Mediat e huaja shkruajnë se në total, më shumë se 15,000 trupa janë dorëzuar nga Rusia në Ukrainë që nga fillimi i luftës. Nga ana e tij, Kievi ka kthyer disa qindra trupa në Moskë në të njëjtën periudhë. Shkëmbimet e trupave të ushtarëve të vdekur dhe të robërve të luftës janë rezultati i vetëm i negociatave midis Ukrainës dhe Rusisë, më shumë se tre vjet e gjysmë pas fillimit të luftës.

Në shkurt, Presidenti ukrainas Volodymyr Zelensky i tha një rrjeti televiziv amerikan se vendi i tij kishte humbur gati 46,000 ushtarë që nga viti 2022, një numër që analistët besojnë se është më i ulët se shifra reale, ndërsa dhjetëra mijëra të tjerë konsiderohen të zhdukur ose mbahen si robër lufte nga Rusia.

The post Rusia i ka dorëzuar Kievit mbi 1 mijë trupa të ushtarëve ukrainas të vrarë në betejë appeared first on Albeu.com.

Në një mesazh të publikuar në Telegram, Zelensky njofton se Ukraina është goditur nga më shumë se 800 dronë, si dhe 13 raketa, katër prej të cilave raketa balistike.

Duke përmendur raportimet tragjike nga Kievi, ku një grua 32-vjeçare dhe foshnja e saj dy muajshe u vranë gjatë sulmeve, ai shkruan: “Vrasje të tilla, tani që diplomacia reale mund të kishte nisur prej kohësh, janë krime të qëllimshme dhe zgjatje e luftës”.

Zelensky i referohet takimit të zhvilluar këtë javë në Paris, ku përfaqësues të disa vendeve diskutuan për garanci të reja sigurie për Ukrainën, përfshirë idenë e vendosjes së një “forcë sigurie” pas një marrëveshjeje armëpushimi me Rusinë.

Presidenti ukrainas thekson se vetëm presioni ndërkombëtar mund t’i japë fund agresionit rus.

“Bota mund t’i detyrojë kriminelët e Kremlinit të ndalojnë vrasjet. Gjithçka që duhet është vullneti politik”.

Nga ana tjetër, Vladimir Putin, ka refuzuar kategorikisht çdo sugjerim që vendet aleate të Ukrainës të dërgojnë trupa në territorin ukrainas, edhe pas një armëpushimi të mundshëm.

The post Kievi u godit me 800 dronë, reagon Zelensky: Zbatoni marrëveshjet e Parisit appeared first on Albeu.com.

Kryebashkiaku Vitali Klitschko, tha se sulmi me dronë dhe raketa në kryeqytetin e Ukrainës ishte “masiv”, me zyrtarë ushtarakë që konfirmuan në Telegram se të paktën 24 persona ishin plagosur.

Një ndërtesë pesëkatëshe u shemb në distriktin Darnytski dhe një zjarr u raportua gjithashtu në një ndërtesë banimi shumëkatëshe në distriktin fqinj Dnipro.

Vala e raketave vjen pasi më shumë se 100,000 shtëpi ukrainase mbetën pa energji elektrike nga sulmet e fundit me dronë rusë ndaj infrastrukturës energjetike, tha të mërkurën Presidenti i Ukrainës, Volodymyr Zelensky.

Në një postim në Telegram, Tymur Tkachenko, kreu i administratës ushtarake të Kievit, tha se një nga fëmijët që u vra ishte një vajzë 14-vjeçare. Të paktën pesë fëmijë ishin plagosur në sulmet e fundit me dronë.

Ai vuri në dukje se më shumë se 20 lagje ishin shënjestruar, me shumë ndërtesa, përfshirë një çerdhe që u përfshi nga flakët.

Tre vjet e gjysmë pas pushtimit në shkallë të plotë të Ukrainës nga Rusia, luftimet në terren nuk tregojnë shenja qetësimi.

The post Kievi nën sulm masiv rus/ Humbin jetën 4 persona, mes tyre dy fëmijë, plagosen dhjetëra të tjerë appeared first on Albeu.com.

Duke folur në Stokholm, kancelari gjerman premtoi mbështetje për Ukrainën për aq kohë sa duhet. Ai gjithashtu shpjegoi se njoftimi i Gjermanisë në muajn prill për vendimin për të dërguar një sistem të tretë Patriot në Ukrainë nuk ishte një vendim i lehtë pasi Gjermania nuk ka shumë sisteme të saj të prodhuara në vend.

The post Scholz u bën thirrje vendeve evropiane që të ofrojnë më shumë ndihmë për Kievin appeared first on Albeu.com.

Kievi qëndronte pas rrëzimit të aeroplanit Il-76 të martën, media shtetërore ruse citon të ketë thënë Vladimir Putin.

Presidenti thuhet se shtoi se një hetim i plotë do të bëhet publik brenda ditëve të ardhshme.

“Raketat që rrëzuan Il-76 me personelin ushtarak të kapur të forcave të armatosura ukrainase u lëshuan nga territori ukrainas,” citon TASS të ketë thënë presidenti rus.

Ai tha gjithashtu se presidenti pretendoi se në sulm ishin përdorur raketa franceze ose amerikane. Kievi, megjithëse nuk e mohon përfundimisht se ishte i përfshirë, ka sfiduar narrativën e Moskës dhe ka bërë thirrje për një hetim ndërkombëtar, ndërsa vendet perëndimore e kanë akuzuar Moskën për mashtrim.

The post “Kievi rrëzoi aeroplanin Il-76”, Putin: Hetimi i plotë do të dalë në ditët në vijim appeared first on Albeu.com.

Zëvendëskryeministrja e Ukrainës, Iryna Vereschuk, tha në televizionin shtetëror ukrainas se 4.9 milionë njerëz janë regjistruar si të zhvendosur brenda vendit.

Rreth 3.5 milionë njerëz u zhvendosën brenda Ukrainës prej se Rusia e nisi pushtimin e plotë të saj në shkurt 2022, tha ajo.

Para pushtimit, më shumë se një milion njerëz u zhvendosën brenda vendit që nga viti 2014, për shkak të luftimeve të vazhdueshme në rajonin e Donbasit në lindje të Ukrainës.

Forcat e udhëhequr nga Rusia i kishin marrë nën kontroll pjesë të rajoneve të Donjeckut dhe Luhanskut në atë kohë.

Nuk ka pasur lëvizje të mëdha të njerëzve së fundmi, tha Vereshchuk, duke shtuar se disa prej të zhvendosurve ishin kthyer nëpër shtëpitë e veta gjatë një periudhe gusht-nëntor.

Kjo përputhet me zhvillimet e gjendjes ushtarake në terren, ku frontet në lindje dhe në jug kanë mbetur kryesisht të pandryshueshme.

Sipas të dhënave të fundit të Kombeve të Bashkuara, rreth 6.2 milionë ukrainas kanë ikur jashtë vendit qoftë përkohësisht, apo përherë.

Para fillimit të luftës më 2022, Ukraina kishte një popullsi prej rreth 41.4 milionë. /REL

The post Gati 5 milionë njerëz të zhvendosur brenda Ukrainës në thuajse 2 vjet luftë appeared first on Albeu.com.

Ndihma vjen ndërsa administrata e Presidentit Biden po përpiqet të zbusë shqetësimet se nevojat në rritje të Ukrainës dhe tani lufta e Izarelit me militantët e Hamasit mund të mbingarkojnë Shtetet e Bashkuara.

Materiali i përgatitur nga korrespondentja e Zërit të Amerikës në Pentagon, Carla Babb sjell më shumë hollësi edhe mbi mundësinë e furnizimit të Ukrainës me avionë luftarakë F-16.

Shtetet e Bashkuara do të mbështesin përpjekjet e Ukrainës dhe Izraelit për të mbrojtur vendet e tyre, njëri kundër pushtuesve rusë, ndërsa tjetri kundër militantëve të Hamasit.

“Absolutisht, ne mund t’i bëjmë të dyja dhe do t’i bëjmë të dyja. Ne do të bëjmë atë që është e nevojshme për të ndihmuar aleatët dhe partnerët tanë dhe që të sigurohemi se ruajmë aftësitë për të mbrojtur interesat tona dhe për të mbrojtur vendin tonë”, thotë Sekretari amerikan i Mbrojtjes, Lloyd Austin.

Ndërsa presidenti ukrainas Volodymyr Zelenskyy iu bashkua Grupit të Kontaktit të Mbrojtjes së Ukrainës në Bruksel, Sekretari amerikan i Mbrojtjes Austin theksoi mbi 1 miliard dollarë ndihmë të re nga vendet anëtare, përfshirë një tjetër sistem të mbrojtjes ajrore Patriot dhe 10 tanke të tjera Leopard nga Gjermania.

Zoti Austin tha gjithashtu se Shtetet e Bashkuara do të ndihmojnë në udhëheqjen e koalicionit që po punon për t’i siguruar Ukrainës avionë luftarakë F-16.

“Kjo do të marrë muaj, siç kemi thënë më parë. Pranvera e ardhshme është periudha më e hershme kur mund të shohim kapacitetet e para”, thotë zoti Austin.

Të mërkurën u mbajt takimi i parë i Grupit të Kontaktit të Mbrojtjes së Ukrainës që kur Kongresi amerikan e hoqi ndihmën e re për Ukrainën nga një projektligj për shpenzimet e buxhetit të miratuar muajin e kaliuar për të parandaluar mbylljen e qeverisë.

“Mbështetja dypartiake për Ukrainën vazhdon. Sigurisht, demokracitë duan kohën e tyre për të zgjidhur gjërat”, tha zoti Austin.

Shtetet e Bashkuara njoftuan gjithashtu një paketë ndihme që do t’i siguronte Ukrainës deri në 200 milionë dollarë më shumë armë nga rezervat ushtarake amerikane.

“E kuptoj që gjatë muajve të dimrit bëhet më sfiduese, por Ukraina synon të vazhdojë operacionet e saj sulmuese gjatë muajve të dimrit. Unë besoj, bazuar në atë që kam dëgjuar nga secili vend, ne po bëjmë gjithçka që duhet që ata të jenë të suksesshëm”, thotë Gjeneral Charles Quinton Brown Jr., Shef i Shefave të Shtabit të Bashkuar.

Paketa e ndihmës amerikane përfshin më shumë municione për sistemet e artilerisë HIMARS dhe më shumë raketa TOW për t’iu kundërpërgjigjur tankeve ruse.

The post Kievi mund të furnizohet me avionë luftarakë F-16 në pranverë appeared first on Albeu.com.

Sipas guvernatorit të rajonit, Serhii Borzhov, goditja shkaktoi dëme në ndërtesa dhe një numër të panjohur të plagosurish.

“Fatkeqësisht, ka viktima. Atyre po u ofrohet e gjithë ndihma e nevojshme”, ka shkruar ai në platformën e mesazheve Telegram. Forcat ajrore të Kievit thanë se rrëzuan një nga dy raketat e përdorura në sulmin rus.

Raketa u rrëzua mbi rajonin Kirovkhrad të Ukrainës qendrore, tha guvernatori për Telegram.

Rusia, e cila pushtoi Ukrainën në shkurt 2022, kryen rregullisht sulme ajrore ndaj objektivave ukrainas larg vijës së frontit.

The post Rusia sulmon Kievin me raketa, raportohet për viktima appeared first on Albeu.com.

Kievi dhe Londra do të presin Konferencën e Rimëkëmbjes së Ukrainës të mërkurën dhe të enjten, ku më shumë se 1,000 zyrtarë të huaj nga më shumë se 60 vende së bashku me udhëheqës biznesi dhe investitorë ndërkombëtarë do të diskutojnë mënyrat për të ndihmuar në rindërtimin e vendit.

“Presidenti Biden ka thënë se ne do të qëndrojmë pranë Ukrainës për aq kohë sa të duhet dhe të dyja vendet tona janë thellësisht të përkushtuara për këtë”, u tha Blinken gazetarëve në një konferencë të përbashkët shtypi me homologun e tij britanik James Cleverly.

“Ne do të vazhdojmë të përmbushim këtë angazhim dhe përmes një pakete të re të fortë ndihme të SHBA-së që unë do të jem në gjendje ta shpall nesër”, tha Blinken.

Dy ministrat theksuan se konferenca është fokusuar në inkurajimin e sektorit privat për të përdorur burimet e tij për të ndihmuar në rindërtimin e shpejtë të Ukrainës, por se Kievi duhet të bëjë pjesën e tij duke ecur përpara me reformat dhe bota duhet të gjejë një mënyrë për t’u ofruar kompanive sigurim kundër luftës dhe dëme nga fatkeqësia.

“Kjo javë ka të bëjë me krijimin e kushteve të nevojshme për paratë e sektorit publik, sigurisht, por kryesisht paratë e sektorit privat për të financuar rindërtimin e tij”, tha Cleverley.

“Tani, sa i përket detajeve të sakta se si do ta bëjmë këtë, nuk dua të paragjykoj. Tema e dy ditëve të ardhshme është se Britania do të shfrytëzojë përvojën e saj si qendër e shërbimeve financiare globale, si qendër globale e sigurimeve por edhe për shkak të fuqisë thirrëse që kemi”, theksoi ai.

Ukraina po kërkon deri në 40 miliardë dollarë për të financuar pjesën e parë të një “Plani të Gjelbër Marshall” për të rindërtuar ekonominë e saj, duke përfshirë zhvillimin e një industrie çeliku pa karbon, tha një zyrtar i lartë ukrainas përpara konferencës.

Totali do të jetë shumë i madh, pasi Ukraina, Banka Botërore, Komisioni Evropian dhe Kombet e Bashkuara vlerësuan në mars se kostoja ishte 411 miliardë dollarë për vitin e parë të luftës — një shifër që lehtë mund të tejkalojë 1 trilion dollarë dollarë.

The post Blinken lajmëron paketë të re ndihme për Ukrainën: Jemi krah Kievit për sa kohë duhet appeared first on Albeu.com.

Guvernatori rajonal i Kievit tha se ushtria ukrainase ka shkatërruar rreth 20 dronë të prodhimit iranian.

“Edhe një sulm masiv ndaj kryeqytetit. Këtë herë armiku përdori dronë, që sipas informacioneve preliminare, ishin të llojit Shahed”, shkroi në Telegram guvernatori Sehiy Popko.

Ai shtoi se ky ishte sulmi i parë ndaj Kievit në 18 ditët e fundit.

Ende nuk ka informacione për viktima apo dëme.

Mbrojtja ajrore në kryeqytetin ukrainas, Kiev, ka zmbrapsur një sulm “masiv” rus me dronë gjatë natës.

Guvernatori rajonal i Kievit tha se ushtria ukrainase ka shkatërruar rreth 20 dronë të prodhimit iranian.

“Edhe një sulm masiv ndaj kryeqytetit. Këtë herë armiku përdori dronë, që sipas informacioneve preliminare, ishin të llojit Shahed”, shkroi në Telegram guvernatori Sehiy Popko.

Ai shtoi se ky ishte sulmi i parë ndaj Kievit në 18 ditët e fundit.

Ende nuk ka informacione për viktima apo dëme./REL/

The post Kievi zmbraps një sulm masiv gjatë natës, shkatërrohen 20 dronë iranianë appeared first on Albeu.com.