Ngjarja është regjistruar në 30 Maj 2020, ndërsa shpërthimi ka shkaktuar vetëm dëme materiale në pronën e cila kontrollohet nga Ervin Mata, personazh ky që është shpallur në kërkim nga SPAK për trafik kokaine në kuadër të grupit të strukturuar kriminal.

Ky informacion, ka dalë nga bisedat e zhvilluara në aplikacionin “Sky”, mes disa anëtarëve të grupit kriminal që kanë vepruar nën komandën e Plaurent Dervishaj, që shkurt thirret me nofkën “Plaku”.

Gjoba financiare i është vendosur një mikut të ngushtë të Ervis Matës, të cilët grupi i Devishaj dhe Ramazan Rajës i kishte konkurrent në linjat e tregtisë dhe trafikimit të drogës.

Ky person ende nuk është zbuluar nga prokurorët e posaçëm SPAK, por grupi i hetimit ka krijuar dyshimin e fortë se tritoli tek hoteli i Ervin Matës është vendosur pikërisht për këtë shkak.

Gjoba financiare nuk është pranuar të paguhet e për pasojë grupi ka marrë masa për vendosjen e lëndës shpërthyese tek muri rrethues i hotel “Victoria”, pronë e Ervin Matës dhe babait të tij, Luan Mata.

Për këtë ngjarje të ndodhur në Tiranë, prokuroria e Posaçme ka identifikuar si autorë Plaurent Dervishaj i thirrur “Plaku”, Ramazan Rrajën nipin e ish-deputetit të PS, Rahman Rraja i thirrur shkurtimit me nofkën “Xani” dhe Julian Meçen e thirrur ndryshe me nofkën “Sakati”, të cilët aktualisht janë në proces gjyqësor, jo vetëm për këtë episode kriminal por edhe për episode të tjera.

Ndërkohë anëtarët e tjerë të grupit të identifikuar në aplikacioknin “Sky” ishin Bledar Polovina me nofkën “Fshatari”, Amar Shkëmbi me nofkën “Bad”, Bashkim Haxhia me nofkën “Baçi”, Gentjan Ndërjaku me nofkën “Kili” dhe Marsel Deçka me nofkën “Kështjella”.

Ndërkohë një ditë më parë, Prokuroria e Posaçme SPAK, lexoi pretencën për anëtarët e këtij grupi që dyshohet se kishin marrë pjesë në vrasjen e Andi Malokut,plagosjen e Arjan Ndojës dhe Aleksandër Lahos alias “Rrumit”.

Në total u kërkua rreth 43 vite burg për të gjithë grupin. Në pretencë u kërkua 11 vite burg për Ramazan Rrajën, por për shkak për gjykimit te shkurtuar dënimi ulet në 7 vite e 4 muaj burg, për Genti Ndërjakun u kërkua dënimi me 9 vite burg, i cili ulet në 6 vite.

Për Bashkim Haxhinë u kërkua dënimi me 8 vite burg i cili ulet 5 vite e 4 muaj burg.

Për Julian Pjetri, u kërkua dënimi me 7 vite e 6 muaj burg i cili ulet 5 vite burg. Ndërsa për Endrit Sinanin,u kërkua dënimi me 7 vite e 6 muaj burg i cili ulet në 5 vite burg.

The post Gjoba 1.5 milion € për mikun e Ervin Matës, u bë shkak për vendosjen e tritolit tek hotel “Victoria” appeared first on Albeu.com.

Ndërsa Ervin Matës i janë sekuestruar, llogari bankare, automjete si dhe janë duke vijuar hetimet për prona të tjera në emër tyre apo të familjarëve.

Mes personave nën hetim pasuror, mësohet se është edhe këngëtarja Elvana Gjata.

Në Apelin e Posaçëm, do shqyrtohej ankimi që kanë bërë avokatët e personave të akuzuar, lidhur me kundërshtimin e sekuestros por seanca u shty për një ditë tjetër.

Burime bëjnë me dije se; po vijojnë hetimet për pronat e tjera që mund të jenë fshehur nga të akuzuarit, duke përdorur persona të tjerë.

The post SPAK sekuestron HEC-in ‘Drita’ të Erzen Breçanit, dhe llogari bankare e makina të Ervin Matës, nën hetim pasuror edhe Elvana Gjata appeared first on Albeu.com.

Duke qenë se përmes sistemit bankar është e pamundur të lëvizet një sasi aq e madhe parash, ata kanë përdorur të ashtuquajturin sistem “Hawala”.

Hawala është një metodë joformale e transferimit të parave pa lëvizur në të vërtetë para fizike. Ai përshkruhet si një “transferim parash pa lëvizje parash”.

Hawala përdoret sot si një kanal alternativ kryesisht i remitancave që ekzistojnë jashtë sistemeve tradicionale bankare. Transaksionet ndërmjet ndërmjetësve Hawala kryhen pa firmosur diku sepse sistemi bazohet vetëm te besimi reciprok.

Mjaftojnë të jenë dy Hawala dhe dikush që do të transferojë paratë ja jep njërit shumën, ndërkohë që personi tjetër që ndodhet për shembull në Shqipëri, dorëzon të njëjtën shumë atje ku e kërkon dorëzuesi. Pra paratë nuk lëvizin, thjesht agjentët Hawala marrin paratë dhe përqindjen që duan dhe vënë në punë paratë e tyre.

Sipas burimeve, duke qenë se SPAK nuk ka identifikuar dot shumën e lëvizur, ka nisur verifikimin pasuror të të akuzuarve dhe familjarëve të tyre. Për këtë arsye janë dërguar shkresa te Hipoteka dhe bankat për të grumbulluar të dhëna mbi llogaritë bankare dhe pronat e patundshme.

Si funksionon sistemi “Hawala”?

Hawala e ka origjinën në Azinë Jugore gjatë shekullit të 8-të dhe përdoret sot në të gjithë botën, veçanërisht në komunitetin islam, si një mjet alternativ për kryerjen e transfertave të fondeve.

Ndryshe nga metoda konvencionale e transferimit të parave përtej kufijve përmes transfertave bankare, transferimi i parave në hawala organizohet përmes një rrjeti havaladarësh ose tregtarësh hawala.

Tregtarët Hawala mbajnë një ditar informal për të regjistruar të gjitha transaksionet e kreditit dhe debitit në llogaritë e tyre. Borxhi ndërmjet tregtarëve hawala mund të shlyhet në para, pronë ose shërbime. Një haëaladar që nuk e zbaton marrëveshjen do të etiketohet si ai që ka humbur nderin dhe do të përjashtohet nga rrjeti ose rajoni.

Punëtorët emigrantë, të cilët shpesh dërgojnë remitanca te të afërmit dhe miqtë në vendet e tyre të origjinës, e shohin sistemin hawala të favorshëm. Hawala lehtëson fluksin e parave midis vendeve të varfra ku bankat formale janë shumë të shtrenjta ose të vështira për t’u aksesuar.

Hawala dhe aktivitetet e paligjshme

Vetë tiparet që e bëjnë Hawalën një rrugë tërheqëse për klientët legjitimë, gjithashtu e bëjnë atë tërheqëse për përdorime të paligjshme. Kështu, Hawala përmendet shpesh si banking nëntokësor. Kjo për shkak se pastruesit e parave dhe terroristët përfitojnë nga ky sistem për të transferuar fonde nga një vend në tjetrin.

Për më tepër, politikanët e korruptuar dhe të pasurit që do të preferonin t’u shmangeshin taksave përdorin Hawala për të anonimizuar pasurinë dhe aktivitetet e tyre. Paratë e gjeneruara nga transaksionet e biznesit që nuk regjistrohen nuk mund të tatohen.

Hawala përdoret gjithashtu për të financuar terrorizmin, gjë që e bën më të vështirë ndalimin e terrorizmit. Një pjesë e madhe e zbulimit të qelizave terroriste përfshin gjurmimin e lëvizjes së parave, pasi organizatat terroriste financohen dhe kanë nevojë për para për të blerë armë dhe për të ushqyer njerëzit e tyre. Transaksionet Hawala e bëjnë të lehtë këtë lëvizje të parave pasi nuk ka asnjë gjurmë letre nga burimi i fondeve te organizata terroriste.

The post Milionat lëviznin me sistem të fshehtë, çfarë është rrjeti “Hawalan” që përdorte Mata dhe Breçani për qarkullimin e parave të drogës appeared first on Albeu.com.

Ata u akuzuan si të përfshirë në trafik droge, grup kriminal e krijim kushtesh për vrasje.

Përveç emrave të 11 personave të përfshirë direkt në hetim, 4 nga të cilët janë arrestuar dhe 7 që janë në kërkim, SPAK tha se po verifikon pasurinë e familjarëve të tyre dhe të këngëtares Elvana Gjata, e cila përmendet në dosje për përdorimin e llogarisë së saj bankare nga Ervin Mata. Ky i fundit ka kryer biseda në “Sky ECC” për trafikim droge në disa episode, ndërkohë që nuk rezulton të ketë në emër të tij ndonjë biznes. SPAK po verifikon emrat e familjarëve ndërkohë Erzen Breçani rezulton i lidhur me dy kompani.

Subjekti “HEC Drita Energy”, me administrator Eralbi Breçani, i përgjuar direkt në biseda për trafik kokaine dhe transaksione financiare, është themeluar në 23 shtator 2019 me objekt aktiviteti ndërtimi, shfrytëzimi dhe administrimi i Hidrocentralit “Drita”, deri tek shitja e energjisë.

Punimet në Lumin e Gashit, Bashkia Tropojë, janë bërë me leje ndërtimi të dhënë nga KKT, në datë 12.07.2019. Veprimet e fundit të HEC, janë kryer më 23 korrik 2023, dhe që prej datës 15 mars 2022 subjekti është i pezulluar. Subjekti ka dalë me humbje që nga viti 2019, deri në vitin 2022 duke raportuar aktivitet negativ.

Ligjërisht mbetet e paqartë me çfarë janë përballuar humbjet e HEC-it ndërkohë që në faqet 84 dhe 85 të dosjes së SPAK, Erzen Breçani është përgjuar teksa bisedon me djalin e tij për shuma që i nevojiteshin nga 300 deri në 500 mijë euro për përballimin e shpenzimeve, madje, në një bisedë, tregon se kishte edhe probleme me pagat e punëtorëve.

Në dosjen voluminoze është zbardhur edhe mesazhi i Erzen Breçanit ku i thotë djalit se i duhen 300 mijë euro për turbinat dhe e pyet nëse do të vonohen paratë në mënyrë që t`i thotë administratorit Fatbardh Breçani të marrë kredi. Kompania që ka në pronësi HEC-in që po ndërtonte Erzen Breçani është shoqëria e sigurisë Breçani R.O.S.P, e themeluar më 6 prill 2005. Kjo e fundit ka si objekt të aktivitetit shërbimin e ruajtjes dhe i sigurisë fizike të personave dhe objekteve dhe transportimin e vlerave monetare e sendeve të çmuara.

The post Dyshime për pastrim parash, Prokuroria e Posaçme kërkon pronat e Ervin Matës dhe Erzen Breçanit appeared first on Albeu.com.

Në prangat e policisë kanë rënë edhe zyrtarë dhe ish-zyrtarë nga radhët e unfiromave blu.

Disa ditë më parë, në kuadër të operacionit policor të koduar “Metamorfoza 2”, u bë arrestimi i sh-nëndrejtorit të policisë së Tiranës Erzen Breçani dhe shefit të krimeve në komisariatin nr.6 në Tiranë, Dedan Gjoni.

Në kërkim u shpall djali i Breçanit, Eralbi dhe Ervin Mata një emër i njohur për policisë shqiptare.

Por në skenë doli edhe emri i këngëtares Elvana gjata, e cila ka qenë e dashura e Matës. Ky i fundit, në përgjime përmend 500 mijë euro të cilat do t’i kalojë nga llogaria e Elvanës Breçanit.

Sipa CNA, Gjata nuk është e vetmja nga personazhet publikë që është përfolur në bisedat e Ervin Matës. Ka edhe personazhe të tjera nga bota e “showbizz”-it, si ish-mise, që përfliten se kanë pasur lidhje me Matën apo dhe me persona të tjerë të botës së krimit. Drejtuese emisionesh televizive, kryesisht të botës së “showbizz”-it dhe shumë personazhe të tjera që duken se janë pjesë e ambientit të individëve të botës së krimit, jo thjesht dhe vetëm nën shoqërimin e tyre, por dhe kalimin e kohës me ta.

Këto të dhëna janë duke u hetuar nga SPAK, për të kuptuar rolin e vërtetë të këtyre vajzave, kanë qenë thjesht në lidhje intime apo dhe kanë pasur ndonjë rol në pastrim parash, investime apo aktivitete për të cilat mund të jenë shfrytëzuar paratë e ardhura nga trafiku i drogës.

SPAK njoftoi se kishte filluar hetimin pasuror ndaj Elvana Gjatës, por tashmë duket se lista nuk ka vetëm një emër, por përfshihen dhe disa vajza të tjera kryesisht mise, drejtuese emisionesh “show” dhe vajza të botës së spektaklit./albeu.com

The post Jo vetëm Elvana Gjata, shumë vajza të botës së ekranit në përgjimet e “SKY” appeared first on Albeu.com.

Nga dosja e SPAK që ka në bazë të saj përgjimet e aplikacionit Sky EC janë zbuluar biseda të tjera komprometuese të ish nëndrejtorit të Policisë së Tiranës, Erzen Breçani.

Në një moment ai është përgjuar teksa i jep porosi të birit, Eralb Breçani se para se të dorëzojë një pistoletë të fshijë gjurmët e tij të gishtërinjve.

Aty ai përmend sërish këngëtaren Elvana Gjata dhe ndihmën e ofruar nga i dashuri i saj, Ervin Mata.

Nga sa kuptohet, Mata përdorte këngëtaren për të lëvizur paratë e fituara nga trafiku i kokainës, duke qenë se vetë e kishte të pamundur t’i lëvizte shuma të tilla nga një shtet në tjetrin.

Pjesë nga dosja:

Me date 30.08.2020 në orën 22:57:05, K99EP i dergon mesazhe S7DEGI:

Erzen Breçani (K99EP): A ja dhe pistoleten atyne a… Se nese nuk jau kie dhan hala me ja fshi krehrine perjashta se ka gjurmet e mia e mos me ia lan as gjurmet tua..Se prite zot me kap, i dalin gjurmet e gishtave…Ok…

Per mue ska problem se i thash ne sy te gjithëve pse je në hall nuk ju lypi me ra ngusht nuk ju lypi pare njerëzve. Nuk kam nevoj i thash i kam tana lekt me ba, se nuk nisi pun po nuk i pata lekt…Dhe me tha une solla Elvanen per te dhan leket i thash jo jo nuk i du…I kam gjet i thash…Ok tha…

The post I doli emri në përgjimet e grupit kriminal, SPAK nuk kursen as Elvana Gjatën, do t’i nënshtrohet hetimit pasuror appeared first on Albeu.com.

I ftuar në “Opinion” Hoxha ka treguar se ngjarja ka ndodhur paradite në sytë e të gjithëve, kur Ervin Mata u mor peng në ambientet e një garazhdi dhe ju kërkua që të tërhiqej nga një ndërtim që po bëhet aktualisht, dhe për këtë ju ofruan 2 milionë Euro.

Artan Hoxha: Ka patur një ngjarje kur Ervin Matën e kanë marrë peng para RTSH dhe kjo ngjarje ka ndodhur në orën 11:00 të ditës. Është marrë peng nga grupi i Ervis Martinajt.

Blendi Fevziu: Si u mor peng?

Artan Hoxha: Në rrugë në anë të rrugës. Kanë dalë e kanë marrë e kanë çuar në një nga ata qendrat tregtare aty afër, në garazhdet e asaj. Është mbajtur për disa orë për çështjen e një ndërtimi shumë të madh në Tiranë. I është ofruar një pagesë 2 milion Euro që të tërhiqej si aksioner nga ai ndërtim që është duke u bërë aktualisht në Tiranë. Ai ka thënë që unë nuk kam lidhje me këtë punë sepse unë nuk jam vetë aty. Unë as nuk i dëgjoj të tjerët dhe as të tjerët nuk më dëgjojnë mua dhe në këtë rast nuk mund të përfshihem në këtë histori. Kjo ngjarje është bërë fiks në orën 11 paradite para RTSH, por nuk ka pasur hetim për këtë.

Blendi Fevziu: Në çfarë kohe ka qenë pak a shumë?

Artan Hoxha: Kjo ngjarje duhet të ketë ndodhur para plagosjes. Edhe plagosja ka qenë një pikë vlimi e disa incidenteve të mëparshme dhe ajo kulmoi me ngjarjen në bllok.

The post “Ervin Mata u mor peng në mes të ditës nga grupi i Ervis Martinajt”, Artan Hoxha rrëfen përplasjen mes dy rivalëve appeared first on Albeu.com.

AlbEu.com, ka siguruar dosjen hetimore “Metamorfoza 2”, ku janë zbardhur përgjimet në SKY mes grupit të Ervin Matës, Eralbi Breçanit, Ismail Elezit, Dedan Gjonit dhe dia zyrtarëve dhe ish-zyrtarëve të tjerë të policisë.

Ajo që bie në sy ëhstë një bisedë mes ish-zv.Drejtorit të Policisë së Tiranës, Erzen Breçani, i cili në një komunikim me të birin i këkron këtij të fundit të heqë dorë nga kjo punë.

Madje breçani refuzon në një bisedë me Ervin Matën edhe 500 mijë euro, të cilat i jepen për ti investuar te Hidrocentrali.

/Taulant Halili/ AlbEu.com/

The post “Askush që ka shit kaq shumë sa ju nuk ka shpëtuar pa humbur gjithë pasurinë”, porosia që Erzen Breçani i jep të birit, Eralbit appeared first on Albeu.com.

Ndëkrohë janë shpallur në kërkik djali i Erzen Breçanit dhe Ervin Mata, këta dy të fundit janë dhe kunetër me njëri-tjetrin.

Sa i përket Ervin Matës, Lala tha se ai është personazh i rëndësishëm në fushën e narkotrafikut nga Amerika Latine. Ndërkohë, ajo foli edhe për një personazh surprizë në dosjen e SPAK i dyshuar për përfshirjen edhe në zhdukjen e Ervis Marinajt.

“Ervin Mata është personazhi kryesor i përplasjes në ish-Bllok në vitin 2018 ku u përplas ashpër me Ervin Martinajn. Për këtë ngjarje që në atë kohë u përdor emri i këngëtares, Elvana Gjata, unë e kam bërë të qartë se ishte një përplasje në fushën e narkotrafikut. Përplasja midis dy grupeve kriminale kishte ardhur për shkak të trafikut të drogave të forta. Dënimet ishin mjaft të lehta. Edhe Meviol Bilo, ish-komando u dënua me një dënim qesharak pasi u cilësua një vrasje e atypëratyshme dhe nuk u hetua më gjatë për arsye që mbet t’i hetojë Prokuroria e Posaçme.

Ky është Ervin Mata i konsideruar një personazh dhe faktor kryesor në trafikun e drogave të forta nga Amerika Latine drejt Bashkimit Evropian. Ai nuk qëndron në Shqipëri pjesën më të madhe të kohës. Këtë verë ka qenë një ose dy herë me periudha të shkurtra dhe mendohet se jeton në Argjentinë dhe Bolivi etj. Djali i zt.Breçani, pasi ka lidhje krushqie me Ervin Matën, dyshohet të jetë i përfshirë në çështje të trafikut të drogës. Kush është personazhi surprizë për median shqiptare? Unë e kam njohur disa vite përpara dhe për herë të parë e kam hasur me dokumente zyrtare në 2014 kur autoritetet e Maqedonisë së Veriut, ku dyshohet se ka lidhje edhe me zhdukjen e Ervis Martinit.

Bujar Gërmizi, është ish-oficer i forcave speciale, ish-gardist, shoqërues i disa personaliteteve të ministrave dhe ish-ministrave. Ishte arrestuar nga autoritetet e Maqedonisë së Veriut për çështje të trafikut të drogës, u arratis në një arratisje spektakolare nga burgu. Pati një përpjekje titanike atje për ta arrestuar. Ai hyri në Shqipëri dhe kërkoi që dosja të sillej këtu. Autoritetet maqedonase nuk pranuan dhe kërkuan të arrestohej dhe më pas të sillej dosja.

Duke qenë se ishte në veri të vendit, duket se nuk tërhoqi vëmendjen. Për shkak të punës në Gardën e Republikës dyshohej për grabitjen e Bankës së Kursimeve në shuma të konsiderueshme prej 300 apo 400 milionë lekë. U arrestua dhe u dërgua në burg në Prizren, pati revolta të forta. Kohët e fundit mendohet se ishte lidhur me disa grupe kriminale. Është i futur thellë në trafikun e drogës dhe këtu bëhet lidhja me Ervin Matën. Është duke u hetuar edhe në lidhje me zhdukjen e Ervis Martinajt”, tha Lala.

The post “Koka” e narkotrafikut, gazetarja zbulon ku fshihet Ervin Mata, dhe personazhin që ka “gisht” në zhdukjen e Ervis Martinajt appeared first on Albeu.com.

Mata është një emër i njohur për policinë, për shkak të ngjarjes së 4 tetorit në zonën e ish-Bllokut, ku u vra Fabian Gaxha dhe u plagosën Ervis Martinaj dhe Elio Hato, por edhe për shkak të lidhjes me Elvana Gjatën.

Për këtë ngjarje, Mata u shpall në kërkim nga policia në atë kohë. Mata u vetëdorëzua në Policinë e Tiranës në 2 Mars 2019 pas disa muajsh në kërkim.

Atëherë gjatë marrjes në pyetje tha se nuk kishte qëlluar dhe as nuk kishte parë se kush qëlloi në drejtim të viktimës.

Gjykata caktoi ndaj tij masën e sigurisë detyrim për t’u paraqitur dy herë në muaj në Prokurori ndërsa prokuroria kërkoi arrest me burg mbi Matën.

Në Qershor të vitit 2021, ai u dënua me 6 muaj burg që për shkak të gjykimit të shkurtuar iu ul 1/3 e dënimit dhe Mata u dënua me 4 muaj burg që u konvertua në 100 ditë pune në interes publik.

Në atë kohë u tha se përplasja mes tyre nisi për çështje rozë, por gjithmonë ka pasur dyshime se janë përplasur për një shumë të madhe parash të paligjshme.

Në 30 Maj të 2020 atij iu vendos një sasi eksplozivi hoteli në afërsi të QSUT në pronësi të Ervin Matës. Po ashtu Mata është lakuar si i përfshirë në çështjet e trafikimit ndërkombëtar të drogës.

Ndërkohë, Klan News ka publikuar sëfundmi një video të Matës nga Arratia, ku ai pi verë dhe lëshon një puthe në drejtim të kameras, e cila në këtë situatë duket se shkon edhe për policinë. /albeu.com

The post VIDEO/ Një puthje nga Ervin Mata, “boli” përshëndet policinë pas “tërmetit” në Tiranë appeared first on Albeu.com.