Në festimin e Ditës së Amerikës në Parlamentin serb – ngjarje e organizuar nga Kongresi për miqësi serbo-amerikane – Daçiç tha se kushdo që tenton t’i bëjë presion Beogradit që ta njohë Kosovën, nuk do të ketë sukses.

“Një qasje e tillë për çështjen e zgjidhjes së situatës në Kosovës nuk do të ketë kurrë sukses. Ne kemi nënshkruar Marrëveshjen e Brukselit dhe vazhdojmë të jemi partner konstruktiv në dialog”, tha Daçiç. raportoi agjencia Beta.

Daçiç tha se raportet e Serbisë me Rusinë nuk kanë të bëjnë aspak me raportet që ka Beogradi me shtetet perëndimore.

“Kur ka qenë hera e fundit kur një president amerikan ka vizituar Serbinë? Shumë nga ne as që ishim në jetë. Kryeministrja e fundit e Britanisë që na vizitoi ishte Margaret Thatcher. Ata kanë vizituar të gjitha shtetet e tjera, a mendoni se ata nuk e vizitojnë Serbinë veç pse nuk është e fortë? Jo, si mundet që ne të kemi një raportet partneriteti me shtetet që nuk janë në interesin tonë”, tha kryediplomati serb.

Në anën tjetër, ambasadori amerikan në Beograd, Christopher Hill, tha se raportet mes Serbisë dhe SHBA-së janë të qëndrueshme dhe nuk varen me zhvillimet në shtetet tjera.

Serbia nuk e njeh pavarësinë e Kosovës, por dy shtetet që nga viti 2011 zhvillojnë dialog për normalizimin e raporteve. Ky proces ndërmjetësohet nga Bashkimi Evropian dhe mbështetet nga Shtetet e Bashkuara.

Kosova kërkon që një marrëveshje eventuale në fund të procesit të përfshijë njohjen e ndërsjellë, ndërkaq Serbia synon të arrihet një zgjidhje kompromisi – pa elaboruar se për çfarë kompromisi bëhet fjalë./rel

The post Daçiç: Serbia nuk mund ta dëgjojë SHBA-në për njohjen e Kosovës appeared first on Albeu.com.

Zyrtarët amerikanë kanë thënë më herët se si Kosova, ashtu edhe Serbia duhet t’i kryejnë të gjitha obligimet e marra gjatë dialogut për normalizimin e marrëdhënieve.

“Prishtina është mësuar të jetë e preferuara e Perëndimit dhe nuk është përballur me kërcënime deri më tani. Këtë që e kanë thënë amerikanët, nuk mund ta dëgjoni nga goja e evropianëve”, tha Daçiq për Televizionin Prva të Serbisë.

Siç raporton agjencia serbe e lajmeve, Beta, ai vlerësoi se tensionet në veri të Kosovës janë shkaktuar nga “veprimet e njëanshme të autoriteteve në Prishtinë”.

“Prandaj tani, në vend të normalizimit në Kosovë, kemi përshkallëzim të dhunës”, tha Daçiç.

Ai shtoi se zgjedhjet e reja në katër komunat me shumicë serbe në veri të Kosovës, janë zgjidhje, por se tani “është më e rëndësishme të qetësohet situata”.

Daçiç tha se qëllim i Beogradit është që serbët t’i kenë të drejtat e tyre.

“Ne jemi të gatshëm ta mbrojmë popullin tonë, por shpresojmë se nuk do të ketë nevojë për këtë”, tha Daçiç.

Komuniteti ndërkombëtar diplomatik, nga Shtetet e Bashkuara të Amerikës, Francës, si dhe vendet tjera të shteteve të QUINT-it, e kanë bërë Qeverinë e Kosovës fajtore për tensionimin e situatës në veri të vendit.

Tensionet në veri të Kosovës u rritën qysh më 26 maj, kur Policia e Kosovës ndihmoi kryetarët shqiptarë të komunave me shumicë serbe të hyjnë në zyrat komunale, përkundër rezistencës së banorëve lokalë.

Më 29 maj, nga përleshjet midis protestuesve serbë që kundërshtojnë kryetarët dhe ushtarëve të KFOR-it në Zveçan – 30 ushtarë mbetën të plagosur, ashtu si edhe dhjetëra protestues.

NATO-ja ka thënë se është e gatshme të dërgojë edhe më shumë trupa në Kosovë, për të qetësuar dhunën në veriun e vendit, të banuar me shumicë serbe, tha të enjten shefi i aleancës, Jens Stoltenberg.

Ai shtoi se 700 trupat e para përforcuese janë tashmë në rrugë për në Kosovë.

Kryetarët e rinj shqiptarë të komunave Mitrovicë e Veriut, Zveçan, Zubin Potok dhe Leposaviq kanë dalë nga zgjedhjet e jashtëzakonshme të 23 prillit, të cilat janë bojkotuar nga komuniteti serb.

The post Daçiç: SHBA-ja e porositi Kurtin se duhet ta formojë Asociacionin appeared first on Albeu.com.

Ai ka thënë në një konferencë për media, pas takimit me ministren e Jashtme të Gabonit, Yolanda Nijonde, se në 10-vjetorin e arritjes së Marrëveshjes së Brukselit – mes Kosovës dhe Serbisë – është bërë e ditur që Komiteti i Ministrave të Këshillit të Evropës, do të nisë procedurat për pranimin e Kosovës në atë institucion.

“Kosova nuk i ka përmbushur obligimet e veta, që i parasheh Marrëveshja e Bruselit që 10 vjet, dhe për këtë gjë, ajo duhet të shpërblehet dhe të nisë procedura për pranimin e saj në Këshillin e Evropës. Ky është mesazh që Kosova mund të bëjë çfarë të dojë”, ka thënë Daçiç.

Shefi i diplomacisë së Serbisë, ka thënë se Këshilli i Evropës nuk e ka pranuar kurrë një entitet që nuk është shtet, dhe se nuk mund të diskutohet për mbrojtjen e integritetit të Ukrainës, pa e diskutuar integritetin e Serbisë.

“A është qetësuar situata në Kosovë? A kemi përparim në formimin e Asociacionit të komunave me shumicë serbe? Nuk kam asnjë shtysë që të shkoj në Strasburg, dhe në ditën pasuese ata të nisin procedurën për pranim të Kosovës në Këshillin e Evropës”, ka thënë Daçiç.

Kosova e ka dorëzuar aplikacionin për anëtarësim në Këshillin e Evropës, në maj të vitit 2022.

Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës.

Këshilli mbron lirinë e shprehjes dhe të mediave, barazinë dhe minoritetet në vendet anëtare.

Për ta shqyrtuar kërkesën e Kosovës, duhet të ekzistojë pajtueshmëri mes dy të tretave të Komitetit të Ministrave të Këshillit të Evropës.

Hapi i parë është që një prej vendeve anëtare të bëjë kërkesë që anëtarësimi i Kosovës të futet në agjendë dhe të votohet nga Komiteti i Ministrave.

Pas sigurimit të një shumice prej dy të tretave në atë trup, kërkesa shkon në Asamblenë Parlamentare.

Nëse edhe aty sigurohet shumica prej dy të tretave, kërkesa kthehet te Komiteti i Ministrave për miratim final.

Në një seancë të organizuar në janar të këtij viti, Shqipëria, Maqedonia e Veriut dhe Kroacia, e kanë mbështetur anëtarësimin e Kosovës në Këshillin e Evropës, derisa Serbia u ka bërë thirrje vendeve anëtare që ta refuzojnë kërkesën e Kosovës.

Serbia e kundërshton anëtarësimin e Kosovës në Këshillin e Evropës dhe organizata tjera ndërkombëtare, dhe bën fushata te shtetet tjera për tërheqjen e njohjes së shtetësisë së Kosovës.

Në këtë temë, Serbia e ka alete Rusinë, e cila është përjashtuar nga Këshilli i Evropës, për shkak të luftës së nisur në Ukrainë, në shkurt të vitit 2022.

Pa Rusinë, dy të tretat e vendeve anëtare të Këshillit të Evropës, e njohin pavarësinë e Kosovës.

Nëse merret parasysh që vendimet merren me shumicë votash, mundësia e Kosovës për anëtarësim është reale./rel

The post Ministri i jashtëm serb: Nuk shkoj në Strasburg nëse iniciohet procedura për pranim të Kosovës në KE appeared first on Albeu.com.

The post Ministri i jashtëm serb në SHBA, pritet të takohet me Chollet dhe Escobar appeared first on Albeu.com.

Në një intervistë për Euractiv, Daçiç, tha se Serbia, një kandidate në BE që nga viti 2012, do të udhëhiqet gjithmonë nga ato vendime të cilat janë në interesin e saj më të mirë.

“Ne dënojmë shkeljen e integritetit territorial të Ukrainës dhe kështu votuam në organet ndërkombëtare. Nëse ne do të vendosim sanksione ndaj Rusisë është një çështje tjetër. Nuk është çështje kohe apo afatesh, është një çështje që ka të bëjë me interesat tona politike dhe ekonomike”, deklaroi Daçiç.

Daçiç tha se që nga aneksimi i Krimesë nga Rusia në vitin 2014 e deri më tani, Serbia nuk iu bashkua sanksioneve perëndimore “sepse vlerësoi se nuk do të ishte në interesin e saj”.

“Nëse diçka ndryshon në dëm të interesave të Serbisë, atëherë vendimi ynë do të përshtatet në përputhje me rrethanat, sepse ne do të vlerësojmë në çdo moment se cili është vendimi më i mirë për ekonominë tonë, për pozitën tonë në botë dhe për qytetarët e Serbisë”, tha Daçiç.

Daçiç shpalli anëtarësimin në BE si “një prioritet për Serbinë”, por ai gjithashtu kritikoi BE-në për zvarritjen e zgjerimit.

“Ajo narrativë që dëgjojmë shpesh, se Ballkani mund të krijonte probleme të reja nëse do të ishte brenda BE-së, është më shumë një pretekst sepse BE-ja ka parë një ulje të oreksit për zgjerim”, tha ai.

Në një tjetër shenjë se narrativa për Rusinë, mund të ndryshojë nga Beogradi është se për herë të parë, kryeministrja serbe Ana Brnabić, përmendi për herë të parë termin “agresioni rus kundër Ukrainës”, formulim të cilin Serbia nuk e kishte përdorur kurrë më parë. Ajo vlerësoi gjithashtu BE-në si investitorin dhe donatorin më të madh në Serbi.

Kujtojmë se Presidenti serb Aleksandar Vuçiç e ka kundërshtuar ashpër sanksionimin e Moskës për ofensivën e saj në Ukrainë, duke theksuar shpesh se Serbia importon të gjithë naftën dhe gazin e saj nga Rusia.

Në tetor, ai zbuloi një plan prej 12 miliardë eurosh për investime në infrastrukturën e energjisë gjatë gjashtë viteve për të diversifikuar dhe siguruar furnizimin me energji.

The post Beogradi lë të hapur mundësinë për vendosjen e sanksioneve ndaj Rusisë appeared first on Albeu.com.

Sipas tij, çdo gjë e nënshkruar duhet të zbatohet, Serbia nuk mund ta njohë pavarësinë e Kosovës, dhe se siguria e serbëve në Kosovë duhet të garantohet.

“Nëse KFOR-i nuk dëshiron ta bëjë këtë, nëse policia e Kosovës nuk dëshiron ta bëjë, atëherë mos na çoni në atë pikë që policia dhe ushtria serbe duhet të garantojnë sigurinë dhe paqen në Kosovë. Kjo është diçka që ne nuk do ta dëshironim”, tha ai.

Këto deklarata Daçiq i bëri në Budapest më 10 janar, në një konferencë të përbashkët me ministrin e Jashtëm hungarez, Peter Szijjarto.

Kur flitet për zbatimin e marrëveshjeve mes dy vendeve, Serbia vazhdimisht kërkon themelimin e Asociacionit të komunave me shumicë serbe, për të cilin kryeministri i Kosovës, Albin Kurti, është shprehur kundër një asociacioni njëetnik.

Daçiq tha se për Serbinë anëtarësimi i Kosovës në Këshillin e Evropës është kundërproduktiv derisa të arrihet një “zgjidhje politike”.

Lidhur me këtë temë, ministri i Jashtëm hungarez tha se vendi i tij do të votojë kundër pranimit të Kosovës në këtë institucion, nëse kjo del në votim.

Szijjarto tha se beson që arritja e një marrëveshje kompromisi me Serbinë mund të rrezikohet, nëse Kosova do të pranohej paraprakisht në mekanizma evropianë. Ai shtoi se Hungaria është e interesuar për një zgjidhje paqësore përmes dialogut.

Në maj të vitit të kaluar Kosova ka aplikuar për anëtarësim në Këshillin e Evropës. Ndërsa në dhjetor vendi dorëzoi kërkesën formale për anëtarësim në BE.

Komisioni Evropian pritet të analizojë gjatë këtë aplikim, pasi në BE janë pesë vende që ende nuk e njohin shtetësinë e Kosovës.

Procesi i dialogut – i cili parasheh normalizim të marrëdhënieve mes Kosovës dhe Serbisë– ka nisur qysh në vitin 2011.

Ky proces pritet të dinamizohet gjatë këtij viti.

Nesër në Kosovë pritet të vijë këshilltari i lartë të Departamentit amerikan të Shtetit, Derek Chollet, ndërsa në Serbi ai pritet të shkojë një ditë më pas./rel

The post Daçiç: Për Serbinë ekzistojnë tri vija të kuqe në çështjen e Kosovës appeared first on Albeu.com.

Daçiç tha se nuk sheh arsye që presidenti i Serbisë, Aleksandër Vuçiç të marrë pjesë në takimin me kryeministrin e Kosovës, Albin Kurti.

“Borell tha se do të përpiqet të arrijë një zgjidhje kompromisi dhe gjithçka rrotullohet rreth asaj date, 21 nëntor. Mendoj se përpjekja e Borell është e justifikuar, por nuk shoh arsye që presidenti i Serbisë të marrë pjesë në takim. Është e nevojshme që Kurti bën thirrje për arsye dhe njohje të ligjit, sepse ai është burimi kryesor i të gjitha paqëndrueshmërisë dhe incidenteve të mundshme”, tha Daçiç.

Daçiç theksoi se Serbia e ka dëshmuar shumë herë se është në favor të dialogut dhe vazhdimit të negociatave dhe shtoi se populli serb nuk mund të lejohet më të jetë viktimë e lëvizjeve të njëanshme dhe, siç tha ai, të një lloj mashtrim, kur bëhet fjalë për Marrëveshjen e Brukselit.

Daçiç thekson se Kosova po sillet sikur nuk ekziston Marrëveshja e Brukselit dhe se nuk mund të formohet Asociacioni i Komunave me Shumicë serbe, për të cilën, thotë ai, Kurti ka folur disa herë.

Shefi i diplomacisë serbe shtoi se shpreson që të mos ketë incidente, të cilat, siç theksoi, duhet t’i sigurojë BE-ja, së bashku me misionin e KFOR-it dhe EULEX-it, të cilët janë garantues të Marrëveshjes së Brukselit.

Daçiç tha se afati për zbatimin e vendimit të targave po afrohet, dhe sipas tij, ka ende kohë për të reaguar.

“Është e nevojshme që dikush t’i drejtohet arsyes, në mënyrë që të parandalohen incidentet dhe shkëndija të mundshme që mund të ndezin të gjithë rajonin. Kjo do të thotë se është e nevojshme të shtyhet vendimi në targa dhe pastaj të fillohet një dialog politik. Dhe më së shumti e rëndësishme nga të gjitha është formimi i Bashkësisë së Komunave Serbe”, tha ministri.

Ai theksoi se ende ka shpresë që vendimi për aplikimin e tabelave të kalojë pa incidente, nëse bashkësia ndërkombëtare e merr seriozisht dhe e përqendron vëmendjen dhe presionin në burimin e vërtetë të problemit, që sipas tij është Kurti./express

The post Daçiç kundër takimit të Brukselit: S’shoh arsye pse Vuçiç duhet të shkojë të takohet me Kurtin appeared first on Albeu.com.

“Kë do ta telefonojë Vuçiç nesër kur rezoluta për gjenocidin në Srebrenicë të jetë në agjendën e Këshillit të Sigurimit të Kombeve të Bashkuara. Ai dhe unë u ulëm vetëm dhe shikonim se kë do ta telefononim. Ju e dini se kush ishte i vetmi që u përgjigj atëherë, Lavrov”, tha Daçiç për TV Prva.

Ai tha se situata do të ishte ndryshe nëse Perëndimi do të kishte “mirëkuptim” për Serbinë.

I pyetur nëse Rusia do të ishte mirëkuptuese nëse Serbia vendos sanksione ndaj saj, ai u përgjigj me pyetje: “A mendoni se dikush në bashkësinë ndërkombëtare do t’ju falte për diçka?”.

Ai tha se është e vërtetë se Serbia është në mes të dy presioneve, “pritshmërive” nga Perëndimi dhe Rusia, që sipas tij nuk është për t’u habitur, sepse secili shikon interesat e veta.

“Rusia beson se Kosova është një precedent që mund të jetë i mirë për çdo territor separatist në botë, Perëndimi beson se është sui generis që vlen vetëm për Kosovën dhe askund tjetër në botë”, tha Daçiç.

Duke folur për qëndrimin e Perëndimit, ai tha se “nuk po kërkojmë më zgjidhje politike të problemit të Kosovës, por vetëm anesteziologjike, në mënyrë që Serbia ta gëlltisë më lehtë pavarësinë e Kosovës”.

“Është një qasje krejtësisht e gabuar dhe nuk mund të ketë përgjigje pozitive nga ana jonë. Prandaj Vuçiq e ka paraqitur në Këshillin e Sigurisë Kombëtare, ne do të bëjmë gjithçka për të vazhduar dialogun, por ata nuk na japin hapësirë ​​dhe tema që zhvillojnë dialogun”, tha Daçiç./express

The post Daçiç ankohet: Perëndimi na kërkon ta gëlltisim pavarësinë e Kosovës, po na shtyn në krahët e Rusisë appeared first on Albeu.com.

Por pavarësisht presionit perëndimor, Serbia vazhdon të jetë i vetmi vend në rajon që synon integrimin në BE e që s’ka vendosur sanksione kundër Rusisë.

Për një veprim të tillë ka folur kreu i parlamentit të Serbisë, Ivica Daçiq, i cili njihet edhe si mik i ngusht i presidentit rus, duke thënë se nëse do t’i vendosnin sanksione Rusisë atëherë kjo do të nënkuptonte “dorëzim për Kosovën”.

“Ne duhet shmangur të qënurit emocional dhe irracional për situatën aktuale. Nëse jemi të gatshëm të heqim dorë nga Kosova, atëherë ne mund t’i vendosim sanksione Rusisë. Por ne nuk jemi të gatshëm, prandaj nuk mundemi. Si do ta mbrojmë Kosovën pa një aleat. Unë s’po them që ne kemi një aleat të ri. Sanksionet kundër Rusisë nuk e dëmtojnë Rusinë, por Serbinë. Rusia iu ‘mbijetoi” sanksioneve të Malit të Zi, do t’iu mbijetojë edhe sanksioneve të Serbisë”, ka thënë Daçiq për Tanjug.

Në këtë intervistë për agjencinë e lajmeve serbe, Daçiq ka folur edhe për vendimin e Republikës së Kosovës për të mos lejuar organizimin e zgjedhjeve të Serbisë në territorin e Kosovës./Express

The post Daçiç: Pa Rusinë s’mund ta ruajmë Kosovën, prandaj s’i vëmë sansksione Putinit appeared first on Albeu.com.

Nëse Aleksander Vuçiç nuk kandidon për një mandat të dytë, ish-ministri i Jashtëm është i gatshëm ta ndërmarrë këtë sfidë.

Daçiç shtoi se është i bindur që arrin të bëhet numri 1 i shtetit, pasi horoskopi e favorizon.

“Më kanë thënë se Mërkuri po del nga shenja ime, Bricjapi, dhe do të kem fat”, tha Daçiç në programin e mëngjesit të televizionit Kurir, të cilit i referohet B92.

Aktualisht Daçiç drejton Kuvendin e Serbisë, i cili do të shpërndahet më 15 shkurt dhe do të shpallen zgjedhjet e parakohshme. Daçiç kryeson Partinë Socialiste Serbe, e cila në zgjedhjet e radhës do të shkojë veçmas Partisë së Progresistëve Serbë, që drejtohet nga Aleksandar Vuçiç.

Në koalicion prej 10 vitesh, Daçiç dhe Vuçiç kanë zgjedhur të dalin të veçuar në këto zgjedhje, me synimin për të rritur maxhorancën./albeu.com/

The post Befason Ivica Daçiç: Ma ka thënë horoskopi, mund të bëhem president i Serbisë appeared first on Albeu.com.