Kjo mbledhje vjen pas kërkesës së Iranit, e mbështetur nga Kina, Pakistani dhe Rusia.

Një pjesë e kërkesës së Iranit përfshin edhe ftesën që Drejtori i Përgjithshëm i Agjencisë Ndërkombëtare për Energjinë Atomike, Rafael Grossi, si dhe shefja për çështjet politike në OKB, Rosemary DiCarlo, të bëjnë një raport të ri për Këshillin.

Kjo do të jetë mbledhja e dytë emergjente, pas asaj të parë që u zhvillua të premten e kaluar.

Irani ka lëshuar rreth 400 raketa balistike dhe 1,000 dronë kundër Izraelit që nga fillimi i konfliktit midis dy vendeve të premten, tha një zyrtar ushtarak izraelit për CNN.

Nga raketat e lëshuara, rreth 20 raketa balistike goditën zonat urbane në Izrael, shtoi zyrtari. Të paktën 24 persona janë vrarë në Izrael që kur ai filloi sulmin e tij ndaj Izraelit.

The post Përplasja Izrael-Iran/ Këshilli i Sigurimit të OKB-së thërret mbledhje emergjente të premten appeared first on Albeu.com.

“Nuk është Vuçiçi që shkon kundër anëtarësimit të Kosovës qëllimi është të tentojë të drejtat serbe në Kosovë, dhe që kjo të ndodhë duhet të jetë avokati më i fuqishëm i Kosovës. Kujtimet e luftës janë në mendje dhe shpirtrat tona, për të shpjeguar të vërtetën e botës, në memeorie na shfaqet, edhe pse ka përfunduar por vragat kanë mbetur përjetë.

Para 5 ditësh kemi shënuar 25 vjetorin e masakrës, një prej tyre ishte vetëm 14 vjeç kur u sulmua nga serbët. Asnjëherë nuk mund të harroj fëmijët që kanë qenë të gjallë kur janë djegur, policia u ka vënë zjarrin, shumë herë fëmijë të vegjël të moshës 6 mujore janë djegur për t’i zhdukur nga faqja e tokës vetëm se ishin shqiptarë”, tha Osmani.

The post Kujtoi masakrat e serbëve/ Fjalimi rrëqethës i Osmanit në KS: Asnjëherë nuk mund të harroj fëmijët që kanë qenë të gjallë kur janë djegur appeared first on Albeu.com.

Përmes një deklarate, anëtarët e Këshillit thanë se janë në dijeni “të njoftimit të Izraelit për të hapur pikëkalimin [kufitar] të Erezit dhe të lejojnë përdorimin e portit të Ashdodës për dërgesat e ndihmave në Gazë, por theksojmë se duhet të bëhet më shumë për të lehtësuar gjendjen në Gazë”.

Javën e kaluar, Izraeli premtoi se do të hapte pikën kufitare të Erezit në veri, pas një bisede të tensionuar telefonike mes presidentit amerikan, Joe Biden, dhe kryeministrit izraelit, Benjamin Netanyahu, në të cilën, Biden kërkoi “veprime të menjëhershme” sa i përket ndihmës.

Shenjat që shmangin të gjithë ata që njohin nëse i takojnë në rrugë
Por, kamionët me ndihma duket nuk do të përdorin këtë pikëkalimi, përderisa mediat në Izrael kanë raportuar se Qeveria ka frikë se mund të ketë protesta nga grupet e ekstremit të djathtë që janë kundër lejimit të hyrjes së ndihmës në Gazë.

Një ditë më herët, ministri izraelit i Mbrojtjes, Yoav Gallant, tha se po planifikohet dërgimi i ushqimit përmes pikës së re dhe portit, që gjendet në veri të Gazës.

Këshilli i Sigurimit në deklaratën e tij përsëriti “shqetësimin e thellë për ndikimin e madh te njerëzit që ka konflikti, për situatën katastrofale humanitare dhe kërcënimin për uri në Gazë”.

Këshilli po ashtu bëri thirrje që të largohen të gjitha pengesat për ndihmën humanitare për popullatën palestineze në Gazë.

Lufta në Gazë nisi më 7 tetor pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – sulmoi jugun e Izraelit duke vrarë afër 1.200 persona, shumica civilë, dhe duke rrëmbyer 250 të tjerë.

Si pasojë e ofensivës ushtarake izraelite, në Gazë janë vrarë më shumë se 33.000 persona, shumica gra dhe fëmijë, sipas autoriteteve shëndetësore lokale./REL

The post Këshilli i Sigurimit i kërkon Izraelit “të bëjë më shumë” për ndihmën në Gazë appeared first on Albeu.com.

Në kërkesë theksi vihet te situata në Kosovë, që sipas Serbisë është në kontrast të madh me Kartën e OKB-së dhe Rezolutën 1244 të Këshillit të Sigurimit.

Në kërkesën e dorëzuar, Serbia e përshkruan vendimin e Kosovës për të ndaluar përdorimin e dinarit serb për pagesa, si vendim të jashtëligjshëm, duke vlerësuar se ai është “vazhdimësi e masave të dhunës brutale fizike dhe institucionale ndaj serbëve”, dhe sipas Beogradit, qëllimi është “spastrimi etnik dhe zhdukja e popullatës serbe”.

Tensionet janë rritur sërish pasi në Kosovë më 1 shkurt hyri në fuqi një rregullore e Bankës Qendrore të Kosovës, sipas së cilës, euro është valuta e vetme për pagesat, që nënkupton ndalimin e përdorimit të dinarit serb.

Faktori ndërkombëtar ka kërkuar që Kosova të shtyjë zbatimin e vendimit të BQK-së, duke shprehur shqetësimin se mund të ketë ndikim negativ te komuniteti serb.

Në vendbanimet ku jetojnë serbët në Kosovë, dinari serb ka qarkulluar që nga paslufta. Shteti serb ua paguan serbëve të Kosovës – përmes një sistemi paralel – pagat, pensionet, ndihmat sociale, dhe përfitimet tjera.

Deri më tani, dinarët janë dërguar në Kosovë nga Serbia përmes Bankës Kombëtare të Serbisë, e cila ka një kasafortë në Leposaviq, komunë në veri të Kosovës, e banuar me shumicë serbe.

Po ashtu, ditëve të fundit autoritetet në Kosovë kanë njoftuar se kanë mbyllur shtatë komuna paralele në rajonin e Pejës dhe Dragashit, përderisa ministri i Punëve të Brendshme të Kosovës, Xhelal Sveçla, ka deklaruar se institucioni i vetëm që Serbia do të ketë në Kosovë do të jetë ambasada e saj në Prishtinë.

The post Serbia kërkon seancë të jashtëzakonshme për Kosovën në Këshillin e Sigurimit appeared first on Albeu.com.

Zëvendës Përfaqësuesi i Parë i Përhershëm i Rusisë në OKB Dmitry Polyansky tha se një vendim i tillë nga Franca përfaqëson një shpërdorim të autoritetit.

“Siç mund të pritej, presidenca franceze zgjodhi rrugën e shpërdorimit të pushtetit dhe refuzoi të përmbushte kërkesën tonë për një takim urgjent të Këshillit të Sigurimit në lidhje me sulmin terrorist në aeroplanin tonë që mbante të burgosur të luftës ukrainas për shkëmbim,” shkroi Polyanski në Telegram.

Sipas tij, Franca donte t’u siguronte ukrainasve kohë të mjaftueshme për të dhënë një shpjegim bindës për atë që ndodhi, ndaj ata ranë dakord për takimin më 25 janar, nga ora 17:00 me orën lokale.

The post Franca hedh poshtë kërkesën e Rusisë për të caktuar një seancë të Këshillit të Sigurimit të OKB-së appeared first on Albeu.com.

Siç raporton bBC, rezoluta nuk bën thirrjë për armëpushim.

SHNA dhe Rusia, të dyja anëtare të përhershme të Këshillir të Siguritmit, abstebuabn. 13 shtetet e tjera anëtare votuan pro.

Ambasadorja Linda Thomas-Greenfield thotë se këshilli ka krijuar kushtet për ndihmë humanitare.

Thomas-Greenfield thotë se Izraeli dhe Hamasi duhet të respektojnë ligjin ndërkombëtar humanitar.

Ajo gjithashtu thotë se pengjet duhet të lirohen menjëherë dhe pa kushte.

“Kjo rezolutë flet për ashpërsinë e kësaj krize.”/albeu.com

The post Miratohet rezoluta e OKB-së për Gazën, nuk kërkohet armëpushim! Si votoi SHBA dhe Rusia appeared first on Albeu.com.

Ky i fundit ka ndarë ditën e sotme disa foto në rrjetet sociale nga mbledhja dhe takimet që ai pati në OKB.

“MIRËMËNGJES

dhe me FotoALBUMIN e ditës më krenare të Shqipërisë në historinë e marrëdhënieve tona ndërkombëtare, ju uroj një ditë të mbarë”, shkruan Rama.

The post Shqipëria drejtoi mbledhjen e Këshillit të Sigurimit, Rama ndan fotot: Dita më krenare për marrëdhëniet tona ndërkombëtare appeared first on Albeu.com.

Rama, i cili është kryetar i mbledhje së Këshillit të Sigurimit, tha se bota duhet të shkojë drejt ndërtimit të urave dhe jo “mureve për fantazmat e së shkuarës”.

Pjesë nga fjala e Ramës në Këshillin e Sigurisë në OKB:

Si mund të kemi pikëpamje të ndryshme për atë që është agresori dhe i agresuari. Mund të kemi pikëpamje të ndryshme, por s’mund të ngatërrojmë agresorin. Shqipëria është një vend i vogël që mbështetja ndaj Ukrainës mund të mos e ndryshojë rrjedhën e fushëbetejës, por qëndrimi ynë është një kontribut për sigurinë. Historia ka konfirmuar se ata që kanë parë luftën si rrugë të shkurtër për arritjen e objektivave të tyre janë penduar vetë për të.

Pavarësisht sa përpiqeni, Kosova, pavarësia e së cilës është sanksionuar nga Gjykata Ndërkombëtare Penale, nuk mund të shërbejë si pretekst për aneksim territoresh. Duhet bashkëpunim mes njerëzve, për mallrat, lëvizjen e lirë, duhen ura bashkëpunimi, dhe jo të ngremë mure për fantazmat e së shkuarës që të fshihen pas lojërave të pafundme të fajit. Shqipëria e ka marrë vendimin e saj, të qëndrojë pranë të agresuarit, jo agresorit. Po marr tani detyrën time si kryetar i Këshillit të Sigurimit.

The post Mesazhi i fortë i Ramës në Këshillin e Sigurimit: Kosova është e pavarur, s’mund të jetë pretekst për aneksim territoresh! appeared first on Albeu.com.

Kryeministri Edi Rama pak para nisjes së mbledhjes, ka ndarë një foto nga selia e OKB-së, ndërsa i uron shqiptarëve një ditë të mbarë.

“MIRËMËNGJES
dhe me këtë foto nga oborri i OKB-së, ku sot Shqipëria do të ulet në krye të tryezës së Këshillit të Sigurimit, për të drejtuar një nga seancat më të rëndësishme të dekadës së fundit, ju uroj të gjithëve një ditë të mbarë”, shkruan Rama.

Java e rëndësishme e OKB ka bërë bashkë në SHBA, presidentin Bajram Begaj dhe kryeministrin Rama me një axhendë të ngjeshur takimesh. Begaj do të mbajë fjalën në emër të Shqipërinë në Asamblenë e Përgjithshme ndërsa Rama do të prezantojë 2 nisma në Këshillin e Sigurimit, të ndërmarra nga vendi ynë që mban presidencën e këtij institucioni.

The post Rama ndan foto nga oborri i OKB në SHBA: Shqipëria drejton sot një nga seancat më të rëndësishme të dekadës në Këshillin e Sigurimit appeared first on Albeu.com.

Rusia mban presidencën e rradhës të këshillit 15 anëtarësh këtë muaj. Para se të hynin në takim për të diskutuar temën e zgjedhur të Moskës për “multilateralizmin efektiv përmes mbrojtjes së parimeve të Kartës së OKB-së”, vendet perëndimore denoncuan luftën e Kremlinit ndaj Ukrainës dhe hipokrizinë e tij në zgjedhjen e temës së takimit.

“Duke organizuar këtë debat, Rusia po përpiqet ta portretizojë veten si një mbrojtëse e Kartës së OKB-së dhe multilateralizmit”, tha ambasadori i Bashkimit Evropian Olaf Skoog, i rrethuar nga të dërguarit e 27 vendeve të BE-së. “Asgjë nuk mund të jetë më larg nga e vërteta. Është cinike. Të gjithë e dimë se ndërsa Rusia po shkatërron, ne po ndërtojmë. Ndërsa ata e shkelin, ne e mbrojmë. Karta e OKB-së, Asambleja e Përgjithshme e OKB-së, GJND-ja [Gjykata Ndërkombëtare e Drejtësisë], GJNP [Gjykata Penale Ndërkombëtare] – ngado që shikoni, Rusia është duke bërë shkelje”, shtoi ai.

Ambasadorja amerikane në OKB, Linda Thomas-Greenfield, e rrethuar nga homologët nga Kandaja dhe Irlanda, u tha gazetarëve se Rusia ka shkelur në mënyrë të përsëritur të drejtat universale të njeriut dhe liritë themelore, brenda dhe jashtë vendit.

Ajo shoqërohej nga motra e amerikanit Paul Whelan, i cili u arrestua nën akuzat për spiunazh gjatë një vizite në Moskë. Ai është në paraburgim në Rusi që nga dhjetori i vitit 2018.

“Paul Whelan nuk ka kryer asnjë krim, por është kryer një krim ndaj tij”, tha për gazetarët motra e tij Elizabeth Whelan.

Ajo tha se vëllai i saj është një “viktimë e përdorur” nga Rusia në kuadër të strategjisë së saj për të arrestuar qytetarë amerikanë dhe për të përfituar diçka nga Uashingtoni në këmbim të lirimit të tyre.

“Kjo nuk është punë e një vendi të matur dhe të përgjegjshëm, por veprim i një shteti terrorist”, tha Elizabeth Whelan. “Paul-i ishte i pari në një valë arrestimesh të paligjshme nga Rusia. Së pari, vëllai im Paul Whelan, pastaj Trevor Reed, të dy turistë, basketbollistja Brittney Griner, dhe tani gazetari Evan Gershkovich”, tha ajo.

Trevor Reed u lirua në prill 2022 dhe Brittney Griner në dhjetor. Të dy ishin pjesë e shkëmbimeve të të burgosurve midis Moskës dhe Uashingtonit. Gershkovich ishte në Rusi si korrespondent në Moskë i gazetës amerikane Wall Street Journal kur u arrestua më 29 mars gjatë një udhëtimi pune dhe u akuzua për spiunazh.

Brenda dhomës së Këshillit të Sigurimit, ministri i jashtëm rus u ankua se gazetarët rusë që kishin aplikuar për të mbuluar udhëtimin e tij në Nju Jork morën vizat e tyre amerikane pasi ishte ngritur avioni i tij, dhe ai u bëri thirrje drejtpërdrejt gazetarëve që ta mbulonin takimin.

“Pra, unë kërkoj, insistoj, që të kompensoni mungesën e gazetarëve rusë”, tha zoti Lavrov. “Përpiquni ta bëni raportimin tuaj objektiv në mënyrë që komuniteti ndërkombëtar të ketë një pasqyrë objektive, të vërtetë dhe shumëpalëshe në vlerësimet tuaja dhe në faktet e dhëna.”

Zoti Lavrov u ul pranë Sekretarit të Përgjithshëm Antonio Guterres ndërsa shefi i OKB-së dënoi luftën e Kremlinit në Ukrainë.

“Sulmi rus ndaj Ukrainës është në kundërshtim me Kartën e Kombeve të Bashkuara dhe ligjin ndërkombëtar, po shkakton vuajtje dhe shkatërrime masive për vendin dhe popullin e tij dhe po shton nivelin e zhvendosjes së njerëzve për arsye ekonomike në nivel global, të shkaktuar nga pandemia COVID-19”, tha zoti Guterres.

Duke iu kthyer temës së debatit, multilateralizmi efektiv, shefi i OKB-së tha se duhet të ketë bashkëpunim më të mirë për të forcuar institucionet shumëpalëshe.

“Anëtarët e këtij këshilli, veçanërisht vendet që gëzojnë privilegjin e statusit të anëtarit të përhershëm, kanë një përgjegjësi të veçantë për të kontribuar në funksionimin e multilateralizmit, në vend që të kontribuojnë në shkatërrimin e tij”, tha zoti Guterres. Rusia është ndër pesë anëtarët e përhershëm të Këshillit të Sigurimit, i cili përbëhet nga 15 vende, së bashku me Britaninë, Kinën, Francën dhe Shtetet e Bashkuara.

Komentet e zotit Lavrov zgjatën për gati 25 minuta dhe prekën një numër temash të njohura nganjëherë jokoherente. Ai tha se Rusia po lufton nazistët në Ukrainë, NATO është një kërcënim për Rusinë, sanksionet e perëndimit ndaj Rusisë janë të paligjshme, perëndimi kurrë nuk synonte të zbatonte Marrëveshjet e Minskut, por vetëm donte të fitonte kohë për të armatosur Ukrainën.

Ai shtoi se Shtetet e Bashkuara donin “të shfrytëzonin regjimin haptazi racist” në Kiev me shpresën për të dobësuar Rusinë dhe për të eliminuar konkurrentët e saj.

“Është e qartë për të gjithë, edhe pse jo të gjithë flasin për këtë, se kjo nuk ka të bëjë fare me Ukrainën”, tha zoti Lavrov. “Kjo ka të bëjë me mënyrën sesi marrëdhëniet ndërkombëtare do të vazhdojnë të formësohen përmes vendosjes së një konsensusi të shëndoshë mbi bazën e ekuilibrit të interesave ose përmes avancimit agresiv dhe të paqëndrueshëm të hegjemonisë së Uashingtonit”.

Ndonëse ishte një mbledhje e nivelit të ministrave të jashtëm, nga 15 anëtarët e këshillit, vetëm Gaboni dhe Gana dërguan zëvendësministrat e tyre të jashtëm dhe Emiratet e Bashkuara Arabe dërguan një ministër shteti. Shumica e vendeve të tjera anëtare ishin të përfaqësuar në nivel ambasadori.

Ministri i Jashtëm rus Sergey Lavrov dhe Sekretari i Përgjithshëm Guterres u takuan të hënën pasdite për diskutime private që zgjatën gati një orë e gjysmë.

Takimi i tyre vjen vetëm disa javë përpara afatit të 18 majit që Rusia i ka caktuar OKB-së për të përmbushur kushtet e saj për zgjatjen e marrëveshjes për eksportet e drithit ukrainas dhe plehrave ruse përmes Detit të Zi. Moska është ankuar prej muajsh se nuk po përfiton nga marrëveshja nëntëmujore.

OKB-ja tha përmes një deklarate për takimin se Sekretari i Përgjithshëm i dha zotit Lavrov një letër për Presidentin Vladimir Putin mbi “zgjerimin dhe përmirësimin” e marrëveshjes për eksportin e drithit. OKB-ja tha se propozimi merr parasysh qëndrimet e shprehura nga palët dhe rreziqet që vijnë nga pasiguria ushqimore globale, si dhe një “raport të detajuar” mbi përparimin e arritur tashmë në trajtimin e shqetësimeve të Moskës në lidhje me dërgesat e saj të ushqimit dhe plehrave.

Një letër e ngjashme do t’u dërgohet zyrtarëve ukrainas dhe atyre turq. Turqia është një nga nënshkrueset e marrëveshjes së grurit dhe anijet që udhëtojnë nga Ukraina kalojnë përmes ngushticës së Bosforit dhe inspektohen nga një ekip i përbashkët në Stamboll./voa

The post Tensione të larta në takimin e Këshillit të Sigurimit të OKB-së, të udhëhequr nga Rusia appeared first on Albeu.com.