Mësohet se nga këqyrja e trupit të viktimave nga ekspertët mjeko-ligjore shkak i vdekjes është helmimi.

Nga policia e Durrësit, bëhet me dije se mjekët ligjorë që kanë kryer ekspertizën kanë dalë në përfundim se vdekja është nga helmi i shkaktuar nga kërpudhat.

Ndërkohë  po kryhen edhe analizat e ushqimeve konkretisht të kërpudhave që janë gjetur të gatuara në shtëpi. Kujtojmë se Elfete, Afrim e Ferzinaze Haliti shfaqën shenja helmimi dhe u drejtuan për të marrë shërbim mjekësor në qendrën shëndetësore të Manzës, ndërsa më pas u dërguan me urgjencë në QSUT.

Kujtojmë se e para ndërroi jetë Elfete, nëna e Afrimit më pas Afrimi, dhe e fundit Ferzinaze Haliti.

Lidhur me këtë ngjarje policia njoftoi ditën e djeshme se janë proceduar penalisht tre mjekët e Qendrës Shëndetësore të Manzës që mjekuan anëtarët e familjes Haliti.

The post Zbardhet akt-ekspertiza e vdekjes së tre familjarëve nga Kosova appeared first on Albeu.com.

Ditën e djeshme, djali i çiftit hodhi dyshime në lidhje me vdekjen e prindërve të tij dhe gjyshes së tij, teksa shtoi se bashkë me ta kishte ngordhur edhe qeni i tyre. Sipas dëshmisë së tij, qeni asnjëherë nuk konsumonte ushqimin që hante familja, duke përjashtuar kështu faktin që kafsha të ketë ngordhur nga ngrënia e kërpudhave helmuese.

“Ne kemi pasur edhe një qen atje edhe qeni ka ngordhur, ai nuk e konsumon asnjëherë ushqimin që ne hamë. Kjo shkon përtej dyshimit, sepse qeni nuk konsumon kërpudha. Babi ka dalë shpesh për të na mbledhur kërpudha, nuk është se nuk i ka njohur kërpudhat”, u shpreh ai.

Në lidhje me këtë ngjarje të rëndë ka reaguar edhe kryetari i Komunës së Gjilanit, Lutfi Haziri, i cili shprehet se shteti shqiptar e ka për detyrë të dalë sa më parë me rezultatin përfundimtar të hetimit për zbardhjen e të vërtetës.

Reagimi i plotë

Gjilani, Kosova e Shqipëria u tronditën nga tragjedia që ndodhi në Durrës, përkatësisht në Gjirin e Lalëzit, ku tre bashkëqytetarët tanë, Elfete, Afrim e Ferdinaze Haliti, ndërruan jetë papritur. Sot ia dhamë lamtumirën e fundit në Gjilan dhe na mbeti peng e vërteta e shuarjes së tyre.

Shteti shqiptar e ka për obligim që sa më parë të dal me rezultatin përfundimtar të hetimit për zbardhjen e të vërtetës. Për shpirtrat e Elfetes, Afrimit e Ferdinazes, për familjen Haliti, për Gjilanin, për Kosovën, për Shqipërinë.

Ngushëllimet më të sinqerta familjes Haliti për këtë humbje të madhe. Zoti ua lehtësoftë dhembjen!

The post Vdekja e 3 pjestarëve të familjes Haliti, komuna kosovare apel të rëndësishëm autoriteteve shqiptare appeared first on Albeu.com.

Sipas QSUT, tre pacientët ishin në gjendje të rëndë shëndetësore dhe sipas protokolleve mjekësore te urgjencës janë hospitalizuar fillimisht ne Shërbimin e Toksikologjisë dhe pas dhe në mbrëmje për shkak se gjendja e tyre u përkeqësua u trasferuan në Shërbimin e Reanimacionit Qendor.

Por pavarësisht përpjekjes së mjekëve, kanë ndërruar jetë.

“Paraditen e dt. 06.05.2021 në Urgjencën e Sëmundjeve të Brendshme QSUNT, pacientët I. H mosha 78 vjec, A. H mosha 56 vjec dhe F. H mosha 47 vjec, janë paraqitur me ambulancë, me diagnozë “intoksikacion nga kërpudha. Gjendja e pacientëve paraqitej e rëndë.

Pasi i janë kryer gjitha ekzaminimet dhe konsultat sipas protokolleve mjekësore te urgjencës dhe janë hospitalizuar fillimisht ne Shërbimin e Toksikologjisë dhe pas dhe në mbrëmje për shkak se gjendja e tyre u përkeqësua u transferuan në Shërbimin e Reanimacionit Qendor.

Pavarësisht përpjekjeve te mjekëve, ata kanë ndërruar jetë pranë këtij shërbimi : pacientja I. H dt 06.05.2021, pacienti A. H ne dt. 07.05.2021 dhe pacientja F. H ne dt. 08.05.2021”, shprehen nga QSUT.

The post Vdekja e anëtarëve të familjes Haliti, QSUT zbulon diagnozën: Gjendja e tyre e ishte e rëndë appeared first on Albeu.com.