Pak pas nisjes nga aeroporti, avioni u përfshi nga flakët dhe më pas u rrëzua, duke shkatërruar dy biznese që gjendeshin afër aeroportit dhe duke shkaktuar vonesa në operacionet e kësaj kompanie të transportimit të mallrave.

Beshear u tha gazetarëve se pret që numri i viktimave të rritet, pas aksidentit që ndodhi të martën. Avioni u rrëzua pranë një zone industriale, duke goditur një kompani të naftës.

Beshear tha se shpallja e gjendjes së jashtëzakonshme do të ndihmojë në përgjigjen e shtetit për aksidentin, duke lejuar që në vendngjarje të dërgohen “më shpejt burime”.

Avioni i mallrave i llojit MD-11, i prodhuar para 34 vjetësh u përfshi nga flakët dhe hetuesit nga Bordi Kombëtar amerikan për Sigurinë e Transportit pritet që të japin detaje pse ndodhi ky aksident.

Fluturakja, sipas kompanisë UPS, kishte tre anëtarë të ekuipazhit dhe sipas zyrtarëve amerikanë asnjëri nga ta nuk i mbijetoi aksidentit.

Rreth 200 zjarrfikës dhe personel të emergjencës, si dhe 50 kamionë, u thirrën të martën për të luftuar flakët e shkaktuara nga rrëzimi i avionit. Megjithatë, guvernatori Beshear tha se një qendër e konventave që ndodhet afër, një restorant dhe një fabrikë e Ford Motor Co nuk janë prekur nga zjarri.

Zyrtarët thanë se 11 persona u dërguan nëpër spitale të martën, ndërsa një zyrtar qeveritar i tha agjencisë Reuters se të paktën 10 persona të tjerë konsiderohen të zhdukur. Beshear tha se dy persona janë në gjendje kritike.

Aeroporti ndërkombëtar i Luisvillit u rihap për trafik ajror të mërkurën, megjithatë pista ku ndodhi aksidenti pritet të mbetet e mbyllur për edhe 10 ditë, sipas zyrtarëve.

UPS tha se ka ndaluar disa operacione pas kësaj ngjarjeje.

Prodhimi i avionit MD-11 u ndal në vitin 2000 dhe shërbimi për pasagjerë zyrtarisht përfundoi më 2014. Për operacionet për transportin e mallrave, rreth 50 avionë MD-11 operohen nga FedEx dhe UPS në mbarë botën, ndërkaq edhe dy avionë të tjerë të këtij lloji vazhdojnë të përdoren.

GE Aerospace, që prodhon motorët e avionit, tha se ka ofruar mbështetje për UPS dhe për autoritetet amerikane.

Fluturakja me tre motorë ishte mbushur me karburant që do t’i zgjaste për fluturimin e planifikuar prej tetë orësh e gjysmë për në Honolulu.

Ky ishte avioni i parë i mallrave i UPS-it që është rrëzuar që nga gushti i vitit 2013, kur një avion Airbus u përplas teksa po tentonte të ateronte në aeroportin ndërkombëtar të Birmingham, Alabama, duke vrarë të gjithë anëtarët e ekuipazhit./rel

The post Rrëzimi i avionit të mallrave shkaktoi të paktën 9 viktima, guvernatori i Kentakit shpall gjendjen e jashtëzakonshme appeared first on Albeu.com.

Miliona njerëz në një shtrirje prej më shumë se 483 km të vijës bregdetare kanë marrë urdhrin për t’u evakuuar. Ngjarja vjen vetëm 2 javë pasi uragani Helene shkatërroi një pjesë të madhe të kësaj zone.

Stuhia pritet të sjellë dallgë nga 10 deri në 15 metra të larta. Erërat janë me një shpejtësi të lartë deri në 233 km/h. Stuhia u dobësua pak të mërkurën në mëngjes, por mbeti në kategorinë 4, niveli i dytë më i lartë.

The post VIDEO/ Uragani “Milton” mbërrin në brigjet e Floridas, erërat e fuqishme shkundin vendin appeared first on Albeu.com.

Ky është shpërthimi i tretë i tillë në gadishull që nga dhjetori.

The post Tjetër shpërthim vullkanik në Islandë, shpallet gjendja e jashtëzakonshme appeared first on Albeu.com.

Lajmin e bën të ditur në një postim në Facebook, kryebashkiaku Hil Curri.

Reagimi:

Bashkia Fushë-Arrëz ka shpallur gjendjen e jashtëzakonshme për shkak të reshjeve të denduara të bores! Ekipi i Emergjencave Civile të bashkisë po punon me të gjithë sektorët për përballimin e situatës. Bashkia Fushë-Arrëz do të bej të pamunderen për të ju gjendur pranë banoreve me të gjithëve Njësitë Administrative, Iballe, Blerim, Fierze, Qafë-Mali. Po koordinojmë punen me Emergjencat Civile Kombetare  për të përballuar situatën.

The post Reshjet e dendura të dëborës, Fushë-Arrzi shpall gjenden e jashtëzakonshme appeared first on Albeu.com.

Rreth 5,600 familje ose më shumë se 20,000 njerëz, shumë prej të cilëve janë emigrantë, aktualisht jetojnë në strehimore shtetërore. Mes tyre ka foshnja, fëmijë të vegjël dhe gra shtatzëna. Guvernatorja Healey tha se është një rritje prej rreth 80% krahasuar me 3100 familje një vit më parë.

Shumë prej migrantëve po mbërrijnë me avion nga shtete të tjera.

Vetëm gjatë 48 orëve të fundit, tha ajo, 50 familje migrante kanë mbërritur me avion dhe kanë nevojë për strehim.

“Këto shifra pasqyrojnë rritjen e prurjeve të migrantëve në vendin tonë, të cilët kanë përjetuar disa nga udhëtimet më të vështira që mund të imagjinohen.”

Ajo i bëri thirrje qeverisë federale për ndihmë financiare dhe në mënyrë më urgjente, përshpejtimin e autorizimeve të punës për të lejuar të ardhurit e rinj që të gjejnë punë sa më shpejt dhe të fillojnë të fitojnë jetesën, shkruante ajo në një letër drejtuar Sekretarit të Sigurisë Kombëtare, Alejandro Mayorkas.

Në letër, zonja Healey vuri në dukje autorizimet e punës si burimi kryesor i krizës. Aktualisht, tha ajo, mund të duhen javë, muaj ose më shumë se një vit për të marrë autorizimin e punës.

“Të ardhurit janë të etur për të punuar. Gjëja e fundit që ata duan është që të jenë të varur”, tha ajo.

Guvernatorja Healey u ka bërë thirrje organizatave dhe njerëzve të interesuar që të ndihmojnë me sa të munden për të sponsorizuar apo strehuar migrantët.

Të hënën, kryetari i bashkisë së Nju Jorkut Eric Adams, njoftoi një plan për të strehuar deri në 2,000 migrantë në lagjen Queens.

Disa shtete të udhëhequra nga republikanët, si Teksasi dhe Florida, i kanë transportuar migrantët me autobusë ose aeroplanë drejt shteteve dhe qyteteve të udhëhequra nga demokratët, si Kaliforni, Masaçusets, Nju Jork dhe Çikago.

Vitin e kaluar, guvernatori i Floridës, Ron DeSantis, dërgoi me avion 49 migrantë venezuelianë në ishullin Martha’s Vineyard të shtetit Masaçusets, që njihet si zonë pasanikësh.

The post Ky shtet shpall gjendjen e jashtëzakonshme mes fluksit të migrantëve që kërkojnë strehim appeared first on Albeu.com.

Gjatë gjendjes së jashtëzakonshme, qeveria mund të miratojë masa me dekret, duke anashkaluar procesin zakonisht të gjatë parlamentar për financimin dhe rregulloret.

Agjencia italiane e lajmeve Ansa citoi ministrin e Mbrojtjes Civile Nello Musumesi: “Për të qenë i qartë, kjo nuk e zgjidh problemin, zgjidhja e tij varet nga një ndërhyrje e arsyeshme dhe e përgjegjshme e Bashkimit Evropian”.

Qeveria e kryeministrit Gjorgje Meloni – si vendet e tjera në kufijtë e jashtëm të BE-së – kryesisht kërkoi solidaritet dhe ndihmë nga shtetet e tjera anëtare pa sukses.

Gjithashtu, në Itali nevojiten struktura të reja, të përshtatshme si për strehim ashtu edhe për riatdhesim, pra deportim të emigrantëve që nuk kanë kushtet për të qëndruar në Itali, thuhet në njoftimin e qeverisë.

Në qarqet qeveritare thuhet se gjendja e jashtëzakonshme do të lejojë deportime më të shpejta të emigrantëve. Para se të merrte detyrën, Maloni premtoi të frenonte imigracionin.

Sipas të dhënave zyrtare, rreth 31 mijë emigrantë kanë mbërritur në Itali që nga fillimi i vitit, të shpëtuar në det nga marina italiane dhe roja bregdetare apo organizata private humanitare. Në dy vitet e mëparshme, në të njëjtën periudhë ishin rreth 8000 të tillë.

Deri më tani, emigrantët afrikanë janë shpërngulur kryesisht nga brigjet e pjesës perëndimore të Libisë, dhe së fundmi mijëra po largohen edhe nga Tunizia – sepse prej andej është “vetëm” 150 kilometra deri në ishullin italian të Lampedusa. /albeu.com

The post Fluks i lartë i emigrantëve, Italia shpall gjendjen e jashtëzakonshme për 6 muaj appeared first on Albeu.com.

E gjithë çështja lidhet me rritjen e madhe të numrit të të ardhurve, sidomos këto ditët e fundit, dhe do të diskutohet në kabinetin e qeverisë Meloni, që do të mblidhet pasditen e sotme.

“Kisha alarmuar ditët e fundit. Ishujt tanë nuk mund të përballen të vetëm me gjithë këtë realitet, strukturat që ekzistojnë janë të mbipopulluara dhe është e qartë se gjendja e jashtëzakonshme do të lehtësonte marrjen e vendimeve të nevojshme”, tha Muzumechi në radion publike Rai.

Në total, fundjavën e kaluar roja bregdetare italiane dhe roja bregdetare e vendit shpëtuan më shumë se dy mijë emigrantë dhe refugjatë në jug të Siçilisë. Në këtë kohë, në të njëjtën kohë, një anije peshkimi me të paktën shtatëqind persona në bord (shoqëruar nga dy skafe të rojes bregdetare italiane) është nisur drejt portit të Katanias, ku pritet të mbërrijë nesër, herët në mëngjes. /albeu.com

The post Fluksi i emigrantëve alarmon Italinë, gati shpallja e gjendjes së jashtëzakonshme appeared first on Albeu.com.

Protestat masive javën e kaluar detyruan ish-presidentin Gotabaya Rajapaksa  të jepte dorëheqjen dhe të ikte jashtë vendit.

Wickremesinghe, i cili është kryeministri i vendit, u emërua nga Rajapaksa si president i përkohshëm derisa Parlamenti të zgjedhë liderin e ri të vendit.

Megjithëse ikja e Rajapaksa nga vendi u prit me entuziazëm, vendosja e Wickremesinghe, shkaktoi zemërim dhe shqetësim, pasi udhëheqësi i ri shihet si një mbështetës prej kohësh i familjes Rajapaksa, duke i mbrojtur ata nga ndjekjet penale të korrupsionit.

The post Dorëheqja e presidentit, protestat masive dhe kriza, Sri Lanka shpall gjendjen e jashtëzakonshme appeared first on Albeu.com.

Gitanas Nausėda thotë se ka në plan të dërgojë ushtrinë për të mbrojtur kufijtë e saj në përgjigje të “shqetësimeve dhe provokimeve të mundshme për shkak të forcave të mëdha ushtarake të grumbulluara në Rusi dhe Bjellorusi”.

Ndërkohë Kaja Kallas, kryeministrja e Estonisë, e cila kufizohet me Rusinë , i tha BBC News “ne do të ndihmojmë Ukrainën me të gjitha mjetet që mundemi”, duke përfshirë mbështetjen politike dhe duke dërguar armë.

Kallas thotë se “duhet të bëjmë gjithçka në nivel BE dhe NATO që ky agresion të mos zgjerohet”.

Ajo ka këshilluar estonezët të qëndrojnë të qetë dhe thotë se aktualisht nuk ka asnjë kërcënim në kufijtë e Estonisë. /albeu.com

The post Pushtimi rus i Ukrainës, presidenti i Lituanisë shpall gjendjen e jashtëzakonshme appeared first on Albeu.com.

Projektligji u miratua nga parlamenti i Ukrainës tani. Ai prezanton kontrolle të dokumenteve personale dhe i jep qeverisë fuqi për të vendosur një shtetrrethim nëse është e nevojshme.

Ukraina do të vendosë kufizime në një sërë shërbimesh të komunikimit digjital dhe radio, të cilat qeveria thotë se mund të ndezin situatën.

Dhe kjo do të thotë se rezervistët ushtarakë nuk do të lejohen të largohen nga vendi.

Deklarata prek të gjithë Ukrainën, përveç dy rajoneve lindore, të cilat janë në gjendje të jashtëzakonshme që nga viti 2014./albeu.com

The post Miratohet projektligji, Ukraina hyn në gjendje të jashtëzakonshme, në mesnatë appeared first on Albeu.com.