appeared first on Albeu.com.