Krishtlindjeve Archives - Albeu.com

Dhuratat e Krishtlindjeve, ja me çfarë t’i surprizoni të dashurit tuaj sipas shenjës së tyre të horoskopit

V K — Sun, 21 Dec 2025 11:58:07 +0000

Njiheni prej vitesh, keni blerë gjithçka deri tani dhe jeni bosh nga idetë? Ose, njiheni pak dhe hezitoni sepse nuk dini nëse do të përputheni me preferencat e tyre?

Në çdo rast, faktori “shenja e horoskopit” garanton 100% sukses për dhuratat e Krishtlindjeve.

Dashi (21 Mars – 20 Prill)

Dhurata praktike që ju ka thënë se i nevojiten (p.sh. një makinë kafeje, telefon, çizme perfekte ose këmishë elegante).

Demi (21 Prill – 20 Maj)

Kozmetikë, parfume dhe gjithçka që lidhet me ushqimin (p.sh. një darkë spektakolare).

Binjakët (21 Maj – 21 Qershor)

Libra ose abonim për shërbim streaming për filma dhe seriale.

Gaforrja (22 Qershor – 22 Korrik)

Artikuj për shtëpi.

Luani (23 Korrik – 23 Gusht)

Çdo gjë që shkëlqen dhe duket luksoze.

Virgjëresha (24 Gusht – 22 Shtator)

Agjendë ose orë dore.

Peshorja (23 Shtator – 22 Tetor)

Bizhuteri ose manikë kufjesh (cufflinks).

Akrepi (23 Tetor – 22 Nëntor)

Rroba të brendshme.

Shigjetari (23 Nëntor – 21 Dhjetor)

Skeitbord ose patina.

Bricjapi (22 Dhjetor – 19 Janar)

Çdo gjë në stil klasik, idealisht diçka që u shërben në punë.

Ujori (20 Janar – 19 Shkurt)

Çdo gjë që ndihmon në ndonjë nga miliona hobet e tyre.

Peshqit (20 Shkurt – 20 Mars)

Vepër arti e punuar me dorë (p.sh. pikturë, qeramikë, etj.).

The post Dhuratat e Krishtlindjeve, ja me çfarë t’i surprizoni të dashurit tuaj sipas shenjës së tyre të horoskopit appeared first on Albeu.com.

Historia e kremtimit të Krishtlindjeve, si është festuar ndër shekuj

V K — Wed, 25 Dec 2024 07:18:12 +0000

Sot, Bota e Krishterë kremton Krishtlindjen, një festë që për besimtarët është më e rëndësishmja e vitit pasi nderon lindjen e Jezu Krishtit.

Krishtlindja është një festë që shtrihet përtej dimensionit fetar dhe ka kaluar në kulturën e miliarda njerëzve në të gjithë globin.

Sipas tregimit të njohur biblik të Dhiatës së Re, e njohur si Lindja e Jezusit, Jezusi ka lindur në Betlehem, duke u përputhur me profecitë mesianike.

Kur Jozefi dhe Maria arritën në qytet, nuk kishte vend në bujtina, dhe kështu ata u strehuan në një stallë, ku Krishti u lind dhe engjëjt e njoftuan lajmin barinjve, të cilët e shpërndanë lajmin.

Një element i rëndësishëm i kësaj feste është dhurimi i dhuratave, që përkujtojnë ato të ofruara nga barinjtë dhe mbretërit e mençur për foshnjën e Jezusit.

Festa e dritës
Dita, në të cilën, sipas besimit kristian lindi fëmija Jezu. Që lindja e Krishtit bie në datën 24 dhjetor, kjo ka një simbolikë të thellë, tregon famulltari evangjelist Hans Mörtter: “Data 24 është data e parë, kur fillon të hapet qielli. Tek popujt paganë ka pasur edhe festa të dritës, pra kjo datë është prej mijëra vjetësh për të gjithë popujt një ditë shumë e rëndësishme. Kemi të bëjmë edhe me një histori shumë simbolike, që mbi njerëz pllakos herë pas here errësira, pra dhimbja, vuajtja, vdekja dhe se ekziston një kapërcim i këtyre dhe një mëngjes i ri. Bëhet sërish dritë. Eshtë shumë e qartë, ne festojmë Krishtlindjet, sepse ne si njerëz të Oksidentit besojmë, se ekziston një figurë e përndritshme e Krishtit, e cila ka lindur dhe ka jetuar, për të na treguar se paqja dhe drejtësia në këtë tokë janë të mundura, pra se është e mundur drita në errësirë, e cila na rrethon kaq shpesh, po të shohësh lajmet e përditshme.”

Kuptimi fillestar i yllit të krishtlindjeve
Historia vazhdon me grazhdin e Betlehemit, mbi të cilin ndriti një yll i Krishtlindjes, i cili u tregoi tre priftërinjve të shenjtë rrugën për në ҁerdhen e Jezuit. Megjithëse shumë njerëz i zbukurojnë shtëpitë e tyre në periudhën e Krishtlindjeve me yje, shpesh harrohet kuptimi fillestar i simbolit, pra kërkimi i dritës hyjnore, shpreh keqardhjen famulltari Mörtter.

Në shekujt e mëparshëm njerëzit i dekoronin dhomat e tyre vetëm me pak degë të gjelbra; që në dhomën e ndenjes të vendoset bredhi i zbukuruar në mënyrë festive, ishte një ide që u lindi në shekullin e 16-të shoqatave të zanatҁinjve. Ata ishin të parët, që rreth vitit 1503 varën në pemë edhe gjëra të ëmbla për të ngrënë. Kurora e Ardhjes së Krishtit me katër qirinjtë pasoi vetëm në vitin 1850: “Dhe kurora e Ardhjes së Krishtit është simbol i pritjes, Advent- mbërrij, “adventus”, do të thotë pra se diҁka vjen tek unë, dhe ajo që vjen është vërtetësia hyjnore”.

Në kohën e sotme, këtë famulltari Mörtter e di nga përvoja e tij personale, fëmijët nganjëherë i ngatërrojnë se kush është ai që Natën e Shenjtë i vë dhuratat e tyre nën pemë: Santa Clausi, Nikolausi, plaku i Krishtlindjeve ose fëmija Krisht: “Eshtë fëmija Krisht, është një fëmijë dhe jo plaku i trashë i Krishtlindjes, kush e thotë këtë, thotë gjëra jo të menҁura, ai shet kulturën dhe historinë tonë. Kjo nganjëherë më tmerron, kjo është shoqëria jonë e konsumit, e thënë troҁ: jashtëzakonisht e varfër dhe qesharake”.

Famulltari Mörtter merr frymë thellë dhe vazhdon më tej: “Që fëmijëve t’u ruhet aspekti i fshehtësisë, për mua është me rëndësi: dhe puna fillon me mospërdorjen në mënyrë inflacioniste të plakut të Krishtlindjes ose Santa Clausit. Në rastin e Santa Clausit apo të Nikolausit nuk kemi të bëjmë me Santa Clausin e Coca Colës, por me Santa Claus-in e shekullit të katërt, me një peshkop. Ai është një figurë shumë e vjetër, një figurë mistike, një figurë shembull; ai u angazhua për njerëzit e uritur dhe kishte ide gjeniale.”

Krishtlindja është një festë kristiane, por për shumë njerëz degjeneron në terror të vërtetë konsumi. Veprimi i bërjes së dhuratave pa fund u përhap pas Luftës së Dytë Botërore dhe pas mrekullisë ekonomike në Gjermani, na sqaron famullitari Hans Mörtter. Më parë, ideja e bërjes dhurata kishte një kuptim të thellë: “Eshtë Jezui ai që na bën dhuratë, ai që na bën dhuratë jetën e tij. Fëmijëve u bëheshin dhurata, në mënyrë që të kuptojnë se jeta është dhuratë dhe dhuratën e jetës ne e festojmë. Prandaj ka edhe dhurata, por jo në mënyrë të shfrenuar dhe që prindërit të vihen në stres.

Çfarë kontradikte me kuptimin e kësaj feste, kjo që praktikojmë ne. Besoj se shumica e njerëzve nuk e dinë më fare kuptimin e dhuratave. Krishtlindja, për mua si famullitar është thjesht një shans, për t’ua kujtuar njerëzve këto gjëra”.

The post Historia e kremtimit të Krishtlindjeve, si është festuar ndër shekuj appeared first on Albeu.com.

Çfarë simbolizon festa e Krishtlindjeve?

admin — Fri, 24 Dec 2021 20:34:27 +0000

Festa e Krishtlindjeve është një nga kremtet më të rëndësishme në kalendarin festave të krishtera. Ajo kremtohet dhe festohet çdo datë 25 dhjetor dhe në të kujtohet lindja e shpëtimtarit Jezu Krisht. Pas Pashkëve është festa më e rëndësishme për të krishterët.

Ditëlindja e Krishtit (24-25 dhjetori) është thjeshtë simbolike, dhe nuk është menduar të jetë data e vërtetë e lindjes se Tij. Rëndësia e ditës së Krishtlindjes nisi të rritet dalëngadalë pas kurorëzimit të Karlit të Madh në vitin 800, ditën e Krishtlindjes.

Sot dita e Krishtlindjes kremtohet me shfaqjen e skenës së lindjes së Krishtit, pemën e Krishtlindjes, shkëmbimin e dhuratave dhe Kartolinave, familjen e bashkuar, dhe ardhjen e Shën Nikollës apo Plakut të Vitit të Ri në prag të Krishtlindjes apo mëngjesin e Krishtlindjes.

Por përveç anës spirituale dhe fetare festa e krishtlindjeve vjen në mbarë botën si një nga festat më të bukura dhe më të pëlqyera nga të gjithë. Përgatitjet për këtë festë nisin javë përpara se vigjilja e 25 dhjetorit të shënojë edhe kulmin e festimeve. Dhurata, ushqime të shumëllojshme, e gjithë familja e mbledhur rreth tavolinës duke ndarë urime dhe mesazhet për vit më të mbarë e më të mirë.

Megjithatë bota katolike dhe ajo ortodokse duket se kanë disa ndryshime sa i përket riteve fetare. Besimtarët katolikë festojnë vigjiljen e krishtlindjeve gjatë mbrëmjes së datës 24 dhjetor ndërsa sa i përket besimtarëve ortodoksë ceremonia zhvillohet gjatë paradites së datës 25 dhjetor.

Pema e Krishtlindjes është një prani fikse në ditën e Krishtlindjes. Por cila është historia e saj? Si lindi tradita e zbukurimit të pemës së Krishtlindjes? Pastaj; cilët janë llojet e pemëve që përdoren, sa pemë shiten, cilët janë pemët më të larta, më të famshme, më të çuditshme në botë?

Duket se pema e parë e Krishtlindjes është përdorur në Letoni rreth vitit 1500. Por vetëm në vtitin 1841 princi Albert, bashkëshorti i Viktorias, futi në Angli zakonin e përdorimit të pemës së krishtlindjes si zbukurim.

Duke parë përdorimin e madh të këtij elementi dekorativ, ekzistojnë “ferma” të tëra, të cilat kultivojnë pemët e destinuara posacërisht për festën e Krishtlindjes. Kompania e parë e këtij lloji u krijuan në vitin 1901 në SHBA.

Por për çdo pemë të prerë, kultivohen mesatarisht tre të tjera. Pothuajse një milion pemë Krishtlindjesh hidhen në plehra çdo vit vetëm në Londër. As 10% nuk riciklohet.

Përdorimi i pemës së Krishtlindjes me dritat elektrike ishte një ide e Edward Johnson në vitin 1882, që ishte asistent i Thomas Edison.

Për sa i përket lartësisë, pema e Krishtlindjes më e lartë në botë është ajo e Vatikanit, në sheshin e Shën Pjetrit, me një gjatësi prej 30 metra.

The post Çfarë simbolizon festa e Krishtlindjeve? appeared first on Albeu.com.

Këto janë vendet më të mira për të kryer marrëdhënie gjatë Krishtlindjeve

admin — Thu, 23 Dec 2021 22:57:21 +0000

Ekspertja e seksit ka zbuluar vendet më të mira për të kryer marrëdhënie seksuale gjatë Krishtlindjeve.

Emily Morse ka treguar pesë vendet më të mira për të kryer marrëdhënie seksuale në festën e Krishtlindjeve.

Ajo përmes një postimi në rrjetin social Instagram rekomandoi të bëni marrëdhënie seksuale në tryezë ose mbi banak për të shtuar një ndjenjë të fortë.

“Ju mund të përdorni karriget e kuzhinës për t’i dhënë partnerit tuaj një vallëzim në prehër ose të shtriheni në tavolinë për një përvojë alternative të ngrënies”.

Dr.Emily rekomandon zhvendosjen e seksit në dhomën e ndenjes “përpara oxhakut” ose “pranë dhuratave”.

“Shtroni shumë batanije dhe jastëkë dhe më pas bëni që Krishtlindjet të vijnë herët me një ngacmim të mprehtë me shirita përpara zjarrit”.

The post Këto janë vendet më të mira për të kryer marrëdhënie gjatë Krishtlindjeve appeared first on Albeu.com.

Viky Varga, nga të brendshmet e Krishtlindjeve te fustanet elegante, sa pamje befasuese (FOTO LAJM)

admin — Thu, 16 Dec 2021 17:09:47 +0000

Modelja, dhe e dashura e Graciano Pelle, nuk pushon së mahnituri ndjekësit në Instagram me fotot që tregojnë bukurinë e saj të pabesueshme marrë nga Corriere dello Sport.

Ajo është mjaft aktive në Instagram teksa numëron 600 mijë. /albeu.com/

View this post on Instagram

A post shared by VIKTORIA VARGA (@vikyvarga)

The post Viky Varga, nga të brendshmet e Krishtlindjeve te fustanet elegante, sa pamje befasuese (FOTO LAJM) appeared first on Albeu.com.