Pjesë nga fjala e Berishës:

Mirëmbrëma dhe përshëndetjet më të përzemërta, mirënjohjen më të pakufishme.Përulem me nderimin më të madh para sakrificës, guximit, qëndresës tuaj misionarë të vërtetë. Të dashur miq, me guximin tuaj, mençurinë dhe dinjitetin, ju krijuat parlamentin e fjalës së lirë, të vërtetave të mëdha të shqiptarëve.Ju krijuat tribunën më të fuqishme të denoncimit të vjedhjeve të shqiptarëve në historinë e tyre. Tribunën e denoncimit të vjedhjeve të Edi Ramës, ministrave, zyrtarëve të tij si makutë të paparë, të pangopur.Krijuat tribunën e denoncimit, e aktakuzave ndaj një bande, armike e Shqipërisë dhe shqiptarëve.Një bande që ka vendosur mbi shqiptarët tiraninë e varfërisë të bazuar në vjedhjen e tyre. Miqtë e mi, prej 2 muajve çdo ditë denoncohen me fakte, dokumente vjedhja 100 përqind e taksave të shqiptarëve nga Erion Veliaj dhe Bashkia e Tiranës.Kjo vjedhje është vërtet e pashembullt, sepse ata zgjodhën të kalojnë direkt në kontot e tyre haptas vëllezërve dhe sojit të tyre paratë e prokurimeve publike të Bashkisë së Tiranës.

Këta mafiozë të pashpirt, këta mafiozë të zhveshur nga çdo ndjenjë njerëzore, futën buldozerët dhe minat pas tërmetit në Tiranë. Rrafshuan pallate dhe banesa më shumë se tërmeti vetëm e vetëm për të vjedhur 100 përqind paratë e ndërtimit të tyre. Sepse ndërtimi bëhej me kompani të tjera që shpërbleheshin me leje ndërtimi.Kurse paratë e fondit merreshin nga kompanitë e tyre.Po kjo ngjarje e pashoqe kishte edhe anën tjetër. Vidhnin me inertet dhe dherat e ndërtesave të rrënuara.Ata, në dhjetëra e dhjetëra tendera rezulton se kanë vjedhur 38 milionë euro.Por kjo është maja e ajsbergut.Ndaj dhe motoja jonë është: në sulm, në sulm, në sulm!

The post Skandali i “5D”/ Berisha: U rrafshuan pallate për të vjedhur 100% paratë e ndërtimit të tyre appeared first on Albeu.com.

Fjalimi i Berishës:

Të ju pyes unë ju, të pyes çdo qytetar, a nuk meriton ky njeri të varet në shtyllën e turpit të kryeqytetit, në shtyllën e turpit të historisë. A nuk meriton ky njeri të përçmohet nga çdo qytetar i ndershëm i Tiranës. A nuk meriton ky njeri të kapet për zverku, të nxirret nga zyra për të mos u futur më kurrë aty. A nuk meriton ky njeri të kapet me lecka, të çohet në 313 atje ku e ka vendin me verdiktin e popullit.

A nuk meriton ky njeri një gjyq publik, në sheshin Skënderbej para qytetarëve të Tiranës, ku tu thotë qytetarëve se sa dhjetëra e dhjetëra milionë euro vodhi për 1 milionë fidanet që gjoja ka mbjellë, por që ka vjedhur së paku 990 mijë prej tyre. A nuk meriton ky njeri një gjyq publik para jush në sheshin Skënderbej dhe para shqiptarëve të tregojë se ku janë paratë, ku janë 130 mln euro të djegësit të Tiranës që nuk ekziston. A nuk meriton ky njeri të varet në shtyllën e turpit të historisë dhe të tregojë, të tregojë se si ka mundësi të ndërtojë rrugë, shkolla me çmime 10-herë më të larta se në Europë. A nuk duhet të jemi ne qytetarë europianë, të kërkojmë standarde europiane në bashkinë tonë. Erion Veliaj është krimineli lakuriq që endet rrugëve të Tiranës, duhet ta ndaloni kudo që ta gjeni.

The post Berisha: Veliaj është krimineli lakuriq që endet rrugëve të Tiranës dhe duhet ndaluar kudo që ta gjeni appeared first on Albeu.com.

“Të dashur qëndrestare dhe qëndrestarë, luftëtarë të lirisë, misionarë të shpresës, besimit dhe dinjitetit, që me protestën tuaj të djeshme tronditët në themele regjimin e kalbur të krimit, drogës dhe vjedhjes së shqiptarëve. Në protestën tuaj të fuqishme dje te bashkia përfaqësuat çdo qytetar të këtij vendi që urren këta hajdutë të pamëshirë që vjedhin ditën, natën e në çdo kohë. Që vjedhin gjer në palcë qytetarët shqiptarë. Pasuritë e tyre kombëtare dhe i shndërrojnë ato në pasuri personale familjare. Misioni juaj është i shenjtë! Beteja pa kthim është beteja e fitores. Dje ju i treguat shqiptarëve, i treguat kombit dhe mbarë Europës se nuk pajtoheni kurrë me vjedhjen 100 përqind si në asnjë vend tjetër të botës të taksave, parave tuaja.

Se nuk pajtoheni kurrë me Erion Veliajn, këtë monstër që e turpëron emrin njeri. Që i konsideron qytetarët shqiptarë, i konsideron kryeqytetasit si qenie për t’u mashtruar. Si qenie për t’u poshtëruar. Që dy-tre vite me radhë flet për pyllin imagjinar 1 milion pemë vetëm se ka vjedhur koston e 1 milion fidanëve. Që dy, tre vite me radhë, tenderat i merr me drejtorët e tij mostra. Paratë e taksapaguesve i kthen në hotele luksoze me 5 yje. Paratë e qytetarëve i kthen në pallate private për veten dhe bandën e tij. Paratë e qytetarëve i dërgon në konto offshore dhe zhduk pa nam dhe nishan mbi 130 milionë euro të paguara nga mundi, djersa e shqiptarëve për djegësin e Tiranës, për të cilin nuk ekziston as gjurmë, as nishan. A ka protestë me të drejtë se kjo? A ka protestë dhe revoltë më të merituar se kjo? Ndaj dhe përshëndes ju dhe të gjithë ata të cilët dje tronditën themelet e këtij pushteti të kalbur,” tha Berisha.

The post Berisha: Dje përfaqësuat çdo qytetar të këtij vendi që urren këta hajdutë të pamëshirë që vjedhin ditën, natën e në çdo kohë appeared first on Albeu.com.

PJESË NGA FJALIMI I BERISHËS:

Të dashur qytetarë dhe qytetarë të Tiranës dhe Shqipërisë, qëndrestare dhe qëndrestarë, misionarë të vërtetë të shpresës dhe të ardhmes së Shqipërisë. Nderimin tim më të madh për ju, për oratorët e mençur, fjalëzjarrtë që përcjellin nga kjo platformë dritën e të vërtetës në të katër anët e Shqipërisë.

Të dashur miq, si person që më dhatë mundësinë, besimin dhe privilegjin që të drejtoj së bashku me të tjerë betejën që rrëzoi komunizmin, si presidenti i parë i Shqipërisë pluraliste, kryeministri i qeverisë që anëtarësoi Shqipërinë në NATO dhe liberalizoi vizat për shqiptarët, që realizoi projektet e shekullit si Rruga e Kombit, TAP dhe Kaskada e Devollit, dyfishoi rrogat dhe pensionet, mund t’u them se kam nxjerrë një mësim kyç për demokracinë.

Në ditët që jetojmë, ky mësim është më i rëndësishëm se kurrë. Prandaj dhe këtë mësim unë dua ta ndaj me ju sepse qëndron si mësimi më thelbësor i jetës sime politike për të garantuar demokracinë për ne dhe brezat që do vijnjë pas nesh.

Ky mësim është: demokracia nuk dhurohet, demokracia fitohet.
Demokracia grabitet dhe zhduket në rast se ajo nuk mbrohet.
Nuk gjen në botë një rast kur demokracia t’u jetë dhuruar qytetarëve.
Nuk ua dhuroi askush demokracinë baballarëve themelues të SHBA. Atë e fituan vetë.
Nuk ua dhuroi askush demokracinë shqiptarëve në vitin 1991. Shqiptarët e fituan vetë.
Nuk ekziston asnjë komb në botë ku demokracia të jetë servirur si dhuratë në pjatë argjendi.
Demokracia fitohet dhe vetëm fitohet. Demokracia fitohet me betejë, me guxim, me sakrifica, me vetëmohim, me lot, me djersë dhe ngadhënjim.

The post Berisha: Demokracia grabitet dhe zhduket në rast se ajo nuk mbrohet appeared first on Albeu.com.

Berisha u shpreh se duhet të marrim në dorë Kushtetutën sepse është ligji themelor i një shteti demokratik dhe sduhet të pranomë që kriminelët ta përdorin për të mbuluar krimet.

PJESË NGA FJALA E BERISHËS:

Të dashur të rinj dhe të reja, studente dhe studentë, gjimnaziste dhe gjimnazistë. Ju që keni shpirtin më të pastër në shoqërinë shqiptare, idealet më fisnike: ngrihuni në këtë lëvizje pa kthim, në këtë betejë pa kthim, në këtë mosbindje civile sepse e ardhmja për këtë komb është një greminë e frikshme.

Dua t’u drejtohem të gjithë atyre forcave politike që e shpallin veten opozitare, dilni nga studiot, kapni sheshet, rrugët. Opozitar sot është vetëm ai që pranon të përballet dhëmb për dhëmb me këtë armik të egër. Provojeni veten, bashkohuni të gjithë se të keqe të tillë Shqipëria nuk ka parë në histori.

Qytetarë dhe qytetare, merrni në dorë Kushtetutën se Kushtetuta është shndërruar në Olta Xhaçkë. Se parlamenti është shndërruar në Edi Ramë dhe Linda Nikolla. Merrni në dorë Kushtetutën se Kushtetuta është ligji themelor i një shteti demokratik. Mos pranoni që kriminelë të shkelmojnë mbi Kushtetutën për të mbrojtur krimet e tyre.

The post Berisha: Opozitar sot është vetëm ai që pranon të përballet dhëmb për dhëmb me këtë armik të egër appeared first on Albeu.com.

Berisha: E premtja po afron, e premtja është dita e kryeqytetit, dita e ngritjes si vigan e qytetarëve të Tiranës për të përzënë për zverku, një qenie që nuk meriton kurrë të quhet njeri. Për të përzënë për zverku një hajdut të shpërfytyruar që u thotë qytetarëve se kam mbjellur 1 milionë pemë, mbasi ka vjedhur pagesën e 1 milionë fidanëve.

Që u thotë qytetarëve se qyteti po pastrohet, paçka se nuk digjet asnjë kilogram mbetje dhe qytetarët kanë paguar për djegësin 130 mln euro. Fjala juaj, vendimi juaj, veprimi juaj mosbindja juaj civile janë kryefjala e ditës, janë shpëtimi i Tiranës, janë shpëtimi i Shqipërisë.

The post Berisha: E premtja është dita e kryeqytetit, dita e ngritjes si vigan e qytetarëve të Tiranës për të përzënë për zverku hajdutin e shpërfytyruar appeared first on Albeu.com.

Pjesë nga fjalimi i Sali Berishës:

Çdo ditë jeni dëshmitarë se si varrosen nga Dumanët dhe Zamanët e partisë, dosjet e kriminelëve elektoralë.

Çfarë do të thonë këto? Të gjitha këto do të thonë se ne në këtë gjendje, në rast se nuk përmbysim Edi Ramën, kurrë nuk do të votojmë të lirë.

Në rast se nuk do sakrifikojmë për votën e lirë, ne nuk e meritojmë atë.

Në rast se nuk sakrifikojmë për votën e lirë, ne shkelmojmë mbi dinjitetin tonë.

Ju e kuptoni të gjithë se të gjitha këto dhjetëra, qindra milionë, me Edi Ramën shndërrohen në vota të blera.

Ju e dini mirë se këto tonelata drogë shndërrohen në banda vrastare për votën e lirë në zgjedhje.

Ju e dini mirë se këta prokurorë dhe gjykatës janë vrasës të lirisë dhe votës së shqiptarëve me dosjet që mbyllin.

Ne na mbetet vetëm sakrifica, sakrifica, sakrifica për votën e lirë.

Kombet që kanë luftuar për lirinë, kombet që kanë sakrifikuar për liri dhe dinjitet, i kanë gëzuar ato.

Kurse të tjerat janë zhdukur siç po zhdukemi ne këto 10 vite.

Një e treta jonë është tretur nëpër botë.

A ka emergjencë më të madhe?

A ka kushtrim më të madh për të gjithë ata që i thonë vetes shqiptar?

A ka apel më të madh për të gjithë ata që i thonë dinjitetit, dinjitet?

Është koha e fundit, të ngrihemi me të gjithë fuqinë tonë!

Beteja që bëjmë ne, denoncimet që bëjmë ne për vjedhjet 100 përqind në prokurime, për vjedhjen e shekullit në incenerator, për vjedhjen prej 4 miliardë euro në Portin e Durrësit, vjedhjen e sterilizatorëve, të gjitha Edi Rama i hedh në kosh të plehrave!

The post Berisha: Në rast se nuk do sakrifikojmë për votën e lirë, ne nuk e meritojmë atë appeared first on Albeu.com.

Pjesë nga fjalimi i Sali Berishës:

Erion, sot ti kur pe Oltën se si e mbrojti Edi Rama, se si kryehajduti i qeverisë shkelmoi mbi Kushtetutën e Shqipërisë.

Edi Rama, çfarë do t’i thuash ti Koço Kokëdhimës që e përjashtove nga parlamenti, i more mandatin, kurse Olta Xhaçkën e mbrojte?

Po çfarë dallimi kishin këta të dy?

Ua them unë dallimin, e kam thënë këtu me dhjetëra herë, në çdo investim strategjik, Edi Rama ka 30 përqind.

Ndaj dhe Olta sot shkelmoi mbi Kushtetutën, mbi parlamentin, mbi gjykatën, mbi çdo gjë.

Ka vjedhur tokën me dokumente, me falsifikime.

Tokën publike e ka marrë bashkë me të shoqin dhe Edi Ramën dhe Olsi Ramën për të ndërtuar parajsën e tyre.

Dhe asaj nuk i hiqet imuniteti, nuk i hiqet mandati.

Edi Rama, drejtësinë për ty do e bëjnë shqiptarët.

Pas Erion Veliajt, radhën e ke ti.

Forcë në botë që të shpëton ty nga verdikti i qytetarëve të zemëruar të Shqipërisë nuk ka.

Nuk ka kryeministër më hajdut.

Nuk ka kryeministër më të inkriminuar se ti në Europë dhe në botë.

Edi Rama, largohu sa më parë.

The post Berisha: Rama e mbrojti Olta Xhaçkën sepse në çdo investim strategjik ai ka 30% appeared first on Albeu.com.

Fjalimi i Berishës:

Të dashur misionare dhe misionarë, të guximit, të nderit, dinjitetit njerëzor, lirive dhe të drejtave të qytetarëve shqiptarë. Ju përshëndes përzemërsisht ju me mirënjohje të pakufishme.

Përshëndes oratorët tuaj, të cilët me fjalët e tyre, çojnë në të katër anët e Shqipërisë dritën e të vërtetës, guximit dhe shpresës te shqiptarët. Të dashur miq, në historinë e lirisë së shqiptarëve, sot është një ditë e rëndësishme.

Me 26 mars të vitit 1990, grupi antikomunist i djemve të Kavajës zhvilloi një ndër betejat më epike kundër diktaturës së Enver Hoxhës. Ata njëlloj si gladiatorë zgjodhën për shesh beteje stadiumin e qytetit.

Ilir dhe Rexhep Rugeja, Salaudin Cara, Safet Becerri dhe shumë të tjerë, vendosën të shndërrojnë ndeshjen e futbollit në një ndeshje të pabarabartë, në një ndeshje që nuk kishte ndodhur ndonjëherë më parë, me diktaturën komuniste. Miqtë e mi, atë ditë stadiumi i mbushur me sambistë, me forca speciale, priste momentin për t’u vërsulur kundër guximtarëve të demokracisë.

Ata u vërsulën me shtazëri kundër Ilir Rugesë dhe guximtarëve të tjerë. Por qyteti i Kavajës nuk u mposht. Qyteti i Kavajës rrethoi komisariatin për të çliruar bijtë e tij.

Kavaja fitoi. Fitoi betejën dhe në fakt Kavaja u çlirua atë ditë. Të dashur miq, sot pas 33 vitesh, natyrisht ajo ditë duket e largët.

Por ajo ditë, edhe sot është më aktuale se kurrë. Ajo ditë na frymëzon ne dhe duhet të frymëzojë çdo shqiptar se guximi është kushti i fitoreve.
Se fitoret janë vetëm me guximtarët.

The post Berisha: Protesta e 26 marsit në 1990 duhet të frymëzojë çdo shqiptar se guximi është kushti i fitoreve appeared first on Albeu.com.

Berisha tha, se sikur një e shtata e shpenzimeve të buxhetit të shkonin për qytetarët, rrogat dhe pensionet rriteshin me 50 %.

Fjalimi i Berishës:

Misionare dhe misionarë, qendrestare dhe qëndrestarë të të vërtetës, dinjitetit dhe shpresës.
Një përshëndetje të përzemërt dhe mirënjohje të pakufishme ju, për qëndresën tuaj.
Një përshëndetje të përzemërt oratorëve, të cilët nga platforma e parlamentit të lirisë përhapin dritë në mendjet dhe zemrat e qytetarëve shqiptarë.
Të dashur miq, sot parlamenti trajtoi ndër të tjera një seri problemesh.
Por përsëri, narko-qeveria injoron në mënyrën më totale qytetarin dhe qytetarët.
Miqtë e mi, buxheti i këtij viti parashikon rreth 7 miliardë euro shpenzime.
Në qoftë se bën një analizë, në këto 7 miliardë euro, qytetari, pensionisti, i sëmuri, studenti, nxënësi, rrogëtari janë më të përçmuarit.
Në emergjencën që jeton Shqipëria, në tiraninë e varfërisë që bëhet çdo muaj dhe vit më e rëndë, akti i parë, që duhej të vendosej, duhej të ishte të paktën një e shtata e kësaj shume t’u kushtohej pensionistëve, rrogëtarëve, fëmijëve, qytetarëve.
Në qoftë se një të shtatën e kësaj shume, në këto kushte, do vendosnin t’ia kushtonim qytetarëve, brenda një muaji të gjitha rrogat dhe pensionet në Shqipëri do rriteshin me 50 përqind.
Pra, në qoftë se edhe në vitin e ardhshëm, duke vendosur investimin tek qytetari të parin, do t’i rrisnim, do të përkushtonim një të shtatën e shpenzimeve, pensionistëve, rrogëtarëve, rrogat dhe pensionet do rriteshin 100 përqind krahasuar me këtë vit.
Për ata, të cilët me skepticizëm dëgjojnë për rritjen e rrogave, u them se absolutisht mundësitë më reale, por nuk ka shpirt, nuk ka zemër që t’ju ndjejë problemet që përballen sot qytetarët.

The post Berisha: Nëse një të shtatën e buxhetit, do t’ia kushtonim qytetarëve, rrogat dhe pensionet do rriteshin me 50 përqind brenda muajit appeared first on Albeu.com.