Duket se beteja mediatike, ka zbritur tashmë ne KQZ ku të majtët bashkë me përfaqësuesin e Alibeajt kërkojnë vendosjen e emrit të Metës aty, ndërsa demokratët theksojnë se më shumë se emri i kryesuesit të koalicionit është programi ai që do të votohet.

Çfarë ndodhi sot?

Përfaqësuesi i Partisë Demokratike, Indrit Sefa, ngriti shqetësimin se përse fshihet emrin i Ilir Metës si drejtues i koalicionit ‘Bashkë Fitojmë”. Ai tha se po shkelet ligji me këtë format flete, ku drejtuesi i koalicionit nuk përmendet në fletë. Për t’ia kujtuar Sefa nxori një fotografi të printuar: “Ky në foto është Ilir Meta, kryetar i koalicionit”, tha ai.

“Ka ndonjëherë në historinë e KQZ që në fletën e votimit kur kemi të bëjmë me një koalicion të mos jetë vendosur emri i kryetarit. Ekziston ndonjëherë një precedent të tillë? Sa për informacion me ndryshimin e Kodit në vitin 2020 ka ndryshuar edhe strukturimi i KQZ. Dhe Komisioneri sigurish që ka praktika të tjera”, deklaroi Sefa.  Përfaqësuesi i PD tha se ky është precedenti i parë.

Ndërkohë që përfaqësuesi i Partisë së Lirisë, Kaziaj e argumentoi kërkesën e tyre për të mos e pasur në fletën e votimit emrin e Ilir Metës se nuk ndikon pasi sipas tij votohet programi.

“Nuk do të thotë që zgjedhjet i fiton kryetari i një partie politike por forca dhe programi që i fiton zgjedhjet”, tha Kaziaj.

Pse kërkohet emri i Metës në fletën e votimit? 

Socialistët duan emrin e Metës në krah të fletës së votimit për të penguar qytetarët në zonën gri që të votojnë koalicionin e kryesuar nga Berisha dhe Meta duke u stepur nga emri i këtij të fundit.

AlbEu mëson se socialistët besojnë sipas disa sondazheve që ata kanë bërë se Meta është një politikan i papëlqyer nga elektorati dhe kjo do të ndikojë në uljen e numrit të votave nga elektorati gri për koalicionin e djathtë.

Nuk dihet se kur është bërë ky sondazh dhe përse i referohen kaq fortë të majtët, por duket se rezultati i zgjedhjeve po tentohet të ndikohet para shkuarjes në kutinë e votimit. /AlbEu.com

The post Beteja në media dhe KQZ, pse socialistët duan medoemos emrin e Metës në fletën e votimit appeared first on Albeu.com.

Bardhi deklaroi në News 24 se në zgjedhjet e 14 majit demokratët rrezikojnë të humbasin sërish, duke përmendur edhe rastin e bashkisë së Kurbinit, i cili është një bastion i PD-së dhe sipas tij ” është falur dy herë”.

Ai vijoi duke thënë se për sa i përket Lulzim Bashës, emri i të cilit ende figuron si kryetar i Partisë Demokratike, se kjo është një çështje teknike dhe siguroi se emri i tij nuk do shfaqet në fletën e votimit në 14 maj.

“Nuk e di pse është çështje kjo. Ka 3 ditë që është kthyer në çështje se kur është zbuluar. Regjistrimi i një partie me autorizim është praktikë e lejuar me ligj. PS ka çuar kërkesë në KQZ me autorizim, nuk e ka firmosur Edi Rama kërkesën. E njëjta është edhe në PD. Nuk ka firmosur kërkesë për regjistrim në zgjedhje Lulzim Basha. Kërkesën e ka firmosur sekretari për çështjet ligjore në PD. Është fakt që Basha është dorëhequr nga kreu i PD.

Basha ka lëshuar para dorëheqjes autorizimet për drejtimin e partisë. Ai autorizim përderisa nuk është shfuqizuar nga kreu i PD është i vlefshëm dhe me fuqi të plotë ligjore. Ministri dhe zëvendës ministri janë një rast. Kur një ministër ikën delegon kompetencat te zëvendësministri. Dikush që largohet nuk merr me vete funksionimin e PD-së, duhet të mundësohet funksionimi i PD-së.

Kemi propozuar një platformë për shkrirjen e 2 grupeve. Në 25 mars Berisha ka ardhur në zyrën time dhe tha që jemi të shkarkuar sipas këtij vendimi gjykate që kishte në dorë dhe struktura legjitime është ajo që përcakton vendimi. Edhe pse vendimi nuk kishte forcë ligjore e pranuam si një realitet politik e juridik. Në prill grupi parlamentar i PD ka kërkuar nga Berisha të stoponte 1 muaj proceset e riorganizimit të brendshëm dhe të bënim një organizim të përbashkët të PD-së. Kërkuam një proces të përbashkët partie nga baza në qendër dhe kjo nuk u pranua dhe Berisha vijoi. Unë nuk e shoh zgjidhjen në PD te ndarja por te bashkimi me njëri tjetrin. Kjo ka qenë arsyeja pse nuk kemi proceduar me asnjë proces.

Basha ka dhënë dorëheqje në mënyrë publike para kryesisë së PD-së. Kryesia ka një dokument që njeh largimin e Bashës. Është fakt i njohur publik. Dorëheqja e një kryetari nuk dërgohet për regjistrim në gjykatë por dërgohet akti i kryetarit të ri, i cili e heq emrin e kryetarit të vjetër.

Partia Demokratike ka një dosje në gjykatën e Tiranës dhe asnjë gjyqtar nuk merr dot vendim pa dosjen. A pretendon Berisha se është zgjedhur kryetar i PD-së, dini gjë ta ketë çuar në gjykatë për ta regjistruar. Nuk mund të merrej në shqyrtim për sa kohë nuk ishte në gjykatën e Tiranës. Për zgjedhjen e kryetarit të ri kemi treguar përgjegjshmëri për të mos ecur në mënyrë të njëanshme. Nëse në zgjedhjet tona marrin pjesë demokratët që mendojnë si unë kam përjashtuar gjithë demokratët e tjerë që nuk njohin realitetin si Gazment Bardhi. Kemi dashur ta sheshojmë këtë problematikë. Mund të ecnim dhe ne me institucionet paralele dhe të bënim lëmsh demokratët.

Basha si çdo anëtar i PD e ka detyre të kontribuojë, Basha ndodhet në Shqipëri në dijeninë time. Çdo anëtar i PD duhet të kontribuojë për fitoren e PD-së në zgjedhjet e ardhshme lokale pavarësisht se çfarë mendon rreth debatit. Ndoshta nuk është zgjedhja më e mirë dhe grupi tjetër ka mendim më të mirë. Do ishte akti më i papërgjegjshëm që do bëhej ndaj demokratëve nëse do dilnin nën logo tjetër dhe të nxisnin daljen me 2 kandidatë të opozitës. Unë nuk dua ta besoj këtë.

Nuk na e kanë borxh demokratët, ata duan të fitojnë. Ne kemi falur dy herë Kurbinin, bastion i PD-së. Kemi tërhequr kandidatin në 2015-ën për shkak të dekriminalizimit. Në 2019-ën nuk hymë në zgjedhje kur Kurbini është bashki e fitueshme si bastion i PD-së nëse kanë një alternativë të unifikuar. Nëse kemi 2 kandidatë rrezikojmë që për fajin tonë të vazhdojë të qeverisë Edi Rama. Demokratëve nuk u intereson fajtori nëse humbasin në 15 maj, Nuk ka asnjë rëndësi. Unë jam mandatuar nga kolegët e mi si një demokrat për të eksploruar mundësi bisedimi me grupimin që drejton Berisha, deri tani nuk kemi marrë përgjigje pozitive. Ka orë përpara, unë dua të besoj te përgjegjshmëria e tyre sepse ua kemi borxh demokratëve.

As palët e tjera opozitare nuk e dinë se me kë të nënshkruajnë marrëveshjen për koalicionet. Zgjidhje ka dhe duhet të ketë përgjegjshmëri e vullnet politik. Nga ana jonë është bërë një ofertë që ka surprizuar palën tjetër. Boll i kemi lodhur demokratët me këto debate. Duhet të fokusohemi te zgjedhjet dhe votimet.

Në përgjigje të thirrjes së Ristanit nuk duhet të regjistrohet as PS-ja për shkak të autorizimit. Fleta e PD-së nuk do jetë me emrin e Bashës. Kam 3 zgjidhje në tavolinën time për këtë. Garantoj se ligjërisht do mundësohet që Basha të mos jetë në emrin e fletës së votimit, është çështje teknike”, u shpreh ai.

The post “Emri i Bashës nuk do të jetë në fletën e votimit”, Bardhi: Mund të humbasim bastionet e djathta nëse hyjmë të ndarë appeared first on Albeu.com.

Celibashi ka treguar mënyrën e duhur se duhet votuar për të shmangur mundësinë që fleta e votimit të dalë e pavleshme. Nëse votohet për partinë në atë kuadrat dhe për asnjë kandidat, partia e merr votën.

Gjithashtu nëse votohet për partinë dhe për dy kandidatë, partia e merr votën, por kandidatët jo, të dy digjen.

Nëse votohet për partinë dhe një kandidat e merr votën partia dhe kandidati po ashtu.

Qytetari duhet të votojë vetëm partinë, partinë dhe një kandidat ose vetëm një kandidat.

Kjo votë, për partinë dhe një kandidat i një tjetër partie është e pavlefshme.

Nëse X , shenja është brenda kuadratit, janë të vlefshme. Nëse përdoret si shenjë viza, edhe pse është brenda kuadratit mund të konsiderohet e pavlefshme, varet nga interpretimi, pasi mund të jetë aksidentale./Opinion.al

The post Zgjedhjet e 25 Prillit: Zbuloni kur rezulton e pavlefshme fleta e votimit appeared first on Albeu.com.

Përfundimisht do të jetë fleta me numra anash, ndërsa mbi të është e shkruar emri i partisë në garë, bashkë me logon përkatëse.

Ajo që vihet re është se ka ndyshuar edhe logoja e partisë Bindja Demokratike, të cilës një ditë më parë Kolegji Zgjedhor i dha urdhër që ta ndryshojë, për shkak të ngjashmërisë me atë të Partisë Demokratike.

The post ZYRTARE/ Kjo është fleta e votimit që do keni në duar më 25 prill (FOTO LAJM) appeared first on Albeu.com.

Në foton e mëposhtme është fleta e votimit që do të votojnë shqiptarët më 25 prill.

Në fletën e votimit partitë do të jenë me logo dhe kandidatët me emra.

Ka qenë Ilirjan Celibashi, i cili propozoi që fleta e votimit në zgjedhjet e 25 prillit të jetë me emra dhe jo me numra.

The post Kjo do të jetë fleta e votimit për zgjedhjet parlamentare të 25 prillit (FOTO LAJM) appeared first on Albeu.com.

E para në fletën e votimit të zgjedhjeve parlamentare të 25 prillit do të jetë PSD-ja e Tom Doshit.

Partia Socialiste do të renditet e 12-të, ndërsa koalicioni PD-Aleanca për Ndryshim do të jetë e 9-ta në fletën e votimit.

Partia e tretë më e madhe, LSI-ja është renditur e 6-ta, ndërkohë Bindja Demokratike është e 4-ta në fletën e votimit.

Lista:

PSD – numri 1

Balli Kombëtar – numri 2

LSI – numri 6

Nisma Thurje – numri 7

PD – numri 9

PS – numri 12

BD – numri 4

Lëvizja për Ndryshim – numri 11

Partia Lëvizja e re – numri 8 /albeu.com/

The post A do i sjellë Ramës fat? Zbulohet numri rënditës i PS në fletën e votimit appeared first on Albeu.com.