I ftuar në emisionin “Opinion”, Berisha nuk dha një datë të saktë se kur do të organizohet kjo protestë, por tha se pjesë e saj do të jenë qytetarë nga e gjithë Shqipëria.

“Pretendojmë për të qenë partia kryesore e vendit në çdo aspekt në zgjedhjet lokale. Unë kudo që shkoj gjej një urrejtje ndaj qeverisë. A e konstatoni ju? Ka ndodhur një gjë e pabesueshme, ka ndodhur një pakënaqësi, edhe gurët po të kishin gojë do flisnin kundër kësaj qeveria.

Po i përgatisimin protestat. Në Vaun e Dejës më thanë na njofto të vijmë me të madh e më të vogël në Tiranë. Njerëzit do vërshojnë nga e gjithë Shqipëria.

Një gjë është e sigurt që Shqipëria do të njohë protestat që nuk i ka njohur kurrë më parë. Protestat kanë filluar, sindikata e pedagogëve ka nisur dhe ka një përkrahje të fortë pedagogëve, studentëve por edhe mësuesve.

Fitorja e opozitës do të shtrihet nga Tirana në të katërt anët e vendit”, tha Berisha.

The post Berisha paralajmëron protestë kombëtare: Të tilla nuk janë parë kurrë appeared first on Albeu.com.

Komentet Berisha i bëri teksa ka shpalosur planin ekonomik të Partisë Demokratike, ku u shpreh se një orë e më parë duhet t’i kushtohet rëndësi votës së lirë, pasi sipas tij, në këtë mënyrë mund të ndryshojë situata në vend.

“Shkaku më themelor i të gjitha këtyre zhvillimeve në këto proporcione në bindjen time të thellë qëndron në mekanizmin themelor të çdo shteti ligjor, që është vota e qytetarëve. Në një shoqëri të lirë të gjithë presin që sistemin ta ndryshojnë me votë. Është legjitimuar asgjësimi i votës. Unë në absolute në mbrojtje të interesave të qytetarë o t’i them të vërtetat siç janë. Kujtoj Joe Biden shumë më herët në një deklaratë thotë se është një vend mik, por ka një fatkeqësi të madhe nuk votojnë të lirë, dhe morali i kësaj deklarate qeveria nuk i lejon, na ndihmoi shumë.

Ne duhet të mos njohim legjitimitetin e këtij pushteti dhe ky pushtet të ikë sa më parë. Vështirësia është serioze pasi jo vetëm vendosi patronazhistët dhe përdori tonelata euro për të blerë votat. Ne nuk vijmë në pushtet pa votë. Problematikë e madhe që ne duhet ti japim përgjigje është se padiskutim duhen reforma të thella ekonomike. Ne duhet t’u japim edhe zë ekspertëve. Shqipëria nuk ka asnjë shkak që të jetë pellg varfërie dhe mjerimi, por ka çdo potencial që qytetarët e saj të kenë progres nga viti në vit. Ne kemi qenë dhe mbetemi parti e taksave të ulëta. Ne jemi konservatorë. Ne e kemi parë zbatimin e tij dhe përsëri do të vendosim sistemin më të ulët fiskal të mundshëm. Duhen masa antikrizë. Reforma është njëra anë kurse kriza dhe sirenat e saj ulërijnë në të katër anët. Do të vendosim minimumin jetik. Ne do të ndërmarrim rritje të pandërprerë rrogash dhe pensionesh. Rrogat nuk mund të them se do të dyfishohen, do të rriten më shumë se dyfish”, tha Berisha./albeu.com/

The post Berisha shpalos planin ekonomik të PD: Do të vendosim minimumin jetik, rrogat do të rriten më shumë se dyfish appeared first on Albeu.com.

Berisha akuzon drejtpërdrejt kryeministrin Edi Rama dhe qeverinë e tij për bllokimin e shërbimeve online dhe thotë se ata po luajnë me privatësinë e qytetarëve.

ISh-kryeministri ka publikuar edhe mesazhin e një qytetari dixhital, i cili i shkruan se Rama e ka skenuar vetë këtë sulm kibernetik me qëllim të caktuar.

Postimi i Berishës:

Hacker-at e e-Albania janë të Edi Ramës!?

Të dashur miq,

Shqipëria është gjendur ditën e sotme nën një sulm masiv kibernetik ndaj portalit e-albania, të pandodhur kurrë më parë. Në të gjenden informacionet më të rëndësishme të çdo shtetasi shqiptar, që tashmë janë nën kërcënimin e përdorimit të paligjshëm nga autorë të panjohur.

Si mundet kjo qeveri, e cila e ka sforcuar me dhunë që portali e-albania të kthehej në një “institucion dixhital” për pothuajse çdo dokument të rëndësishëm, të lejojë një akt të tillë kriminal? Si mundet të ndërmerren nisma të tilla pa pasur një polici profesionale të krimit kibernetik? Si mundet Edi Rama dhe qeveria e tij të luajnë me privatësinë e qytetarëve në këtë mënyrë?

Ky sulm cenon gjithësecilin prej nesh, por Edi Rama nuk është dhe aq i shqetësuar, sepse ai ka kryer vetë sulme kibernetike. Të dhënat me pagat, kartat e identitetit, numrat e telefonave, vendet e punës ishin në dorën e patronazhistëve gjatë gjithë kohës. Por si ndodhi kjo? Nga i morën kriminelët kibernetikë, të ashtuquajtur “patronazhistë”, këto të dhëna? Edi Rama dhe qeveria e tij me mendësinë komuniste përndjekin çdo hap të qytetarëve, njësoj siç bënin etërit e tij. Edvin Rama, ka përdorur çdo informacion privat të qytetarëve te portalit E Albania për shantazhe gjatë kohës së fushatës elektorale.

Sulmi kibernetik do të kishte gjasa të pakta për të ndodhur nëse siguria e portalit do të ishte më e madhe dhe aftësia për kundërpërgjigje ndaj këtyre sulmeve të ishte më profesionale.

Sulmi i vërtetë kibernetik ka ndodhur disa kohë më parë, më hapur dhe më i dëmshëm dhe kishte vetëm një autor, Edi Ramën.

Lexoni denoncimin e qytetarit dixhital! #sb

– – – – – –

Pershendetje doktor. Kam nje informacion nga korridoret brenda rilindjes qe koka e meduzes Edi Rama e skenoj vet kete MEGASKANDALIN e kibernitikes per te nderhyre tek serverat e te dhenave personale qe patronazhistet te kene akses me te sofistikuar per zgjedhjet e ardhshme qe mund te jene edhe te parakoheshme!/albeu.com/

The post Sulmi kibernetik në Shqipëri, reagon Berisha: Hacker-at e e-Albania janë të Edi Ramës!? appeared first on Albeu.com.

Komentet Berisha i bëri teksa merr pjesë pasditen e së hënës në një event mbi Hartën e re Gjyqësore, Ligjin e Fiskalizimit dhe ndryshimet ne Ligjin për Tatimet mbi të ardhurat.

Takimi bëhet me specialistët e profesioneve të lira të lidhur në mënyrë direkte apo indirekte me Sistemin Gjyqësor.

Berisha i përgëzoi juristët e pranishëm në sallë për grevën që ndërmorën duke vlerësuar se ishte dëshmi e “përgjegjësisë së lartë qytetare e mbrojtjes nga ana e tyre e interesit publik. Ish-kryeministri u shpreh se Harta e re Gjyqësore është “kapaku që i vihet arkivolit në të cilin sipas tij e mbylli reforma në drejtësi, sistemin e Drejtësisë në vend.

“Greva, dëshmi e përgjegjësisë së lartë qytetare e mbrojtës nga ana juaj e interesit publik. Që është edhe detyrë e çdo intelektuali pavarësisht nga profesioni që ka. Harta e re gjyqësore është kapaku që i vihet arkivolit në të cilin e mbylli Reforma e Drejtësisë, sistemin e Drejtësisë në Shqipëri.

Vendi kaloi në një proces unik në planetin Tokë. Asnjë vend, asnjë komb, asnjë pushtues nuk ka guxuar t’i shkatërrojë një vendi tjetër, një kombi sistemin e Drejtësisë siç e shkatërroi reforma e Sorosit, drejtësinë në Shqipëri.

Shkatërroi me vettingun top-doën,… ne kemi qenë kundër metodës, nga lart poshtë, metodë që kishte dy probleme madhore. Atë të vakumit shkatërrimtar për sistemin dhe së dyti duke futur duart nga lart në sistem. Këto ndodhën në Shqipëri dhe për të mbyllur sado pak mohimin që u bë shqiptarëve për të pasur një proces më të drejtë gjyqësor. Kjo reformë, faktikisht e rrënoi këtë të drejtë”, u shpreh Berisha./albeu.com/

The post Harta e re Gjyqësore, Berisha përgëzon avokatët për bojkotin: Dëshmi e përgjegjësisë së lartë qytetare appeared first on Albeu.com.

Berisha thotë se ky është një superskandal, ku motra e vrasësit me pagesë pajiset me certikatë sigurie për NATO-n.

Ish-kryeministri shton se DSIK e pajisi me certifikatë sigurie pikërisht kur Dumani filloi rrëfimin për serinë e vrasjeve në SPAK, duke treguar edhe lidhjet e qeveritarëve të lartë me krimin.

“Super skandal i ri! Banda qeveritare e Elbasanit e pajisur me çertifikate sigurie per NATO.  Miq, Njera prej bandave me te rrezikshme ne Europe dispononte edhe çertifikate sigurie per NATO-n.   Mediat informojne sot se me daten 06.06.2022, motra e vrasesit serial Nuredin Dumani u pajis nga drejtori i pergjithshem i DSIK, i cili varet direkt nga Edi Rama, me çertifikate sigurie per te lexuar edhe dokumentat sekrete te NATO-s. Kjo u be me kerkese te Ministres se Jashtme Olta Xhaçkes.  Ky super skandal ndodhi pikerisht ne ditet kur i vellai i saj depononte ne prokurori serine e vrasjeve me pagese qe ai ka kryer, por edhe lakimin e Taulant Balles dhe qeveritarve te tjere te larte si te perfshire ne veprimtarite e bandes. Denoj me forcen me te madhe kete superskandal qe deshmon lidhjet e tmerrshme te niveleve me te larta te qeverise me krimin”, është shprehur Berisha./albeu.com/

The post Motra e Dumanit në Ministrinë e Jashtme, vjen reagimi i Sali Berishës: Përmendi Ballën! appeared first on Albeu.com.

Berisha ka publikuar një dokument në Facebook, ku sipas tij kemi të bëjmë vetëm me ndërrim të emrit nga PPSH në PS, 31 vjet më parë dhe jo rithemelim.

“Ja dokumenti! Per fallsifikatoret e historise qe paraqesin nderrimin e emerit si rithemelim!”, shkruan Berisha.

Dokumenti i cili mban firmën e Fatos Nanos është i 3 korrikut 1991./albeu.com/

The post “S’ka rithemelim”, Berisha nxjerr dokumentin me firmën e Nanos: Si u ndryshua emri nga PPSH në PS (FOTO LAJM) appeared first on Albeu.com.

Kjo pasi sipas Berishës, Presidenti e humbet fuqinë e dekreteve jashtë territorit të vendit të tij.

“Presidenti humbet fuqinë e dekreteve jashtë territorit të vendit të tij. Jashtë territorit nuk ka dekret. Kur je jashtë vendit, Kryetar Shteti është kryetari i Parlamentit. Ky është rregulli i Evropës. Nuk e imagjinonim që mund të kishte një shkelje të tillë kushtetuese. Jemi në kushtet e shkeljes flagrante të Kushtetutës. Ndaj kërkova ta bëj këtë deklaratë në Kuvend, por zonja Linda që e ka si me celës Parlamentin, nuk ma dha fjalën. Nuk ka sallë asambleje në botë, përfshirë ajo e OKB, që kur kërkon fjalën për cështje procedure, nuk të jepet fjala, kjo ndodh vetëm në Parlamentin shqiptar, që znj. Lindita e përdor si dyqanin e vet”, tha Berisha.

Kujtojmë se presidenti Meta e dekretoi sot lirimin nga detyra të Begajt nga Turqia, ku ndodhej në një vizitë zyrtare./albeu.com/

The post Berisha “nuk kursen” as Metën: Shkeli të drejtën ndërkombëtare! appeared first on Albeu.com.

Basha ka publikuar shifrat nga raportet e huaja, ndërsa thekson se shpërdorimi i taksave të vendit më të varfër në Evropë tregon se është i domosdoshëm vettingu në politikë.

“Në 52 milionë eurot që shpenzohen për luksin qeveritar, bëjnë pjesë edhe milionat që Rama shpërdoron për fluturimet e tij me avionin privat, me flatrat korruptive të një kompanie ajrore të ekspozuar edhe nga Transparency International. Ky shpërdorim i taksave të qytetarëve më të varfër të Europës, tregon pse vettingu në politikë është i domosdoshëm për të pasur politikanë që punojnë për familjet shqiptare, jo për veten, krimin e organizuar dhe oligarkët,” shkruan kreu i demokratëve./albeu.com/

The post “Avioni privat i Ramës”, Basha sulmon kryeministrin: Lëviz me flatrat korruptive të parave të shqiptarëve (FOTO LAJM) appeared first on Albeu.com.