Grupi i oficerëve mësohet se ka shkuar në bashki, në datën 13 maj 2021, vetëm një ditë pasi, Ibrahim Lici, ishte paraqitur në ambjentet e bashkisë, duke aplikuar për një pasaportë të re.

Lici, prej 17 Prillit, kishte dalë nga kërkimi policor dhe me sa duket ka ndjerë nevojën e një pasaporte të re.

“Ora News”, mëson se Lici është paraqitur paraditën e të mërkurës, në datën 12 Maj, duke dhënë të dhënat personale, pranë shoqërisë “SAGEM” të pasaportave. Silueta e Ibrahim Licit, brenda ambjenteve të bashkisë së Shkodrës, është filmuar nga disa kamera të instaluara në mure, filmime të cilat tashmë janë marë nga policia e Shkodrës. Këto filmime janë administruar dy ditë para se të zhdukej, Endri Mustafa, në datën 15 Maj 2021 në zonën e Livadhes në Shkodrës. Për zhdukjen dhe më pas vrasjen e Mustafës, 15-vjeçari Ergys Malja, ka deklaruar në policinë e Shkodrës se autor është, Ibrahim Lici.

Oficerët e hetimit të krimeve në Shkodër mësohet se kanë marë pamjet filmike të bashkisë, të cilat i kishin sekuestruar qysh prej datës 13 Maj dhe ja kanë vënë në dispozicion 15-vjeçarit E.M për të identifikuar autorin.

Ka rezultuar se adoleshenti pasi ka parë këto pamje filmike, ka treguar se ai ishte Ibrahim Lici, njeriu që akuzohet se ka ekzekutuar me 7 plumba komshiun e tij, Endri Mustafa.

15-vjeçari mësohet të ketë dhënë tre deklarime rresht para punonjësve të policisë së Shkodrës. Ndërkohë mbetet e paqartë se si ka mundur të shpëtojë 15-vjeçari nga mundësia e vrasjes prej Ibrahim Licit.

Në këtë vrasje adoleshenti ka shërbyer si personi që ka nxjerë nga shtëpia, Endri Mustafën, duke i nisur në telefon këtij të fundit një foto me kalë, çka nën kuptonte se babai i tre fëmijëve duhet të dilte nga banesa.

Megjithë kundërshtimin e nënës dhe gruas së tij, Endri Mustafa, ka vendosur të dalë nga banesa në 15 Maj në orën 22:00, me qëllimin për të shkuar së bashku me adoleshentin në një gastër tokë ku ai kishte mbjellë 150 rrënjë kanabis stativa.

Por që prej atij momenti, Endri Mustafa, nuk është kthyer më në banesën e tij në lagjen “Guerrile”. Vetëm në mëngjesin e 17 Majit, trupi i pajetë i Mustafës është gjendur prapa një ferre në zonën e Livadhes. Tek trupi i pajetë policinë e ka çuar Ergys Malja, ndërkohë çuditërisht në zonën e Livadhes, policia nuk ka gjetur gjatë kontrolleve, gastrën me 150 rrënjë kanabis./ ORA NEWS

The post Detaje të reja: Dy ditë para ekzekutimit të Endri Mustafës, Ibrahim Lici aplikoi për pasaportë appeared first on Albeu.com.

Raportohet se 15 vjeçari pranuar të rrëfejë gjithçka që di mbi vrasjen e Endri Mustafës, të cilin dyshohet se nxorri po vetë në pritë, ku dhe u ekzekutua.

Tashmë kanë nisur procedurat në mënyrë që Ergys Maljas t’i jepet zyrtarisht statusi i bashkëpunëtorit të drejtësisë, ndërsa familja e tij është marrë në mbrojtje nga Policia e Shtetit.

Ergys Malja rrëfeu se personi që e ka ekzekutuar Endri Mustafën është Ibrahim Lici, i cili tashmë është shpallur në kërkim për krimin e rëndë që tronditi Shkodrën më 17 maj.

Kujtojmë se Mustafa u gjet i vrarë në zonën e Livadheve në Shkodër, dy ditë pasi e shoqja dhe familja e tij kishin bërë kallëzim në polici.

Ndërkohë gruaja e viktimës  tregoi se ka qenë 15-vjeçari që me foton e një kali e nxorri nga shtëpia dhe e çoi në duart e vrasësve, teksa mohoi që Lici të jetë i përfshirë në vrasjen e bashkëshortit.

The post Nxorri Endri Mustafën në pritë, 15 vjeçari vendos të bashkëpunojë me drejtësinë appeared first on Albeu.com.

Gjatë dhënies së vendimit ai nuk ka folur, ndërkohë mbrojtja ka kërkuar masë lehtesuese dhe jo arrest me burg për shkak të moshës.

Kujtojmë se disa ditë më parë, Mustafa u gjet i vrarë me disa plumba në zonën e Livadhes në Shkodër. Sot, para vendimit, 15 vjeçari që dyshohet se e ka nxjerrë në pritë ka dëshmuar. Ai ka thënë se, e ka vrarë Ibrahim Lici./albeu.com

The post Nxorri në pritë Endri Mustafën, jepet masa e sigurisë për 15-vjeçarin appeared first on Albeu.com.

Viktima u gjet i vrarë me 7 plumba në zonën e Livadheve në Shkodër, një vend I njohur për ekzekutime mafioze.

Mësohet se viktima doli nga shtëpia natën e festës së Bajramit, ku ishte kthyer në familje për të parë fëmijët.

Ai u nxorr nga shtëpia nga 15-vjeçari Ergys Malja, i cili në dëshminë  e tij në gjykatë është shprehur se autori është shtetasi Ibrahim Lici, I cili është në kërkim edhe për vrasjen e vëllezërve Bilali rreth 2 vite më parë.

Natën e vrasjes, mësohet se nëna e tij e ka paralajmëruar 32-vjeçarin të mos dalë nga shtëpia pasi është një pritë.

Ky paralajmërim nuk është dëgjuar nga Endri Mustafa i cili u shpall i zhdukur dhe trup iu gjet 3 ditë më vonë në Livadhe.

“O mami, ruaju prej tij se po të bën ndonjë prapësi dhe të nxjerrë në pritë dikund. Ai është i poshtër, a të kujtohet që para një viti ky të ka thënë vetë që merr 3 mijë euro për të nxjerrë në pritë dikë tjetër.” – i ka thënë e ëma Endrit para se të largohej nga shtëpia.

Nuk dihet motivi i vrasjes pasi vetë bashkëshortja e viktimës ka deklaruar publikisht për mediat se me Ibrahim Licin kishin një marrëdhënie të mirë si fqinj duke shtuar se ishte 100 përqind e sigurt se nuk e kishte vrarë ai.

Dëshmia e 15 vjeçarit në gjykatë:

“Ergysi i ka dërguar në Instagram një foto kali, si kod që Endri të dilte jashtë për tu nisur në Livadhe. Pasi janë takuar pas banesës së Endrit, janë nisur në këmbë drejt livadhit, duke kaluar rrugën e Bypassi-it dhe pasi kanë shkuar diku afër livadhit të Endri Mustafës, janë kthyer djathtas për të dalë në një vend tjetër të quajtur ‘Gropat e eskavatorit’, ku Ergysi i kishte thënë se ka “hashashin”.

Aty i ka dalë para Ibrahim Lici me armë në dorë, duke qëlluar direkt mbi Endri Mustafën, i cili është shtrirë në tokë duke i thënë “aman mos më vrit pash Zotin, se kam fëmijë”. Ai e ka qëlluar përsëri, madje edhe në fytyrë, duke i thënë “qofsh i xhenetit”.

Pas kësaj Ibrahim Lici është larguar me motor, ndërsa Ergysi ka ikur me vrap për në shtëpi, andej nga ka ardhur.Aty i ka treguar babait t tij se ka qenë në lagje dhe telefonin e kishte lënë aty në karikim. Më pas ka fjetur gjumë dhe një ditë më pas ka luajtur me playstation fillimisht, me një kushëri të tij…”  /albeu.com/

The post Paralajmërimi i nënës që do t’i shpëtonte jetën 32-vjeçarit: Është pritë o bir, ai paguhet 3 mijë euro! appeared first on Albeu.com.