Gjatë fjalës së tij, Berisha tha se 12 vitet e qeverisjes së Edi Ramës, janë vitet e ndalimit pothuajse të kohës për ndërtimin e infrastrukturës.

Sipas liderit demokrat, përgjatë kësaj periudhe janë vjedhur së paku 11 miliardë euro në projektet infrastrukturore nga 12 miliardë euro në total.

“Lubi Balluku është përgjegjëse kryesore për këto vjedhje të tmerrshme të fondeve publike në ndërtimin e rrugëve”, u shpreh Berisha.

Përsëri një urim të përzemërt, një lule të bukur për të gjithë shqiptarët këtë ditë të ndërrimit të natyrës, këtë ditë shprese, optimizmi, ditë ndryshimi.

“Sot jam këtu për të paraqitur elementët bazë të programit të PD-së për infrastrukturën e Shqipërisë.

PD, promotore e ndryshimeve më të fuqishme infrastrukturore të vendit, pas 11 majit merr përsipër kompletimin përfundimtar të ndërtimit të infrastrukturës më moderne që Shqipëria ka pasur në t gjitha kohërat.

PD gjatë viteve 2005-2013, ndërtoi dhe rindërtoi rrugë, autostrada, tunele më shumë se në të gjitha kohërat të marra së bashku në Shqipëri.

Por krahas tyre, ajo në ato vite realizoi 220 studime dhe projekte, me të cilat Shqipëria transformohej tërësisht në rrafshin infrastrukturor.

12 vitet e qeverisjes së Edi Ramës janë vitet e ndalimit pothuaj të kohës për ndërtimin e infrastrukturës.

Janë vitet e plaçkitjes më të madhe, më të jashtëzakonshme të fondeve, buxhetit publik, të përcaktuara për ndërtimin e rrugëve dhe veprave publike.

Do ndalem në disa shembuj për të ilustruar këto abuzime të tmerrshme dhe të paprecedent.

Rruga Tiranë-Elbasan u kontraktua me çelësa në dorë, me një lot, me vlerën 255 milionë euro me tunel me dy kalime.

Në qershor të vitit 2013, segmenti Ibë-Elbasan përfshirë dhe tunelet ishte tërësisht i përfunduar. Mbetën 7 kilometër, e hapur plotësisht traseja Ibë-Farkë. Këto 7 kilometra u kushtuan qytetarëve shqiptarë 215 milionë euro. U kushtuan 30 milionë euro për kilometër. Kushtuan me vjedhje 2.2 herë më shumë se sa 1 kilometër në tunel, i cili u ndërtua me 14 milionë euro kilometri.

Shembull tjetër i kësaj infrastrukture janë rrugët e ndërtuara me 10-fishin, 12-fishin e çmimit të rrugëve të ndërtuara më parë, ndërkohë që indeksi i çmimeve në ndërtim dhe punë publike, për materiale dhe të gjitha, është rritur me vetëm 32 përqind.

Nuk janë shënuar kurrë në histori vjedhje kaq të papërmbajtura siç janë shënuar në infrastrukturën e Shqipërisë.

Ka rrugë të cilat janë prokuruar dhe nuk ekzistojnë.

Ka rrugë që janë prokuruar me 73 milionë euro siç është rruga Qukës-Qafë Plloçë dhe ajo ka shkuar sot në 215 milionë euro dhe nuk është kurrkund në përfundim.

Për të mos thënë rruga Korçë-Kolonjë e cila në 18 kilometrat e para është ndërtuar me 800 mijë euro kilometri, kurse në pjesën tjetër, në 17 kilometrat e dytë, kostoja është rritur 7 herë. Mbi 5 milionë euro kilometri.

Nuk ka ndodhur, nuk mund të konceptohet një vjedhje e tillë.

Për të mos thënë Sheshi Shqiponja, rimodelimi i tij, 40 milionë euro nga Bashkia e Tiranës.

Unaza e Madhe, çmime stratosferike.

6 herë më shtrenjtë se sa 8 kilometrat e ndërtuara në kilometrat e ndërtuara para vitit 2013.

Pra, në infrastrukturë ku janë investuar 12 miliardë euro, ju garantoj se janë vjedhur më së paku 11 miliardë.

Ju lutem, vepra të përfunduara, me 65 miliardë euro buxhet të 12 viteve, është vetëm tuneli i Llogarasë, 19 kilometrat e Unazës së Tiranës të mbetura nga viti 2013 e këndej.

Është vetëm zgjerimi i Unazës së Tiranës tek Sheshi Shqiponja.

Janë 3-4 kilometra Elbasan-Librazhd.

Nuk mund të imagjinoj se ku janë zhdukur paratë.

Lubi Balluku është përgjegjëse kryesore për këto vjedhje të tmerrshme të fondeve publike në ndërtimin e rrugëve.

Dhe jo më pak Edi Rama”, tha Berisha.

The post Berisha denoncon skandalet me infrastrukturën: Janë vjedhur së paku 11 miliardë euro appeared first on Albeu.com.

Një dokument i qeverisë vlerëson se vlera mesatare është 147 milionë dollarë dhe këtu bëjnë pjesë përmbytjet, tërmetet apo rrëshqitjet që prekin rrjetin rrugor dhe urat por pjesën kryesore e mbajnë të parat.

“Infrastruktura rrugore dhe e urave të Shqipërisë është e ndjeshme ndaj ndryshimeve klimatike dhe fatkeqësive natyrore, kryesisht përmbytjet dhe tërmetet. Dëmet mesatare vjetore vlerësohen në 147 milionë dollarë në vit, me një ngjarje katastrofë, për shembull siç është një tërmet 1 në 100 vjet, për shembull, duke shkaktuar më shumë se 2 miliardë dollarë dëme.

Përmbytjet lumore janë një rrezik i madh i rrezikut natyror në rrjetin rrugor primar në Shqipëri dhe përbën 84 për qind të totalit të AED(dëmit mesatar vjetor), krahasuar me 11 për qind nga rrëshqitjet e dheut dhe 5 për qind nga tërmetet” vlerësojnë institucionet shqiptare.

Disa arterie kryesore në infrastrukturë janë të prekur vazhdimisht nga përmbytjet dhe rëndësia e tyre ekonomike e bën dëmin edhe më të madh në raste bllokimesh. Dy janë rrugët kryesore që dokumentet përmendin dhe janë pjesë e korridorit 4 dhe 5.

“Nën rrjetin strategjik, Korridori 4 (Tiranë-Durrës) dhe Korridori 5 Durrës-Vlora, janë rrugët më kritike në Shqipëri. Këto korridore janë edhe tani të prekshme ndaj ngjarjeve të përmbytjeve dhe dëmi vjetor mund të jetë rreth 13 milionë euro për shkak të vëllimit të madh të trafikut dhe rëndësisë ekonomike të këtyre korridoreve dhe pritet të rritet sipas skenarëve të ndryshëm të ndryshimeve klimatike.

Duke marrë parasysh të gjithë rrjetin rrugor kombëtar urat dhe kanalet janë infrastruktura kyçe që janë më të cenueshmet dhe elementët më të ekspozuar vlerësohet një dëm mesatar vjetor prej 18.7 milionë euro” thuhet në dokument.

ARRSH nënvizonte në një përmbledhje të projektit të urave që po zbatohet me ndihmën e Bankës Botërore se ekziston një nevojë e qartë dhe urgjente për të rritur qëndrueshmërinë e infrastrukturës rrugore të Shqipërisë ndaj klimës ndryshimet dhe fatkeqësitë natyrore (p.sh., tërmetet, përmbytjet dhe rrëshqitjet e dheut, stuhitë e forta të erës, etj)./monitor

The post Ndryshimet klimatike rrezikojnë infrastrukturën, Shqipëria 147 milionë USD dëme në vit appeared first on Albeu.com.

Balluku: “Padyshim ky është një projektligj shumë i rëndësishëm për të gjithë ne. Është një projektligj që duhet të gjejë një konsensus të gjerë, pasi Shqipëria tashmë ka infrastrukturën e duhur për të pasur një Kod Rrugor modern, i cili duhet ti përgjigjet të gjitha zhvillimeve që tashmë ne kemi në vendin tonë.

Në fjalën e saj në Kuvend, Belinda Balluku renditi disa nga nyjet e infrastrukturës rrugore, që janë ndërtuar me standarde të larta.

Balluku: Sot, ashtu siç të gjithë e dini, kemi ndërtuar një infrastrukturë të denjë për çdo vend europian. Bypass-i Fierit, Vlorës, Shkodrës, Tepelenës, rruga Kardhiq-Delvinë, Unaza e Madhe, e cila një pjesë e mirë tashmë ka përfunduar dhe vazhdojmë me lotet e tjera për ta përmbyllur të gjithë këtë proces në 2024, por edhe korridoret e rëndësishme, sapo vij nga një takim me Komisionerin Varhelyi, i cili sapo më ka konfirmuar edhe një herë se Korridori VIII tashmë është i miratuar nga Bashkimi Europian, nga Komisioni dhe nga të gjitha forumet e tjera dhe është thjesht çështje ditësh për t’u bërë publik dhe me miratimin e këtij Korridori, pra më në fund si pjesë e Ten10, ne do të kemi mundësi që të gjitha projektet tona, qoftë ato infrastrukturore, siç janë bypass-i i Elbasanit, apo bypass-i i Librazhdit apo hekurudha që do të lidhë Durrësin me Rrogozhinën dhe Rrogozhinën më pas me Pogradecin për t’u lidhur me Maqedoninë e Veriut, janë të gjitha projekte europiane të cilat do të mbështeten edhe me fondet e Bashkimit Europian.

Ajo u shpreh se krahas zhvillimeve në infrastrukturë janë kryer investime në qendrat e monitorimit, të cilat kanë në fokus survejimin e përdoruesve të rrugës, me qëllim respektimin e rregullave të qarkullimit.

Balluku: Sigurisht të gjitha këto zhvillime infrastrukturore, që janë mbështetur nga Qeveria Shqiptare dhe puna që është bërë nga Ministria e Infrastrukturës dhe Energjisë, si dhe nga ARRSH-ja, nuk mbeten vetëm tek ndërtimet e rrugëve, por edhe tek zhvillimet e tyre teknologjike, ashtu siç është dhe rasti i ngritjes së Qendrës së Monitorimit, e cila do të nisë me 200 kilometrat e parë për të monitoruar të gjithë lëvizjet e trafikut ku komponentët do ti ofrohen edhe Policisë së Shtetit për sigurinë, por edhe urgjencës, edhe zjarrfikësve dhe sigurisht do të jetë një qendër ku do të kontrollohet trafiku, fluksi i tij dhe ndarja nëpër autostradat moderne që ne tashmë kemi./Albeu.com/

The post Balluku: Shqipëria ka infrastrukturën për të pasur një Kod Rrugor modern appeared first on Albeu.com.

Në fjalimin e tij gjatë natës së 12 shkurtit, Zelensky tha se punëtorët e energjisë kishin riparuar pjesën më të madhe të dëmeve të shkaktuara nga sulmet me dron dhe raketa ruse më 10 shkurt.

Megjithatë, ai shtoi: “Kjo nuk është ende një fitore vendimtare në frontin e energjisë. Për fat të keq, mund të ketë sulme të reja terroriste nga Rusia që mund t’i lënë njerëzit pa shërbime gjatë motit të ftohtë të dimrit”.

Rusia ka kryer valë të përsëritura sulmesh ndaj objekteve të energjisë dhe shërbimeve të tjera të Ukrainës muajt e fundit, në atë që kritikët thonë se është një përpjekje për t’i lënë civilët pa dritë, ngrohje dhe ujë gjatë dimrit të ftohtë.

Sulmet e 10 shkurtit, ku u goditën objektet e energjisë në gjashtë rajone të Ukrainës, erdhën pasi Zelensky u kthye nga një turne në kryeqytetet e Evropës Perëndimore, prej ku kërkoi më shumë armatime për të ndihmuar në mbrojtjen e vendit nga pushtimi i nisur nga Rusia gati një vit më parë.

Gjatë vizitave të tij në Londër, Paris dhe Bruksel, Zelensky bëri thirrje për armatime të avancuara, përfshi raketa me rreze të gjatë veprimi, avionë luftarakë dhe më shumë tanke.

Luftimet intensive vazhdojnë në rajonin lindor të Ukrainës, Donbas, ku forcat ruse janë angazhuar në një përpjekje të madhe për të pushtuar qytetin strategjik të rajonit Donjeckut, Bahmut.

Më 12 shkurt, themeluesi i grupit të mercenarëve rusë, Wagner, pretendoi se forcat e tij kanë marrë kontrollin e Krasna Hora, një fshat në rajonin lindor ukrainas të Donjeckut, që gjendet afër Bahmutit, objektivit kyç të forcave ruse.

Zyrtarët ukrainas presin që një ofensivë e gjerë ruse, për të cilën shumë vëzhgues besojnë se tashmë ka filluar, të fokusohet në Donbas, rajonin e Kharkivit në verilindje të Ukrainës dhe rajonin juglindor të Zaporizhjas.

Kievi zyrtar bëson se presidenti rus Vladimir Putin shpreson të përfitojë nga ofensiva e re, në mënyrë që të nxjerrë në pah suksesin në fushëbetejë, në fjalimin e tij drejtuar kombit më 21 shkurt, një ditë përpara përvjetorit të pushtimit.

The post Zelensky paralajmëron për sulme të reja ruse ndaj infrastrukturës ukrainase appeared first on Albeu.com.

Në një fjalim në një takim të Organizatës për Bashkëpunim Ekonomik dhe Zhvillim, Denys Shmyhal tha se sulmet ajrore ruse në javët e fundit kishin dëmtuar gjysmën e objekteve kyçe të infrastrukturës së vendit.

“Prioriteti kryesor tani është faza e mbijetesës, rivendosja e shpejtë e infrastrukturës kritike dhe sektorit të energjisë për të kaluar dimrin,” sipas kanalit të tij Telegram.

Ai tha se kostoja e përafërt e ndihmës urgjente për sektorin e energjisë është 500 milionë dollarë ndërsa kostoja e vlerësuar e ndihmës urgjente për sektorin e centralizuar të ngrohjes qëndron në 500 milionë dollarë të tjerë.

Rusia ka nisur sulme me raketa dhe dronë në objektet energjetike të Ukrainës dhe objekte të tjera pothuajse çdo javë që nga tetori.

Sulmet kanë zhytur miliona ukrainas në errësirë me ndërprerje emergjente dhe ndërprerje të energjisë.

Ekspertët e energjisë kanë punuar për të rivendosur rrjetin në qytetin e Detit të Zi të Odesa-s, pas goditjeve të fundjavës në dy objekte që lanë 1.5 milionë klientë pa energji dhe e lanë portin e tij përkohësisht jashtë funksionit./albeu.com

The post Kievi i “zhytur” në errësirë, kryeministri i Ukrainës: Na duhen urgjent 1 miliardë dollarë për të rivendosur infrastrukturën appeared first on Albeu.com.

Ajo ka vlerësuar mikpritjen shqiptare, ndërsa vuri në dukje edhe njëherë mbështetjen e BE për rajonin.

Ursula Von der Leyen:

Ka qenë një pervojë fantastike që të ishim këtu. Jeni një mikëpritës i shkëlqyer Edi. Faleminderit shumë për fjalët.

Mbështetja jonë për rajonin vjen nga zemra. Ne besojmë se duhet të punojmë së bashku. Ju that miqësisht që ne japim jetën për ju, ne nuk duam jetën, ne duam të jetojmë jetën sëbashku.

Një mesazh shumë i qartë nga samiti i të qenit sëbësashku, një samit partneriteti, me bidesa të thella të qarta.

Një temë madhore është që ne dëshirojmë të përballemi jo vetëm me sfidat e luftës, por edhe një nga pasojat e saj, që ka të bëjë me energjinë.

Në përballemi me këtë sfidë sëbashku. Atë që bëjmë në BE, reflektohet edhe këtu. Për ne është e rëndësishme të japim zgjidhje të njëjta ndaj paketa prej 1 mld euro është ndarë në dy pjesë. 500 milion euro mbështetje buxhetore, ndërsa pjesa e dytë janë mbështetje për infrastrukturës.

Ne dje miratuam 6 projekte të ndryshme, si ferma fotovoltaike, rehabilitimi i hidrocentraleve etj.

Përvec energjisë, kemi një në kuadër më të gjerë, që ju e keni dëgjuar me investime në fushën e traspportit apo edhe ujit. Këtu kemi miratuar 40 projekte të rëndësishme me shifra të larta.

Marrëdhëniet ndërmjet BP dhe BE. Me lejoni t’ju siguroj se në me zemër mbështesim procesin e zgjerimit dhe integrimit të rajonit.

Në kemi rakomanduar dhënien e statusit të vendit kandidat, Bosnjes.

Përvec kësaj ecurie ka edhe një cështje tjetër që ka të bëjë me tregun. Dua t’ju përgëzoj shumë se keni patur përparime. Gjë e mirë për rajonin që ju keni bërë marrëveshje.

Një cështje tjetër ka të bëjë me migracionin. Këtu bëhet fjalë për menaxhimin e migracionit në formë të përbashkët.

Së fundmi që ka të bëjë me rininë. E di Edi sa e rëndësishmë është kjo për ju. Ndaj ju falenderoj. Ju ishin që na kërkuat për nismën e universiteteve dhe ja ku jemi tani.i/albeu.com

The post “Përvojë fantastike”, Samiti i BE në Tiranë, Von der Leyen: Ja temat madhore që diskutuam appeared first on Albeu.com.

Balluku: Pa dashur të ndalen tek zonja parafolëse, por të gjithë thonë të njëjtën vjershë. Koncensioni ka klauzolë detyruese që të ndërtohen të gjithë rrugët janë në Tiranë. Në të gjithë botën autostradat janë me pagesë. Ajo do të përdoret nga ana drejtues automjetesh që duan të përdorin autostradat për shpejtësinë. Kështu që mos iu referoni këtij rasti në rrugën e kombit. Asnjë rrugë nuk do të marrë tra për pagesë, nëse nuk do të ketë rrugë alternative./albeu.com

The post Balluku: Autostradat në të gjithë botën janë me pagesë appeared first on Albeu.com.