Rama tha se si pjesë e programit të punës së Këshillit të Sigurimit të Kombeve të Bashkuara gjatë muajt shtattor, nën kryesimin e Shqipërisë, Këshilli do të mblidhet nesër dhe me gjasë ëshë takimi më i rëndësishëm për Ukrainën, qysh prej fillimit të pushtimit.

“Si pjesë e programit të punës të Këshillit të Sigurimit gjatë muajit shtator, nën kryesimin e Shqipërisë, Këshilli do të mblidhet nesër për atë që, me gjasë, është takimi më i rëndësishëm për Ukrainën, qysh prej fillimit të pushtimit në shkallë të gjerë nga Rusia.

Do të kem nderin të kryesoj këtë takim.

Krerët e shteteve dhe të qeverive të anëtarëve të Këshillit të Sigurimit, si dhe, më gjerë, të anëtarëve të Kombeve të

Bashkuara, përfshi Ukrainën, do të kenë mundësi të shprehin pikëpamjet e tyre dhe të shkëmbejnë ide, jo vetëm rreth luftës që po zhvillohet dhe pasojave mbi Ukrainën e popullin e saj, por edhe për ndikimin që po prodhon lufta mbi paqen e sigurinë ndërkombëtare, zhvillimin ekonomik dhe veprimin shumëpalësh.

Do të jetë hera e parë, që prej fillimit të luftës, që Presidenti Zelensky do të jetë në Kombet e Bashkuara dhe në Këshillin e Sigurimit.

Shpresoj që ky Debat i Hapur i Nivelit të Lartë të mobilizojë botën në përpjekjet e saj të përbashkëta për të dënuar luftën e për të rritur trysninë ndaj Rusisë, për të kthyer rrugë dhe për t’i lënë vend nisjes së procesit të paqes së drejtë.

Duke qenë se vijmë nga një rajon ku lufta ka shkaktuar vuajtje të pamasë, jemi mjaft të ndërgjegjshëm për vlerën e paqes dhe përpjekjet monumentale që duhen për arritjen e, mbi të gjitha, për ruajtjen e saj.

Karta e Kombeve të Bashkuara dhe e Drejta Ndërkombëtare shtrojnë themelet e asaj çka quajmë siguri njerëzore.

Ato përbëjnë një shkëputje nga e kaluara, me praktikën tradicionale të mbizotërimit, imponimit apo atë të “fuqishmit që ka të drejtë”. Ato sigurojnë barazi mes shtetesh dhe mjete paqësore për zgjidhjen e mosmarrëveshjeve.

Ja pse Shqipëria ka vendosur të vendosë theksin te nevoja thelbësore për një veprim efektiv shumëpalësh, si metoda më e mirë për zgjidhjen e problemeve të përbashkëta, sidomos, të paqes e sigurisë, në diskutimin e këshillit dhe, më gjerë, mes anëtarëve të Kombeve të Bashkuara.

Pra, u vendos!”, tha Rama./albeu.com

The post Rama nga New Yorku: Takimi i Këshillit të Sigurimit që unë do të kryesoj nesër, më i rëndësishmi për Ukrainën appeared first on Albeu.com.

Xhaçka gjatë fjalës së saj u shpreh ndër të tjera se teknologjia dhe inovacioni i pandërprerë po ndikojnë jetët tona dhe të ardhmen tonë.

Gjithashtu Xhaçka tha se sulmet kibernetike që goditën Shqipërinë pak kohë më parë, janë orkestruar dhe sponsorizuar nga Irani.

“Na takon ne të përcaktojmë rrugën që duhet të marrë teknologjia. Në një dekadë Shqipëria ka ndërtuar gradualisht një shoqëri dixhitale në rritje. Aktualisht, më shumë se 1200 shërbime kryesore qeveritare ofrohen online. Dixhitalizimi kërkon një hapësirë kibernetike të lirë, të hapur, të qëndrueshme dhe të sigurt. Përparimi i shpejtë teknologjik mbart gjithashtu rreziqe dhe sfida. Të shqetësuar për rritjen alarmante të sulmeve kibernetike që synojnë shtetet dhe infrastrukturat e tyre jetike.

Vetëm këtë vit, më shumë se dyzet sulme kibernetike kanë prekur 19 vende. Sulmi kibernetik në Shqipëri, kemi prova të padiskutueshme se u orkestrua dhe u sponsorizua nga Irani. Dëmi u frenua, por ishte një dëshmi e brutalitetit të aktivitetit keqdashës kibernetik.

Akte të tilla përbëjnë një kërcënim për paqen dhe sigurinë ndërkombëtare dhe duhet të trajtohen si të tilla. Veprimet e Rusisë kanë shkaktuar bllokime në komunikim jo vetëm në Ukrainë, por edhe në pjesë të tjera të Evropës. Vendet e Ballkanit Perëndimor janë shënjestruar sistematikisht nëpërmjet fushatave të manipulimit të informacionit. E gjitha kjo për të shkaktuar paqëndrueshmëri politike dhe për të minuar aspiratat e tyre euro-atlantike.

Koreja e Veriut është bërë po ashtu një shembull famëkeq i aktiviteteve të përsëritura keqdashëse. Të gjitha shtetet anëtare janë të detyruara të respektojnë Kartën e OKB. Duhet të promovojmë një hapësirë kibernetike globale, të hapur, të qëndrueshme dhe të sigurt.

Ne të gjithë kemi një rol për të luajtur, dhe ai fillon me vendosjen dhe respektimin e rregullave të pranuara së bashku’, u shpreh ajo.

The post Xhaçka në Këshillin e Sigurimit të OKB: Sulmi kibernetik në Shqipëri u orkestrua nga Irani appeared first on Albeu.com.

Ambasadori rus u largua nga seanca, pasi vendi i tij u fajësua nga BE për një krizë globale ushqimore me pushtimin e saj.

Por furnizimet globale të ushqimit nuk ishin pika e vetme në rendin e ditës në Nju Jork.

Vassily Nebenzia kishte mohuar më herët pretendimet për dhunë seksuale nga forcat ruse në Ukrainë, duke pretenduar se nuk kishte “asnjë provë” për këtë, sipas vërejtjeve të cituara nga agjencia AFP.

Por akuza të tilla po “rriten”, tha zyrtarja e lartë e OKB-së Pramila Patten.

Që nga 3 qershori, OKB-ja kishte marrë raporte për 124 pretendime për dhunë seksuale të lidhura me konfliktin në të gjithë Ukrainën./albeu.com

The post Rusia mohon pretendimet për dhunë seksuale në Ukrainë appeared first on Albeu.com.

Ai pohoi se kufomat e gjetura nga gazetarët në qytetin ukrainas nuk ishin aty menjëherë pas tërheqjes së forcave ruse,  duke shtuar se kjo u “konfirmua nga disa video”.

Nebenzya shtoi: “Kufomat në asnjë mënyrë nuk ngjajnë me ato që mund të qëndronin në rrugë për tre ose katër ditë”.

Megjithatë, imazhet satelitore të konfirmuara nga BBC duket se tregojnë trupa në rrugën në Bucha gati dy javë përpara se rusët të largoheshin nga qyteti.

The post Rusia mohon në Këshillin e Sigurimit të OKB-së, masakrën në Bucha appeared first on Albeu.com.

Linda Thomas-Greenfield, ambasadorja e SHBA në OKB, i tha Këshillit të Sigurimit “Rusia nuk duhet të ketë një pozicion autoriteti në një organ, qëllimi i të cilit është të promovojë respektimin e të drejtave të njeriut”.

Ajo tha se pjesëmarrja ruse “dëmton” besueshmërinë e këshillit të të drejtave të njeriut, pas “luftës së paprovokuar dhe krizës humanitare”.

Duke iu kthyer presidentit ukrainas Volodymyr Zelensky, pas fjalimit të tij në këshillin e sigurisë, Thomas-Greenfield tha: “Ne qëndrojmë me popullin e Ukrainës ndërsa përballeni me këtë sulm brutal ndaj sovranitetit, demokracisë dhe lirisë suaj”./albeu.com

The post SHBA: Rusia nuk duhet të jetë në Këshillin e OKB-së për të Drejtat e Njeriut appeared first on Albeu.com.

Komentet e Zelensky pasojnë vizitën e tij në qytetin Bucha të hënën, ku u panë trupat e civilëve të vdekur ukrainas. Ai akuzon Rusinë për kryerjen e gjenocidit, ndërsa shton se njerëzit u qëlluan në rrugë, në shtëpitë e tyre, u hodhën në puse dhe u shtypën me tanke vetëm për kënaqësinë e ushtarëve rusë.

Ai përsërit pretendimin e tij se veprimet e rusëve janë shumë të ngjashme me ato të grupit terrorist ISIS, dhe se propaganda e Presidentit Putin kërkon të eksportoje urrejtjen e tij në vende të tjera përtej Ukrainës.

“Ku është siguria që duhet të japë këshilli i sigurisë? Ku është paqja? Ku janë ato garanci që OKB-ja duhet të sigurojë?” pyet ai, teksa thotë se bota duhet të shohë ende se çfarë krime të mëtejshme lufte mund të ketë kryer ushtria ruse në pjesë të tjera të Ukrainës, përveç vrasjeve në Bucha.

“Gjeografia mund të jetë e ndryshme, por mizoria është e njëjtë, krimet janë të njëjta dhe përgjegjësia duhet të jetë e pashmangshme,”, tha ai.

The post Zelensky në Këshillin e Sigurimit të OKB: Ushtarët rus vrasin dhe torturojnë ukrainasit vetëm për kënaqësinë e tyre appeared first on Albeu.com.

SHBA, Britania, Franca, Irlanda, Norvegjia dhe Shqipëria kërkuan takimin, raportojnë burime diplomatike, pas rritjes së bombardimeve ndaj zonave civile ditët e fundit.

SHBA, Britania e Madhe dhe Franca janë të gjitha anëtarë të përhershëm të këshillit së bashku me Rusinë dhe Kinën.

Raportohet se po zhvillohen gjithashtu diskutime për të krijuar një rast që presidenti ukrainas Volodymyr Zelensky të flasë në Asamblenë e Përgjithshme të OKB-së, e cila përbëhet nga të gjitha shtetet anëtare./albeu.com

The post Mblidhet sot Këshilli i Sigurimit të OKB-së, çfarë pritet të diskutohet appeared first on Albeu.com.

Sekretari i Përgjithshëm António Guterres, i cili kishte dënuar vazhdimisht sulmet ndaj civilëve afganë dhe i kishte lutur talebanët dhe përfaqësuesit e qeverisë për të negociuar një zgjidhje paqësore, pritet të flasë në takimin urgjet.

Të premten, ndërsa po bëhej gjithnjë e më e qartë se qeveria afgane pasi talebanët po hynin qytet pas qyteti, Guterres tha se vendi “po dilte jashtë kontrollit”./albeu.com

The post Talebanët po marrin Afganistanin, mblidhet sot Këshilli i Sigurimit të OKB-së appeared first on Albeu.com.