Sipas tij, marrëveshja me Unionin evropian është një kontratë shtetërore që përfshin të gjitha faktorët.

“Kontrata për bujqësinë është më e vështira, siç ka treguar eksperienca e vendeve të tjera dhe më e mirëpritura për ata që janë të përgatitur për t’u përballur me kushtet, standartet, kontrollet që burojnë nga cilësia e lartë e sigurisë dhe e produkteve kur vjen puna për të qenë lojtarë në tregun e bashkuar evropian”, shprehet Rama.

Gjithashtu, kreu i qeverisë shoti se sektori i bujqësisë ishte i braktisur më shumë se një dekadë më parë, duke shtuar se tani “produktet tona shkojnë në 80 vende të botës dhe eksportet kanë kaluar në gjysmë mld euro”.

Pjesë nga fjala e Ramës:

Planin e veprimit dhe domosdoshmërinë e ndërveprimit mes nesh në mënyrë që bujqësia të përballojë sfidën e tregut evropian në kontekstin e Shqipërisë anëtare të BE. Dua që të flas shumë hapur me ju, duke iu thënë se kjo sfidë ka dy anë, anën e errët dhe të ndritur.

Ana e errët është ajo që pret çdokënd prej jush që nuk është i përgatitur për atë ditë sepse negociatat me BE dhe marrëveshja e anëtarësimit nuk janë fjalë dhe as procese thjesht të lidhura me çfarë shkruajmë në letër, por kontratë shtetërore shumë komplekse ku çdo faktor shtetëror dhe shoqëror duhet t’i përgjigjet kontratës. Kontrata për bujqësinë është më e vështira, siç ka treguar eksperienca e vendeve të tjera dhe më e mirëpritura për ata që janë të përgatitur për t’u përballur me kushtet, standartet, kontrollet që burojnë nga cilësia e lartë e sigurisë dhe e produkteve kur vjen puna për të qenë lojtarë në tregun e bashkuar evropian.

Por unë besoj shumë te ju dhe të gjithë ata që në kushtet të pakrahasueshme me sot një dekadë më parë ishin aty te toka dhe përballeshin me një sfidë mbijetese të jashtëzakonshme. Kush e ka kaluar atë sfidë ka më besim se do ta kalojë edhe këtë sfidë. Janë të natyrave të ndryshme por në thelb kanë të bëjnë me vullnetin për të bërë sukses sepse asokohe bujqësia shqiptare ishte një sektor i braktisur totalisht, një dekadë e pak më parë. Numri I fermerëve që merrnin një mbështetje simbolike nga shteti ishte 5600. Sot është 67 500.

Nuk bëhet fjalë për mbështetje simbolike, por mbështetje që peshon në portofolin e fermës. Eksportet ishin thjesht dhe vetëm një aktivitet i një grushti njerëzish që ia kishin dalë deri aty dhe deificiti tregtar ishte një katastrofë unikale në rajon se në Evropë nuk po bëjmë krahasime për çdo euro të eksportuar ne importonim 9 euro në ushqim. Ndërkohë që sot produktet tona shkojnë në 80 vende të botës dhe eksportet kanë kaluar në gjysmë mld euro dhe dificiti është ulur nga 1 me 9 në 1 me 3 dhe përpjekja jonë është që të shkojmë drejt 1 me 2.

Marrëveshja me BE është kontratë shtetërore e të gjithë faktorëve dhe për të gjithë faktorët institucionalë dhe shoqërorë. Për fermerët është kontratë që kërkon standarde dhe cilësi, teknologji dhe dixhitalizim, orgaizim të sofistikuar dhe mbështetje, e cila do të vijë duke u rritur vit pas viti.

The post Rama: Kontrata me BE për bujqësinë, më e vështira, sektori ishte i braktisur, sot eksportojmë produktet tona në 80 vende të botës appeared first on Albeu.com.

Emri i tij qarkullon nga Italia në Arabinë Saudite, por së fundmi në skenë ka dalë edhe Amerika.

Sipas BBC: Chicago Fire ka vendosur kontaktet e para me përfaqësues të lojtarit, për të kuptuar nëse ekziston mundësia për një transferim në “tokën e premtuar”.

Chicago Fire, është një opsion shumë i mirë për Lewandowskin, pasi është një klub që do t’i garantonte pagën faraonike që Lewa merr në Barcelonë.

Mbetet për t’u parë se çfarë do të vlerësojë në fund polaku, aspektin sportiv apo financiarë.

The post I shumëkërkuar, Robert Lewandowski në qendër të merkatos, e duan dhe në Amerikë appeared first on Albeu.com.

Deklarata:

Unë, natyrisht nuk bëj Edi Ramën që flet me vete, që shpik edhe fansat dhe i bën pyetje vetes duke mashtruar publikun se mora këto pyetje, në një kohë kur ato pyetje i nxjerr nga defteret e veta.

Kështu që unë nuk kam si të mos i përgjigjem pyetjes tuaj, ndonëse do preferoja shumë që pyetjet tuaja të përqendroheshin tek problemet e mëdha të shëndetësisë tonë dhe programin që ne paraqesim këtu.

Sepse siç e konstatoni, në krahun tjetër, Edi Rama ka mashtruar aq shumë, sa më ngjet me njeriun që është stërngopur me mashtrimet e tij dhe tani nuk ka guxim të nxjerrë më mashtrime të tjera dhe tani nuk ka më guxim të nxjerrë mashtrime të tjera dhe nga mëngjesi gjer në darkë shndërrohet në një banor të parkut zoologjik të avertebrorëve, të zhabave, zhapikëve, reptilëve, etj, etj, dhe nuk flet një fjalë për përgjegjësitë që ka para qytetarëve qoftë në ato që ka bërë, qoftë për ato që do bëjë.

Po unë nuk jam ai. Unë do përgjigjem.

U garantoj se ajo kontratë, me të gjitha burimet se ku është marrë çdo qindarkë, do bëhet publike ditën që do përmbushet detyrimi ligjor i dorëzimit të saj në KQZ, siç na detyron ligji.

Kjo është përgjigja ime për këtë.

The post Berisha: Kontrata me Chris LaCivita do bëhet publike, siç e kërkon ligji, unë nuk jam Edi Rama që flet me vete appeared first on Albeu.com.

Në një story në instagram, Luiz Ejlli falenderon Top Channel për bashkëpunimin 1-vjeçar, pak ditë pasi u bë një vit nga finalja e madhe e Big Brother Vip.

”Faleminderit për bashkëpunimin 1-vjeçar”- shkruan Luizi në postim.

The post Sot mbaron kontrata, ja mesazhi i Luizit për “Top Channel” (FOTO) appeared first on Albeu.com.

Në këto kushte, drejtuesit zikaltër po mendojnë që të rinovojnë kontratën me lojtarin.

Sipas asaj që shkruajnë mediat, palët tashmë janë në kontakt, me vjeshtën që mund të jetë koha e duhur për nënshkrimin e ri që do të zgjaste martesën me Interin dhe do t’i rriste pagën yllin argjentinas.

Bëhet fjalë për një marrëveshje të re deri në vitin 2028, me pagën që mund të rritet në 7.5 milionë euro neto plus bonuse. Lautaro ka realizuar 21 gola këtë sezon.

The post Interi kërkon t’i rinovojë kontratën Lautaros appeared first on Albeu.com.

Lajmi është bërë i ditur nga vetë klubi përmes një postimi në Tëitter.

“AC Milan është i kënaqur të njoftojë zgjatjen e kontratës së Rafael Aleksandre da Konseisao Leao deri më 30 qershor 2028. I mbërritur në verën e vitit 2019, Rafael grumbulloi 162 paraqitje, 41 gola dhe 29 asistime për kuqezinjtë dhe u vendos në kampionatin italian si “Lojtari më i mirë i Serie A” sezonin e kaluar.

The post Leao rinovon me Milanin deri në vitin 2028 appeared first on Albeu.com.

Kontrata e tij e mëparshme me Nike përfundoi në janar 2022 dhe që atëherë Haaland ka provuar këpucë sporti të ndryshme, ka vlerësuar opsione të ndryshme. Marka sportive amerikane e kishte veshur që në moshën 14-vjeçare dhe vazhdonte të luante në Norvegji.

Mund të jetë një imazh i 1 person, në këmbë dhe këpucë

Në këtë mënyrë, Nike kap një nga talentet më të kërkuar në treg dhe një nga yjet e mëdhenj të Premier League. Në 37 ndeshje, ai ka shënuar 42 gola. Ky është sezoni më i mirë i karrierës së tij sportive, në të cilin tashmë ka thyer disa rekorde: ai është golashënuesi më i mirë i City në të njëjtën Premier League, golashënuesi më i mirë i City në të njëjtin sezon.

Norvegjezi barazoi Leo Messin me pesë gola (kundër RB Leipzig) në një ndeshje të vetme të Ligës së Kampionëve.

Te Nike, sulmuesi në fjalë iu bashkohet superyjeve të tjerë të futbollit që kanë zgjedhur gjithashtu markën amerikane, si Kylian Mbappé, Kevin de Bruyne, LeBron James, Rafael Nadal dhe Tiger Ëoods.

The post Haaland firmos kontratën me NIKE, sa do të fitojë appeared first on Albeu.com.

Sipas gazetarit sportiv italian Nikolo Shira, marrëveshja mes të palëve është arritur dhe kapiteni kosovar do ta hedhë firmën në kontratën e re në ditët në vazhdim.

29 vjeçari pritet të nënshkruajë kontratë trevjeçare, që do e mbante atë në Napoli deri në vitin 2027, pasi kontrata e tij aktuale skadon në vitin 2024.

Aktualisht, thuhet se Rrahmani paguhet 1,8 milion euro në vit, ndërsa me kontratën e re do t’i marrë 2,5 milionë euro neto në vit.

Kujtojmë, një kohë Rrahmani ishte i lënduar, teksa disa ndeshje, ndërsa tashmë është rikthyer në një lider i skuadrës së Spaletit, me këtë të fundit që  ka meritat më të mëdha për ngritjen dhe zhvillimin e mbrojtësit shqiptarë.

The post Napoli ka gati kontratën e re për Rrahmanin appeared first on Albeu.com.

Para pak ditësh Ministria e Financave publikoi Raportin e Monitorimit të Koncesioneve (detyrim ligjor) por nga 228 kontratat PPP arriti të raportojë ecurinë për vetëm 65 kontrata. Edhe për të 65 kontratat raportimi ishte i mangët.

Ministria e Financave nuk raportoi situacionet e punimeve sipas pagesave të dhëna nga buxheti i shtetit për kontratat në sektorin e transportit (rrugët) dhe inceneratorët, teksa elementë të tjerë të rëndësishëm të kontratave mbetën tërësisht të paprekur.

“Për vitin 2021 në Republikën e Shqipërisë rezultojnë 228 kontrata koncesioni/PPP të nënshkruara. Në bazë të raportimeve të bëra deri tani nga Autoritetet Kontraktuese në këtë raport janë përshkruar 65 Kontrata Koncesioni/PPP, të cilat përfshihen në sektorin e Transportit, Energjisë, Zhvillimit Urban, Zhvillimit Ekonomik, Kontrollit Fiskal, Mjedisit dhe Shëndetësisë” .

Raporti ka monitoruar formalisht vetëm 28 për qind të kontratave, teksa Ministria e Financave në përmbledhjen e raportit la të kuptojë se procesi i monitorimit ka dobësi duke dhënë edhe argumentet përkatëse .

“Duke qenë se procesi i monitorimit është ende në fillimet e tij, numri dhe kompleksiteti i kontratave të koncesionit/PPP në Shqipërisë është i lartë, si dhe jo çdo kontratë ka një Njësi Zbatimi Projekti përgjegjëse për monitorimin e saj, mbledhja e informacionit ka hasur vazhdimisht vështirësi dhe për rrjedhojë ky raport do të përcjellë informacion për 65 kontrata koncesioni/PPP” sqaroi Ministria e Financave.

Më tej financat sqaruan se në mënyrë të vazhdueshme dhe këmbëngulëse i kanë kërkuar Autoriteteve Kontraktuese angazhim dhe përgjegjshmëri maksimale me qëllim sigurimin e një procesi monitorimi sa më efektiv, gjithëpërfshirës dhe transparent, në përputhje me përcaktimet e ligjit “Për Koncesionet dhe Partneritetin Publik Privat”, i ndryshuar.

Ministria e Financave dhe Ekonomisë gjatë vitit 2021 ka dhënë rekomandime për Autoritetet Kontraktuese me qëllim marrjen e masave nga ana e tyre për përmirësimin e performancës në ofrimin e shërbimeve dhe punëve publike, objekt i kontratave të koncesionit fushë e tyre e përgjegjësisë, si dhe për minimizimin apo eliminimin e risqeve të drejtpërdrejta e të tërthorta që ndikojnë në buxhetin e shtetit.

Gjithashtu, i është kërkuar çdo Autoriteti Kontraktues që të ngrejë struktura monitoruese për çdo kontratë koncesioni edhe kur kontrata specifike nuk e përcakton nje strukturë të tillë, me qëllim që informacioni i raportuar pranë Ministrisë së Financave dhe Ekonomisë të jetë i plotë, gjithëpërfshirës dhe në përputhje me përcaktimet ligjore.

Më herët burimet konfidenciale nga Ministria e Financave pohuan se Autoritetet Kontraktore nuk po arrijnë të kontrollojnë koncesionet nëse po kryejnë veprimtarinë sipas kontratës, për shkak të mungesës së raportimit nga institucionet përkatëse, sidomos pas nisjes së hetimit nga SPAK për disa prej tyre/Monitor

The post Qeveria pranon se po dështon të monitorojë koncesionet PPP: Janë shumë kontrata dhe komplekse appeared first on Albeu.com.

Gazeta “Le Parisien” ka pasur akses në kontratën e francezit dhe ka zbuluar sekretet e negociatave që u bënë çështje shtetërore me ndërhyrjen e Emmanuel Macron.

Sulmuesi nënshkroi për dy vjet me një opsion për një të tretën që mund ta ekzekutonte vetëm në mënyrë të njëanshme. Nëse Mbappe vazhdon në Paris për tre sezone, ai do të fitonte 630 milionë euro bruto.

Paga e tij, prej 72 milionë euro bruto në sezon, është padyshim kontrata më e vlefshme që një atlet ka nënshkruar ndonjëherë dhe, natyrsht, një futbollist. As rinovimi i kontratës katërvjeçare të Messit në 2017 me Barcelonën, 555 milionë, nuk i afrohet shifrave të tilla.

Shifrave stratosferike të kontratës së Mbappe, duhet t’i shtojmë variabla të ndryshme që përfaqësojnë një rritje të konsiderueshme në listën e pagave të tij. Sipas “Le Parisien”, PSG e pagoi atë 180 milionë euro si bonus nënshkrimi pas përfundimit të rinovimit të tij. Edhe pse nuk ka bonuse për performancën sportive, skuadra pariziene do t’i paguante atij një bonus shtesë, konkretisht besnikërinë, të cilën ai do ta rriste me kalimin e viteve në rast se nuk largohej në verë. Vitin e parë, pra në 2023, Mbappe do të merrte 70 milionë euro, në të dytën 80 dhe në të tretën 90 milionë euro. Shifra të paarritshme.

Shuma e jashtëzakonshme që merr sulmuesi francez do të kishin një mbajtje prej 45% për kontributet sociale dhe taksat mbi përfitim. Për ta vënë këtë në kontekst, nga 630 milionë euro që do të fitonte nëse do të përmbushë tre vite kontratë, do të mbeten 210 milionë euro, që do të përbënin një të katërtën të buxhetit të PSG-së.

Lojtari, megjithatë, e bëri të qartë se dëshiron të largohet nga Parisi sa më shpejt të jetë e mundur pasi është i pakënaqur me premtimet që Al Khelaifi nuk i ka mbajtur./ h.ll/albeu.com

The post Mbappe-PSG: Sekretet e kontratës së shekullit appeared first on Albeu.com.