Karamuço tha se mbrojtja e personaliteteve ka nisur që në lashtësi, ndërsa tha se duhet gjatë gjithë kohës përgatitje fizike dhe psikologjike.

Ai tha se kemi tre lloj mbrojtjesh që është ajo konike, ajo katrore dhe ajo rrethore.

Karamuço zbuloi se amerikanët përdorin teknikën konike për të mbrojtur personalitetin. Në Turqi sipas Karamuços përdoret teknika rrethore, ndërsa për mbrojtjen e Putin përdoret teknika katrore.

Pjesë nga biseda:

Xhokaxhi: Në rast se flasim për historikun në vetvete kur janë caktuar protokollet për mbrojtjen e një personaliteti?

Karamuço: Ka filluar që në lashtësi, filluar që në lashtësi, duke nisur nga Kina e lasht6ë, më pas samurajt japonezë, pastaj Filipi II dhe Aleksandri i Madh, që vendosën mbrojtjen me 7 fillimisht dhe më pas me 8-të. Por ka disa rregulla për përgatitjen e shoqëruesve që janë tre.

Xhokaxhi: Kush janë?

Karamuço: Konike, katrore dhe rrethore.

Xhokaxhi: Këto rregullua vazhdojnë të jenë akoma?

Karamuço: Po vijën që nga garda pretoriane. Janë tre shkolla, mund të kemi shkollën Amerikane, të cilët mbrojnë në formë konike. Që nga Kina e lashtë ne njohim një parim që vjen nga natyra, nëse hedh një gur në ujë, atëherë uji krijon rrathët, ashtu mbrohet një personalitet.

Xhokaxhi: Cila është forma më efikase?

Karamuço: Në tubime është rrethore, ajo që bën shkolla turke. Nëse shihni Presidentin Erdogan ka një zinxhir të gjatë rrethore. Putin ndjek një formë katrore, ka forma nga më të ndryshëm. Këto vijnë me shkollë me trajnime.

The post Cilat janë teknikat që përdoren për të mbrojtur Putin, Biden dhe Erdogan? I tregon Karamuço appeared first on Albeu.com.

Presidenti Joe Biden u bëri thirrje amerikanëve të hënën që të bashkohen për një “qëllim të ri kombëtar”, përpjekjen e administratës së tij për t’i dhënë fund kancerit.

Në Bibliotekën dhe Muzeun Presidencial John F. Kennedy, zoti Biden i bëri jehonë fjalimit të famshëm të ish-Presidentit Kennedy 60 vjet më parë, duke e krahasuar garën hapësinore me përpjekjen e tij kundër kancerit dhe duke shpresuar se kjo do të nxisë edhe qytetarët amerikanë.

“Ai përcaktoi një qëllim kombëtar që bashkoi popullin amerikan rreth një synimi të përbashkët”, tha Presidenti Biden për përpjekjet hapësinore të ish-presidentit Kennedy, duke shtuar se kjo mund të bëhet edhe në përpjekjen për t’i dhënë fund kancerit.

Presidenti Biden shpreson t’i sjellë Shtetet e Bashkuara më afër qëllimit që ai vendosi në shkurt për uljen e vdekjeve nga kanceri në Amerikë me 50% gjatë 25 viteve të ardhshme dhe për të përmirësuar në mënyrë dramatike jetën e atyre që kujdesen për pacientët me kancer dhe atë të atyre që vuajnë nga kanceri. Ekspertët thonë se objektivi është i arritshëm, por me investime adekuate.

Presidenti e quajti qëllimin e tij për zhvillimin e trajtimeve dhe terapive për kancerin “të guximshëm, ambicioz dhe plotësisht i realizueshëm”.

Në fjalimin e tij, Biden i bëri thirrje sektorit privat që t’i bëjë ilaçet më të përballueshme për amerikanët. Ai tha se përparimet mjekësore janë të mundshme përmes përqëndrimit të përpjekjeve në fushën e hulumtimeve, financimit dhe të dhënave.

Presidenti amerikan foli për një studim të ri të mbështetur nga qeveria federale për përdorimin e analizave të gjakut në përpjekjet për të zbuluar shumë lloje të kancerit, që do të përmirësonte në mënyrë dramatike zbulimin e kancerit në fazat e tij të hershme.

Sipas vlerësimeve të Shoqatës Amerikane të Kancerit, në vitin 2022 pritet të ketë 1.9 milionë raste të reja me kancer dhe 609,360 njerëz pritet të vdesin nga kjo sëmundje. Qendrat për Kontrollin dhe Parandalimin e Sëmundjeve kanë radhitur kancerin si shkaktarin numër dy të vdekjeve në SHBA. Sëmundjet e zemrës janë shkaktari më i madh i vdekjeve në Amerikë.

Djali i Presidentit Biden, Beau vdiq nga kanceri i trurit në vitin 2015. Pas vdekjes së tij, Kongresi miratoi Aktin e Kurave të Shekullit të 21-të, i cili parashikonte 1.8 miliardë dollarë investime për studimin e sëmundjes së kancerit dhe u nënshkrua në ligj në vitin 2016 nga Presidenti Barack Obama./VOA

The post Presidenti Biden, fjalim mbi përpjekjet për t’i dhënë fund kancerit appeared first on Albeu.com.

Kërkesa, e cila vjen derisa ligjvënësit po përgatiten të kthehen në Uashington, është pjesë e një pakete më të madhe shpenzimesh urgjente prej 47.1 miliardë dollarësh që Shtëpia e Bardhë po propozon të paguajë për përgjigjen ndaj COVID-19, shpërthimin e lisë së majmunëve dhe ndihmën për fatkeqësitë e fundit natyrore në Kentaki dhe shtetet e tjera.

Paratë për Ukrainën do të jenë mbi 40 miliardë dollarë që u miratuan në fillim të këtij viti.

Zyrtarët e administratës thanë se afërsisht tre të katërtat e asaj mbështetje ushtarake dhe buxhetore janë shpërndarë.

Miliardat e reja do të përfshijnë para për pajisje, mbështetje të inteligjencës dhe mbështetje të drejtpërdrejtë buxhetore për Ukrainën.

Ky financim gjithashtu do të përfshijë 1.5 miliardë dollarë për uranium për të ushqyer reaktorët bërthamorë të SHBA-së, pasi furnizimi rus potencialisht mund të ulet.

Luftime të ashpra po vazhdojnë në jug të Ukrainës, përfshirë edhe granatime në qarkun Enerhodar, afër centralit të pushtuar bërthamor të Zaporizhjas.

Zaporizhja, që ka rënë nën kontrollin rus pak ditë pas nisjes së pushtimit të Ukrainës, është centrali më i madh bërthamor në Evropë.

Më 1 shtator, zyrtarët ukrainas raportuan për “sulme të vazhdueshme me mortaja” nga rusët. Zyrtarët lokalë në Zaporizhja thanë po ashtu se trupat ruse kanë granatuar rrugën nëpër të cilën kanë kaluar inspektorët e Kombeve të Bashkuara./REL

The post Biden kërkon 11.7 miliardë dollarë më shumë për Ukrainën appeared first on Albeu.com.

“Barazia dhe demokracia janë nën sulm”, tha presidenti Biden.

Ai u bëri thirrje drejtpërdrejt republikanëve të moderuar që të bashkojnë forcat me demokratët, duke thënë se qëllimi i vetëm duhet të jetë mbrojtja “e demokracisë sonë, pavarësisht nga ideologjia”.

“Për një kohë të gjatë, ne kemi pasur bindjen se demokracia amerikane është e garantuar. Por nuk është ashtu. Duhet ta mbrojmë atë. Mbrojeni atë”, tha ai.

Presidenti Biden foli nga Filadelfia, vendlindja e demokracisë amerikane dhe fjalimi është pjesë e një kthese të fortë nga ana e tij ndërsa afrohen zgjedhjet e Kongresit.

“Kam ardhur këtu në vendin ku e ka zanafillën gjithçka që t’i flas hapur kombit për kërcënimet me të cilat përballemi. Për forcën që kemi në dorë për t’u përballur me këto kërcënime. Dhe për të ardhmen e jashtëzakonshme që na pret nëse zgjedhim këtë rrugë”, tha ai.

Pasi ia kushtoi pjesën më të madhe të vëmendjes në vitin 2022 inflacionit të lartë në vend dhe agresionit rus në Ukrainë, dhe pasi u infektua dy herë me COVID-19 gjatë verës, zoti Biden filloi ditët e fundit të vërë në shënjestër republikanët e lidhur me zotin Trump.

Të enjten në mbrëmje ai vuri në shënjestër lëvizjen e ish-presidentit Trump “Ta bëjmë Amerikën Përsëri Madhështore ” dhe vetë paraardhësin e tij, duke e përmendur me emër, ndryshe nga më parë.

“Ish-presidenti Trump dhe republikanët që mbështesin MAGA-n, përfaqësojnë esktremizmin që kërcënon vetë themelet e republikës sonë”, duke shtuar se forcat e saj janë të vendosura ta çojnë këtë vend prapa.

“Prapa tek një Amerikë ku nuk ekziston e drejta për të zgjedhur, e drejta për privatësi, e drejta për kontraceptivë, e drejtë për t’u martuar me atë që do”, tha ai.

Në një aktivitet për mbledhje fondesh javën e kaluar në Maryland, presidenti Biden e krahasoi atë që e quajti ” filozofi ekstreme të MAGA-s” – me një “gjysmë-fashizëm”.

Ai tha se nuk do të lejojë që zgjedhjet në Shtetet e Bashkuara të vidhen nga ata që thjesht refuzojnë të pranojnë se kanë humbur.

Fjalimi i zotit Biden pasqyron një urgjencë në rritje për t’iu përgjigjur prirjeve antidemokratike mes republikanëve, si dhe nevojën për të parandaluar një fitore masive republikane në nëntor, si edhe për të krijuar mbështetje për një rikandidim të mundshëm të tij në vitin 2024, thonë këshilltarët e tij.

Të martën, në një nga tre vizitat brenda një jave në shtetin e Pensilvanisë, që është një fushëbetejë politike, zoti Biden foli ashpër ndaj kërcënimeve kundër FBI-së pas një kontrolli në shtëpinë e zotit Trump në Florida, duke i quajtur ato “të pështira”. Ai iu rikthye kësaj teme të enjten.

Ai ironizoi anëtarët republikanë të Kongresit të cilët refuzuan të dënojnë sulmin e 6 janarit në Kapitolin e Shteteve të Bashkuara,

Përpara fjalimit të presidentit Biden, udhëheqësi republikan i Dhomës së Përfaqësuesve, Kevin McCarthy e akuzoi atë se po lë pas dore krimin dhe inflacionin “për të shpërfillur punonjësit amerikanë”. Zoti McCarthy planifikon të mbajë një fjalim në qytetin e lindjes së zotit Biden, Scranton, Pensilvani, përpara fjalës së presidentit.

ZGJEDHJET E LIRA NË RREZIK?

Presidenti Biden e mbajti fjalimin në Sallën e Pavarësisë, ku u ra dakord për Deklaratën e Pavarësisë dhe Kushtetutën e Shteteve të Bashkuara.

Historianë, studiues ligjorë dhe disa zyrtarë të zgjedhur thonë se me rezultatin e zgjedhjeve të nëntorit përcaktohet mënyra se si shihen zgjedhjet e lira dhe përkushtimi ndaj sundimit të ligjit.

Ata thonë se humbja e shumicës nga demokratët në Kongres jo vetëm që do ta bënte zotin Biden një president joefektiv, por mund ta kthente kontrollin mbi certifikimin e rezultateve të zgjedhjeve të ardhshme presidenciale tek simpatizantët e zotit Trump, disa prej të cilëve nuk e pranuan kurrë fitoren e zotit Bideni në vitin 2020 dhe janë zotuar t’i

Të përballur me kërcënime pas humbjes së ish-presidentit Trump, një ndër pesë punonjës zgjedhorë të anketuar këtë vit thanë se mund të largohen përpara zgjedhjeve të ardhshme presidenciale.

Shtëpia e Bardhë vuri në dukje se bëhej fjalë për “një fjalim optimist. Është një fjalim për atë që mund të arrijmë ne si vend, si demokraci.”/VOA

The post Biden: Demokracia amerikane nuk është e garantuar, duhet ta mbrojmë atë appeared first on Albeu.com.

“NATO do të jetë më e fortë dhe më e sigurtë me Suedinë dhe Finlandë anëtare”, është shprehur Biden.

Po ashtu Biden është shprehur se do të forcojë praninë e saj ushtarake në Evropë, duke përfshirë aftësitë shtesë të mbrojtjes ajrore në Gjermani dhe Itali. /albeu.com

The post Biden: Me Suedinë dhe Finlandën NATO do të jetë më e fortë, më shumë trupa amerikane në Evropë appeared first on Albeu.com.

“Pas takimit të së martës në mëngjes me kancelarin Olaf Scholz të Gjermanisë, Presidentin Emmanuel Macron të Francës dhe kryeministrin Boris Johnson të Mbretërisë së Bashkuar në margjinat e G7, Biden do të shkojë në Madrid.”, shkruajnë mediat e huaja.

Udhëheqësit që marrin pjesë në samitin e NATO-s pritet të miratojnë një “koncept strategjik” të ri që përshkruan synimet e aleancës së mbrojtjes për dekadën e ardhshme.

The post Pas përfundimit të samitit të G7 në Gjermani, Biden i bashkohet takimeve të NATO-s në Spanjë appeared first on Albeu.com.

Duke folur nga Shtëpia e Bardhë më 2 qershor, Biden pyeti popullin amerikan se edhe sa jetë duhet të humben para se të ndryshohen ligjet e armëve në Amerikë.
“Për hir të Zotit, edhe sa masakra të tjera duhet të ndodhin?”, pyeti Biden.

SHBA-ja javëve të fundit është përballur me tri sulme vdekjeprurëse në një shkollë fillore në Teksas, në një dyqan ushqimor në Nju Jork dhe në një qendër shëndetësore në Oklahoma.

Biden e përshkroi vizitën në Uvalde të Teksasit ku ndodhi një prej të shtënave.

“Nuk mund të mos e mendoja se ka shumë shkolla të tjera, shumë vende të tjera që janë bërë fusha vrasjesh, fushëbeteja, këtu në Amerikë”, tha ai.

Presidenti demokrat bëri thirrje për një sërë masash që janë kundërshtuar nga republikanët në Kongres, përfshirë edhe ndalimin e shitjes së armëve sulmuese dhe karikatorëve me kapacitet të lartë, ose, nëse do të ishte e mundur, të rritej mosha minimale për të blerë armë nga 18 në 21 vjeç.

Ai po ashtu kërkoi që prodhuesit e armëve të mos mund të mbrohen nga paditë nëse qytetarët kryejnë akte të dhunshme me armët e këtyre prodhuesve.

“Ne nuk mund të zhgënjejmë sërish popullin amerikan”, tha Biden, duke kërkuar nga republikanët, veçmas në Senatin amerikan, që të lejojnë të dalin në votim projektligjet për kontrollin e armëve.

Presidenti demokrat bëri thirrje për një sërë masash që janë kundërshtuar nga republikanët në Kongres, përfshirë edhe ndalimin e shitjes së armëve sulmuese dhe karikatorëve me kapacitet të lartë, ose, nëse do të ishte e mundur, të rritej mosha minimale për të blerë armë nga 18 në 21 vjeç.

Ai po ashtu kërkoi që prodhuesit e armëve të mos mund të mbrohen nga paditë nëse qytetarët kryejnë akte të dhunshme me armët e këtyre prodhuesve.

“Ne nuk mund të zhgënjejmë sërish popullin amerikan”, tha Biden, duke kërkuar nga republikanët, veçmas në Senatin amerikan, që të lejojnë të dalin në votim projektligjet për kontrollin e armëve.Presidenti amerikan tha se nëse Kongresi nuk vepron, populli amerikan do ta shndërrojë çështjen e armëve në temë qendrore në zgjedhjet afatmesme të nëntorit.
Shoqata Kombëtare e Pushkëve, lobi më i fuqishëm i armëve në SHBA, tha përmes një deklarate se propozimet e Bidenit do të cenonin të drejtat e pronarëve të armëve të cilët u binden ligjeve.

“Kjo nuk është zgjidhje reale, ky nuk është lidership i vërtetë dhe nuk është ajo që i duhet Amerikës”, tha kjo shoqatë.

SHBA-ja ka nivel të lartë të vdekjeve nga armët e zjarrit se çdo shtet tjerë. Së fundmi, nga të shtënat masive dhjetë afrikano-amerikanë u vranë në një dyqan ushqimor në Bufallo të Nju Jorkut, 19 fëmijë dhe dy mësuese u vranë në Teksas, si dhe dy doktor, një recepsionist dhe një pacient u vranë në Oklahoma.

Ligjvënësit po shikojnë masat për të zgjeruar kontrollet e të kaluarës dhe për të miratuar ligje që do t’iu lejonin zyrtarëve të sigurisë të largonin armët nga personat që vuajnë nga sëmundje mendore. Por, çdo masë e re do të përballet me kundërshtinë e republikanëve, sidomos në Senat, dhe propozimi për të ndaluar armët sulmues nuk ka mbështetjen e duhur për t’u miratuar.

Amendamenti i dytë i Kushtetutës amerikane mbron të drejtën e qytetarëve për të mbajtur armë. Por, Biden tha se ky amendament nuk ishte “absolut”, teksa shtoi se masat e reja që ai mbështet nuk kanë për qëllim që qytetarëve t’iu merren armët.
Mbi 18,000 persona kanë vdekur nga dhuna me armë në SHBA gjatë këtij viti, përfshirë këtu vrasje dhe vetëvrasje, tha Arkivi për Dhunën me Armë.

Kanadaja, Australia dhe Britania kanë miratuar ligje më të ashpra pasi në këto shtete kanë ndodhur të shtëna masive, përfshirë edhe ndalimin e armëve sulmuese.

Presidenti Biden po kërkon që Kongresi të miratojë legjislacion për kontroll më të ashpër të armëve. Në Senat, fuqia politike midis demokratëve dhe republikanëve është 50 me 50 dhe që një ligj të kalohet duhet të ketë 60 vota./REL

The post Biden kërkon ashpërsim të ligjeve për armët appeared first on Albeu.com.

Biden ka shtuar se për të është e arsyeshme që të ndodhet pranë familjeve në këto momente.

“Ne jemi shumë të pikëlluar dhe shpresojmë t’i japim pak ngushëllim për këtë tronditje të madhe. Unë mendoj se ne të gjithë duhet të jemi për ta, të gjithë,” tha Biden.

Ngjarja tragjike e 24 majit është masakra më e keqe në një shkollë në pothuajse një dekadë. Më 14 dhjetor 2012, një 20-vjeçar me pushkë vrau 20 fëmijë dhe gjashtë mësues në shkollën fillore Sandy Hook në Neëtoën, CT.

The post Masakra me 21 të vrarë, Biden do të udhëtojë drejt Teksasit për të takuar familjet e viktimave appeared first on Albeu.com.

“Jemi duke punuar shumë për të kuptuar se çfarë duhet të bëjmë”, u ka thënë Biden gazetarëve më 22 maj, teksa është nisur nga Koreja Jugore për në Japoni.

Komentet e tij kanë ardhur teksa virusi vazhdon të përhapet dhe Izraeli e Greqia janë dy shtete që kanë raportuar rastet e para.

Organizata Botërore e Shëndetësisë ka identifikuar rreth 80 raste me linë e majmunëve në gjithë botën, si dhe rreth 50 raste të dyshimta.

Kjo sëmundje infektuese është raportuar më herët vetëm në mesin e njerëzve me lidhje në Afrikën Qendrore dhe atë Perëndimore.

Mirëpo në javët e fundit ka pasur raportime për raste të tilla në Britani, Spanjë, Portugali, Itali, Shtetet e Bashkuara, Suedi, Kanada, Australi dhe vende tjera.

Virusi është identifikuar fillimisht te kafshët e egra dhe përcillet me gunga në trup, ethe dhe temperaturë.

Shkalla e vdekshmërisë nga kjo sëmundje është nga 1 deri në 10 për qind, dhe shumica e vdekjeve raportohen te pacientët e rinj.

Aktualisht nuk ka trajtim për linë e majmunëve, mirëpo vaksinat kundër llojeve tjera të lisë besohet se ofrojnë mbrojtje nga ky virus.

The post Biden: Secili duhet të jetë i shqetësuar për linë e majmunëve appeared first on Albeu.com.

Menjëherë pas miratimit të paketës ka reaguar edhe presidenti i Ukrainës, i cili falenderoi Joe Biden dhe amerikanët për ndihmën dhe mbështetjen ndaj popullit ukrainas.

Grateful to @POTUS for signing the law on additional support for ??. The leadership of ??, President Biden & the American people in supporting ??’s fight against the Russian aggressor is crucial. Look forward to new, powerful defense assistance. Today it is needed more than ever.

— Володимир Зеленський (@ZelenskyyUa) May 21, 2022

“Faleminderoj presidentin e Shteteve të Bashkuara për nënshkrimin e paketës së ndihmës. Udhëheqja e Presidentit Biden dhe mbështetja e popullit amerikan në luftën kundër agresorit rus është vendimtare.

Duke pritur me padurim për miratimin e një tjetër paketë të re të fuqishme. Sot ne kemi më shumë nevojë se kurrë,” tha Zelensky në një mesazh të publikuar në Twitter.

The post 40 miliardë dollarë ndihmë për Ukrainën, Zelensky falenderon Biden: Sot kemi më shumë nevojë se kurrë appeared first on Albeu.com.