Para gazetarëve ai nuk ka pranuar të bëjë asnjë koment lidhur me marrjen në pyetje.

Duçka është  një personazh i njohur dhe shumë i lakuar vitin e fundit për shkak të dosjes “McGonigal”.

Në dosjen e ish-shefit të kundërzbulimit të FBI-së për Nju Jorkun, Dorian Duçka ishte prezantuar si këshilltari jozyrtar i kryeministrit Edi Rama.

Në muajin shtator të këtij viti, McGonigal i pyetur nga gjykatësja Colleen Kollar-Kotelly nëse kishte “informuar Prokurorin e Departamentit të Drejtësisë për një hetim të mundshëm kriminal për një shtetas amerikan (Nick Muzin), që ishte regjistruar për të bërë lobizëm ‘për një parti që nuk ishte e kryeministrit Rama (PD e drejtuar nga Lulzim Basha), McGonigal u përgjigj “Po”.

McGonigal sipas hetimeve kishte marrë informacion për këtë lobist nga Duçka, pra këshilltari jo zyrtar i Edi Ramës. Gjithashtu McGonigal pranoi që ishte takuar disa herë me Kryeministrin Edi Rama duke filluar nga shtatori 2017, duke filluar nga takimi i parë më 9 shtator në prani të Duçkës.

Drejtësia amerikane e hetoi dosjen McGonigal, në Shqipëri opozita kishte akuza të shumta kundër Edi Ramës, dorëzoi edhe padi, por a kanë nisur hetimet? Përse u thirr Duçka? Zyrtarisht nuk dihet nëse Dorian Duçka është thirrur për këtë dosje.

The post Dorian Duçka del nga SPAK, çfarë deklaroi para gazetarëve appeared first on Albeu.com.

Kreu i Partisë Demokratike Sali Berisha deklaroi sonte në “Opinion”  se nuk e ka takuar asnjëherë Duçkën, duke e cilësuar këtë të fundit si një nga figurat më të errëta të mafies ndërkombëtare.

Berisha tha se implikimi sipas tij i Dorian Duçkës në këto procese korruptive, referuar çështjes së “McGonigal”, do të vërtetohet shumë shpejt. “Kam shumë të dhëna për të“-theksoi kryedemokrati.

Pyetje: E keni takuar ndonjëherë Dorian Duçkën?

Sali Berisha: Jo asnjëherë!

Pyetje: Ai është i afërt familjar me krerët e Partisë së Lirisë në mos gaboj, me zotin Meta në mos gaboj kushëri i parë.

Sali Berisha: Afërsia familjare është një anë…

Pyetje: Po jam dakord, nuk ka të bëjë…

Sali Berisha: Po, kam shumë të dhëna për të dhe ai përbën një figurë nga më të errëtat të mafias ndërkombëtare. Ata që qëndrojnë mbrapa tij janë grupe shumë të fuqishme që kanë synuar korruptime në nivelet më të larta të elitës perëndimore. E vërteta është se Dorian Duçka, këshilltari privat i Edi Ramës ka të dhëna të padiskutueshme që është i implikuar në këto procese dhe ato do të dalin./klan.

The post “Përbën një figurë të errët të mafies ndërkombëtare”, Berisha për Dorian Duçkën: Kam shumë të dhëna për të appeared first on Albeu.com.

Dorian Duçka prezantohe si personi “b” në dosje, një shtetas shqiptar i punësuar nga një kompani konglomerat energjie kineze qe vepronte si këshilltar informal i Kryeministrit të Shqipërisë.

Ndërsa personi “a” është Agron Neza. Personi A dhe personi B (Dorian Duçka) ishin miq dhe bashkëpunëtorë biznesi me njëri-tjetrin”, thuhet në dosjen amerikane.

Sakaq nëpërmjet një postimi në Facebook, gazetari investigative, Artan Hoxha, bën me dije se Dorian Duçka është larguar paraditen e sotme drejt Dubait, ndërsa thotë se Duçka  është larguar me çarterin special “pa pagesë” te kryeministri, Edi Rama.

“O sot, o kurre…. Koha per nje proteste te fuqishme ne mbrojtje te FBI-se dhe kunder “famozit” Dorian Duçka….
Edvin Rama, dorezo keshilltarin tend special pa pagese, njeherazi dhe kusheririn e pare te Ilir Metes…
Nderkohe po presim, qe hakerat iraniane, te na japin identitetin e pastrueses te shtepise se Dorian Duçkes

Ne foto: Dorian Duçka duke u larguar paraditen e sotme drejt Dubait, me çarterin special “pa pagese” te kryeministrit”, shkruan Hoxha në Facebook.

Kush është Dorian Duçka?

Duçka ka histori të larmishme me pushtetin. Ai u përmend orët e fundit si “këshilltari i Ramës”, por Sali Berisha, që tani e quan “supermafioz”, e ka pasur në qeverinë e përbashkët me Metën. Madje shpesh ai përmendej asokohe si mik i ngushtë i Damir Fazllic, me të cilin shihej në lokalet e natës në Tiranë.

Dorian Duçka ishte përfaqësues i LSI-së së Ilir Metës në koalicionin 2009-2013 me Sali Berishës, drejtor i Integrimit në Ministrinë e Energjetikës dhe përmendet në media edhe si “nipi” i Ilir Metës. Dorian Duçka ka qenë zëvendës ministër i Energjetikës me LSI-në edhe në periudhën 2013-2015. Ai ka patur një përvojë pune edhe me TAP-in, si Drejtor i Njësisë së Menaxhimit të Projekteve .

Ja si e përshkruante Dorianin në 2019 një prej mediave më afër Berishës, në pronësi të një gazetari që sot është zëdhënës i PD: “Kryeministri Rama ka firmosur emërimin e Xhoana Lilajt, me profesion juriste, si anëtare të Këshillit Drejtues të AKEP-it. Caktimi i saj në këtë pozitë, duket më shume si një shpërblim për kontributin qe bashkëshorti i saj, Dorian Duçka, pati në organizimin e ‘darkës së gabuar’ të kryeministrit me disa deputetë gjermanë në Berlin. Duçka, njihet po ashtu edhe për raportet e ngushta me presidentin Meta, teksa ka shërbyer edhe si ish-zv/ministër i Industrisë dhe Energjisë”.

/albeu.com/

The post Bashkëpunëtor i ish-agjentit të FBI-së? Artan Hoxha: Famozi, Dorian Duçka u ‘arratis’ në Dubai me çarterin special të Ramës appeared first on Albeu.com.

“Dua t’ju falenderoj për hapësirën që na jepni, pasi parlamentin e ka bllokuar Nikolla, si një mercenare e Ramës. 

Si deputete e thjeshtë, është e disata herë që na hiqet e drejta e fjalës. Sot do të diskutonim për gazrat që lëshohen në venddepozitime të vjetra të Sharrës. S’na u dha e drejta për të diskutuar, por as për të marr përgjigje.

Rasti i Erisa Xhixhos, një kryeparlamentare që nuk është aftë të administrojë, të largohet dhe të zgjedhin Ballën, do ishte më etike.  Tribunën e parlamentit e ka zaptuar Nikolla si mercenare e Edi Ramës. A ka mundësi ta dimë pse Rama ka kaq frikë kur eshtë i pastër. Më vjen keq për vendin tim, kam shumë dëshirë që ndërkombëtarët që na kanë treguar ligjin, a mund të na tregojnë se çfarë po ndodh me Ramën që vjedh paratë e shqiptarëve”, tha Kryemadhi.

Në lidhje me Dorian Duçkën, Kryemadhi tha se ai është një kushëri i Ilir Metës dhe për sa kohë ka qenë pjesë e LSI-së ka qenë i rregullt, kur e thirri Rama u bë një lobist i tij.

“Dorian Duçka është djali i hallës së Ilir Metës. Sa ishte në LSI ishte i rregullt. Në momentin që Edi Rama e ftoi si zyrtar edhe Duçka u bë një lobist i Ramës që bënte të gjitha porositë e tij. Kjo është një çështje që i përke drejtësisë,” shtoi ajo./Albeu.com/.

The post “Tribunën e parlamentit e ka zaptuar Nikolla si mercenare e Edi Ramës”, Kryemadhi: Duçka i rregullt kur ishte me ne appeared first on Albeu.com.