Sipas Kurir, sulmi ndaj Abazoviçit ka ndodhur gjatë performancës së Dino Merlin dhe diskotekës Top Hill, e cila ndodhet në majë të Toplishit në Budva.

“Dritani ishte në shfaqjen e Merlinit, kur një nga vizitorët tentoi t’i afrohej dhe ta sulmonte. Ai fillimisht ka lëshuar një lumë ofendimesh ndak Abazoviç, më pas është afruar për ta sulmuar”, tha reporter i Kurir nga vendngjarja.

Sigurimi i kryeministrit teknik ka reaguar me shpejtësi, shton gazetari.

U hodh gaz lotsjellës dhe Abazovic u evakuua. Sipas informacioneve paraprake, ai është mirë dhe nuk ka marrë lëndime.

Po vijon hetimi nga policia lokale, e cila po merr të gjitha masat për identifikimin dhe ndjekjen penale të pjesëmarrësve në sulm./albeu.com

The post Kaos dhe rrëmujë, Dritan Abazoviç sulmohet në një diskotekë në Budva appeared first on Albeu.com.

“Varet nëse sot nuk do të krijohet një shumicë e re, që është ndoshta më realiste. Pastaj pritet që kjo mazhorancë të kryejë proceset e ardhshme. Në këtë rast, ne do t’ia dalim. Përderisa mandati është në dorën e kryeministrit, qytetarët mund të jenë të qetë për luftën kundër krimit. Në momentin që mekanizmi i kalon presidentit, përgjegjësia shkon tek ai,”- tha Abazoviç.

I pyetur nëse do të ishte i gatshëm të jepte dorëheqjen, Abazoviç u përgjigj se “në momentin që unë jap dorëheqjen, duhet të shkoj te presidenti i vendit, teorikisht”.

Sot, Kuvendi i Malit të Zi, do të mbajë votë mosbesimi ndaj Qeverisë së kryeministrit, Dritan Abazoviç. Seanca është caktuar në orën 11:00. Në të do të marrë pjesë edhe vetë Abazoviç me ministrat e kabinetit të tij. Për të rrëzuar Qeverinë, e cila deri më tani ka funksionuar si pakicë, janë të nevojshme votat e të paktën 41 deputetëve, nga gjithsej 81 sa janë në Kuvend.

Iniciativa për rrëzimin e Qeverisë, e prezantuar nga Partia Demokratike Socialiste e presidentit të Malit të Zi, Millo Gjukanoviç, dhe një pjesë e partive në tjera, është shenjë pakënaqësie ndaj vendimit të Abazoviçit për nënshkrimin e Marrëveshjes Themelore me Kishën Ortodokse Serbe.

The post I nënshtrohet votëbesimit, Abazoviç: Nëse qeveria bie, do ndjek protokollin appeared first on Albeu.com.

Sipas këtij portali M Abazoviç akuzohet se ka lidhje me anëtarët e një prej klaneve kriminale dhe se ka marrë telefona të koduar përmes një prej grupeve kriminale në Ballkan.

“I bëj thirrje Prokurorisë Speciale të Shtetit që të hetojë të gjitha akuzat që lidhen me emrin tim, të publikuara nga një portal i ngarkuar për të kryer fushatën më të ndyrë kundër meje. Qëllimi i tyre është destabilizimi i Malit të Zi për të ruajtur fuqinë e tyre financiare dhe për t’iu shmangur drejtësisë”, shkroi Abazoviç në Telegram.

Ai tha se është në dispozicion të autoriteteve shtetërore për çdo sqarim.

“Në të njëjtën kohë u bëj thirrje atyre që kanë ndërmend të “ma heqin kokën” të nxitojnë”. Edhe sikur të kenë sukses në qëllimin e tyre kriminal, nuk do ta ndalin dorën e drejtësisë. Gjithçka ruhet mjeshtërisht dhe ruhet aty ku duhet. Mezi presim atë që do të vijë”, tha Abazovic./albeu.com

The post “Ata që do të më ‘heqin kokën’, të nxitojnë”, Abazoviç mohon akuzat për bashkëpunim me bandat: Prokuroria të hetojë appeared first on Albeu.com.

Ai tha për “Vijesti” se u ka kërkuar që të mblidhen informacione, ndërsa deklaron se grupet e afërta me Petar Lazoviçin dhe babain e tij Zoran, ish-zyrtar i lartë i policisë, po e synojnë atë si fajtorin kryesor për arrestimin dhe po planifikojnë një lloj hakmarrjeje.

Kryeministri nuk ka dashur që “Vijesti” të saktësojë se kush nga rrethi i Lazoviçit e ka në shënjestër, duke e mbajtur si përgjegjës për arrestimin e “Juniorit”, por ai nuk po merr asnjë kërcënim. Gjithashtu, ai theksoi se nuk ka “asnjë arsye për të mos u besuar njerëzve” që e kanë informuar për këtë.

“Nuk do të heq dorë as edhe një milimetër, pa marrë parasysh kërcënimet, tonet ekstremiste, gjuhën e urrejtjes misionin e krijimit të shtetit ligjor. Përkundrazi, përpjekjet për sabotim, tonet ekstremiste, gjuha e urrejtjes apo kërcënimet janë të kota. E di që kjo shkakton zhgënjim tek shumë njerëz, por ne kemi treguar se Mali i Zi po ecën në rrugën e lirisë dhe nuk ka vend për kartelet e drogës, kontrabandistët e cigareve apo elitat e korruptuara. Jam informuar nga disa burime se grupet e afërta me Lazoviqin ishin kryesisht në shënjestër për shkak të problemeve të tyre me ligjin. Ata po përpiqen të krijojnë një atmosferë në të cilën unë, nga pozita e kryeministrit, gjoja po u bëj presion prokurorëve që ta ndjekin penalisht Lazoviqin dhe grupin kriminal-biznes të njerëzve rreth tyre,”- tha kryeministri Abazoviç. Ai gjithashtu tha se beson se autoritetet nuk do t’i relativizojnë kërcënimet që ai merr.

Kronologjia

Në fillim të shkurtit të vitit të kaluar, Europol dhe Eurojust kanë “hakuar” komunikimin përmes aplikacionit të koduar Sky ECC. Gjatë muajit të ardhshëm, autoritetet gjyqësore dhe të zbatimit të ligjit në Belgjikë, Francë dhe Holandë monitoruan korrespondencën e kriminelëve në të gjithë Evropën, duke rezultuar në mbledhjen e informacionit kyç për më shumë se njëqind operacione kriminale të planifikuara në shkallë të gjerë.

Në korrik të vitit të kaluar, Agjencia për Zbatimin e Ligjit të Bashkimit Evropian – Europol i dorëzoi Prokurorisë Speciale të Shtetit (SDT) transkriptet e mesazheve të shkëmbyera përmes atij aplikacioni, me shpjegimin se policët Petar Lazoviç dhe Ljubo Milović korrespondonin dhe bashkëpunonin me drejtuesit dhe anëtarë të klanit kriminal “Kavaç”. Lazoviç, i punësuar në ANB, mbante rregullisht kontakte me një nga krerët e dyshuar të klanit të Kavaçit, Radoj Zvicer, dhe praktikisht e vëzhgonte shpinën e tij. Lazoviç është arrestuar, ndërsa policia është në kërkim të kolegut të tij Miloviç, i cili është i pezulluar dhe i pacaktuar që nga viti 2018.

Një zyrtar i shërbimit sekret malazez, i cili dyshohet për organizim të grupit kriminal dhe për bashkëpunim me klanin kriminal të Kavaçit, me propozim të Prokurorisë Speciale të Shtetit, më 21 Korrik është urdhëruar të ndalohet nga organet e rendit.

The post Dritan Abazoviç kërcënohet me vdekje: Policia të hetojë appeared first on Albeu.com.

Sipas Vijesti, Abazoviç në seancën e qeverisë tha se parametrat janë të tillë që të hyrat totale të realizuara janë në nivel të kënaqshëm.

“Nëse dikush mendon se mund të përsërisë sezonin e vitit të kaluar, kur ora e pikut ishte e pabesueshme, sepse ne ishim i vetmi vend i hapur për 45 ditë, do të jetë e vështirë ta realizojmë. Duhet të përshtatemi me trendet e reja. Çmimet në Bregdeti është si në Bregun Azur, Mali i Zi nuk e ka parë kurrë këtë më parë”, tha Abazoviç.

Siç shtoi ai, është i kënaqur që shumë turistë zgjedhin qetësinë, natyrën pa turma dhe udhëtimet në plazhe, zona ku ajri është i pastër dhe temperaturat nuk janë aq të larta sa në bregdet. Ai shpreson që në gjysmën e dytë të muajit të vijë një valë më e madhe turistësh.

“Duhet të dimë që çmimi i ujit në bregdet është deri në katër euro dhe një vit e gjysmë më parë ishte 1.5 euro, disa sojenice (shtëpi të vogla në Ada Bojana) jepeshin me qira 50 euro, tani 250. euro.Vetëm ne duhet të jemi realistë dhe të ndershëm”, theksoi Abazoviç.

Sipas të dhënave zyrtare të Organizatës Turistike të Budvës, nga Jazi në Buljaricë pushojnë 29707 turistë, që është një e pesta më pak se vitin e kaluar në të njëjtën periudhë./albeu.com

The post Çmimet e larta në Malit të Zi, Abazoviç: Bregdeti ynë është si në rivierën e famshme franceze appeared first on Albeu.com.

“U kërkoj falje nënave të Srebrenicës për mendimin e shprehur në mënyrë të paqartë. Dihet se çdo vepër varet nga qëllimi i saj. Qëllimi im është paqja. Gjenocidi i kryer kundër boshnjakëve në Srebrenicë të mos përsëritet ndaj askujt”, shkroi ai në Telegram.

Kjo kërkim-falje vjen pasi familjarët e viktimave të gjenocidit, shoqatat dhe përfaqësuesit e partive politike në Mal të Zi, thanë se Abazoviç relativizoi gjenocidin në Srebrenicë.

“Gjenocidi nuk u krye kundër boshnjakëve, por kundër njerëzve, dhe nuk u krye nga ushtritë, por nga politikanët, politika e së keqes, politika e vdekjes dhe politika e mashtrimit”, tha Abazoviç, në përkujtim të 27-vjetorit të gjenocidit kundër boshnjakëve në Srebrenicë.

Pas kësaj deklarate, familjarët viktimave dhe shoqatat i kërkuan Abazoviçit që të kërkojë falje sepse definicioni i gjenocidit thotë se ai përbën “synimin për të shkatërruar plotësisht ose pjesërisht një grup kombëtar, etnik, racor apo fetar”.

Më herët gjatë 11 korrikut, shoqata “Nënat e Srebrenicës” tha se Abazoviç duhet t’iu kërkojë falje të gjithë viktimave të gjenocidit në Srebrenicë.

“Fëmijët tanë u vranë vetëm sepse ishin boshnjakë, ata u vranë nga një ushtri e organizuar. Në Potoçari nuk ka vend për relativizim të krimit”, tha kjo shoqatë përmes Twitterit.

Qendra Memoriale e Srebrenicës e falënderoi Abazoviçin, por gjithashtu kërkoi nga ai që të lexojë vendimet e gjykatave ndërkombëtare.

“Megjithatë, ndaj boshnjakëve u krye gjenocid – sepse motivi i vrasjeve nuk ishte ‘vrasja e njerëzve’, por vrasja dhe shkatërrimi i një popullo. Këtë ju mësojnë vendimet e gjykatave ndërkombëtare. Lexoni ato”, shkroi kjo qendër në Twitter.

Reagime për deklaratën e Abazoviçit ka pasur edhe nga Mali i Zi, përkatësisht nga Partia Socialdemokrate, subjekt që është pjesë e Qeverisë së pakicës së Abazoviçit.

“Kryeministri i Malit të Zi po e relativizon gjenocidin në Srebrenicë? Turp për ty Dritan”, ka shkruar deputetja e kësaj partie, Draginja Vuksanoviq-Stankoviq.

Në 27-vjetorin e Masakrës në Srebrenicë, në Qendrën Përkujtimore në Potoçari u varrosën eshtrat e 50 viktimave të gjenocidit që janë identifikuar së voni.

Forcat serbe vranë mbi 8,000 burra dhe djem myslimanë gjatë luftës së viteve ’90.

Masakra është cilësuar si mizoria më e rëndë në Evropë që prej përfundimit të Luftës së Dytë Botërore, ndërsa Gjykata Ndërkombëtare e Hagës e ka njohur si gjenocid./REL

The post Deklarata për Srebrenicën, reagon Abazoviç: Ju kërkoj falje nënave boshnjake, isha i paqartë appeared first on Albeu.com.

Abazoviç është pritur para pallatit të Serbisë me një batalion të rreshtuar të Gardës, nga kryeministrja serbe Ana Brnabiç.

Fillimisht Abazovic është pritur më parë në aeroportin e Beogradit “Nikola Tesla” nga ministri i Punëve të Jashtme të Serbisë, Nikola Selakoviç.

Më herët Abazoviç është shprehur se dy vendet duhet të punojnë së bashku për të përmirësuar më tej marrëdhëniet mes vendeve.

Temat kryesore në këtë vizitë do të lidhjet ekonomike,  infrastrukturore, si dhe bashkëpunimi praktik./albeu.com

The post Abazoviç mbërrin në Beograd, pritet nga kryeministrja serbe Brnabiç appeared first on Albeu.com.

Sipas Abazoviç, policia malazeze ka parandaluar disa herë vrasjen e Sakoviç.

Kujtojmë se mafiozi i vra të premten mbrëma para mureve të qytetit të vjetër në Budva.

Abazovic, i ftuar në TV Prva, tha se vrasjet nuk janë të shpeshta, “por se ishte e sigurt se do të ndodhnin”.

“Ai person vendosi të relaksohej, edhe pse ai jetonte mjaft e izoluar. Mbrëmë kishim atë që kishim”, tha Abazovic.

Ai shtoi se shteti nuk do të lejojë asnjë përshkallëzim, “por edhe se vendet edhe më serioze nuk mund të garantojnë se këto gjëra nuk do të ndodhin”.

“Qytetarët duhet ta dinë se nuk do ta heqim qafe kartelin ashtu, ne kemi hyrë në vatrën e krimit dhe disa nga ata kriminelë kanë pasur mbështetjen e Drejtorisë së Policisë, janë njerëz të famshëm, disa janë proceduar dhe pres që disa të jenë po ashtu të proceduar,” tha ai.

Abazoviç tha se tani “kur ka një luhatje më të madhe të njerëzve për shkak të stinës, veçanërisht në bregdet dhe në Budvë, duhet të rrisin kujdesin”.

“Forcat e policisë në bregdet do të forcohen që nga e hëna,” tha Abazovic.

Ai gjithashtu theksoi se “pret ndryshime të personelit brenda policisë dhe se shpreson që ngjarje të tilla të mos ndodhin më”.

The post Vrasja e mafiozit malazez, reagon Abazoviç: E parandaluam disa herë eliminimin e tij appeared first on Albeu.com.

Sipas Abazoviç, ura do të lidhë 34 kilometra plazhë ranore, të cilat vizitohen nga rreth 530 mijë turistë në vit.

Përmes një postimi në rrjetet sociale, ai shton se gjatësia totale e urës do të jetë 310 metra ndërsa hapësira ndërmjet dy shtyllave mbajtëse do të jetë 139 metra.

Ura, e cila do të jetë 17 metra e gjerë, do të ketë dy korsi trafiku nga 3,75 metra, dy trotuare me gjerësi prej dy metrave dhe dy shtigje për biçikleta me gjerësi nga 1,25 metra, shkroi Abazoviq në Twitter.

Theksojmë se distanca aktuale ndërmjet Ulqinit dhe Velipojës është 73 kilometra, ndërsa me ndërtimin e urës do të reduktohet në vetëm 1 kilometër.

“Afati i planifikuar për përfundimin e punimeve është gushti i vitit 2024. Ne lidhim njerëzit! Ne po forcojmë ekonominë! Ne po ndërtojmë Malin e Zi”, tha Abazoviç.

The post Nga Velipoja në Ulqinin vetëm 1 km, Abazoviç nxjerr detaje: Kjo do të jetë ura e re (FOTO LAJM) appeared first on Albeu.com.

Abazoviç ka hedhur idenë që në këtë vizitë të jetë i shoqëruar nga kryeministrat e vendeve anëtare të NATO-s në Ballkanin Perëndimor, pra nga kryeministri i Shqipërisë dhe i Maqedonisë së Veriut.

Lajmin e ka bërë të ditur vetë qeveria e Malit të Zi me anë të një komunikate.

“Kryeministri Dritan Abazoviq, pranoi ftesën e bërë nga Presidenti i Ukrainës Volodymyr Zelenskyy, për të vizituar kryeqytetin e Ukrainës.”

“Dritan Abazoviq do të nisë një ide për një vizitë të përbashkët në Kiev nga kryeministrat e Ballkanit Perëndimor, veçanërisht nga vendet e NATO-s të rajonit, me qëllim dërgimin e një mesazhi më të fortë dhe të bashkuar të mbështetjes së Ballkanit Perëndimor për sovranitetin dhe integritetin e Ukrainës”, thuhet tutje./albeu.com

The post Abazoviç pranon ftesën e Zelensky-t për vizitë në Kiev, por ja cila është ideja e tij appeared first on Albeu.com.