Në njoftim thuhet se pasi janë dëgjuar palët gjatë seancës së sotme, ku Gjici nuk ka qenë prezent, është hedhur poshtë edhe kërkesa e tij.

Njoftimi i plotë:

Gjykata e Shkallёs sё Parё e Juridiksionit tё Pёrgjithshёm Elbasan në kuadër të transparencës, me qëllim mirëinformimin e publikut në vlerësim të interesit të lartë publik, informon në lidhje me seancën gjyqësore të Kërkesës Penale në Fazën e Ekzekutimit të paraqitur nga kërkuesi Safet Gjici me objekt “Zëvëndësim i Vuajtes së Dënimit me Qëndrim në Shtëpi”.

Në seancë nuk u paraqit kërkuesi Safet Gjici, u paraqit mbrojtja përfaqësuar nga av. Markeljan Jança, u paraqit organi akuzёs me prokuror z. Ledian Tema, u paraqitën Ekspertët Mjekoligjorë. Shërbimi i Provës ka paraqitur aktin e ekspertimit. U paraqit përfaqësuesi ligjor i Institucionit të Vendimeve Penale Lushnje.

Sot më datë 30.01.2025, Gjykata e Shkallës së Parë e Juridiksionit të Përgjithshëm Elbasan me trup gjykues të përbërë nga: Kryesues Gjyqtar znj. Suela Lika në përfundim të gjykimit, pasi dëgjoi palët në diskutimin përfundimtar me vendim Nr. 295 Vendimi të datës 30.01.2025 në zbatim të neneve 112, 379, 470 të Kodit të Procedures Penale dhe nenit 59/a e Kodit Penal vendosi:

Rrëzimin e kërkesës së kërkuesit Safet Gjici,
Shpenzimet gjyqësore i ngarkohen kërkuesit Safet Gjici,
Kundër këtij vendimi lejohet ankim në Gjykatën e Apelit të Juridiksionit të Përgjithshëm Tiranë brenda 15 (pesëmbëdhjetë) ditëve, duke filluar ky afat nga e nesërmja e njoftimit të vendimit
U shpall Elbasan, sot më date 30.01.2025

The post Kërkoi të kryente pjesën tjetër të dënimit në shtëpi për arsye shëndetësore, Gjykata e Elbasanit rrëzon kërkesën e Safet Gjicit appeared first on Albeu.com.

Ai rezultoi i dehur në timon, teksa u përfshi në një aksident në Prrenjas.

24-vjeçarja nga Librazhdi, humbi jetën tragjikisht nga një aksident rrugor në aksin Prrenjas-Qafë Thanë, pasi qëndroi disa ditë në koma te Trauma.

Ajo dhe 5 anëtarët e tjerë të familjes, u përplasën barbarisht nga një automjet që vinte me shpejtësi dhe humbi kontrollin, duke marrë para çfarë i doli.

Të shtunën e 13 prillit, spitali i Traumës në Tiranë njoftoi se e reja nuk u zgjua nga koma, prej komplikacioneve të rënda shëndetësore ndërroi jetë.

The post I dehur në timon aksidentoi për vdekje 24-vjeçaren në Prrenjas, ‘arrest me burg’ për burg Jetmir Dacin appeared first on Albeu.com.

Më herët, Drejtuesi i Prokurorisë së Elbasanit, Kreshnik Ajazi i ka kërkuar Gjykatës masën “Arrest në burg” për 10 të arrestuarit e bandës së Laert Haxhisë.

Anëtarët e kësaj bande që ka shkaktuar disa viktima përfunduan në pranga pak ditë më parë pas megaoperacionit policor të koduar “Never Forget”, i cili bëri të mundur kapjen e disa personave me rrezikshmëri kriminale që bënin pjesë në Bandën e Laert Haxhisë, pjesë e të cilës ishte edhe shtetasi Artan Tafani.

Ky tashmë është shndërruar në të penduarin e drejtësisë. Nga deklarimet e tij para organit të akuzës janë zbardhur disa nga ngjarjet kriminale më tragjiket në vendin tonë të cilat rezulton të jenë kryer nga banda e Laert Haxhisë ku bënte pjesë edhe ai, ndërsa kreu i kësaj bande është në Greqi.

Laert Haxhiu është arrestuar nga autoritetet greke dhe pritet ekstradimi i tij në Shqipëri për të dalë para drejtësisë.

Kërkesa për masën “Arrest në burg” për:

1.Artan Tafani
2.Laert Haxhiu
3.Lulzim Spahia
4.Ligor Romacka
5.Erisjano Abedini
6.Marglen Topuzi
7.Idriz Manej
8.Bujar Abedini
9.Enriko Xhahysa
10.Bledar Berberi

The post Artan Tafani zbuloi krimet, del sot para Gjykatës banda e Laert Haxhiut appeared first on Albeu.com.

Timofeeva, e cila akuzohet për spiunazh, ka dalë sërish para Gjykatës së Rrethit Gjyqësor Elbasan pas kërkesës së prokurorisë për zgjatjen e afateve të paraburgimit.

Avokati i saj kundërshtoi me arsyetimin se Timofeeva ka kaluar afatet e paraburgimit dhe duhet të ishte lënë e lirë, madje kërkoi edhe përjashtimin e gjyqtares.

Timofeeva u arrestua gushtin e vitit të shkuar së bashku me një shtetas tjetër rus dhe një ukrainas, duke u përpjekur tëhynë në uzinën e armëve në Gramsh, ku sumuan edhe rojet e pranishme. /albeu.com

The post Gjykata pranon kërkesën e prokurorisë, shtyhet afati i paraburgimit për Svetlana Timofeeva-n appeared first on Albeu.com.

Më 20 dhjetor, 1 javë më parë, me vendim gjykate rreth orës 7 të mëngjesit policia do të shkonte për kontroll në banesën dhe stanin e shtetasit Banush Kuqja, në fshatin Marinzë në bashkinë Belsh.

Në kontroll do të asistonte edhe djali i Banushit, Syrja Kuqja, duke qenë se banonte ngjitur me shtëpinë e babait.

Nuk dihet se pse do të kryej kontrolli por polici 24 vjeçar Geraldo Nela, i vënë nën akuzë për vjedhje, është identifikuar nga bashkëshortja e kallëzuesit.

Vjollca Kuqja ka deklaruar se ka marr lekët që kishin në banesë, të cilat i kishte poshtë divanit, një shumë prej 30000 Euro, të prerjes 50 Euro, të mbështjella me qese plasmani me ngjyrë të zezë me lule rozë. Sipas saj lekët i ka marrë se ka pasur frikë se policia do bënte kontroll te banesa e saj dhe do i gjente aty.

Ka marrë lekët nga banesa duke i mbajtur poshtë xhupit dhe i ka fshehur te disa dru qe i kishte për ndezjen e zjarrit te oborri i banesës. Në oborr sipas saj u fut vetëm polici Geraldo Nela.

Edhe kallëzuesi Syrja Kuqja ka deklaruar se paratë ishin të gjitha prerje 50 euro dhe shuma prej 30 mijë eurosh ishin kursimet e tij nga puna në emigracion.

Fillimisht polici i komisariatit të Cërrikut ka mohuar akuzën por më pas është penduar.

Sipas dosjes hetimore pasi kishte vjedhur lekët në stivën e druve, ai i ka fshehur ne një ferrë anës rrugës jashtë portës së banesës së Syrja Kuqjas.

Madje 1 ditë pas ngjarjes, pasi ishte identifikuar nga bashkëshortja e kallëzuesit të cilës i kishte thënë fillimisht “nuk kam marrë lek e nuk do merrem me gra” ai i ka treguar vendin ku i kishte fshehur duke i kërkuar falje.

Paratë u numëruan nga agjentët e agjencisë së mbikëqyrjes policore dhe rezultoi shuma 30 mijë euro.

Në lidhje me veprimin polici i ri ka deklaruar se ndihej i penduar dhe se nga frika dhe nga zori nga kolegët e tjerë për momentin nuk ka reflektuar duke e mohuar një fakte të tillë.

The post I fshehu në ferra e më pas u pendua, si i vodhi polici 30 mijë euro në Belsh appeared first on Albeu.com.

Përballë grupit hetimor, ajo ka thënë se është thjesht një blogere dhe jo spiune. Javën e shkuar, Ministrisë së Drejtësisë i ka mbërritur kërkesa ekstradimit, kaluar më pas për veprime të mëtejshme Prokurorisë së Përgjithshme.
Rusen e arrestuar në Shqipëri për spiunazh, në Rusi e kërkojnë se mori sekrete shtetërore. Kërkesën e ekstradimit të Rusisë do ta shqyrtojë Gjykata e Elbasanit gjatë javëve në vijim.

Të tre të arrestuarit e kësaj ngjarjeje vijojnë të jenë në burg me masën, e dhënë nga gjykata e Elbasanit arrest me burg lënë në fuqi edhe nga Apeli Durrësit më 20 Shtator.

The post U kap si spiune në Gramsh, Rusia kërkon ekstradimin e Svetlana Timofoeva appeared first on Albeu.com.

Pas vendimit të dhënë nga Gjykata Elbasanit në korrik të vitit 2020-t çështja u rikthye për gjykim, në Gjykatën e Apelit Durrës, duke përdorur nenin 428/ç të Kodit të Procedurës Penale, pasi gjykata e Apelit ka konstatuar mangësi proçeduriale në mungesën e arsyetimit të vendimit.

Gjykata e Elbasanit e pati dënuar Astrit Sinanaj, në muajin korrik 2020, e cila pranoi pjesërisht kërkesën e prokurorit Xhelian Seferaj, duke deklaruar fajtor dhe dënuar me 25 vite burgim Astrit Sinanaj, të akuzuar për 4 vepra penale të “Vrasje me dashje e kryer në mënyrë të rrezikshme për jetën e shumë personave”, “Mbajtjes pa lejë të armëve shpërthyese”, “Shkatërrimit të pronës me eksploziv” dhe “Largimit i të burgosurit nga vendi i qëndrimit”. Për Sinanaj, prokuroria kishte kërkuar dënimin me 30 vite burgim.

Sipas dosjes së prokurorisë Sinanaj kishte tentuar të vriste me tritol biznesmenin Fuad Verzivollin. Verzivolli, objektivi i këtij atentati gjatë dëshmisë në gjykatë deklaroi se sulmi me tritol ndaj tij ishte financuar nga Florenc Çapja, pasi ai nuk ka asnjë njohje me Astrit Sinanaj.

Sinanaj kishte shumë pak kohë që ishte liruar nga burgu, pasi rezulton i dënuar me 8 muaj burg për Si i shpëtoi atentatit

Më 6 maj 2017 në Elbasan, iu vendos 1 kg tritol C4 poshtë makinës së biznesmenit, Fuad Verzivolli.

Biznesmeni arriti ti shpëtonte atentatit pasi tritoli u pikas nga një qytetar.

The post Vendosi tritol në makinën e biznesmenit, Gjykata e Elbasanit dënon me 25 vite burg Astrit Sinanajn appeared first on Albeu.com.

Shkak është bërë mos njoftimi në kohë i avokatit të njërit prej të plagosurve Emiljano Prengës.

Mësohet se as Paplekaj nuk ka qenë i pranishëm në seancën e sotme.

The post Vrasja e Pjerin Xhuvanit, shtyhet seanca për Arbër Paplekajn, kjo është arsyeja appeared first on Albeu.com.

Shkak është bërë mungesa e avokatit të tij, i cili ishte i pranishëm në një tjetër çështje gjyqësore në SPAK.

Faruk Ozer u kap në 30 gusht të këtij viti pasi ishte shpallur në kërkim ndërkombëtar për mashtrimin me kriptomonedhat ndaj disa shtetasve turk.

The post Shtyhet sërish seanca ndaj turkut, Faruk Ozer, avokati i tij i pranishëm në një çështje gjyqësore në SPAK appeared first on Albeu.com.

Sipas burimeve, bëhet me dije se seanca e parë gjyqësore për ekstradimin e tij nis këtë të enjte në orën 14:00.

Prokuroria e Stambollit ka në hetim 21 të pandehur në lidhje me skemën gjigande të mashtrimit përmes kriptovalutave, Thodex.

Emri kryesor në hetim është CEO i kësaj platforme, Faruk Fatih Ozer, i cili akuzohet se ka mashtruar rreth 400 mijë njerëz.

Nga personat e akuzuar, gjashtë prej tyre janë të burgosur aktualisht në Turqi, mes të cilëve edhe vëllai dhe motra e Faruk Ozer.

Sipas mediave turke, ndaj të pandehurve janë ngritur akuzat në Turqi për “krijimi dhe drejtimi i një organizate kriminale”, “mashtrimi duke përdorur sistemet e informacionit, bankat ose institucionet e kreditit” dhe “mashtrimit dhe pastrimit të vlerave pasurore që rrjedhin nga krimi”.

Për këto akuza, prokuroria ka kërkuar dënimin me burg në total të të pandehurve nga 12.164 vite burg deri në 40.562 vite burg.

Kujtojmë se Ozer u arrestua në bregdetin e Vlorës teksa bënte plazh dhe për një kohë të gjatë fshihej në një apartament në qytetin e Elbasanit./albeu.com/

The post Mashtrimi me kriptomonedhat, bossi turk del në gjyqin për ekstradimin e tij appeared first on Albeu.com.