Akuzat ndaj të dyshuarit kanë ardhur prej kallëzimit të një shtetases L.H, ku kjo e fundit pretendon se punonjësi i policisë e ka shantazhuar për të kryer marrëdhënie seksuale

Njoftimi i plotë:

“Agjencia e Mbikëqyrjes Policore (Rajoni Kukës – Dibër) ka ndaluar punonjësin e policisë Inspektor J.U., me detyrë në kohën e kryerjes së veprës penale Nd/Specialist i Patrullës së Përgjithshme në Komisariatin e Policisë Dibër dhe aktualisht me detyrë Nd/Specialist në Seksionin për Mbështetjen Operacionale të Hetimit në DVP Dibër, i dyshuar për kryerjen e veprave penale “Marrëdhënie seksuale me dhunë me të rritura” dhe “Shpërdorim i detyrës”, parashikuar në nenet 102 dhe 248 të Kodit Penal.

Në vijim të veprimeve hetimore në lidhje me ngjarjen e datës 17.11.2025, ku pas kallëzimit të shtetases L.H., e cila ka ngritur pretendimin se punonjësi i policisë nëpërmjet shantazhit dhe kërcënimit ka kryer marrëdhënie seksuale me dhunë, AMP ka dërguar materialet proceduriale shtesë edhe për shtetasen M.U., e dyshuar për veprën penale “Kanosja për të mos kallëzuar” parashikuar në nenin 311 të Kodit Penal dhe shtetasin A.K., i dyshuar për veprën penale “Përkrahja e autorit në krim” parashikuar në nenin 302 të Kodit Penal.

Pas hetimeve me metoda speciale hetimi, u konstatua se punonjësi i policisë gjatë kësaj kohe ishte larguar në Republikën e Kosovës dhe ditën e sotme u bë i mundur ndalimi i tij nga agjentët e AMP në momentin e hyrjes në territorin e Republikës së Shqipërisë”, thuhet në njoftimin e AMP-së.

The post I dyshuar për shpërdorim detyre, arrestohet efektivi i policisë në Dibër appeared first on Albeu.com.

“Drejtori i Drejtorisë Vendore të Policisë Durrës, në zbatim të pikës 8 të nenit 222 të Rregullores së Policisë së Shtetit, ka pezulluar menjëherë nga detyra, punonjësin e Policisë Nënkomisar E. Ç., me detyrë oficer në Komisariatin e Policisë Shijak. Gjithashtu, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor ndaj tij, për shkelje të pikës 1 të nenit 209 të Rregullores së Policisë së Shtetit “Nuk përmbush apo dështon në përmbushjen e detyrave dhe përgjegjësive të cilat kanë shkaktuar pasoja të rënda në kryerjen e detyrave”. Ndërkohë, Agjencia e Mbikëqyrjes Policore ka nisur hetimin penal ndaj punonjësit të Policisë. Policia e Shtetit falënderon mediat dhe qytetarët që denoncojnë rastet e abuzimit me detyrën, nga punonjësit e Policisë, dhe i fton sërish ata, që të denoncojnë çdo rast të tillë, duke iu garantuar reagim të menjëhershëm e të paanshëm”, njofton policia.

Emisioni Fiks Fare, solli dje rastin e një punëtori të kompanisë Ital Construzione, i cili është dëmtuar në punë dhe firma kërkon të fshehu ngjarjen.

Jurgen Lekli, tregoi për gazetarët e Fiksit se është dëmtuar në punë dhe firma nuk është përgjigjur për asgjë, madje ata po kërkojnë të fshehin ngjarjen.

“Unë u dëmtova në këmbë, bërë 3 ndërhyrje te Spitali Ushtarak dhe firma nuk u përgjigj për asgjë. Në fillim më thanë shko në privat dhe mos deklaro dhe të të japim ne paratë, por kur nuk dhanë asgjë shkova në shtet dhe më vonë ju drejtova edhe policisë, por kuptoj se Oficeri i Policisë Gjyqësore po mban anën e tyre dhe kështu ata po dalin të pafajshëm, dhe mua nuk më kanë dhënë asgjë”, thotë Jurgeni i cili prej muajsh tani lëviz me patericë.

Fiksi solli takimin e të dëmtuarit me drejtorin e Inspektoriatit të Punës Durrës. Ky i fundit pranon se u lajmërua me vonesë për rastin dhe ka marrë dy masa administrative për kompaninë.

Ndërkohë, kërkon nga djali që t’i tregojnë raste të tjera aksidentesh në atë firmë në mënyrë që të rikontrollojnë.

Ndërsa inspektoriati i punës thotë se e ka bërë detyrën atëherë, djali takon dhe oficerin e policisë gjyqësore tek i cili janë bërë deklarimet.

OPGJ-ja i kërkon të dëmtuarit që bashkë me të të shkojnë tek kompania meqë drejtuesit e kësaj të fundit duan ta takojnë, por Jurgeni nuk pranon.

Fiksi solli takimin mes pronarëve të kompanisë të dëmtuarve dhe Oficerit të Policisë Gjyqësore, i cili e organizon takimin në një lokal afër komisariatit Shijak. “Edhe për mua është më mirë në një ambient asnjëanës”, dëgjohet t’i thojë ai të dëmtuarit në telefon kur lënë takimin.

Në bisedën e tyre, punonjësi i policisë i cili ka në dorë një kallëzim për kompaninën bën ndërmjetësin, duke i kërkuar të dëmtuarit që ta mbylli këtë gjë. Madje i thotë të aksidentuarit që të marrë paratë e ta mbyllin si çështje.

OPGJ-ja shprehet se ai ka ardhur vetëm si ndërmjetës në takimin që ai vetë organizoi në lokal, për hatër të të dyja palëve që të mund të gjenin një dakordësi. Problem tjetër që del në denoncimin e Fiksit, është se punonjësit nuk deklarohen me rrogën që marrin, por me një rrogë më të ulët dhe pjesën tjetër e marrin në dorë, në të zezë.

Edhe firma këtë do të shfrytëzojë duke e dëmshpërblyer të dëmtuarin me rrogë që deklarohet dhe jo me pagën që ai merrte në total.

Për këtë gjë djemtë vunë në dijeni edhe drejtorin e inspektoriatit të punës, i cili u kërkoi një ankesë me shkrim, emra dhe data kur bëhej shpërndarja e parave në dorë dhe emrat e të gjithë të dëmtuarve në punë, të cilët firma nuk i ka deklaruar si të tillë.

The post Hiq kallëzimin, merr lekët/ Pas denoncimit pezullohet efektivi i policisë në Shijak, nis edhe hetim disiplinor (EMRI) appeared first on Albeu.com.

Efektivi i policisë gjatë konfliktit ka qenë jashtë orarit të shërbimit, ndërsa gjatë sherrit, dyshohet se arma e shërbimit e punonjësit të Policisë është shkrepur në mënyrë të pavullnetshme, por pa shkaktuar dëmtime.

The post Goditi me sende të forta efektivin e policisë në Shkodër, vetëdorëzohet autori appeared first on Albeu.com.

Ngjarja ndodhi në afërsi të banesës së tij në zonën e Zdrales. Okaj ndodhet jashtë rrezikut për jetën. Pasi ka marrë mjekim në kokë në spitalin e Shkodrës është larguar ndërsa po jep dëshminë e tij për policinë. Okaj ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit.

Policia është duke hetuar ndërsa efektivët kanë sekuestruar kamerat e sigurisë në zonën përreth. Janë ende të paqarta arsyet e kësaj ngjarje.

The post Shkodër/ Goditet me sende të forta efektivi i policisë appeared first on Albeu.com.

Droga u zbulua gjatë kontrollit me rrezes X dhe qenve nuhatës të policisë turke. Më pas, u krye kontrolli i imtësishëm i të gjithë pasagjerëve në avion. Në pranga u vunë Florenc Bicerri, punonjës i policisë rrugore të Tiranës dhe Kujtim Çeliku, një tjetër shqiptar me precedent në vjedhje në Shqipëri. Bicerri ishte larguar më datën 5 tetor dhe nuk ishte paraqitur në punë pas përfundimit të pushimit, ndaj dhe kishte nisur një hetim disiplinor ndaj tij. Pas arrestimit të tij në Turqi, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.

Ndërkohë që hetimet vazhdojnë për të zbuluar të implikuar të tjerë në grupin e trafikut të drogës. Përveç Bicerrit dhe Çelikut, është vendosur në pranga dhe Adrian Qirici, por edhe një person tjetër i huaj.

The post Efektivi i policisë kaloi lëndën narkotike në Rinas, Rrezet X e “skanuan” Turqi, çfarë dyshon policia appeared first on Albeu.com.

Dy persona janë konfliktuar me sende të forta ndaj shtetasit M.M punonjës policie.

Polici po hynte në shtëpinë e  tij në momentin kur dy personat e kanë goditur duke i shkaktuar dëme fizike.

Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.

Grupi hetimor po vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.

Njoftimi i policisë

Rreth orës 13.35, në lagjen Kamen, Peshkopi, shtetasit D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K(punonjës policie me detyrë Specialist Zone) i cili ka qenë duke hyrë në portën e banesës së tij.

Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.

Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt./albeu.com

The post Po hynte në shtëpi, dy persona sulmojnë policin në Dibër, efektivi kundërpërgjigjet me armë appeared first on Albeu.com.

Ish-efektivi i RENEA-s, Remal Rada, u kap jë ditë më parë me snajper në makinë ndërsa udhëtonte së bashku me shokun e tij.

Njoftimi i plotë:

Vijon operacioni policor i koduar “Double strike”, nga Komisariati i Policisë Nr. 1.

Gjenden dhe sekuestrohen në banesën e marrë me qira nga njëri prej shtetasve të arrestuar ditën e djeshme, 1 armë zjarri pistoletë, municion luftarak, targa shqiptare dhe të huaja, 4 thika, 13 pajisje fiksuese si ato të armëve, shenjestër optike, 15 aparate celulare, 2 radio si ato të Policisë dhe pajisje të tjera që përdoren nga Policia.

Ditën e djeshme u sekuestruan 1 armë zjarri snajper, 1 armë zjarri pistoletë, një karikator arme automatike, 2 krehra pistolete, një sasi municioni luftarak, dy palë dylbi nate terminale dhe një dokument policie.

Shërbimet e Komisariatit të Policisë Nr. 1, në vijim të operacionin policor të koduar “Double strike”, në kuadër të të cilit u arrestuan në flagrancë shtetasit R. R., 39 vjeç dhe E. H., 28 vjeç, në vijim të veprimeve hetimore për dokumentimin e veprimtarisë kriminale të këtyre shtetaseve, kanë zbuluar një banesë të marrë me qira nga shtetasi R. R.

Gjatë kontrollit në këtë banesë, në zonën e quajtur “Selitë e Vjetër”, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 13 pajisje të ndryshme fiksuese dhe shtrënguese si ato të armëve, municion luftarak, këllëf pistolete, 2 radio Policie, një aparaturë valësh, dy elektrikë dore, njëri prej tyre me mbishkrimin “Policia”, 4 thika, targa shqiptare dhe të huaja, jelek multifunksional me mbishkrimin “RENEA”, shënjestër optike, 15 aparate celulare dhe sende të tjera.

Vijon puna për dokumentimin e plotë të kësaj veprimtarie kriminale.

Materialet shtesë i kaluan Prokurorisë, për veprime të mëtejshme procedurale, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa leje e armëve të ftohta” dhe “Mbajtja pa të drejtë e uniformës”./albeu.com

The post Ish-efektivi i RENEA-s u kap me snajper në makinë, dalin pamjet: Çfarë gjeti policia në banesën e tij appeared first on Albeu.com.

Një 39-vjeçar është vënë në pranga nga policia e Dibrës, pasi ka goditur një efektiv policie për shkak të detyrës.

Raportohet se ngjarja ka ndodhur në pikën e kalimit kufitar të Bllatës, dhe i arrestuari është Almir Velinov.

Shërbimet e policisë së Drejtorisë Vendore të Policisë Dibër, ndaluan shtetasin A. V., 39 vjeç, banues në fshatin Kllobçisht, Dibër, i shpallur në kërkim për veprën penale “Goditje për shkak të detyrës”.

Ndalimi i tij u bë pasi në bashkëpunim me një shtetas tjetër, ka goditur për shkak të detyrës, një punonjës policie të Pikës së Kalimit Kufitar Bllatë, gjatë kohës që ky i fundit ka qenë i angazhuar për kontrollin e territorit, në kuadër të parandalimit dhe goditjes së veprimtarisë kriminale të kultivimit të bimëve narkotike./albeu.com

The post Dy persona dhunuan efektivin e policisë në pikën kufitare të Bllatës, arrestohet një 39-vjeçar (EMRI) appeared first on Albeu.com.

Një efektiv policie qëlloi me armë zjarri kolegun e tij, i cili ndërroi jetë disa minuta më vonë në spital.

Autori 25-vjeçar Ludian Zaimi qëlloi 7 herë mbi Çaush Saliasin 55-vjeç, duke prentenduar se ky i fundit e kishte ngacmuar me fjalë.

Zaimi menjëherë është arrestuar, teksa pritet vendimi që do të merret për të, teksa kishte vetëm një vit e gjysëm që ishte pjesë e uniformave blu.

Albeu.com ka arritur të sigurojë foton e autorit. /albeu.com

The post Ky është efektivi i policisë që “shkarkoi karikatorin” mbi kolegun e tij në Komisariat (FOTO LAJM) appeared first on Albeu.com.

Mësohet se sherri mes 25-vjeçarit Ludian Zaimi gjithashtu efektiv policie dhe 55-vjeçarit ka nisur për aryse banale të cilat kanë kulmuar rreth orës 21:00, kur edhe u raportua ngjarja.

Ngjarja ka ndodhur gjatë zhvillimit të instruktazhi të patrullës të përgjithshme.

Njoftimi i policisë:

Tiranë/Informacion paraprak

Më datë 23.05.2022, rreth orës 21:20, në rrugën “Mine Peza”, në ambientet e Komisariatit të Policisë Nr. 3, në rrethana ende të paqarta, punonjësi i Policisë, shtetasi L.Z., ka plagosur me armë zjarri shtetasin Ç.S., të dy me detyrë oficerë të Patrullës së Përgjithshme.

Si pasojë e plagëve të marra,  punonjësi i Policisë Ç.S. ka ndërruar jetë në spital.

Grupi hetimor nën drejtimin e Agjencisë së Mbikëqyrjes Policore (AMP) dhe Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes.

Autori i dyshuar është ndaluar dhe po kryhen të gjitha veprimet hetimore për zbardhjen e rrethanave të ngjarjes.

Në ambientet e Komisariatit nr. 3 kanë shkuar një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.

Në përfundim të veprimeve të para hetimore do të ketë një njoftim më të plotë për media./albeu.com

The post Efektivi 25-vjeçar vrau kolegun, si nisi sherri brenda në Komisariat? (VIDEO) appeared first on Albeu.com.