godasin Archives - Albeu.com

Tronditet kryeqyteti ukrainas/ Dronë dhe raketa ruse godasin Kievin, 9 viktima dhe dhjetëra të plagosur

V K — Thu, 24 Apr 2025 06:24:23 +0000

Në orët e para të mëngjesit të sotëm, një tjetër natë tronditëse për kryeqytetin ukrainas. Rusia ka ndërmarrë një sulm të furishëm ndaj Kievit, duke përdorur raketa balistike dhe dronë.

Sipas autoriteteve vendase, të paktën 9 persona kanë humbur jetën, ndërsa 63 të tjerë janë plagosur, përfshirë edhe 6 fëmijë.

Administrata Ushtarake e Qytetit të Kievit, njoftoi në kanalin zyrtar në Telegram se sulmi nisi rreth orës 01:00 dhe goditi katër lagje të ndryshme të qytetit.

Në lagjen Sviatoshynskyi, një ndërtesë banimi u përfshi nga flakët pas një goditjeje të drejtpërdrejtë, duke lënë disa banorë të bllokuar nën rrënoja.

Zjarre të tjera u raportuan edhe në lagjet Shevchenkivskyi dhe Holosiivskyi. Shërbimi Shtetëror i Emergjencave konfirmoi se 42 persona janë shtruar në spital, ndërkohë që ekipet e shpëtimit vazhdojnë të kërkojnë për të mbijetuar nën rrënojat e ndërtesave të dëmtuara.

Situata në Kiev mbetet e tensionuar, ndërsa qyteti po përballet me pasojat e një prej netëve më të rënda të sulmeve ajrore në javët e fundit.

The post Tronditet kryeqyteti ukrainas/ Dronë dhe raketa ruse godasin Kievin, 9 viktima dhe dhjetëra të plagosur appeared first on Albeu.com.

Stuhi të mëdha bore godasin SHBA-të (VIDEO)

V K — Mon, 04 Mar 2024 08:37:37 +0000

Moti i keq dhe stuhi të mëdha të borës, kanë përfshirë disa zona të Kalifornisë dhe Nevadas, në perëndim të Shteteve të Bashkuara.

Si pasojë e bores, janë mbyllur rrugët, qendrat e skijimit dhe mijëra njerëz kanë mbetur pa energji elektrike.

Stuhitë kanë prekur posaçërisht zonën malore Sierra në Nevada, ku erërat kanë arritur deri në 305 kilometra në orë.

Njerëzit janë paralajmëruar gjithashtu për rrezikun nga orteqet.

Ndërkohë, në disa zona të tjera të SHBA-së, vendet si Teksasi po përballen me zjarre masive pyjore. Më shumë se 49,000 familje ishin pa energji që nga e shtuna në Nevada dhe Kaliforni sipas PowerOutage.us.

The post Stuhi të mëdha bore godasin SHBA-të (VIDEO) appeared first on Albeu.com.

Përleshje masive në tren, burrat godasin njëri-tjetrin (VIDEO)

V K — Mon, 29 Jan 2024 11:05:20 +0000

Disa pamje të publikuara, tregojnë momentin kur një përleshje masive shpërtheu në një metro të ngarkuar në Londër.

Sipas mediave britanike, imazhet që janë bërë virale tregojnë një ngjarje, kur katër burra kanë goditur me grushte dhe shkelmuar vazhdimisht një burrë tjetër, përmes dyerve të hapura të trenit.

Personi që u sulmua më në fund u ngrit në këmbë dhe filloi të luftojë përsëri.

Ata dëgjohen duke përdorur ndaj njëri-tjetrit një sërë fyerjesh të rënda, ndërsa pjesëtarët e publikut bërtasin që të ndalojnë.

Policia Britanike e Transportit, konfirmoi se është në dijeni të incidentit dhe hetimet janë në vazhdim.

Last night on the London underground.. pic.twitter.com/Xfv7PgM9SZ

— London & UK Street News (@CrimeLdn) January 28, 2024

The post Përleshje masive në tren, burrat godasin njëri-tjetrin (VIDEO) appeared first on Albeu.com.

Plas sherri në Shkodër, dy persona bëjnë për spital 33-vjeçarin

V K — Thu, 28 Dec 2023 13:05:02 +0000

Ditën e sotme, dy persona të paidentifikuar, janë përfshirë në një konflikt për motive të dobëta, ku kanë goditur 33-vjeҫarin banues në fshatin Bleran.

Njoftimi:

“Rreth orës 12:10, në spitalin rajonal të Shkodrës, është paraqitur i dëmtuar lehtë, shtetasi, 33 vjeç, banues në fshatin Bleran, i cili pretendon se gjatë një konflikti të çastit, për motive të dobëta, në rrugën ” Isa Jakupi” e kanë goditur me send të fortë, 2 shtetas të paidentifikuar.

Grupi hetimor vijon të punojë për identifikimin dhe kapjen e 2 shtetasve, si dhe për sqarimin e rrethanave të rastit”, thuhet në njoftim.

The post Plas sherri në Shkodër, dy persona bëjnë për spital 33-vjeçarin appeared first on Albeu.com.