Bëhet me dije se në dëshminë e tij, Bilal Hasa, pohonte se ambienti në fjalë përdorej nga vëllai i tij, Romario Hasa, i cili është shpallur në kërkim.

“Magazinat i administronte vëllai im, Romario”, mësohet të jetë shprehur Hasa, variant që e konfirmoi dhe babai i tij, i cili tha se kontratën e përdorimit e kishte djali tjetër.

Gjithashtu, Hasa paraqiti këtë kontratë që rezultonte në emër të Romario Hasës. Ndërkohë gjatë qëndrimit në polici Bilal Hasa dhe i ati u përgjuan ku i referohej të vëllait, duke thënë: “na shkatërroi!”.

Kujtojmë se pas dëshmisë së dhënë në polici dhe hetimeve, Bilal Hasa është liruar nga paraburgimi. Sakaq, Policia arrestoi edhe faturistin e OSHEE, Erion Dekovelli, i cili akuzohet se nuk informoi për energjinë e konsumuar.

Ky i fundit ka deklaruar se kontratat i ka lidhur me Romario Hasën. Sakaq, u shpallën në kërkim dhe dy zyrtarë të OSHEE në Peqin, Ervis Maçi dhe Denis Elezi.

The post Magazina me lëndë narkotike, zbardhet dëshmia e drejtorit të burgut të Rrogozhinës: Prona menaxhohej nga vëllai im appeared first on Albeu.com.

Panorama.al, ka zbardhur komuniket e kryera nga oficeri i Anti-Terrorit, Igli Haxhiaj, nëpërmjet aplikacionit të koduar SkyECC, ku dyshohet se flet me trafikantë, sipas dosjes së SPAK, për blerje, shitje dhe transportim të lëndëve narkotike.

“O boso, ca o kjo me, e bukur duket”, i drejtohet ia bashkëbiseduesit, ndërsa ky i fundit i përgjigjet, “Mall”.

Më pas flasin për çmimin, ku oficeri i arrestuar shprehet: “37 po deshe…”, ndërsa anëtari i grupit shprehet “jo vlla me 37 e marrim”.

Pjesë nga dosja:

Bisedë e datës 22.10.2020 midis kodit pin HY67U7 në përdorim të shtetasit Igli Haxhiaj dhe kodin pin CXQD1I.

Përdoruesi i kodit pin CXQD1I dërgon fotot si më poshtë:

I.Haxhiaj: o boso, ca o kjo me, e bukur duket

CXQD1I: mall ketu 38….

I.Haxhiaj: A eshte i mire me 37 po deshe…

CXQD1I: jo vlla me 37 e marrim… Se po mori dhe ky niku…i them dy copa

Igli Haxhiaj: Merri nja 2 grame, po pres dhe kete me 37, tja blej ta provoj se mund te me duhen 2.

CXQD1I : Ne dures jane keto se ka tre lloj stampash

I.Haxhiaj: a jane gje ? i ke provuar ti…mi co pak qe ti bej save … A e ke provu ti

CXQD1I: Jam ne timon, ti coj me vone pa merak, jo un se kam provu po me than eshte i mire.

I.Haxhiaj: merri dy gram ta provoj.

The post Zbardhen pazaret e oficerit të Anti-terrorit me trafikantin: O boso, ca o kjo me, e bukur duket, a janë gjë, i ke provu ti? “Mall”, më thanë është i mirë… appeared first on Albeu.com.

Forcat shqiptare të rendit, në bashkëpunim me kolegët e tyre nga Belgjika, Franca, Gjermania, Italia dhe Holanda, kryen këtë goditje të mbështetur nga Europol ndaj një rrjeti kriminal të bazuar në klan.

Hetimet kanë treguar se rrjeti kishte lidhje me organizata të tjera ndërkombëtare kriminale me rrezik të lartë, të përfshira në aktivitete të shumta kriminale në të gjithë BE-në dhe më gjerë.

Pas arrestimit të një anëtari kyç të organizatës nga autoritetet shqiptare në fund të qershorit 2025, Ervis Çela, bastisjet çuan gjithashtu në sekuestrimin e pasurive të konsiderueshme, përfshirë një hotel, prona të ndryshme dhe biznese, si dhe prova të shumta fizike dhe digjitale.

Rezultatet e bastisjeve (15 urdhër-kontrolle):

Sekuestrimi i pasurive të paluajtshme, si një resort turistik, vila, apartamente, parcela toke, si dhe automjete dhe aksione në kompani, me vlerë prej disa miliona euro

Sekuestrimi i shumave në para: 111,800 euro, 4,000 dollarë amerikanë (rreth 3,434 euro), dhe 880,000 lekë shqiptarë (rreth 9,048 euro)

Platforma e komunikimit të enkriptuar Sky EÇ vijon të japë rezultate që nga viti 2021.

Megjithëse platforma e komunikimit të enkriptuar Sky EÇ u çmontua mbi katër vite më parë, përmbajtja e saj vazhdon të sjellë rezultate operacionale.

Analiza e thelluar dhe e synuar e të dhënave nga Europol i mundëson autoriteteve të rendit të mbledhin informacion të vlefshëm për grupet kriminale të organizuara me rrezik të lartë dhe anëtarët e tyre.

Kjo qasje e koordinuar ndihmon hetuesit të hartojnë strukturën e rrjeteve kriminale dhe rolin e individëve të shpallur si objektiva me vlerë të lartë (High Value Targets).

Ky operacion i veçantë i udhëhequr nga SPAK-u shqiptar ishte përqendruar tek një objektiv shqiptar i nivelit të lartë, i përfshirë në trafik kokaine dhe pastrim parash. Hetues nga Shqipëria, Belgjika, Franca dhe Holanda, së bashku me ekspertë të Europol-it, analizuan të dhënat e komunikimeve të enkriptuara nga Sky EÇ.

Ndër episodet kriminale të rindërtuara ishin dërgesa shumëtonëshe kokaine të trafikuara nga Amerika Latine në portet kryesore të BE-së, përfshirë Hamburgun dhe Roterdamin.

Hetimet treguan se vetëm nga një prej këtyre ngarkesave, objektivi kryesor kishte përfituar mbi 40 milionë dollarë.

Udhëheqësi i organizatës kriminale ishte përgjegjës për organizimin e dërgesave dhe investimin në sasi shumë të mëdha kokaine.

Ai koordinonte këto veprimtari kriminale nga vende të largëta duke u mbështetur në mjete të enkriptuara komunikimi.

Ervis Çela Para arrestimit, ai ishte në kërkim sipas një vendimi të gjykatës shqiptare që njihte një dënim me 21 vite burg të dhënë nga një gjykatë italiane për vrasje, privim lirie, përpjekje për fshehje kufome, kërcënime, posedim të paligjshëm të lëndëve shpërthyese dhe municioneve, si dhe pengim të drejtësisë.

Rrjeti kriminal shqiptar nën hetim operonte në një shkallë tërësisht globale, duke bashkëpunuar me grupe të tjera që mundësonin transportet drejt porteve të BE-së.

Fitimet masive, që arrinin dhjetëra miliona euro, investoheshin në prona dhe biznese në Shqipëri dhe vende të tjera evropiane.

Ekspertiza e Europol-it në veprim

Europol ofroi ekspertizë të gjerë mbi fushat kriminale nën hetim, duke mbuluar struktura të krimit të organizuar, trafik droge në shkallë të gjerë dhe pastrim parash.

Bazuar në analizën e të dhënave të mëdha, Europol shpërndau raporte inteligjente dhe analitike për partnerët bashkëpunues, të cilët u takuan dhe shkëmbyen informacione në disa takime operative.

Gjatë ditës së operacionit, Europol dërgoi një ekspert për krimin e organizuar në Tiranë, Shqipëri, i cili mbështeti me një zyrë lëvizëse dhe lehtësoi bashkëpunimin ndërkombëtar të zbatimit të ligjit.

Shqipëri: Prokuroria e Posaçme kundër Korrupsionit dhe Krimit të Organizuar (SPAK); Byroja Kombëtare e Hetimit; Policia e Shtetit

Belgjikë: Policia Federale Gjyqësore

Gjermani: Zyra Federale e Policisë Kriminale; Zyra Shtetërore e Policisë Kriminale Baden-Ëürttemberg (Karlsruhe)

Itali: Policia e Shtetit; Shërbimi për Bashkëpunim Ndërkombëtar Policor (SCIP)

Platforma Evropiane Shumëdisiplinore Kundër Kërcënimeve Kriminale (EMPACT) trajton kërcënimet më të rëndësishme që paraqet krimi i organizuar dhe i rëndë ndërkombëtar që prek BE-në.

EMPACT forcon inteligjencën, bashkëpunimin strategjik dhe operativ ndërmjet autoriteteve kombëtare, institucioneve dhe organeve të BE-së, si dhe partnerëve ndërkombëtarë. EMPACT funksionon në cikle katërvjeçare me fokus tek prioritetet kriminale të përbashkëta të BE-së.

The post Goditja e rrjetit të kokainës/ Europol: Koka e grupit Ervis Çela, i dënuar me 21 vite për vra*je në Itali appeared first on Albeu.com.

Mail Online zbuloi se këngëtari 30-vjeçar i bëri rrëfimet në intervistën e tij në serialin dokumentar, “Justin Bieber: Seasons”, ku tregoi për kohën kur vendosi të pastrohej.
Sipas Bieber, ai ndiente sikur po vdiste.
“Ekipi im i sigurisë vinte në dhomën time natën për të kontrolluar pulsin tim,” tha ai, duke shtuar, “Njerëzit nuk e kuptojnë se sa keq ishte, ishte sinqerisht e tmerrshme.”

Këngëtari tha se abuzimi i tij me substancat doli aq jashtë kontrollit saqë iu desh ta ndryshonte plotësisht jetën e tij për të mbijetuar.

Gruaja e tij Hailey Baldwin Bieber iu bashkua këngëtarit dhe tregoi takimin e tyre dhe vendimin e tij për të lënë drogën.

“Justin dhe unë nuk ishim të përfshirë në jetën e njëri-tjetrit derisa ai mori vendimin të pastrohej dhe u përpoq ta linte drogën vetë”, -tha Hailey.

The post Justin Bieber rrëfen betejen me varësinë nga droga: Më kontrollonin natën pulsin… appeared first on Albeu.com.

54-vjeçari me origjinë nga Patosi rezulton të jetë arrestuar në shtator 2009 në Fatih të Stambollit me 10 kg heroinë dhe 3 kg marijuanë.

Kur u arrestua, ai kishte 3 muaj që ishte liruar nga burgu ku mbahej për shitje droge. Muharemi përdorte si vend magazinimi të drogës, banesën e shtetases M.Z në Fatih.

Heroina e kapur gjatë operacionit që çoi në arrestimin e 7 personave përfshirë një grua, ishte destinuar për në Shqipëri, sipas medias së huaj.

Por trafiku me Turqinë nuk ishte ndalur nga Muharremi, pasi edhe në 2009 kunati i tij ishte arrestuar me 22 kg heroinë në tentativë për t’i trafikuar në Greqi.

Jasona Mërkuri alias Andrea Mërkuri alias Azdren Muharremi, rezultonte në kërkim në Greqi, i dënuar me 20 vjet burg si kreu i një grupi kriminal të cilit në 2017 iu kapën 634 mijë e 246 tableta droge “Captagon”, e njohur si “Droga e Xhihadistëve”./albeu.com

The post FOTO/ U kap me 210 kg kokainë në Portin e Pireut, kush është koka e trafikut të drogës me origjinë nga Patosi appeared first on Albeu.com.

Banda e përbërë nga 10 persona është dënuar në total me 70 vjet burg.Operacioni është zhvilluar në mars të vitit të kaluar në Derbyshire, ndërsa autoritetet thonë se personat e arrestuar shpërndanin kokainë në Swadlincote, North-West Leicestershire dhe East Staffordshire dhe duke fituar qindra mijëra paund.

Grupi kriminal drejtohej nga vëllezërit Edmond dhe Eduard Haziri, të cilët bënin një jetë luksoze me të ardhurat e trafikut të drogës.

Policia britanike ka publikuar edhe pamjet e operacionit, ku janë vënë në pranga dy vëllezërit, pro edhe personat e tjerë të përfshirë në këtë rrjet.

Anëtarët e bandës u akuzuan për furnizim kokaine dhe të gjithë u dënuan në Gjykatën Derby Crown për sa vijon:

Edmund Haziri, 36 vjeç, pa adresë fikse – i dënuar me 15 vjet burg.

Edward Haziri, 34 vjeç, nga Shardeloes Road, Lewisham, Londër – i burgosur me 15 vjet e gjashtë muaj.

Grazmend Hoxha, 47 vjeç, nga Denis Close, Leicester – i dënuar me 11 vjet burg.

Alban Krasniqi, 34 vjeç, nga Blackheath Hill, Londër – i dënuar me nëntë vjet burg.

Samuel Stoica, 25 vjeç, nga Burton Crescent, Wolverhampton – i burgosur për tetë vjet e tre muaj.

Simion Stoica, 22 vjeç, nga Jeremiah Road, Wolverhampton – burgosur për tre vjet e gjashtë muaj.

Kristi Prifti, 23 vjeç, pa adresë fikse – i dënuar me katër vjet burg.

Joshua Garrigan, 32 vjeç, nga Charnborough Road, Coalville – burgosur për dy vjet e tetë muaj.

Razvan Manoliu, 27 vjeç, nga Village Meës, Burton-upon-Trent – ​​burgosur për dy vjet e tetë muaj.

Daniel Stavrat, 29 vjeç, pa adresë fikse – do të dënohet muajin e ardhshëm.

The post Dënohet me 70 vite burg banda e drogës në Britani, kush janë dy vëllezërit shqiptarë “kokat” e grupit (EMRAT) appeared first on Albeu.com.

Në emisionin “Opinion”, Lala tha se fillimisht plani ka qenë për grabitje me forcë të kokainës, por më pas është diskutuar që droga të vjedhet duke e zëvendësuar atë me një lëndë të ngjashme me kokainën.

Për këtë çështje, thotë Lala, SPAK ka nisur verifikimet dhe po analizon të gjitha pakot e kokainës për të zbuluar nëse ka patur apo zëvendësim të drogës.

“Një individ i lartë i botës së krimit është shprehur në aplikacionin  SKY  që të godisnin drogën e sekuestruar nga policia, për 613 kg kokainë që iu sekuestruan Arbër Çekajt. Qëllimi ishte për ta vjedhur. Për drogën e sekuestruar bëhen e analizat dhe vërtetohet që është e gjitha drogë. Dyshimet janë që ky grup kriminal e ka patur të pamundur të qëllosh me armë laboratorin shkencorë të policisë dhe ka zgjedhur një mënyrë tjetër për ta marrë drogën, duke e zëvendësuar më një lëndë tjetër të ngjashme me drogën. SPAK po e verifikon këtë. Po bëhen analiza për të parë nëse dorga e sekuestruar është kokainë apo është zëvendësuar. Bëhet fjalë për periudhën 2019-2021. SPAK ka refuzuar të kthej përgjigje për këtë edhe pse i kemi kërkuar informacion për këtë. Policia ka konfirmuar se ka një urdhër që të merren kampione për të parë nëse droga nuk është zëvendësuar. Në atë kohë drejtor i Policisë së Shtetit ka qenë Ardi Veliu, ndërsa aktualisht është drejtori i strukturës që heton policët. Pra, i bi që të hetojë veten. Por duhet thënë që SPAK po kryen prova për secilën pako”,-tha Lala.

The post “SPAK ka nisur verifikimet”, gazetarja plas “bombën”: Një bos i madh dha urdhër të grabitej një sasi e madhe droge në laboratorin e policisë appeared first on Albeu.com.

Në artikullin e radhës tabloidi i njohur britanik, i ka kushtuar një rëndësi të veçantë bashkëpunimit të mafies europiane me atë të Amerikës Latine, kryesisht kolumbiane.

Në shkrimin e “Daily Mail” theksohet se vitet e fundit droga në Europë ka tejkaluar sasinë e konfiskuar në Amerikën Latine.

“Konfiskimet e kokainës në Evropë tejkaluan ato në Amerikën e Veriut për herë të parë në vitin 2019 dhe janë rritur, me një rekord prej 303 tonësh të konfiskuar në 2021”, shkruan tabloidi britanik.

Ndërkohë “Daily Mail” thekson se një nga njerëzit më të fuqishëm të trafiku të lëndëve narkotike në Europë, ëhstë Dritan Rexhepi, i cili ka lidhje të forta me familjet mafioze kolumbiane.

“Prokurorët italianë thanë se Rexhepi kishte akses në ‘sasi të pafundme kokaine’. Raportohet se ai është arratisur në janar”, shkruan “Daily Mail”.

Kompania Bello, njihet si një rrjet organizatash kriminale të drejtuar nga ‘kapo’ Dritan Rexhepi, një shqiptar, i cili u arrestua në vitin 2020 në një bastisje të koordinuar në Evropë dhe Lindjen e Mesme.

Kinahanët, bashkëpunëtorët e njohur të familjes Camorra dhe një konsorcium i udhëhequr nga shqiptarët besohet të jenë midis njëzet grupeve kriminale evropiane të përfshira në operacionin e kontrabandës.

Kokaina e ka origjinën nga klani i frikshëm i Gjirit Kolumbian, ose Clan del Golfo.

Klani ka një reputacion të frikshëm për dhunën, ka krijuar lidhje ndërkombëtare me grupe të tjera kriminale, përfshirë mafien shqiptare, dhe mendohet se furnizon deri në 70 për qind të kokainës në botë.

“Klani del Golfo është aq i fuqishëm, saqë qeveria amerikane e ka caktuar atë si një nga 5 grupet më të sofostikuara të krimit të organizuar transnacional në botë, pavarësisht se lideri i saj i njohur si ‘Otoniel’ është dënuar me 45 vjet burg në SHBA”, shkruan Daily Mail.

The post “Kapo Dritan Rexhepi”, mediat britanike zbulojnë lidhjet e mafies shqiptare me klanin më të rrezikshëm të drogës në botë appeared first on Albeu.com.

“Një fëmijë që fle rritet, një shtet që fle vdes”, kjo është një nga frazat që ka ngelur në mendjen e çdo shqiptari që ka parë filmin “Nëntori i Dytë”, ku aktori i madh Sandër Prosi interpreton rolin e “Babait të Pavarësisë”, Ismail Qemali.

Por me ndryshimin e kohërave mesa duket ka ardhur momenti të ndryshohen edhe frazat.

Ndërsa dikur një fëmijë etiketohej rrugaç, se linte një orë mësimi apo se pinte një cigare (duhan burrash) fshehurazi prindit, sot këto janë krejt normale, madje në shoqërinë e sotme cilësohen trendy.

Fjalori banal, tymi i cigares, hashashit, kanabisi, apo dhe drogërat e fundit siç janë ato me anë të tollumbaces me azot, sot kërcënojnë frikshëm deri në shkatërrim jetën e çdo fëmije në Shqipëri.

As më pak e as më shumë, por vajza adoleshente të moshave 14-15-vjeç ishin kryefjala e rrjeteve sociale gjatë ditës së sotme, pasi ato u filmuan duke i kaluar njëra-tjetrës tollumbacen me azot.

Video me momente rrëqethëse, kur një nga vajzat plaset në tokë si top llastiku, pasi nuk përballoi sasinë e drogës që kishte futur në trup.

E ajo që e bën edhe më alarmante situatën, është se sot droga nuk konsumohet në fshehurazi prindit, apo cepave të pallatit, por pranë institucioneve arsimore, aty ku prindërit dërgojnë fëmijët e tyre të marrin dije.

I kujt është faji?

Shpesh jemi mësuar dhe kemi dëgjuar se faji është gjithmonë jetim, por jo në këtë rast. Këtë herë faji është i të gjithëve, i prindit në radhë të parë, që para edukimit të fëmijës ka vënë paratë, karrierën, rehatinë.

Është faji i sistemit arsimor, ku mësuesi nënvlerësohet aq sa në degët e mësuesisë përfundojnë ata që edhe pesën e kanë marrë me mik.

E ka fajin shoqëria që shembull sot ka të fortin, harbutin, trafikantin, e që intelektualin e tall dhe e bullizon çdo ditë.

E ka fajin politika, ku të fortët e të pashkollët miratojnë ligje për akademikët e doktorantët.

E ka fajin media, ku imazh ka shalët dhe jo mendjen, ku gjoksi vlen më shumë se pena, e ku silikoni vlerësohet më shumë se gërma.

E ka fajin edhe komshia/u, që hesht ose kënaqet kur shohin fëmijën e tjetrit që në vend të librave në çantën e shkollës ka hashash, e në vend të stilolapsit mbajnë thika e pistoleta.

E nëse Sandër Prosi sot do të ishte gjallë, mbase në rolin e radhës do të thoshte: “Një fëmjë që drogohet, do të degradojë të ardhmen e shoqërisë”.

Por ajo që e bën edhe më lebetitëse situatën është se të gjithë flasin, japin mend e zgjidhje në media e kudo, por askush nuk vepron.

The post Vendi me “sy të mbyllur”/ Nesër është vonë… appeared first on Albeu.com.

Ai tha se të rinjve u rrezikohet një e ardhme e mirë nëse nuk ndërhyet sot.

“Policia po e bazon veprimin e vet në mungesë të legjislacionit që do e sjellin shumë shpejt në Kuvend për ta klasifikuar këtë formë të oksidit të azotit në një lëndë të palejuar, edhe pse ligji e ka lejuar. Ka hyrë në Shqipëri duke paguar edhe doganën. Duhet vendosur nën kontrollin e shtetit për mënyrën e përdorimit të saj, Është përdorur në klinika dentare për fëmijët e vegjël për të bërë ndërhyrje.

Ta çojmë të gjithë së bashku këtë paketë të sigurisë në shkolla. Kërkoj mbështetjen e Kuvendit për paketën e sigurisë në shkolla. Mendoj se të rinjve shqiptar i rrezikohet një e ardhme më e mirë nëse nuk ndërhyjmë sot me forcë kundër lëndëve narkotike.

Besoj se deputetët e kuvendit do t’i mbështesin ndryshimet që ne duam për të garantuar që çdo keqbërës që i afrohet shkollave të marrë ndëshkim shumë më të ashpër”, tha Balla.

The post Balla thirrje opozitës: Të rinjve u rrezikohet e ardhmja e mirë nga droga, votoni paketën e sigurisë në shkolla appeared first on Albeu.com.