F1 Archives - Albeu.com

Hamilton i zhgënjyer, pret hetimet në Abu Dhabi për të vendosur për të ardhmen e tij në F1

E S — Wed, 12 Jan 2022 12:46:59 +0000

Lewis Hamilton nuk do të vendosë nëse do të kthehet në Formula 1 këtë sezon derisa të shohë rezultatet e një hetimi në Çmimin e Madh të Abu Dhabit.

Hamilton është “i zhgënjyer” me F1 , ka thënë shefi i ekipit të tij Mercedes, Toto Wolff, si rezultat i garës për titullin e vitit të kaluar.

Hamilton humbi kampionatin ndaj Max Verstappen të Red Bull-it pasi drejtori i garës së FIA-s, Michael Masi nuk i zbatoi siç duhet rregullat në një periudhë të vonë të makinës së sigurisë.

Insajderët thonë se Hamilton ka humbur besimin në organin qeverisës.

Mercedes nuk pranoi të komentonte mbi situatën rreth të ardhmes së Hamiltonit kur iu afrua BBC Sport.

Ekipi dhe Hamilton thuhet se janë në linjë për këtë çështje dhe presin të shohin se çfarë veprimi do të ndërmarrë FIA për të adresuar çështjet e ngritura nga gara në Abu Dhabi.

FIA ka nisur një hetim mbi ngjarjet në Yas Marina dhe është e vetëdijshme për pakënaqësinë e Hamiltonit dhe se ka një detyrë të madhe në duart e saj për të rifituar besimin e shtatë herë kampionit. r.t/albeu.com

The post Hamilton i zhgënjyer, pret hetimet në Abu Dhabi për të vendosur për të ardhmen e tij në F1 appeared first on Albeu.com.

“Dorëzohet” Mercedesi, Verstappen kampion i sigurtë

E S — Thu, 16 Dec 2021 10:38:16 +0000

Mercedes ka zgjedhur pragmatizmin dhe ka vendosur të mos apelojë vendimin e stjuardëve të Abu Dhabit. Kujtojmë se ata hodhën poshtë dy protestat e paraqitura nga skuadra gjermane kundër fitores së Max Verstappen në finalen e diskutueshme të kampionatit F1.

Ndërsa MARCA tashmë ka avancuar , në selinë e markës së yllit, në Shtutgart, ata nuk ishin në favor të përfshirjes në gjykatat sportive, kur shanset që protestat e tyre të ishin të suksesshme ishin të pakta.

Si rezultat, mbrëmjen e kësaj të enjteje, Verstappen do të fitojë me siguri titullin e tij kampion në galanë e çmimeve të FIA-s në Paris.

Mercedes u dorëzua dhe pati nderin për të uruar pilotin e Red Bull, kampionin e 34-të të F1 në histori por ata gjithashtu e bënë të qartë shqetësimin e tyre.

Skuadra dominuese e epokës hibride u kurorëzua si ekipi më i mirë për të tetën herë radhazi. Ndryshimi është se këtë herë ai nuk arriti kampionatin e pilotëve (të mëparshmet ishin për Hamilton-gjashtë- dhe Rosberg-një në 2016-). /albeu.com

The post “Dorëzohet” Mercedesi, Verstappen kampion i sigurtë appeared first on Albeu.com.

Sukseset e arritura në F1, Hamilton dekorohet nga Princi Charles me titullin “kalorës”

E S — Wed, 15 Dec 2021 12:50:28 +0000

Sir Lewis Hamilton ka marrë edhe zyrtarisht urdherin kalorsiak në Kështjellën Windsot.

Shtatë herë kampioni i botës në F1 mori titullin e tij duke qenë kështu në listën e Nderimeve të Vitit të Ri 2021.

Hamilton e merr këtë titull, pasi arriti që të barazonte rekordin e gjermanit Michael Schumaher me 7 tituj botëror në F1.

Piloti i Mercedes e humbi garën për titullin e tetë, rrjedhimisht mundsinë për të vendosur rekordin e tij në garën e Abu Dhabi pasi Max Verstappen e mposhti atë në një garë të kontestueshme për kah mbarëvajtja.

Por, Hamilton do të kthehet sërish vitin e ardhshëm në tentim për ta thyer rekordin e tij me shokun e ri të skuadrës George Russell.

Hamilton bëhet piloti i katërt pas Sir Jackie Stewart, Sir Stirling Moss dhe Sir Jack Brabham që merr titullin kalorës

The post Sukseset e arritura në F1, Hamilton dekorohet nga Princi Charles me titullin “kalorës” appeared first on Albeu.com.

“Është e manipuluar”, zbulohet biseda e Hamilton me ekipin e tij gjatë garës (VIDEO)

E S — Tue, 14 Dec 2021 11:10:03 +0000

Belgu i Red Bull, Max Verstappen u shpall kampion bote në Formula 1, duke parakaluar britanikun, Lewis Hamilton vetëm në gjiron e fundit, në garën për Çmimin e Madh në Abu Dhabi.

Një garë që ishte e barabartë mes dy pilotëve, ku edhe fituesi i titullit kampion në Formula 1 do të vendosej pikërisht në përballjen e fundit mes tyre.

Britaniku humbi mundësinë kështu të kalonte rekordin e vendosur nga Michael Schumacher.

Në një video të postuar në rrjetet sociale është zbuluar edhe një bisedë mes Hamilton dhe ekipit të tij, teksa ky i fundit është dëgjuar të thotë se gara është e manipuluar, që ai të mos e fitojë dot titullin e tetë kampion.

“Kjo është manipuluar”, janë fjalët që dëgjohen teksa thotë piloti ekipit të tij.

Hamilton’ final lap radio.

“This is getting manipulated man”

?F1 #F1 #AbuDhabiGP pic.twitter.com/isHOYFoEGK

— F1 News.Live (@f1newslive_) December 13, 2021

The post “Është e manipuluar”, zbulohet biseda e Hamilton me ekipin e tij gjatë garës (VIDEO) appeared first on Albeu.com.

Hamilton i pari në Katar, Verstappen vetëm 8 pikë larg

E S — Sun, 21 Nov 2021 16:51:29 +0000

Emocionuese gara për titullin kampion në Formula 1, pasi Lewis Hamilton ka fituar Çmimin e Madh të Katarit dhe e ka ngushtuar në tetë pikë diferencën me rivalin e tij, Max Verstappen. Dy garat e fundit do jenë vendimtare për fituesin e titullit kampion.

Hamilton e nisi i pari garën dhe në atë pozicion, sikurse bëri edhe Verstappen që nuk e pati të lehtë diçka të tillë.

Surpriza e ditës së sotme mban emrin e Fernando Alonso, pasi spanjolli u rikthye në podium pas 7 vitesh, para Sergio Perez të Red Bull.

Garë të mirë bëri edhe piloti tjetër i Alpine, Esteban Ocon, i cili e mbylli garën në vendin e pestë. Pilotët e Ferrarit nuk lanë dot shenjë, me Sainz që u rendit i shtati dhe Leclerc i teti.

Ajo që ra në sy në këtë garë ishte edhe fakti që Valttery Bottas nuk e përfundoi dot garën. /

The post Hamilton i pari në Katar, Verstappen vetëm 8 pikë larg appeared first on Albeu.com.