“Një ëndërr e bërë realitet”, flet përfaqësuesja e Shqipërisë në “Junior Eurovision”: Vite punë

Xh — Thu, 23 Nov 2023 08:32:10 +0000

Viola Gjyzeli është përfaqësuesja e Shqipërisë në Junior Eurovision dhe së bashku me mësuesen e saj të kantos, Olta Juba, kanë ndarë detaje rreth kësaj ekperience.

Vajzat kanë folur për rrugëtimin e tyre në festival , këngën dhe dashurinë që Viola ka për kafshët. Të ftuara në “Abc e Mëngjesit”, Viola tregoi se ka në fermën e shtëpisë shtatë qen, një viç dhe një mace.

“Viola ka nisur këtë rrugëtim në moshën 7-vjeçare, sot është 13. Kështu që ka vite punë dhe konkuronte për të tretën herë. Kishte vite që e ëndërronte, por kjo eksperiencë fantastike i erdhi në maksimumin e moshës, pasi në moshën 13 vjeçare është i fundit. Ndërsa në moshën 14 vjeçare kalon te festivali i të rriturve”, u shpreh Olta.

“Kënga flet për një botë që të gjithë ëndërrojnë dhe askush nuk na ndalon. Unë kam shtatë qen dhe një mace. Kam një dashuri shumë të madhe për kafshët që nuk e përshkruaj dot. Kam pasur dhe një këngë për kafshët në Festivalin e Shkodrës me të njëjtët autor si me këngën aktuale fituese, Enis Mullaj dhe Eriona Rushiti”, tha Viola.

The post “Një ëndërr e bërë realitet”, flet përfaqësuesja e Shqipërisë në “Junior Eurovision”: Vite punë appeared first on Albeu.com.

11-vjeçarja nga Durrësi përfaqësoi Shqipërinë në “Junior Eurovision”

Xh — Wed, 01 Feb 2023 18:19:24 +0000

“U mundova të jap më të mirën time dhe të përfaqësoj shtetin tim më mirë se kurrë”.

Ishte kjo deklarata e Kejtlin Gjatës, përfaqësueses së Shqipërisë në Eurovision-in për fëmijë.

Ndonëse u rendit e 12-ta me 94 pikë, ajo ia arriti qëllimit: të rrezatonte në skenë dritë për fëmijët që përjetojnë ditë të errëta në jetën e tyre.

“Për mua kjo eksperiencë ka qenë më e bukura, që do më mbetet gjithnjë në memorie. Kam punuar fort që të arrija aty dhe ia kam dalë me sukses,” – tha Kejtlin.

“Ne qëndruam 8 ditë. Vizituam patjetër qytetin, pamë muze të ndryshme, bëmë prova sepse kishim dhe ditë të lodhshme, por edhe u kënaqëm,” – tregoi ajo.

Vetëm 11 vjeçe, Kejtlin po jeton tashmë jetën e një artisti.

“Jam mësuar me skena të ndryshme, me programe e koncerte të ndryshme dhe për më tepër kjo është jeta e një artisti. Duhet puna, pasioni, por është edhe pak pjesë e fatit,” – u shpreh 11-vjeçarja.

Artistja e vogël nga Durrësi u zbulua nga konkurset e Qendrës Kulturore të Fëmijëve.

Kjo e fundit, edhe pse kaq e rëndësishme, është thuajse e braktisur nga pushteti vendor.

“Kemi 2 mësues të talentuar, të cilët sot vijnë punojnë edhe në mënyrë vullnetare përshkak të kushteve që na janë krijuar. Sidomos pas tërmetit të 2019-ës dhe pandemisë gjithçka tek ne është bllokuar. Dhe ata vijnë punojnë 3-4 muaj me këta zëra të rinj,” – u shpreh Avni Çuni, drejtor i qendrës kulturore të fëmijëve Durrës./euronews.

The post 11-vjeçarja nga Durrësi përfaqësoi Shqipërinë në “Junior Eurovision” appeared first on Albeu.com.

Junior Eurovision Archives - Albeu.com

“Një ëndërr e bërë realitet”, flet përfaqësuesja e Shqipërisë në “Junior Eurovision”: Vite punë

11-vjeçarja nga Durrësi përfaqësoi Shqipërinë në “Junior Eurovision”