Në fokus të këtij takimi, ishin marrëdhëniet Shqipëri-Kroaci, si dhe bashkëpunimi në fushën e mbrojtjes, ekonomisë dhe situata në Ballkanin Perëndimor.

Presidenti Begaj, vlerësoi partneritetin strategjik midis dy vendeve aleate në NATO dhe marrëdhëniet e shkëlqyera të cilat, sipas tij, janë në këtë nivel për shkak të prioriteteve tëpërbashkëta të politikës së jashtme dhe vizionit të njëjtë për të ardhmen e Ballkanit Perëndimor.

Shqipëria dhe Kroacia, ndajnë një partneritet afatgjatë dhe strategjik brenda NATO-s.

Kreu i Shtetit, përshëndeti nënshkrimin e deklaratës sëpërbashkët midis Shqipërisë, Kroacisë dhe Kosovës, e cila, në gjykimin e tij, është materializimi i një bashkëpunimi të dëshmuar ndër vite.

Përballë zhvillimeve gjeopolitike, dinamike dhe komplekse, me ndikim jo vetëm në zonën Euroatlantike, por edhe në rajonin e Ballkanit Perëndimor, Presidenti Begaj, theksoi se çështja e stabilitetit është një angazhim që duhet të zbatohet përmes besimit, dialogut dhe bashkëpunimit.

Gjithashtu, presidenti Begaj, vlerësoi se me gjithëpërfshirjen e Ballkanit Perëndimor në organizatat Euroatlantike garantohet stabilitet i qëndrueshëm, si edhe politika zhvillimore për vendet e rajonit dhe qytetarët.

Kroacia ka qenë gjithmonë në mbështetje të shqiptarëve nëprocesin e integrimit evropian të Shqipërisë, si dhe për garantimin e paqes dhe sigurisë në Kosovë përmes trupave tëshumtë në KFOR, dhe për këtë Presidenti Begaj i përcolli mirënjohjen numrit dy të qeverisë kroate, z. Ivan Anušić.

U vlerësua gjithashtu, se lidhjet e forta midis Shqipërisë dhe Kroacisë, mbeten thelbësore jo vetëm në adresimin e sfidave të përbashkëta të sigurisë, por dhe në avancimin e objektivave të përbashkëta në një sërë sektorësh, duke përfshirë energjinë, infrastrukturën, mbrojtjen, ekonominë, bujqësinë, shkencën, turizmin dhe mbrojtjen e mjedisit.

The post Begaj pret zëvendëskryeministrin dhe ministrin e Mbrojtjes së Kroacisë Ivan Anušić: Prioritet e ardhmja e Ballkanit appeared first on Albeu.com.

Juranoviç simbolizon Kroacinë. Një mbrojtës  i keq për një kundërshtar, me hapa të vegjël, por që arriti në gjysmëfinale të Kupës së Botës. Yuranovich është 27 vjeç, por ai ka vetëm tre vjet në ekipin kombëtar, ndryshe nga shumica e shokëve të tij, ai nuk luajti në ligat kryesore dhe deri në moshën 18-vjeçare nuk ishte i njohur as brenda Kroacisë.

Udhëtimi i ngadaltë i Juranoviçit nga pa emër në shtyllën kryesore të Celtic, përmes një projekti komercial që e njohu atë si amatorin më të mirë

Rritja e karrierës së Yuranovich ndodhi në fillim të 2014. Pastaj mori pjesë në konkursin e Nike, i cili e njohu Yuranovich si futbollistin më të mirë amator në Kroaci (në atë kohë ai luante për klubin e ligës së dytë Dubrava). Juranoviç u fotografua me Mario Mandzukic, mori një çmim dhe një udhëtim në Londër.

Por akoma Yuranovich nuk ishte mjaft amator. Që nga fëmijëria, ai shkoi në akademi, e cila ishte pesë minuta larg shtëpisë, ku studionte me dy vëllezër. Yuranovich pranon se futbolli është dashuria e tij e parë, por ai gjithashtu duhej të punonte jashtë sportit. Për shembull, për disa kohë ai zëvendësoi një mik kamerier.

Në Hajduk, Yuranovich përparoi  por nuk pati një ngritje të madhe. Pas pesë sezonesh në Kroaci, Juranoviç luajti për Legian për një vit përpara se të transferohej te Celtic. Dhe në një intervistë ai vazhdimisht thotë se një ekip i këtij niveli është një shans që nuk e kishte ëndërruar kurrë.

Yuranovich hyri në ekipin kombëtar pasi një tjetër mbrojtës u lëndua dhe edhe tani  ai nuk mendon se vlen shumë

Në vitin 2019, Zlatko Dalic thërret Yuranovich në ekipin kombëtar për herë të parë. Sepse Tin Edvay është jashtë dhe nevojitet një zëvendësim i përkohshëm në krahun e djathtë të mbrojtjes. Kështu që Yuranovich pati një shans. Tani për Dalic ky është shembulli kryesor: si të durosh, punosh dhe presësh. Ky është thelbi i kroatëve.

“Nëse do të zgjidhja lojtarin e ndeshjes, do ta emëroja Juranoviçin. Ai “vrau” Vinicius, e shtypi në mbrojtje dhe sulm.

Kush është punëtor, kush është i ndershëm, kush beson dhe punon, një shans i tillë nuk mund të jetë i rastësishëm. Ajo që Juranoviç ka bërë, nga kërcimi amator në nivelin e sotëm është një shembull i faktit se gjithçka është e mundur. Ai punoi vetë, luftoi dhe u bë një nga lojtarët më të mirë kundër Brazilit. Ky është një pasqyrim i saktë i ekipit tonë”, tha Dalic.

Mediat shkruajnë se Barcelona, ​​Chelsea dhe Atletico duan Yuranovich. Por ai është modest dhe mohon të largohet nga Celtic: “Unë nuk jam një lojtar që vlej 20-30 milionë. Dhe madje i kërkova agjentit të mos më dërgonte asgjë tani [për ofertat nga klubet]. Nuk më intereson fare tani”.

Në intervistën e parë, Juranoviç pranon se e pëlqen lojën e Modric dhe Messit. /G.D albeu.com/

The post Heroi i ri i mbrojtjes së Kroacisë është një ish-kamerier i cili u bë profesionist përmes një konkursi appeared first on Albeu.com.

Mbrëmë ishte nata e dytë që fjeti në qeli shoferi i autobusit të “Deva Tours”, nga përmbysja e të cilit afër qytetit Slavonski Brod në Kroaci dhjetë persona humbën jetën dhe dhjetëra të tjerë u lënduan. Një çast gjumi gjatë vozitjes u tha se mund të ishte shkaku i tragjedisë së të dielës që erdhi pasi autobusi doli jashtë autostradës, por këtë e mohoi sot avokati i shoferit, i cili vetëm sot mundi ta ndërronte këmishën e tij me njolla gjaku.

Gjykata e Qarkut në Slavonski Brod vendosi sot një masë paraburgimi prej 30 ditësh ndaj drejtuesit të autobusit, për shkak të rrezikut të arratisjes. Ndaj shoferit mund të shpitohet dënimi me burgim nga tre deri në 15 vjet, sipas Kodit Penal në Kroaci.

Kosova nuk ka marrëveshje me Kroacinë për transferimin e të dënuarve. Nga Ministria e Drejtësisë në Kosovë, në një përgjigje për Gazetën Express thanë se 52-vjeçari, i cili është shtetas i Kosovës, mund të transferohet për ta vuajtur dënimin në Kosovë, në rast se për këtë pajtohet shteti kroat.

“Republika e Kosovës dhe Republika e Kroacisë nuk kanë marrëveshje dypalëshe për Transferimin e Personave të Dënuar, por ligji i Kosovës e përcakton se nëse shteti tjetër pajtohet (garanton në reciprocitet), personi i dënuar mund të transferohet për ta vuajtur pjesën e mbetur të dënimit”, thuhet në përgjigjen e Ministrisë së Drejtësisë.

Pas seancës së sotme ku u mor vendimi për paraburgimin e shoferit, avokati i tij, Igor Cishper nga zyra ligjore e avokatit të njohur kroat, Ljubo Pavasoviq Viskoviq, tha se klienti i tij kurrë askujt s’i kishte thënë se e kishte zënë gjumi gjatë vozitjes.

“Shoferit i vjen shumë keq. Me sa di unë, ai kurrë nuk i tha askujt se e kishte zënë gjumi. Ai m’i tregoi disa gjëra, por unë do t’i mbaj për ne”, tha avokati Cishper.

Por të dielën, zëvendësi i Prokurorit Komunal të Shtetit në Kroaci, Slavko Pranjiq, tha se shoferi i kishte thënë se e kishte zënë gjumi për një moment gjatë vozitjes.

“Shoferi u arrestua nën dyshimin për drejtimin e automjetetit në mënyrë të papërshtatshme. Cilat janë arsyet për këtë, nuk mund të themi tani për tani. Ai deklaroi se e zuri gjumi për një moment, por ne do ta përcaktojmë atë më vonë”, deklaroi Pranjiq.

Gjykatësi hetues i cili e mori vendimin për paraburgimin e shoferit kosovar, Mile Soldo, shpjegoi para mediave atje se marrëveshja që Kroacia e ka me Kosovën për bashkëpunim në procedurat penale nuk parashikon ekstradimin e qytetarëve për shkak të ndjekjes penale.

“Procedura do të kryhet në Kroaci. Sidoqoftë, ekziston një mundësi ligjore që ajo të zhvillohet në Kosovë, por kërkon pëlqimin e të dy palëve, nuk i takon mbrojtjes të vendosë”, u shpreh ai.

Një seancë tjetër u mbajt pasdite, ku në cilësinë e dëshmitarëve u dëgjuan disa pasagjerë. Zyra e Prokurorit të Shtetit në Kroaci tha të hënën se i dyshuari ishte i lodhur dhe i paaftë për të vozitur i sigurt në kohën e aksidentit. Shoferi ishte dërguar i prangosur dje në Prokurori, ku kishte zgjedhur të mbrohej në heshtje.

Çfarë është vërtetuar deri më tani nga inspektimi i aksidentit?

Policia kroate tha të dielën se në orën 6:19 të mëngjesit kishte pranuar raportin e aksidentit në autostradën A3 Bregana-Lipovac, në korsinë jugore, afër qytetit Slavonski Brod. Në deklaratën e Policisë është përshkruar se si autobusi me 67 pasagjerë dhe dy shoferë kishte dalë nga autostrada.

“Gjatë hetimit, në prani të avokatit të shtetit, policia përcaktoi se aksidenti i trafikut ndodhi në atë mënyrë që një shtetas 52-vjeçar i Kosovës po voziste një autobus me dokumente dhe targa regjistrimi të Kosovës në korsinë jugore e A3 Bregana-Arruga nga perëndimi në lindje. Duke arritur në kilometrin e 211 të autostradës, shoferi nuk lëvizi në mes të korsisë së shënuar, por drejtoi automjetin në zonën me bar, dhe më pas autobusi u përmbys në anën e tij. Anëtarët e brigadave të zjarrfikësve dhe ekipet tjera emergjente ndërhynë në vendin e ngjarjes për t’i marrë trupat e të aksidentuarve”, thuhet në deklaratë.

Josip Mataija, shef i Shërbimit të Sigurisë në Trafik në Kroaci, së fundmi ishte mysafir në televizionin N1 ku foli drejtpërdrejt për aksidentin në të cilin vdiqën 10 shtetas të Kosovës. Ai tha se tragjedia do të ishte më e vogël nëse udhëtarët do të ishin lidhur me rripin e sigurisë.

“Një pjesë e udhëtarëve dolën nga autobusi. Nëse ata do të kishin qëndruar në automjet, tragjedia do të ishte më e vogël. Autobusët nga viti 2008 duhet të kenë rripa sigurimi. Ky autobus kishte rripa sigurie, por mesa duket disa pasagjerë nuk i përdorën ata”, u shpreh ai.

Në këtë aksident trafiku, 10 persona vdiqën, 15 persona u lënduan rëndë, ndërsa 30 më lehtë. Të lënduarit u transportuan në spitalin rajonal në Slavonski Brod, ku disa prej tyre po mbahen për trajtim të mëtejshëm mjekësor, ndërsa disa u dërguan në Zagreb.

Sipas mediumit kroat, 24sata.hr, shoferët e autobusit nga Kosova që po bartte mërgimtarë nga Frankfurti për në Prishtinë, para aksidentit kishin pushuar në Bregana për gjysmë ore. Aty ata ishin ndërruar dhe drejtimin e autobusit e kishte marrë shoferi tjetër.

Shoferi i cili nuk po voziste në momentin tragjik, është në mesin e të vdekurve, bashkë me nëntë pasagjerë. I biri i tij tha ditën e tragjedisë se babai i tij ka rreth tetë muaj që ka filluar punën në këtë kompani. Ai tha se shoferët kishin pushuar vetëm atë mbrëmje që kishin mbërritur në Gjermani dhe në mëngjes sërish ishin nisur për në Kosovë.

“Janë nisur para 3-4 ditëve, edhe në momentin që kanë mbërri, veç atë mbrëmje kanë pushuar dhe menjëherë të nesërmen në mëngjes rreth orës 09:00 janë nisur për në Kosovë. Herën e fundit kur kam folur me të ka qenë në momentin kur e kanë kaluar kufirin Gjermani-Austri”, ka thënë ai për REL.

Presidentja e Kosovës, Vjosa Osmani, e shpalli të hënën e kësaj jave ditë zie, për shkak të këtij aksidenti i cili ua mori jetën 10 personave, kryesisht mërmitarë që po vinin nga Gjermania për pushime në Kosovë.

Kryeministri i Kosovës, Albin Kurti, bashkë me disa prej ministrave ishte të dielën në Kroaci, ndërsa ambasadori i Kosovës atje, Gëzim Kasapolli, kishte vizitiuar paraprakisht të lënduarit në spitalin rajonal në Slavonski Brod.

Disa nga ata që shpëtuan pa shumë pasoja nga kjo tragjedi, tashmë janë nisur drejt Kosovës nga Osijeku i Kroacisë. Ministri i Punëve të Brendshme, Xhelal Sveçla tha se sonte pritet të vijnë në Kosovë edhe trupat e pajetë të viktimave./Express

The post Fati i shoferit mes Kroacisë dhe Kosovës, çfarë do të ndodhë me të appeared first on Albeu.com.

The post Nuk dorëzohet Spanja, barazon shifrat ndaj Kroacisë (VIDEO) appeared first on Albeu.com.

Skuadra e Southgate ka mposhtur 1-0 Kroacinë e vlefshme për Grupin D.

Duhet të vinte minuta e 57′ që “3 luanët” të zhbllokonin shifrat me Sterling i cili realizoi lëhtësisht brenda zonës.

Ndërkohë, ndeshjen e radhës Anglia e luan përballë Skocisë, ndërsa Kroacia ndaj Cekisë. /albeu.com/

The post Nuk bind me lojë, por Anglia merr 3 pikë ndaj Kroacisë (VIDEO) appeared first on Albeu.com.