Policia sqaron se gjyqtari Astrit Kalaja, u vra rreth orës 15:35, nga Elvis Shkambi, i cili u arrestua menjëherë pas ngjarjes.

Si bashkëpunëtor i autorit është arrestuar xhaxhai i autorit, Gjon Shkambi, i cili ka qenë i pranishëm në sallën e gjyqit dhe nuk ka kryer asnjë veprim për të ndalur nipin e tij.

Gjithashtu, në pranga ka përfunduar roja i Gjykatës së Apelit, Banush Koxhaj.

Sipas policisë, kamerat e sigurisë tregojnë se 63-vjeçari nuk ka kryer kontrollin përkatës, edhe pse skaneri ka konstatuar në momentin që Elvis Shkambi hyn në gjykatë, prezencën e objekteve metalike.

Më datë 06.10.2025, rreth orës 15:38, është marrë njoftim në sallën operative të Drejtorisë Vendore të Policisë Tiranë se në ambientet e brendshme të Gjykatës së Apelit të Juridiksionit të Përgjithshëm Tiranë është qëlluar me armë zjarri gjyqtari A. K., i cili po zhvillonte seancë gjyqësore me objekt “Kundërshtimin e veprimeve përmbarimore”, me palë paditëse shtetasin R. K, i shoqëruar nga djali i tij E. K., si dhe palë të paditur përmbaruesi gjyqësor T. M., Zyra Përmbarimore Shkodër, dhe palë të treta shtetasin G. Sh, i shoqëruar nga nipi i tij E. Sh.

Menjëherë pas marrjes së njoftimit, shërbime të shumta policie kanë mbërritur në vendngjarje, duke marrë masa për shoqërimin e autorit si dhe të gjithë shtetasve të dyshuar ose që kishin dijeni për ngjarjen.

Njëkohësisht, grupi hetimor i përbërë nga oficerë të Policisë Gjyqësore dhe ekspertë kriminalistë, nën drejtimin e Prokurorisë, kanë vijuar me veprimet hetimore si këqyrja e vendit të ngjarjes, administrimi dhe këqyrja paraprake e pamjeve filmike, marrja e deklarimeve nga dëshmitarët duke bërë të mundur zbardhjen dhe dokumentimin e plotë të dinamikës së kësaj ngjarjeje, si më poshtë:

Në orën 13:42, në ambientet e sallës së pritjes për publikun të Gjykatës janë futur dhe kanë kaluar nga pajisja skaner (detektor), njëri pas tjetrit, shtetasit E. Sh. dhe G. Sh. Në ekranin e detektorit është sinjalizuar prezenca e metaleve duke ndezur dritat e kuqe, por shtetasi B. K., me detyrë punonjës sigurie pranë Gjykatës së Apelit Tiranë, ka qëndruar i ulur në karrige dhe nuk ka kryer asnjë veprim për kontrollin fizik të këtyre shtetasve apo regjistrimin e tyre në librin e protokollit, ku duhet të evidentohen të gjithë personat që hyjnë dhe dalin nga ambientet e Gjykatës.

Të dy këta shtetas, E. Sh. dhe G. Sh., qëndrojnë në hollin e pritjes së Gjykatës deri rreth orës 15:29, dhe më pas futen në ambientet e sallës së zhvillimit të seancës gjyqësore (salla nr. 3). Në orën 15:35, palët ngrihen në këmbë dhe, menjëherë pasi gjyqtari A. K. shpall vendimin, shtetasi E. Sh., që ndodhej në sallë, nxjerr nga brezi një armë zjarri pistoletë dhe qëllon disa herë në drejtim të gjyqtarit A. K., i cili, si pasojë e dëmtimeve të marra dhe pas ndihmës së parë mjekësore, ka ndërruar jetë gjatë transportit për në spital.

Njëkohësisht, pas këtij veprimi, shtetasi E. Sh. i drejton pistoletën dhe qëllon një herë në drejtim të shtetasve R. K. dhe E. K., duke i plagosur të dy, të cilët aktualisht ndodhen në spital jashtë rrezikut për jetën.

Gjithashtu, nga hetimet ka rezultuar se shtetasi G. Sh. nuk ndërmerr asnjë veprim për të ndërprerë veprimet kriminale të nipit të tij, çka krijon dyshimin e arsyeshëm se ai ka qenë në dijeni të planit për ekzekutimin e gjyqtarit të çështjes, në rolin e shtytësit dhe/ose ndihmësit.

Pas ngjarjes, shtetasi E. Sh. ka dalë nga salla dhe i ka dorëzuar armën shtetasit B. P., me detyrë nëpunës gjyqësor, për mbikëqyrjen dhe mbarëvajtjen e proceseve gjyqësore, në një tjetër sallë. Autori E. Sh., pas daljes në oborr, është neutralizuar dhe prangosur menjëherë nga punonjësit e Policisë.

Në përfundim të të gjitha veprimeve proceduriale, u bë arrestimi në flagrancë sipas veprave penale si më poshtë:

E. Sh., 30 vjeç, si i dyshuar për veprat penale të “Vrasja e funksionarëve publikë” e kryer në bashkëpunim, “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”;

G. Sh., 56-vjeç, si i dyshuar për veprat penale të “Vrasja e funksionarëve publikë” e kryer në bashkëpunim dhe “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim;

B. K., 63-vjeç, si i dyshuar për veprën penale të “Shpërdorimit të detyrës”;

Në cilësinë e provës materiale u sekuestruan një armë zjarri pistoletë me tre fishekë, e përdorur nga autori, si dhe prova të tjera materiale të gjetura gjatë këqyrjes së vendit të ngjarjes, që i shërbejnë dokumentimit të kësaj ngjarjeje.

Materialet iu referuan Prokurorisë për veprime të mëtejshme.

The post Zbardhet dinamika e vrasjes së gjyqtarit Astrit Kalaja brenda Gjykatës së Apelit/ Autori dhe xhaxhai kaluan nga… appeared first on Albeu.com.

Dy autorët e vrasjes së 34-vjeçarit, Kristian Kola, të cilët vijojnë të jenë ende në kërkim nga policia, mësohet se e kanë vëzhguar viktimën deri sa ai ka dalë nga lokali tek ish-Shtëpia e Oficerëve në Shkodër.

Burime për gazetarin Edison Vatnikaj bëjnë me dije se Kristian Kola po qëndronte brenda “Golden Palace” deri në momentin kur pranë lokalit janë afruar dy të afërm të tij për të konsumuar kafe.

Lidhur me dinamikën e vrasjes mafioze mësohet se sapo ka dalë jashtë dhe është ulur në tavolinë një person i maskuar ka zbritur dhe i është afruar duke qëlluar disa herë mbi viktimën.
Sipas policisë dyshohet se arma ishte e pajisur me selenciator. Pas krimit dy autorët janë larguar me motorr duke humbur çdo gjurmë, pasi edhe vetë zona e krimit është mjaft e madhe dhe që të lidh me shumë dalje në qytet dhe në periferi të tij.

Gjatë natës janë kryer kontrolle në disa zonë të braktisura, por nuk është arritur të zbulohet motomjeti.

Nga policia është kryer kontroll të një mjeti që ndodhej para lokalit, që rezulton të jetë në pronësi në viktimës, por që nuk ka rezultuar të jetë zbuluar ndonjë send i kundërligjshëm.

Hetimet deri më tani janë të cunguara, e po ashtu edhe motivi i krimit pasi dhe vetë viktima rezulton të mos ketë asnjë procedim.

Nga të dhënët e para, 34-vjeçari nuk rezulton person problematik dhe punonte në ndërtim bashkë me atin.

The post DINAMIKA E NGJARJES MAFIOZE/ Punonte në ndërtim – Kristian Kolën e pritën deri sa doli jashtë, njëri zbriti nga motori dhe e qëll*i viktimën me silenciator appeared first on Albeu.com.

Kuptimi i gjumit

Gjumi nuk është një gjendje uniforme, por një proces kompleks, dinamik që shpaloset në disa faza. Këto faza kategorizohen në gjumë REM (lëvizje të shpejtë të syve) dhe në gjumë jo-REM, secila e karakterizuar nga aktivitete të ndryshme të trurit. Gjumi jo-REM përbëhet nga tre faza, duke filluar nga gjumi i lehtë (faza 1) deri tek gjumi i thellë (faza 3), ndërsa gjumi REM është vendi ku ndodh shumica e ëndrrave.

Përpunimi auditor gjatë gjumit

Ndërsa ne flemë, truri ynë vazhdon të përpunojë informacionin shqisor, megjithëse në një kapacitet të ndryshëm nga ai kur jemi zgjuar. Këtu përfshihen stimujt dëgjimorë, të cilët truri i përpunon në një nivel bazë. Studimet që përdorin teknologjinë EEG (elektroencefalogram) tregojnë se truri i përgjigjet tingujve gjatë gjumit, megjithëse këto përgjigje ndryshojnë sipas fazës së gjumit.

Gjumi i lehtë (Fazat N1 dhe N2)

Gjatë fazave më të lehta të gjumit, truri është më i përgjegjshëm ndaj zhurmave të jashtme. Ky reagim ndonjëherë mund të bëjë që një person të zgjohet në përgjigje të tingujve, duke demonstruar një mekanizëm mbrojtës ose alarmues. Megjithatë, aftësia për të kuptuar dhe mbajtur me vetëdije informacion nga këto tinguj, siç është përmbajtja e një podcast, është zvogëluar ndjeshëm.

Gjumi i thellë (Faza N3)

Në gjumë të thellë, pragu i trurit për t’iu përgjigjur stimujve të jashtëm dëgjimor është më i lartë. Përpunimi i tingujve është minimal, duke u fokusuar më shumë në ruajtjen e integritetit të fazës së gjumit të thellë, e cila është thelbësore për restaurimin fizik dhe konsolidimin e kujtesës.

Gjumi REM

Gjumi REM paraqet një rast interesant ku truri është aktiv dhe ndodhin ëndrra, megjithatë përpunimi i informacionit të jashtëm dëgjimor është i kufizuar. Ndërsa truri mund të integrojë tinguj të jashtëm në ëndrra herë pas here, kuptimi i ndërgjegjshëm i këtyre tingujve, i ngjashëm me dëgjimin aktiv kur është zgjuar, ka shumë pak gjasa.

A mund të mësojmë gjatë gjumit?

Nocioni i të mësuarit të informacionit të ri, si një gjuhë e huaj, përmes ekspozimit dëgjimor gjatë gjumit ka qenë një temë magjepsëse dhe skepticizmi. Hulumtimet në këtë fushë sugjerojnë se ndërsa truri mund të njohë dhe t’i përgjigjet stimujve dëgjimor gjatë gjumit, kapaciteti për të mësuar kompleks është minimal.

Të mësuarit mund të ndodhë gjatë gjumit. Sidoqoftë, përvetësimi i informacionit kompleks dhe kuptimplotë, si fjalori ose faktet nga një podcast, kërkon vëmendje të ndërgjegjshme dhe procese kodimi që janë kryesisht joaktive gjatë gjumit.

Ndërsa truri ruan një kapacitet të jashtëzakonshëm për të përpunuar tingujt gjatë gjumit, thellësia dhe faza e gjumit ndikojnë ndjeshëm në këtë aftësi. Nocioni i të mësuarit të informacionit të ri kompleks nga ekspozimi dëgjimor gjatë gjumit mbetet më shumë mit sesa realitet, duke pasur parasysh të kuptuarit aktual shkencor.

Gjumi shërben si një periudhë që truri të pushojë, të rivendosë dhe të konsolidojë kujtimet në vend që të përfshihet në të mësuarit aktiv. Kështu, ndërsa joshja e të bërit shumë detyra përmes gjumit dhe të mësuarit është joshëse, është më e dobishme të respektojmë gjumin për atë që është.

The post A mund të mësojmë ndërsa flemë? appeared first on Albeu.com.

“Nexhat Rama ndoshta është vrarë nga pas. Autori e ka qëlluar me të paktën një plumb në kohë duke i shkaktuar vdekjen. Më pas ka vendosur trupin në makinë duke e marrë atë në fshat për t’i vënë më pas zjarrin”, kjo duket se ka qenë dinamika e vrasjes së shqiptarit nga Kosova Nexhat Rama, raportojnë mediat e huaja,.

40-vjeçari është vrarë nga një 53-vjeçar Cristiano Mossali, mekanik në zonën e Palazzolo.

Sipas hetuesve shkak i kësaj vrasjeje është bërë një borxh që viktima nuk ia kishte shlyer 53-vjeçarit, një borxh prej 50 000 euro.

Gjithashtu autoritetet kanë theksuar se kjo është një vrasje e studiuar deri në detaje, shkaku i së cilës, dyshohet të mos jetë vetëm një borxh.

Autori i vrasjes në ditën e ngjarjes u kishte thënë punonjësve që të qëndronin në shtëpi. Gjithashtu gruas dhe djalit u kishte thënë që ta mbulonin në rast se do të vinin karabinierit, për t’i thënë se kishin qenë në drekë bashkë nëse do të kërkonin informacion. Ndërsa djalit do t’i kërkonte ndihmë për të formatuar kamerat që të mos mbetej më asnjë gjurmë.

The post EMRI/ Zbardhet dinamika e shqiptarit të vrarë në Itali, autori fshehu trupin për ta djegur më vonë appeared first on Albeu.com.

Burime nga grupi hetimor bëjnë të ditur se autori Ali Zili, i ndaluar të shtunë nga policia e ka kryer vrasjen dy ditë para se të zbuloheshin trupat e viktimave nga fqinjët e tyre.

Natën e vrasjes Ali Zili, pas krimit është larguar nga fshati me një taksi në drejtim të qytetit të Korçës, duke i thënë taksistit që i ishte rrëzuar nëna.
Rrobat e gjakosura nga përleshja me dy viktimat Zili ja ka dhënë një endacaku në qytetin e Korçës. 36 vjeçari është munduar të fshehë gjurmët e krimit, duke u larguar për dy ditë nga fshati.

Të njëjtat burime pohojnë qe autori i krimit ka pasur hematoma në duar, çfarë tregon që i ka goditur edhe me grushte viktimat. Ndërkohë, në duart e njërës prej viktimave janë gjetur tufa flokësh të autorit të krimit.

Arrestimi i Ali Zilit u bë në shtëpinë e tij, në të cilën sipas vëllait të autorit, ishte kthyer rreth orës 5 të mëngjesit të së shtunës.

Për policinë lokale motivi i ngjarjes mbetet grabitja.

The post DINAMIKA/ Krimi horror në Devoll, si u mundua të fshehë krimin autori që vrau dy gratë gjatë grabitjes appeared first on Albeu.com.