Në emisionin “Me Zemër të Hapur” në News24, të autores Evis Ahmeti, babai i 23-vjeçarit ka treguar bisedën e fundit me të birin.

Ai ka zbuluar se Renisi i kishte thënë se po vinte në shtëpi, gjë që nuk ndodhi kurrë.

“Gjendja e bashkëshortes time është shumë e rëndë. Falenderojmë policinë për punën. Jam personi i fundit që ka komunikuar me djalin.

Të martën kemi folur bashkë për herë të fundit në orën 21:36 minuta. Me tha Babi po nisem për në shtëpi. I thash mirëardhsh.

Renisi po vinte për në shtëpi nga qyteti i Burrelit, një distancë që zgjat rreth 5 kilometra, por djali nuk më mbërriti kurrë në shtëpi”, tha ai.

The post Vrasja e 23-vjeçarit Renis Dobra/ Babai rrëfen bisedën e fundit me të birin: Nuk arriti të më kthehej në shtëpi, në telefon më tha se… appeared first on Albeu.com.

Ai ka folur për News 24, duke u shprehur se Arjoni dhe Klismani i shkuan në mortin e të birin, por theksoi se nëse do e dinte të vërtetën do i kishte varrosur së bashku me Ramazanin.

“Nëse e kisha ditur këtë punë, atë ditë që më kanë vrarë djalin, unë i kisha vendosur të 3 në një varrim. Ta kisha ditur këtë çështje, që janë gënjeshtra, të 3 bashkë i kisha bërë bashkë atë ditë dhe i kisha shti në dhe’”,– tha ai.

Fatmir Mataj, theksoi se ditën e varrimit dy vëllezërit kanë dashur ta fusin në gjak, duke fajësuar dikë tjetër për krimin.

Ndërsa shtoi se ka dyshime se kanë marrë vrasës me pagesë për kryerjen e krimit.

Fatmir Mataj: “Nuk është e vërtetë, i ka shteti në dorë nëse lidhjet intime dalin atëherë bravo i qoftë.

Nuk mund të flas para kohe. Nëse e kisha ditur këtë punë, atë ditë që më kanë vrarë djalin, unë i kisha vendosur të 3 në një varrim.

Ta kisha ditur këtë çështje, që janë gënjeshtra, të 3 bashkë i kisha bërë bashkë atë ditë dhe i kisha shti në dhe’.

Nuk janë të vërteta të deklaratat e saj. Ajo thotë me 24 më ka marrë telefonin, por ai ka qenë në Mal të Zi. Qëndronte 1 ditë kur vinte.

Ata kanë probleme të tjera, unë ia kam lënë Zotit t’i kryejë dhe shtetit. Ata duan që të më acarojnë mua që të më detyrojnë të shkoj në viktimë, siç ma bënë ata mua.

Unë kam dyshime të tjera, se e kanë vrarë edhe me lekë”.

Ku janë gjetur paratë për vrarës me pagesë?

“Mirë që më vranë djalin dhe më erdhën në varrim, e mort, edhe atje kanë qenë duke më shti në gjak, për radhë të dytë”.

Në varrim?

“Kam qenë duke vrarë njeriun e gabuar për vëllezërit e asaj.

Për faj të tyre isha duke vrarë një njeri tjetër.

Ata duan të përfitojnë prej djalit tim”.

The post Vrasja e 33-vjeçarit Ramazan Mataj në Shkodër/ Flet babai: Më vranë djalin dhe erdhën në mort… appeared first on Albeu.com.

Babai i të miturit tregon për mediat se e ka denoncuar ai ngjarjen në polici, duke marrë shkak nga një video që i biri i kishte treguar.

Babai thotë se në fillim nuk e kutpoi nëse pistoleta ishte lodër apo e vërtetë dhe u shqetësua, prandaj shkoi në polici dhe denoncoi ngjarjen.

Ai shton se pistoletën, djali i tij e kishte gjetur në një banesë të pabanuar dhe pasi kishte bërë video me shokët për në Tik Tok e kishte fshehur armën sërish.

Babai i të miturit: Ka qarkulluar informacioni se djali im ka qarkulluar në shkollë me një pistoletë, është lajm i rremë. Informacionin policisë ia kama dhënë unë duke marrë shkas nga një video që më tregoi djali im. Kishte bërë disa foto dhe një video me disa shokë dhe u shqetësova.

Qarkullonte një lojë në TikTok, marrin një shok e hedhin dhe e presin, është lojë e rrezikshme. Isha në një mbledhje me drejtoreshën, mësuesen kujdestare dhe një psikologe. E ngrita si shqetësim, pashë një video që më tregoi djali u thashë dhe nuk isha i sigurt apo ishte pistoletë lodër, këtë informacion ua kam dhënë unë.

U takuam me punonjësit e policisë në shkollë dhe erdhëm në polici me telefonin e djalit, pamë videon që nuk ishte lodër dhe ndoqëm rastin.

Pistoletën e kanë gjetur në një objekt të pabanuar trekatësh, këtu afër shkollës. Jo afër shtëpisë sime, kanë qenë disa shokë që e kanë gjetur, e kanë marrë dhe kanë shkuar në mal, anë bërë video për tiktok, dhe më vonë e kanë fshehur.

Arma është gjetur në një objekt të pabanuar, kishin gjetur edhe 3 karikatorë dhe mendohet se mund të ketë edhe municione të tjera.

Djali s’ka pasur probleme, zënka në shkollë ka pasur se 14-vjeç është. Më tregoi videon dhe më tha që është pistoletë lodër, e kam blerë. Në video është djali im me pistoletë, tha e kam gjetur në një objekt trekatësh afër shkollës. Shokët e tjerë nuk janë shoqëruar për momentin.

Çfarë tha policia

Rasti i një 14-vjeçari, ku, falë informacionit të siguruar dhe punës profesionale nga Policia e Vlorës, ditën e djeshme është bërë e mundur që, nëpërmjet një fotografie të gjetur në celularin e tij dhe pas një pune profesionale me psikolog, prind dhe punonjës social, të gjendej e fshehur në një motomjet pranë një banese një armë zjarri pistoletë me rreth 130 copë fishekë luftarakë, të cilat i kishte fshehur ky 14-vjeçar.

Nga ana jonë vijon puna intensive për të identifikuar personin që ia ka dhënë armën këtij 14-vjeçari, i cili u arrestua për armëmbajtje pa leje.

The post Fet babai i 14-vjeçarit që u kap armë në Vlorë: Ngjarjen e denoncova unë në polici, më tha se ishte lodër appeared first on Albeu.com.

Babai i viktimës ka treguar se ishin divorcuar para disa muajsh, por 24-vjeçarja ishte kthyer sërish me ish-bashkëshortin, pasi pleqtë kishin ardhur dhe kishin kërkuar pajtim.

“E kam vrarë unë me dorën time se nuk duhet ta kisha dhënë pasi u bë divorci. E dërgova për së dyti tek ai burrë. U bëra sebep se erdhi miqësia për ta dhënë te kjo familje”, tha babai i vajzës.

Të gjitha banorët flasin fjalët më të mira për familjen e 24-vjeçares dhe vetë të renë që e njihnin si një vajzë të urtë që kujdesej për fëmijët pavarësisht vështirësive ekonomike.

Ngjarja e rëndë ndodhi në Caserta, Itali, ku viktima kishte vetëm dy muaj që i ishte bashkuar ish-burrit.

Si ndodhi krimi?

Krimi ndodhi në shtëpinë ku çifti banonte së bashku me dy fëmijët e tyre, të moshës 4 dhe 6-vjeç, të cilët ishin dëshmitarë të tragjedisë.

Rreth orës 05:00 të mëngjesit të së mërkurës Lulzin Toci mbyti me duar 24-vjeçaren pa asnjë arsye të dukshme, ndërsa ajo ishte në shtrat.

Pasi vrau Eleonorën, vrasësi u largua për të shkuar në shtëpinë e kunatës së tij (gruas së vëllait) e cila jetonte disa qindra metra më tutje, duke i kërkuar që ta shoqëronte në spital pasi nuk ndihej mirë.

Megjithatë, sjellja e tij, veçanërisht mungesa e Eleonorit, e bëri gruan të dyshonte dhe vendosi të merrte me videocall në telefon viktimën.

Por ishte një nga fëmijët që u përgjigj dhe i tronditur i tregoi atë që kishte ndodhur: “Babi vrau mamin”, duke inkuadruar në kamera trupin e nënës së shtrirë në krevat.

Në atë moment ka qenë kunata e çiftit që ka lajmëruar policinë, që ka shkuar në vendngjarje.

30-vjeçar Lulzim Toci është gjetur duke u endur në gjendje konfuze pranë shtëpisë së kunatës së tij.

Pas arrestimit, ai nuk mundi t’i shpjegonte arsyen e krimit.

The post Flet babai i 24-vjeçares që u mbyt nga bashkëshorti në Itali: E vrava me dorën time, pas divorcit e dërgova sërish te burri appeared first on Albeu.com.

Trauma për dy prindërit e rinj, është ende e dukshme dhe Neritani i ka ende të freskëta në memorie momentet kur mori lajmin e hidhur dhe kërkon përgjigjet e pyetjeve të tij.

Sipas Halilajt djali ka qenë shumë mirë.

Ka qëndruar 4 ditë në spital, për shkak se i kishin dalë disa shenja si puçrra në trup dhe do merrte mjekimin për to.

Ditën e pestë do e nxirrnin madje kanë edhe fletë-dalje nga spitali, por nuk kanë mundur ta nxjerrin të gjallë prej andej.

Ai tregon momentet më të vështira të jetës së tij që kaloi. “Arsyen nuk e di, e di doktoresha pse”, thotë babai.

Halilaj tregon se e ka lajmëruar bashkëshortja, e cila ka parë djalin e pajetë rrethuar nga doktorët. Ka shkuar në spital teksa kur ka parë djalin pajetë i ka rënë të fikët.

Kur është përmendur Halilaj thotë se ka nisur të kërkojë shpjegime, por askush si ka thënë asgjë. Sipas tij, fajtore është mjekja që i ka dhënë mjekim të gabuar ose antibiotikë.

DËSHMIA

“Djali lindi shumë mirë, eci shumë mirë në të gjitha. Kam komunikuar me doktoreshën, i kam thënë ka gjë djali, jo më tha është shumë mirë s’ka asgjë. Vajta ditën e katërt për ta nxjerrë më tha do ta mbajmë dhe sot, nesër do ta nxjerrim. Kam folur me nusen gjatë gjithë kohës. Më tha nuk ka ardhur doktoresha akoma për të bërë vizitën. Ndërkohë erdhi doktoresha, bëri vizitën, të gjitha, i dha fletëdaljen për të dalë. I bëri atë gjilpërën e bebit. Nga ora 11:00 deri në 12:00 kishte atë serumin që po e bënte. Në atë kohë më merr nusja në telefon, më thotë nuk po reagon djali fare, është bërë sterr i zi. Gjeti doktorët atje nusja, pyeste nuk i kthenin përgjigje. Pas pak pyeti doktoreshën, ajo i tha djali nuk ka shenja jete. Dyshoj që e ka doktoresha të gjithë fajin, çfarë ka bërë ajo nuk e di”, tha Halilaj.

Babai i fëmijës që humbi jetën thotë se e ka denoncuar në polici dhe në gjykatë. “Ia lë drejtësisë çështjen në dorë ta zgjidhi, në rast të kundërt do ta zgjidh vetë”, thotë ai. Shpresat tek drejtësia i ka të pakta por shpreson se për këtë rast nuk do të ketë tolerime.

“Që të humbasë një foshnjë jetën për një orë, unë nuk e di. Ku është arsyeja që ky fëmijë humbi jetën”?- tha babai.

“Unë do ta vazhdoj luftën deri sa ta gjej pse ka humbur jetën fëmija. Kurrë në botë nuk ia fal doktoreshës. Gjendja jonë është shumë kritike. Mirë djali që më humbi jetën, por nusja që ma kishin lënë të shtrirë atje, i kishte rënë 4 herë të fikët e nuk e kishin zënë me dorë. Çfarë prisnin të humbte dhe kjo jetën?! Mos e pyet çfarë traume?! Mos i rënë askujt kjo që më ka rënë mua”, deklaron ai.

Fëmija që humbi jetën ishte fëmija i dytë i familjes Halilaj. Neritani është babai i një vajze 5-vjeçe, tek e cila gjen forcën për të jetuar dhe vazhduar betejën siç tregon edhe vetë me çdo kusht.

The post Foshnja 5-ditëshe humbi jetën në maternitet, flet babai: Mjekja na tha është shumë mirë, mora dhe fletëdaljen appeared first on Albeu.com.

Mëhill Prenga, në një komunikim për Euronews Albania, ka thënë se ngjarja është e vështirë, por për të duhet të flasë vetë Klea, e cila sipas tij, nuk është gati ta bëjë këtë.

Ai ka shtuar se goditja vajzës së tij, i ka prekur nervin e buzës së sipërme dhe e ka të mpirë. Gjithashtu, babai i Klea Prengës, kërkoi që ligji dhe drejtësia të veprojë për cilindo që do ta shkelë atë.

“Është ngjarje e vështirë për mua, dua të më kuptoni. Kjo është një ngjarje që nuk më takon mua të flas, por Kleas dhe ajo nuk është gati. Goditja, i ka prekur nervin e buzës së sipërme dhe e ka të mpirë, ndaj më kuptoni. Të falenderoj për interesimin, në një moment tjetër kur Klea të jetë e gatshme, ajo do të flasë. Kërkoj që ligji dhe drejtësia të veprojë për cilindo që do ta shkelë atë”, ka deklaruar babai i Klea Prengës.

Ndërkohë, avokati i pranishëm në studio konfirmoi se akuza që rëndon mbi motrat Berisha është “plagosje e rëndë me dashje”.

Sipas tij, nga shishja që është përdorur në sulmin ndaj Kleas mund t’i kishte shkaktuar vdekjen.

“Ka qenë një goditje me mjet prerës. Mjeti prerës është një shishe e cila mund të presë edhe venat, të të dëmtojë dhe të humbasësh jetën”, ka thënë avokati.

Ngjarja dyshohet se ndodhi pasi motrat Berisha e akuzonin Klea Prengën, se kishte ndërhyrë në raportin martesor të Marielës. Ato e dhunuan atë fizikisht, e më pas u arratisën.

Ndërkohë, policia i ka shpallur në kërkim motrat Berisha ndërsa ende nuk dihet vendndodhje e tyre, por sipas informacioneve rezulton se nuk kanë dalë jashtë Shqipërisë.

Disa ditë më parë, policia ka sekuestruar dy automjete, makinën që kanë pasur natën e ngjarjes dhe makinën që kanë lëvizur më mbrapa motrat Berisha.

The post Motrat Berisha i sulmuan vajzën, flet babai i Klea Prengës: I janë dëmtuar nervat e buzës, s’është gati të flasë appeared first on Albeu.com.

Ai tha gjithashtu, se djali i tij ka pasur vetëm një ‘detyrim paraqitje’, pasi ishte kapur me 2 gram hashash më parë, por sipas tij, ai nuk kishte konflikte me njerëz dhe ishte tejet i logjikshëm.

Babai i Eraldos shtoi gjithashtu, se ngjarja mund të ketë ndodhur për shkak të një konflikti të çastit, pasi sipas tij, djali mund t’i ketë kërkuar lekë ose diçka e tillë.

Djali sa ditë kishte që punonte te ky hotel?

“Ka një muaj që ka shkuar në Dhërmi, do punonte në një lokal tjetër. Ai nuk ishte bërë gati dhe kishte shkuar në ky hotel për të kërkuar punë. Ka një javë.

Asnjëri. Vet kishte kërkuar punë. Si barist. Se përballë kishte barin. E vjehrra e autorit është pronare e hotelit dhe e kishte kërkuar në recepsion. Ajo i ishte lutur djalit se dinte 3 gjuhë të huaja, i kishte kërkuar çuni 1.5 milionë lekë të vjetra dhe kishin rënë dakord. 5 ditë kishte që kishte nisur punë”.

Nevruz, kush u lajmëroi për vrasjen e djalit?

“Nga televizori, aty e morëm vesh”.

Po me dy djemtë e tjerë të Korçës, djali kishte njohje?

“Jo nuk i njihte fare. Unë e di që veç dy shok ka, ishin djem të tjerë”.

Djali me parë ka qenë i dënuar për diçka? Ka patur probleme me ligjin?

“Djali ka patur një detyrim paraqitje, e kapën me dy gram hashash më parë”.

Pse mendon që mund të ketë ardhur kjo?

“Mendoj konflikt i çastit, mund të mos i këtë pëlqyer puna, do i këtë kërkuar djali lekët dhe ai nuk do ja këtë dhënë. 99% këtë mendoj“.

Djali yt nuk ishte konfliktual? Nuk kishte probleme më parë?

“Ka qenë i qetë dhe i logjikshëm përherë djali. Nuk ka patur asnjëherë probleme me njerëz”.

Me parë çfarë punonte djali? Më familjen e autorit nuk keni komunikuar fare?

“Jo, jo. Ka shkuar familja e gjithë andej. Unë vet nuk jam mirë. E regjistrova telefonatën me lejen tuaj”.

The post Flet Babai i Eraldo Nevruzit që u vra në Dhërmi: Djali do t’i ketë kërkuar lekët, ja pse shkoi të punonte aty… appeared first on Albeu.com.

Babai i Jurgeni, ka treguar momentet e fundit të të birit para e të largohej nga shtëpia, dhe momentin kur mori vesh lajmin e kobshëm.

Teksa ai ka rrëfyer detajet e rënda, gazetarja Anila Ahmataj, nuk i ka shmangur dot lotët.

“Ishte një fëmijë shumë i edukuar dhe punëtor. Që 12-vjeç kapi kazmën që të mbillte gjëra në kopsht. Kurrë nuk më tha jo. U rrit shumë i ndërtuar si fëmijë, pa vese. Vetëm pranë familjes, ishte djalë i paqes dhe mirësisë jo i konfliktit.

Një djalë që u brymos prej halleve dhe ndjeu peshën e familjes që i vogël. Edhe pse kishte shanse që të ikte jashtë vendit, nuk largohej sepse kishte hallin tonë. Atë mëngjes e përcolla tek dera bashkë me bashkëshorten. I thashë: Mirë ardhsh e më tha “mirë ju gjetsha”. Iku për të mos u kthyer më i gjallë.

Një djalë nga fshati më mori në telefon më tha ka ardhur Jurgeni, jo i thashë. Më tha se ka bërë një aksident në punë.

Mendova se kishte bërë një aksident e kishte lënduar ndonjë këmbë por ai dergjej në mal dhe ende nuk e kishin dërguar në spital. Asnjë nuk ma jepte dot lajmin që djali kishte ndërruar jetë. Ma sollën vetëm në 2 të natës në shtëpi me arkivol”, deklaron ai.

The post I biri humbi jetën në gurore, babai i 24-vjeçarit rrënqeth me fjalët: Doli nga shtëpia për të mos u kthyer kurrë, ma sollën në 2 të natës me arkivol… appeared first on Albeu.com.

Muhamet Çota, ka treguar momentin kur autori, i maskuar dhe me kapele hyri në garazh ku ishte makina, i hodhi benzinë në pjesën e parë dhe më pas i vendosi flakën.

“Ngjarja mund të ketë ndodhur mbrëmë rreth orës 22:15. Në kamerat e sigurisë pashë që diskush kishte hyrë në garazh, i maskuar, me kapele dhe kapuç gri, hodhi benzinën e vuri flakën. Mbaroi punë e u kthye andej nga hyri. Neve na njoftoi një komshi që kishte parë tym në garazh. Morëm kovën me ujë të fiknim zjarrin edhe njoftuam policinë dhe zjarrfikësit”,– shprehet Çota.

I pyetur për shkakun pse mund të ketë ndodhur kjo ngjarje, i ati i drejtoreshës shprehet se mund të ketë ndodhur për shkak të detyrës.

The post Djegia e makinës së drejtoreshës së Tatimeve në Vlorë, flet babai: Është e qëllimshme për shkak të detyrës appeared first on Albeu.com.

Babai i Sibelës, tha se bashkëshortja e tij e ka çuar vajzën në këtë situatë.

Sipas tij, ka qenë e ëma e vajzës, që ka pasur komunikim me Altin Çokun.

“Sibela nuk kishte shqetësim, me mua ka folur në mënyrë normale. I kam thënë që për një javë do të marr në Itali. Vajza ka qenë tek bashkëshorti në Kosovë. E ëma është imorale. Ta them me pastërti. Unë mendoj që nëna e Sibelës ka pasur lidhje me Çokun.

Ai person ka përfituar nga kjo gjë dhe i ka bërë shantazhe vajzës. Kam dyshime tek gruaja ime, ajo të merret në pyetje, sesi Altin Çoku hyri në familjen time. Kam bërë 3 herë kërkesë për divorc dhe asnjëherë nuk jam thirrur për të bërë divorcin. Në Itali ka 5 vite që jam këtu.

Sibela më ka thënë se ka shkuar në Kamëz, pasi burri i saj në Kosovë, kishte gjetur tjetër bashkëshorte. Mua bashkëshortja më ka futur 7 vite burg, sepse zonja më ka akuzuar për shfrytëzim. Jam dënuar padrejtësisht.

Kam dyshime se bashkëshortja ime ka gisht në vrasjen e vajzës. Sibela më ka shprehur shpesh herë shqetësime, duke thënë se edhe në Kamëz kalonte keq”, tha babai i Sibela Abedinit, vajzës së vetëvrarë, pas shantazhit me video intime, të bërë nga Altin Çoku.

The post Vdekja e Sibelës/ Babai zbulon detaje tronditëse: Nëna e saj e çoi në këtë rrugë, ajo kishte lidhje me… appeared first on Albeu.com.