“Plotësisht i pafajshëm”, ka thënë Thaçi i pyetur nga gjyqtari.

Edhe të gjithë të tjerët e akuzuar për këtë rast, Bashkim Smakaj, Fadil Fazliu, Isni Kilaj dhe Hajredin Kuçi, janë deklaruar të pafajshëm lidhur me akuzat që iu ngarkohen.

Më 29 nëntor 2024, Gjykatësja e Procedurës Paraprake e Dhomave të Specializuara të Kosovës konfirmoi aktakuzën kundër Hashim Thaçit, Bashkim Smakajt, Fadil Fazliut, Isni Kilajt dhe Hajredin Kuçit, dhe më pas lëshoi katër fletarrestime dhe një fletëthirrje.

Në aktakuzë, të akuzuarit akuzohen për vepra penale që lidhen me pretendime për përpjekje të paligjshme për të ndikuar në dëshmitë e dëshmitarëve në gjykimin e krimeve të luftës Thaçi dhe të tjerët.

The post Ish-presidenti Hashim Thaçi del para Gjykatës së Hagës për aktakuzën e dytë, deklarata e ish-presidentit: Jam plotësisht i pafajshëm appeared first on Albeu.com.

Kështu u bë e ditur nga zëdhënësja e Dhomave të Specializuara në Hagë, Angela Griep, në konferencën javore të enjten. Griep, në një konferencë për media pohoi se arsye për vazhdimin e masës së paraburgimit është mundësia e arratisjes.

“Më 7 dhe 8 prill 2025, Gjykatësja e Procedurës Paraprake urdhëroi vazhdimin e paraburgimit të Hashim Thaçit, Isni Kilajt, Fadil Fazliut dhe Bashkim Smakajt, me konstatimin se për katër të akuzuarit ekzistojnë arsye të artikulueshme për të besuar se mund të arratisen, të pengojnë ecurinë e procesit ose të kryejnë vepra penale të tjera. Gjykatësja e Procedurës Paraprake konstatoi më tej se këto rreziqe mund të zvogëlohen vetëm duke vazhduar paraburgimin e tyre”, tha Griep.

Hashim Thaçi, Kadri Veseli, Rexhep Selimi dhe Jakup Kransiqi po mbahen në paraburgim nga nëntori i vitit 2020. Aktakuza ndaj tyre lidhur me pretendimin për krime lufte, është konfirmuar më 26 tetor 2020 ndërsa në paraqitjet e tyre të para në Dhomat e Specializuara në Hagë ata janë deklaruar të pafajshëm.

The post Gjykata Speciale e Hagës zgjat paraburgimin për Thaçin, Kilajn, Fazliun dhe Smakan appeared first on Albeu.com.

Këto prova, ZPS-ja e konfirmonte edhe vet se i ka siguruar nga autoritetet serbe, të cilat i kishin marrë gjatë bastisjeve nëpër shtabet e zonat e Ushtrisë Çlirimtare të Kosovës.

Pranimi i disa materialeve si prova është shqyrtuar edhe në seancën e kësaj jave që u mbajt në rastin e krerëve të UÇK-së në Hagë.

Avokati i Hashim Thaçit, Luka Misetiq, ka pasur ankesa lidhur me vërtetësinë dhe mënyrën se si janë siguruar këto prova. Sipas tij, disa prej materialeve janë nxjerrë nga Agjencitë Sekrete të Serbisë.

“E dyta që kam është që mu dha mundësia që ta verifikojë këtë deklaratë tani se gjendet online, burimi vërtetë duket se është Shërbimi i Zbulimit Serb për këtë dokument. Unë do të thosha që ka pasur prova që janë paraqitur nga ky trup gjykues për fabrikimin e provave nga Zbulimi Serb. Pra të gjitha këto janë faktorë të cilët duhet mbajtur parasysh. Fakti që dokumenti pretendon të jetë ai që është i barasvlershme me deklaratën e dëshmitarit që tashme ju e keni në dispozicion nga ky gjykim që edhe gjatë pyetjeve që i bëmë ne doli që nuk ishte ashtu”, tha avokati i Thaçit.

Avokati Misetiq mes tjerash, përmendi një person të infiltruar nga Shërbimet Sekrete të Serbisë, i cili kishte arritur të shkonte deri në nivele të larta të Ushtrisë Çlirimtare të Kosovës. Kjo duke e ndërlidhur këto dëshmi, me materialet që janë siguruar nëpërmjet autoriteteve serbe. /nacionale/

The post “Ky person ishte infiltruar nga Serbia në nivelet e larta të UÇK-së”: Përplasje në Hagë për provat e reja të Prokurorisë appeared first on Albeu.com.

Gjykata nuk shtjelloi atë që e quajti “incident të sigurisë kibernetike”.

Zëdhënësi i gjykatës Fadi El Abdallah tha në një deklaratë me shkrim se “përgjigjja dhe masat shtesë të sigurisë tani janë në vazhdim” me ndihmën e autoriteteve në Holandë, ku ndodhet gjykata.

“Duke parë përpara, Gjykata do të ndërtohet mbi punën ekzistuese që po zhvillohet aktualisht për të forcuar kuadrin e saj të sigurisë kibernetike, duke përfshirë përshpejtimin e përdorimit të teknologjisë cloud”, shtoi deklarata e tij.

Gjykata nuk pranoi të hyjë në ndonjë detaj në lidhje me incidentin, por tha se ndërsa “vazhdon të analizojë dhe zbusë ndikimin e këtij incidenti, prioritet i është dhënë gjithashtu sigurimit që puna thelbësore e Gjykatës të vazhdojë”.

ICC ka një sërë hetimesh të profilit të lartë dhe hetime paraprake që po zhvillohen në vende anembanë botës dhe në të kaluarën ka qenë objektiv i spiunazhit.

Vitin e kaluar, një agjenci e inteligjencës holandeze tha se kishte penguar një përpjekje të sofistikuar nga një spiun rus duke përdorur një identitet të rremë brazilian për të punuar si praktikant në gjykatë, e cila po heton akuzat për krime lufte ruse në Ukrainë dhe ka lëshuar një urdhër arresti për krime lufte për presidentin Vladimir Putin, duke e akuzuar për përgjegjësi personale për rrëmbimet e fëmijëve nga Ukraina.

Në një përgjigje me shkrim ndaj një kërkese për koment, Ministria e Jashtme holandeze tha: “Çdo aktivitet me qëllim të keq që minon sigurinë kibernetike të Gjykatës ose ndërhyn në aftësinë e saj për të përmbushur mandatin e saj në një mënyrë të sigurt dhe të sigurt, është një shqetësim i madh për ne. Holanda do të vazhdojë të ndihmojë ICC-në në adresimin e incidentit.”

The post Hakohet Gjykata Ndërkombëtare Penale? Zbulohen “veprimtari anormale” në sistemet e informacionit appeared first on Albeu.com.

Organi, i cili është përgjegjës për hetimin e krimeve të rënda, tha se nuk kishte bazë për përgjegjësi penale nga ana e presidentit rus dhe argumentoi se krerët e shteteve kanë imunitet nga juridiksioni i vendeve të tjera.

Aty thuhej se veprimet e prokurorit të ICC-së treguan shenja të kryerjes së krimeve ruse, të tilla si akuzimi i vetëdijshëm i një personi të pafajshëm për një krim.

Veprimi rus është një gjest simbolik kundërshtimi në përgjigje të urdhrit të lëshuar kundër Putinit.

Kujtojmë se, ICC javën e kaluar akuzoi Putinin për rrëmbimin e fëmijëve nga Ukraina.

Në një deklaratë, gjykata pretendon se presidenti rus është “përgjegjës për krimin e luftës të dëbimit të paligjshëm të popullsisë (fëmijëve) dhe atë të transferimit të paligjshëm të popullsisë (fëmijëve) nga zonat e okupuara të Ukrainës në Federatën Ruse”.

Kremlini e ka quajtur këtë veprim të egër, por ligjërisht të pavlefshëm, pasi Rusia nuk është nënshkruese e traktatit që krijoi ICC./albeu.com

The post Urdhër arresti për Putin, Rusia hap hetim penal ndaj Gjykatës së Hagës appeared first on Albeu.com.

“Rëndësia e krimeve dhe deklarata e ICC-së flasin vetë,” tha të premten Josep Borrell, përfaqësues i lartë i BE-së për Punët e Jashtme dhe Politikën e Sigurisë.

“Ky është një vendim i rëndësishëm i drejtësisë ndërkombëtare dhe për popullin e Ukrainës. Ne e kemi bërë gjithmonë të qartë në Bashkimin Evropian se ata që janë përgjegjës për agresionin e paligjshëm kundër Ukrainës duhet të sillen para drejtësisë”, shtoi Borrell.

Ai tha se ky urdhër-arrest është “vetëm fillimi i procesit të përgjegjësisë” për bërjen e Rusisë dhe zyrtarëve të tjerë përgjegjës për krime të mundshme lufte në Ukrainë./Albeu.com/

The post Urdhërarresti për Putin, Borrell: Vendim i rëndësishëm i drejtësisë ndërkombëtare appeared first on Albeu.com.

Ai ka theksuar se të gjithë ata që janë në kundështim me ligjin le të shkojnë në Hagë dhe në hënë për tu ankuar.

Edi Rama në Twitter: Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit Le të shkojnë edhe në Hagë ose në hënë po të duan,po pallatet me shkelje do prishen ose do konfiskohen për interes publik prandaj uroj që GJK të mos lajthisë!/albeu.com

The post Shembja e ndërtimeve pa leje, Rama: Le të shkojnë të ankohen në Hagë ose në hënë appeared first on Albeu.com.

Ai ka udhëzuar mbrojtjen që të dorëzojë shkresën, me anë të së cilës Thaçi heq dorë nga rishikimi i paraburgimit, deri më 15 nëntor 2022, shkresë e cila është dorëzuar nga mbrojtja.

Mbrojtja e Thaçit kishte kërkuar një ndryshim të afatit kohor në mënyrë që të jepte një përgjigje ndaj parashtresave për paraburgim pasi të zgjidhej një çështje dhe pasi të bëhet shqyrtimi i ndonjë zbulimi pasues të provave.

Zyra e Prokurorit të Specializuar, më 30 shtator ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit. Kjo pasi, gjykatësi e kishte aprovuar pjesërisht mocionin e mbrojtjes së Hashim Thaçit, të parashtruar ndaj aktakuzës së ndryshuar në rastin ku ai me Kadri Veselin, Jakup Krasniqin e Rexhep Selimin, po akuzohen për krime lufte dhe ZPS ishte urdhëruar të bëjë ndryshime në aktakuzën e ndryshuar.

Në këtë aktakuzë, thuhet se përmes veprimeve dhe mosveprimeve të përshkruara më lart, Hashim Thaçi, Kadri Veseli, Rexhep Selimi dhe Jakup Krasniqi, kanë kryer përmes pjesëmarrjes së tyre në një ndërmarrje të përbashkët kriminale dhe/ose kanë ndihmuar dhe nxitur krimet e ngarkuara në këtë aktakuzë.

Sipas prokurorisë, krahas kësaj ose në alternativë, Hashim Thaçi, Kadri Veseli, Rexhep Selimi dhe Jakup Krasniqi janë përgjegjës si eprorë për krimet e kryera nga vartësit e tyre.

Tutje, aktakuza thotë se Thaçi, Veseli, Selimi dhe Krasniqi, e dinin ose kishin arsye të dinin se krimet e akuzuara në këtë aktakuzë ishin gati të kryheshin ose ishin kryer nga vartësit e tyre dhe nuk kishin marrë masat e nevojshme dhe të arsyeshme për parandalimin e krimeve të tilla ose të ndëshkojnë autorët e saj.

“Hashim Thaçi, Kadri Veseli, Rexhep Selimi dhe Jakup Krasniqi individualisht penalisht përgjegjës për: pikën 1 persekutim mbi baza politike dhe/ose etnike, krim kundër njerëzimit, i dënueshëm sipas nenit 13 (1) (h), 16 (1) ( a), dhe 16 (1) (c) të Ligjit; Pika 2: burgim, krim kundër njerëzimit, i dënueshëm sipas neneve 13 (1) (e), 16 (1) (a) dhe 16 (1) (c) të Ligjit; pikën 3 arrestimi dhe paraburgimi i paligjshëm ose arbitrar, krim lufte, i dënueshëm sipas neneve 14 (1) (c), 16 (1) (a), dhe 16 (1) (c) të Ligjit”, thuhet në aktakuzë nga ana e prokurorisë.

Në pikën 4, ata ngarkohen me veprën akte tjera çnjerëzore, krim kundër njerëzimit, i dënueshëm sipas neneve 13 (1) (j), 16 (1) (a) dhe 16 (1) (c) të Ligjit, kurse në pikën 5 për trajtim mizor, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit.

“Pika 6: torturë, krim kundër njerëzimit, i dënueshëm sipas neneve 13 (1) (f), 16 (1) (a) dhe 16 (1) (c) të ligji; Pika 7: torturë, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 8: : vrasje, krim kundër njerëzimit, i dënueshëm sipas neneve 13 (1) (a), 16 (1) (a) dhe 16 (1) (c) të Ligjit; Pika 9: vrasje, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 10: zhdukja e detyruar e personave, krim kundër njerëzimit, i dënueshëm sipas neneve 13 (1) (i), 16 (1) (a) dhe 16 (1) (c) të Ligjit”, thotë aktakuza.

Më 29 prill, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit. /BetimipërDrejtësi/

The post Aprovohet kërkesa e mbrojtjes së Thaçit: I shtyhet shqyrtimi i paraburgimit deri më 19 dhjetor appeared first on Albeu.com.

“Sot, gjykatësi Mihael Bolander i dorëzoi Kryetares Ekaterina Trendafilova dorëheqjen e tij si gjykatës në Regjistrin e Gjykatësve Ndërkombëtarë të Dhomave të Specializuara të Kosovës (DHSK). Gjykatësi Bolander, i cili dha dorëheqje për arsye personale, deklaroi se ndihej i nderuar që kishte shërbyer si gjykatës i DHSK-së”, thuhet në njoftim.

Kryetarja Trendafilova shprehu mirënjohjen e saj të sinqertë për kontributin e gjykatësit Bolander në mandatin e DHSK-së, përfshirë edhe, së fundi, si anëtar i panelit të parë të Gjykatës Supreme.

Dorëheqja vjen kur disa figura të politikës së Kosovës, ish-drejtues të UÇK-së ndodhen në Hagë të akuzuar për krime lufte. Mes tyre dhe ish-presidenti i Kosovës Hashim Thaçi.

The post Ish-liderët e UÇK-së në Hagë, jep dorëheqjen gjykatësi i Dhomave të Specializuara të Kosovës appeared first on Albeu.com.

Dhomat e Specializuara përmes një vendimi të publikuar më 22 gusht kanë vendosur që Thaçi të mbahet në paraburgim. Sipas arysetimit ekziston rreziku që Thaçi të arratiset ose të ndërhyjë në drejtësi.

Aktualisht si të akuzuar në Hagë gjenden, Hashim Thaçi, Kadri Veseli, Jakup Krasniqi, Rexhep Selimi. Të katër zyrtarët më të lartë të Kosovës, akuzohen për arrestim të paligjshëm, vrasje dhe torturë, të cilat konsiderohen si krime lufte. Në aktakuzën e publikuar shkruhet se nga marsi i vitit 1998 deri në shtator të një viti më vonë, në Kukës dhe Cahan janë kryer krime ndaj qindra civilëve që nuk ishin pjesë e luftës së UÇK-së. Hashim Thaçi, Kadri Veseli, Jakup Krasniqi kanë dalë në senacën e parë të gjykimit dy ditë më parë dhe janë deklaruar të pafajshëm, ndërsa Rexhep Selmi do dalë ditën e sotme në orën 11:00.

The post Kërkoi lirimin nga Haga, Gjykata Speciale i refuzon kërkesën, Thaçi mund të arratiset appeared first on Albeu.com.