“Ish-ministrja e Bujqësisë, Frida Krifca dhe ish-drejtoresha e AZHBR, pas publikimit të skandalit me shpërdorimin e fondeve të BE, nën mbrojtjen e Edi Ramës nuk lihet jashtë rradhëve të administratës shtetërore dhe as nuk dorëzohet para drejtësisë”,- thuhet në deklaratën e PD.

Gjithashtu, Partia Demokratike, deklaron se Krifca dhe bashkëjetuesi i saj kanë shtuar pasuritë e tyre gjatë kohës që karriera e ish-ministres lulëzonte.

“Bashkëjetuesi deklaron pranë ILDKPI në 2020 tokë të shtuar arë 3 mijë m2 kundrejt vlerës 10 euro m2, ose total vlera 30 mijë euro, vendndodhja Farkë.

Fitim neto si subjekt tregtar 7.5 milion lekë ndërkohë që nga data e regjistrimit të këtij biznesi privat v.2019 deri tani nuk ekziston asnjë pasqyrë financiare e publikuar pranë QKB.

Biznesi tjetër aktiv i rregjistruar në v.2020 me pronar bashkëjetuesin e znj.Krifca, Lucom Projects shpk që ka të përfshirë në objektin e veprimtarisë edhe aktivitet tregtar të lidhur drejtpërdrejt me bujqësinë ndërkohë që bashkëjetuesja Krifca mbante detyrën zyrtare të Drejtorit të Përgjithshëm të AZHBR-së.

Lucom Projects shpk rezulton përfitues i fondeve publike konkretisht:

Sipas spending data, Bashkia Tiranë, ka paguar këtë subjekt kundrejt vlerës totale 11 milion lekë për vetëm 2 projekte kulturore “moving city Tirana 2022 dhe 2023”, deklaron Vangjeli.

Më tej, Partia Demokratike kërkon që përveç abuzimit me fondet e IPARD, SPAK të hetojë pasuritë e ish-ministres, duke vlerësuar shkeljen e ligjit për konfliktin e interesit dhe përfitimin e fondeve publike edhe gjatë kohës së ushtrimit të detyrës shtetërore kur ishte ministre e Bujqësisë.

The post Frida Krifca lundron në pasuri/ Partia Demokratike: Si përfitoi ish-ministrja fonde publike gjatë ushtrimit të detyrës appeared first on Albeu.com.

Endri Shabani i bëri thirrje SPAK që të hetojë zinxhirin vendimmarrës.

“Do të vazhdojmë të vijojmë kallëzime për 30 vite për ata që vjedhin këtë vend. Sot kemi bërë kallëzim për abuzimet e AXHBR-së, të fondeve të Ipardit. Kërkojmë hetim të ish-ministres së Bujqësisë dhe të përgjegjësve të tjerë. Ne shpresojmë që kjo të jetë një vijë ndarëse, e pakalueshme për dy arsye. Jemi para dy rasteve, të tradhtisë të fermerëve, pasi ai është i tradhtuar nga qeveria e vetë. Fëmijët tanë pinë qumësht nga Serbia dhe hanë domate nga Maqedonia. Po mirë që e kanë lënë fermerin vetëm dhe i heqin aksesin fermerëve nga tregjet, por edhe kur vijnë fonde nga BE, që ta ndihmojnë atë që të punojë më lirë, këto lekë i vjedhin. Vjedhin me një grup oligarkësh, siç kanë bërë 30 vite. Jemi para një vije ku nuk duhet të kalohet, drejt rrugës së BE. Ne përjashtohemi nga fondi i ndihmës që jepet nga europianët.”, tha Shabani.

The post Abuzimi me fondet e IPARD-it, ish-ministrja Frida Krifca kallëzohet në SPAK appeared first on Albeu.com.

Në muajin korrik të këtij viti, Komisioni Evropian pezulloi përkohësisht pagesat nga programi për Shqipërinë në pritje të gjetjeve përfundimtare të OLAF, ndërsa pas kërkesës së drejtuar zyrave qendrore të institucionit të lartë në BE, zëdhënësja e shtypit në Komisionin Europian, Victoria Hansson Malmlof, bën me dije si vijon:

“Si rezultat i përfundimit të hetimit, OLAF tani ua ka transmetuar raportin përfundimtar dhe rekomandimet e saj autoriteteve kompetente përkatëse.”

Por çfarë masash konkrete do të merren mbi këtë çështje dhe sa do të ndikojë kjo në rrugëtimin e Shqipërisë drejt Bashkimit Europian?

“Për të respektuar konfidencialitetin e hetimit, të çdo procedimi të mundshëm pasues, të të drejtave procedurale dhe të dhënave personale, OLAF nuk është në një pozicion për të komentuar më tej në këtë fazë.”

Në korrik, Ministria e Bujqësisë pranoi se kishin nisur hetimet, por i konsideroi si procedurë normale. Programi IPARD është mbështetja financiare për bujqësinë dhe zhvillimin rural nga fondet e BE-së, në masën 75% dhe qeverisë shqiptare në masën 25%.

Zbatimi i programit është përgjegjësi e Ministrisë së Bujqësisë dhe Agjencia e Zhvillimit Bujqësor dhe Rural, AZHBR. Programi IPARD II, ka një fond total prej 94 milionë eurosh të ndarë sipas viteve nga 2014 deri në vitin 2020.

Financimet në masën 71 milionë euro nga BE, dhe 23 milionë euro nga shteti shqiptar, janë dhënë për investime në asetet fizike në fermat bujqësore, investime në asetet fizike për përpunimin dhe tregtimin e produkteve bujqësore dhe peshkimit, diversifikimin e fermës dhe zhvillimi biznesit dhe asistencë teknike në këto sektorë. /ReportTV

The post Frida Krifca rrezikon shumë: OLAF mbyll hetimin për abuzimet me fondet IPARD appeared first on Albeu.com.

Ndër më të fundit është pezullimi i fondeve të BE për bujqësinë shqiptare.

Vendimi i Komisionit Europian të ndërpresë përkohësisht rimbursimet ndaj qeverisë shqiptare për financimet e projekteve në bujqësi të realizuara në kuadër të Programit IPARD II për mbështetjen e bujqësisë dhe zhvillimit rural është bërë objekt debati mes deputetit Korreshi dhe minsitres Krifca.

Siç shihet dhe nga fotot më poshtë ata janë përplasur me fjalë.

The post Pezullimi i fondeve të BE përplas Korreshin me Krifcën në Kuvend, ndërhyn Garda (FOTO LAJM) appeared first on Albeu.com.

Ish-kryeministri Sali Berisha në një mbledhje me grupin parlamentar, ka komentuar vendimin e BE ku tha se kjo erdhi si pasojë pasi në vendin tonë ato vidhen dhe shpërdorohen.

“Sot njoftohet se Komisioni Europian pezulloi për shkak të korrupsionet fondet për bujqësinë, që janë jetike por përfundojnë të gjitha sipas hetimit shpërdorohen dhe nuk çohen në destinacion. Ndaj na del dhe akademia e çobanëve tani dhe materniteti i mushkave”, tha Berisha.

Edhe deputetja e Partisë së Lirisë Monika Kryemadhi, ka reaguar në lidhje me pezullimin e fondeve.

Nëpërmjet një postimi në Facebook, Kryemadhi shprehet se drejtësia vonon, por nuk harron.

“Drejtësia vonon, por nuk harron. Kur ka opozitë të pa blerë dhe luftë pa kompromis ndaj korrupsionit, ka gjithmonë shpresë për shqiptarët. Vendimi i BE për fondet e bujqësisë ishte i ditur, i denoncuar prej meje qysh në Maj 2022. Kush ka ngjyer gishtin me incenerarorët do të marri edhe reston”, shkruan Kryemadhi.

The post Pezullimi i fondeve për bujqësinë nga BE, reagime nga opozita: Na nxorën dhe akademinë e barinjve e maternitetin e mushkave appeared first on Albeu.com.

Bashkimi Evropian ka pezulluar fondet e bujqësisë për Shqipërinë, për shkak të korrupsionit. Ndërprerja e rimbursimeve është bërë pas një hetimi të kryer nga Zyra Evropiane Kundër Mashtrimit [OLAF], për korrupsion në zbatimin e IPARD II.

Në letrën bombë, Komisioni Europian njofton qeverinë shqiptare se ka pezulluar grantet për bujqësinë nga programi IPARD, për shkak të korrupsionit dhe mos respektimit të procedurave ligjore nga AZHBR në shpërndarjen e tyre.

Letra i ka mbërritur disa institucioneve duke përfshirë Ministrinë e Bujqësisë, atë të Financave, AZHBR-në, Agjencinë Shtetërore të Programin Strategjik dhe Koordinimit të Ndihmës të Ilir Beqjas.

Hetimi i OLAF-it vazhdon. Kur OLAF të dorëzojë raportin përfundimtar, Komisioni Evropian do të informojë autoritetet shqiptare dhe, bazuar në gjetjet e raportit, do të marrë çdo masë të mëtejshme të nevojshme për të mbrojtur interesat financiare të Bashkimit Evropian.

Njoftimi nga delegacioni i BE-së

Komisioni Evropian ka informuar qeverinë shqiptare se ka marrë masa paraprake bazuar në informacionin fillestar të dhënë nga Zyra Evropiane Kundër Mashtrimit [OLAF], pas një hetimi mbi akuzat për korrupsion në lidhje me zbatimin e programit IPARD II. Si masë parandaluese për mbrojtjen e interesave financiare të Bashkimit Europian, Komisioni Europian ka ndërprerë përkohësisht rimbursimet ndaj autoriteteve shqiptare për shpenzimet e kryera në kuadër të programit IPARD II. Komisioni Evropian nuk mund të komentojë mbi asnjë gjetje të mundshme të OLAF-it për zbatimin e programit IPARD II (2014-2020) në Shqipëri. Hetimi i OLAF-it vazhdon. Kur OLAF të dorëzojë raportin përfundimtar, Komisioni Evropian do të informojë autoritetet shqiptare dhe, bazuar në gjetjet e raportit, do të marrë çdo masë të mëtejshme të nevojshme për të mbrojtur interesat financiare të Bashkimit Evropian.

Burime nga delegacioni i Bashkimit Europian thanë për Oligarkia.al se OLAF, ka identifikuar disa raste kur paratë janë dhënë për investime fantazmë, të cilat nuk ekzistojnë fare.

Paralajmërim për përjashtim nga IPARD 3

Ironikisht shkresa bombë nga Komisioni Europian i ka mbërritur qeverisë shqiptare pikërisht në ditët kur kryeministri Edi Rama organizoi në Tiranë një takim me udhëheqësit e vendeve të Ballkanit Perëndimor, ku njoftoi një plan të ri financiar mbështetje nga BE për vendet e rajonit.

Në takimin ku ishte i pranishëm edhe komisioneri Varhelyi, mungesa e Kosovës u interpretua si një shan i humbur për të përfituar nga ky plan i ri, por Shqipëria ka hallet e veta, ndoshta edhe më të mëdha.

Përveç pezullimit të transhit për këtë vit, në letër Komision Europian paralajmëron qeverinë shqiptare se mund të përjashtojë Shqipërinë nga programi IPARD III, i cili deri në vitin 2027 parashikohet të disbursojë 146 milionë euro grante për fermerët shqiptarë, nëse qeveria nuk do të korrigjojë me shpejtësi të gjitha abuzimet e gjetura. Tashmë këto fonde janë në rrezik për shkak të korrupsionit në AZHBR.

Hetimi i OLAF

Hetimi i OLAF për fondet e bujqësisë në Shqipëri nisi në vitin 2021. Në mars të atij viti, hetuesit e OLAF zhvilluan një operacion blitz në zyrat e Ministrisë së Bujqësisë dhe AZHBR-së duke sekuestruar kompjutera, dokumente si dhe prova të tjera në funksion të hetimit për shpërndarjen e granteve të bujqësisë.

Ministria e Bujqësisë nxorri një deklaratë të shpejtë në faqen e saj zyrtare duke e cilësuar aksionin si një kontroll rutinë, që bëhen shpesh nga Zyra e Investigimeve në BE. Por një orë më pas deklarata u fshi.

Në atë kohë, Lëvizja Socialiste për Integrim, përmes Vojo Bregut, i kërkoi ish ministres Milva Ekonomi që të njoftojë urgjentisht SPAK për këtë investigim të OLAF.

Në dy vite e gjysmë, hetuesit e OLAF kanë kryer hetime të hollësishme dhe pas përfundimit ka komunikuar gjetjet e tyre, duke vënë fillimisht në dijeni Komisionin Europian dhe DG AGRI-n. Menjeherë sapo është njohur me gjetjet e hetimit, Komisioni Europian ka urdhëruar pezullimin urgjent të fondeve të IPARD për Shqipërinë si masë për të mbrojtur interesin e taksapaguesve europianë.

Ky vendim bombë i KE ka tronditur qeverinë shqiptare. Oligarkia.al ka mësuar se kryeministri Edi Rama ka thirrur një mbledhje urgjente për të diskutuar mbi veprimet që do të ndërmarrin autoritetet shqiptare, ndërkohë që nuk dihet se sa larg shkojnë zbulimet e hetimeve të OLAF dhe cilët janë zyrtarët shqiptarë të implikuar në të.

Ajo që dihet e sigurtë është se hetimi është kryer për kohën kur AZHBR drejtohej nga ministrja aktuale e Bujqësisë, Frida Krifca dhe më pas nga Eranda Selmanaj. Oligarkia.al i kërkoi një koment zonjës Krifca në lidhje me këtë çështje, por deri në publikimin e këtij shkrimi nuk arriti të merrte një përgjigje nga ministrja e Bujqësisë.

/albeu.com/ 

The post BE pezullon fondet e bujqësisë për Shqipërinë, shkak korrupsioni appeared first on Albeu.com.

Krifca i ka dhuruar kryeministres italiane një palë vëthë të punuara me dorë nga një vajzë shqiptare. Melonit i ka pëlqyer shumë dhurata.

Siç shihet në videon e publikuar nga Frida Krifca në Facebook, Meloni e surpziuar i ka vendosur vëthët pa hezitim, ndërsa falenderon të renë shqiptare për punimin duke i thënë: “I adhuroj vëthët’.

 

Δείτε αυτή τη δημοσίευση στο Instagram.

 

Η δημοσίευση κοινοποιήθηκε από το χρήστη Albeu.com (@albeucom)

“Një moment i bukur nga takimi me Kryeministren Meloni, përshëndetja plot vlerësim për punën e dorës së një shqiptareje të re e kurajoze si Aurora, krijuese e punishtes Margjelo, hapur gjatë pandemisë, që zgjodhi ta lerë punën e ekonomistes dhe të kultivojë traditën e hershme të filigranit të Shkodrës”, shkruan Krifca në Facebook..

Ministrja e Bujqësisë, Frida Krifca, ishte në Itali në kuadër të zhvillimit të panarit të verës./Albeu.com/ 

The post Frida Krifca surprizon kryeministren italiane, i jep dhuratën e veçantë (VIDEO) appeared first on Albeu.com.

Krifca: Kemi një kontribut pozitiv të bujqësisë në prodhimet e brendshme bruto me 0.05 për qind. Punësimi është rritur në bujqësi gjatë tremujorit të tretë me 6.5 për qind. Rritja e pagës mesatare prej 15.7 për qind në tre mujorin e tretë. Sektori është shumë herë më i formalizuar se një vit më parë.

Kemi një numër në rritje të fermerëve me NIPT, 85 mijë. Të dhënat paraprake flasin për një stabilitet të prodhimit dhe një rritje të lehtë. Krahasuar me 2021, kemi ecuri pozitive me rritje të parashikuar si te gruri me 4 për qind, ulliri që ka pasur ecuri fantastike me 39 për qind.

Duke u ndalur te eksportet, Krifca tha se ishte “kali i betejës” për vitin 2022.

Krifca: Kemi rritje me 18 për qind në vlerë dhe 15.6 për qind në sasi krahasuar me 2021. Struktura e eksportit ka pësuar ndryshim cilësor si dëshmi e vlerës së shtuar.

Më tej, ajo u shpreh se një ndër faktorët që kanë ndikuar në nxitjen e eksporteve kanë qenë skemat e mbështetjes së ministrisë duke filluar nga ndërtimi i infrastrukturës për lehtësimin e eksportit, pikat e grumbullimit, shumëfishimit të kapaciteteve mbrojtëse etj./Albeu.com/

The post Bilanci i 2022 dhe pritshmëritë e 2023, Krifca: Eksportet ishin kali ynë i betejës appeared first on Albeu.com.

Ministrja e Bujqësisë dhe Zhvillimit Rural Frida Krifca e pyetur pas mbledhjes së qeverisë për problematikën aktuale të sektorit të ullirit që është mbiprodhimi dhe mungesa e tregut të shitjes tha se kjo është një situatë që përsëritet ndër vite, për shkak të shtimit të rrënjëve të ullirit të mbjella pa plan apo strategji.

“Këtë vit ka pasur prodhim të lartë të ullirit dhe vajit të ullirit. Rreth 20% e produktit tregtohet si ulli në tregun e brendshëm, ndërsa 80% e tij përpunohet për vaj. Sistematikisht ndër vite ka ekzistuar problematika e mbi mbjelljes të rrënjëve të ullirit.

Në të gjithë vendin janë të mbjella rreth 10 milionë rrënjë, të cilat herë pas herë janë mbjellë pa strategji dhe plan të qartë që sjellin prodhim në momente të caktuara, që nuk ka qenë njëkohësisht e shoqëruar me strukturat e fabrikave të përpunimit. Edhe në vend janë aktualisht 250 fabrika, nevojitet që përpunimi të jetë i rregulluar me cilësi të lartë dhe procese certifikimi, për këtë arsye herë pas herë gjendemi përballë këtyre vështirësive”.

Krifca tha se po synohet të zgjidhet problematika për zgjerimin e tregut në bashkëpunimin me ministrat italianë dhe francezë dhe nëpërmjet automatizimit të industrisë.

“Jemi duke punuar vazhdimisht me kuadër ligjor dhe rregullator, por edhe me kontaktet që kam pasur së fundmi me ministrat italian dhe francez të bujqësisë është diskutuar mundësia për fuqizimin e sektorit, nëpërmjet përmirësimit të teknologjisë dhe zgjerimin e tregjeve, për të çliruar këtë problematikë. Po punojmë për adresimin e saj. Deri tani kemi bërë dy ndërhyrje të rëndësishme për sektorin, e para është ,mbështetja e skemës me naftë në vitin 2022 sektorin e ullirit për të ulur koston. Në IPARD III me fondin në vlerë 146 milionë euro është përfshirë edhe kultura e ullirit”.

Për vitet 2009-2021 sipas të dhënave të Ministrisë së Bujqësisë dhe Zhvillimit Rural tendenca e prodhimit të vajit të ullirit është e luhatshme. Në vitin 2012 janë prodhuar 13,745 ton vaj ulliri. Krahasuar me 2011 prodhimi u rrit 50%.

Në 2013 prodhimi shënoi rënie 23%. Përpunuesit shpjegojnë se rënia erdhi tërësisht nga prodhimi i kufizuar i ullirit, pasi ullinjtë u dëmtuan nga shirat në periudhën e lulëzimit. Për periudhën 2009-2019 tendenca e prodhimit është e luhatshme. Në 2019 janë prodhuar 20 mijë ton vaj ulliri. Krahasuar me një vit më parë prodhimi pësoi rritje të lehtë në 2%. Për vitin 2021 prodhimi i vajit të ullirit ishte rreth 26% më shumë se viti 2020.

Këtë vit ministria e Bujqësisë parashikon që sasia e vajit të prodhuar të jetë 70% më e lartë se ajo e vitit të kaluar./Monitor

The post Mungon tregu i shitjes për mbiprodhimin e vajit të ullirit, Krifca: Po punojmë për adresimin e problematikës appeared first on Albeu.com.

Kur erdhëm me Blinda Ballukun në qarkun Dibër, detyrat që na dhanë fermerët ishte mungesa e daljes në treg për fermerët e vogël. U përgatit një projekti ri, për një treg në Bulqizë. Por nëse ka një kryefjalë për aksesin në treg është Rruga e Arbrit. Në Tiranë nuk do të kemi vetëm një monopol të tregut privat, por një treg publik-privat. Do të kemi një treg tjetër ku do të shesin rreth 2000 fermerë, jo vetëm ata të Tiranës por edhe të Dibrës dhe gjithë vendin. Tregtimi do të bëhet falas”, tha Krifca.

The post Krifca-fermerëve të Bulqizës: Do të hapet treg në Tiranë ku mund të tregtoni falas appeared first on Albeu.com.