Sipas Kovaçevskit, me Majerin, përveç procesit të integrimeve evropiane, është biseduar edhe për mbështetjen e SHBA-së në përmbushjen e qëllimeve tona strategjike.

“Ramë dakord që vendimet e guximshme sjellin sukses, Maqedonia e Veriut, pas anëtarësimit në NATO, duhet të bëhet edhe anëtare e BE-së, për çka vendi ynë ka mbështetje të fortë dhe konkrete nga SHBA-ja. Këtë do ta bëjmë krah për krah me partnerët tanë strategjikë SHBA-të, shtoi Kovaçevski në publikimin.

The post Kovaçevski: Kemi mbështetje të fortë dhe konkrete nga SHBA-ja për anëtarësimin e vendit në BE appeared first on Albeu.com.

Takimi i shumëpritur midis kryeministrit Dimitar Kovaçevski dhe liderit të opozitës kryetarit të VMRO-DPMNE-së Hrsistijan Mickovski për mbështetjen e ndryshimeve kushtetuese, përfundoi pa sukses.

Kreu i opozitës Hrsistijan Mickoski ritheksoi, se nuk ka shumicë parlamentare për ndryshimet kushtetuese: “Vlerësoj se takimi i liderëve i tregon qartë pozicionet se në këtë moment nuk ka shumicë për ndryshimet kushtetuesedhe duhet që sa më shpejtë të jetë e mundur të shkojmë në zgjedhje të parakohshme, që qytetarët të fitojnë një qeveri ashtu siç e meritojnë dhe jo qeveri, e cila nuk i përfaqëson interesat e tyre”, ka deklaruar kryetari i VMRO-DPMNE-së Hristijan Mickovski.

44 deputetët e VMRO-DPMNE-së dhe koalicionit edhe më tej mbështesin qendrimin se këto ndryshime kushtetuese nën diktat të Bullgarisë janë të pa pranueshme për opozitën maqedonase. Liderit i VMRO-DPMNE-së Hristijan Mickovski ka propozuar që ndryshimet kushtetuese menjëherë të vihen për votim në Kuvend, dhe meqë nuk do të ketë shumicë të nevojshme për miratim, të shpallen zgjedhjet e parakohshme.

Kovaçevski: Vota pro ndryshimeve kushtetuese është votë për ardhmërinë evropiane të RMV-së

Kryeministri Dimitar Kovaçevski, vlerëson se vota pro ndryshimeve kushtetuese, nënkupton dhe votë për ardhmërinë evropiane të vendit.

“Do ta integrojmë vendin në BE apo do ta lemë të izoluar? Për shtetin është më mirë që të integrohet në BE se sa të mbetet i izoluar.Tani është momenti për integrimin e vendit, ndryshimet kushtetuese janë çelësi i vetëm për ardhmërinë evropiane të vendit”, u shpreh Kovaçevski. Ai ka shprehur gatishmëri që gjysmën e dikasterev, që i drejtojnë funksionarë të partisë së tij, tua lerë përfaqësuesve të VMRO-DPMNE-së. Në këtë mënyrë do të bashkohen të gjitha partitë që janë për të ardhmen evropiane të Maqedonisë.

VMRO-ja është e përgatitur të hyjë në qeveri me LSDM-në dhe partitë tjera politike por pa pjesëmarrjen në të njëjtën qeveri të BDI-së, ka thënë lideri i opozitës Mickoski.

“VMRO-DPMNE është e gatshme të hyjë në qeveri me LSDM-në, por pa pjesëmarrje të BDI-së. Zgjedhjet parlamentare duhet t`i përgatisë qeveria teknike, e jo kjo qeveri”, ka deklaruar Mickoski.

Osmani: E ardhmja evropiane e qytetarëve është e para!

Ministri i punëve të jashtme i RMV-së Bujar Osmani nga rradhët e BDI-së ka reaguar menjëherë pas përfundimit të takimi kokë më kokë Kovaçevski-Mickovski.

“BDI është e gatshme të mbështesë një qeveri pa BDI deri në zgjedhje, nëse opozita i përkrah ndryshimet kushtetueset, të cilat duhet të hyjnë në fuqi para formimit të asaj qeverie”, vlerëson Bujar Osmani.

Nëse nuk bëhen ndryshimet kushtetuese deri në nëntor të këtij viti, procesi eurointegrues i RMV-së rrezikon të bllokohet përsëri./DW/

The post A i japin zgjedhjet në Maqedoninë e Veriut fund ngërçit të ndryshimeve kushtetuese? appeared first on Albeu.com.

The post “Integrimi i vendit në BE”, Kovaçevski: Ne nuk negociojmë me Bullgarinë, por me Bashkimin Evropian appeared first on Albeu.com.

The post Kovaçevski: Çmimi i bukës është ulur appeared first on Albeu.com.

“Rreziku më i madh për rrugën tonë drejt së ardhmes evropiane qëndron tek një parti politike, e cila ka një politikë anti-evropiane, anti-NATO dhe anti-integruese. Është “E Majta” dhe presidenti i saj, Dimitar Apasiev, që njëherit po mbajë peng edhe liderin e VMRO-DPMNE-së, Hristijan Mickoski”, tha Kovaçevski.

The post Kovaçevski flet për rrezikun më të madh të vendit në rrugën drejt BE-së appeared first on Albeu.com.

Kovaçevski premtoi se nuk do të ketë kufizime për energjinë elektrike, por do të ketë rreziqe dhe se do të nevojiten 300 milionë euro nga Ministria e Financave.

“Ka rreziqe të ndërprerjeve të paparashikuara të termoblloqeve të Kombinatit elektroenergjetik të Manastirit, për shkak të vjetërsimit absolut të pajisjeve, rreziqeve të paparashikueshme në çmimin e gazit dhe energjisë elektrike deri në nivelin e paqëndrueshmërisë, ndalime të eksportit të gazit natyror dhe lëndëve të para për prodhimin e energjisë elektrike. nga fqinjët. Për këtë arsye kemi takime në vendet fqinje, si në Bullgari, e cila ka energji bazë dhe në Greqi si qendër logjistike”, tha Kovaçevski.

Ai shtoi se aktualisht në tregun e lirë janë 1350 kompani dhe 350 institucione që paguajnë çmim të lartë për energjinë elektrike. Problem në periudhën e dimrit do të jetë mungesa e mjeteve të transportit në rajon për të transportuar naftë dhe qymyr.

“Ka një problem real me mungesën e rrymës në Evropë, dhe për këtë arsye isha në Beograd javën e kaluar. Ajo vizitë nuk kishte të bënte vetëm me vizitën e verërave dhe aktiviteteve shërbyese, por me krizën energjetike dhe nevojat e vendit tonë dhe detyrimet e brendshme ndaj qytetarëve për ushqime dhe produkte ushqimore. Mund të kemi ndikim të kufizuar, por kemi miqësi dhe aleatë, duhet të rrisim të gjitha burimet për rritjen e prodhimit të energjisë elektrike. Plani i ESM-së është rritja e prodhimit këtë vit për 25 për qind dhe ne do të monitorojmë zbatimin e planit çdo ditë”, tha kryeministri./ina

The post Kovaçevski i prezantoi Pendarovskit planin energjetik: Do të nevojiten 300 milionë euro appeared first on Albeu.com.

“Qytetarët e RMV-së janë më meritorët për ditën e sotme. Pas plot 17 viteve po hapen dyert për integrim në BE. Sot është dita kur po fillojmë të shkruajmë një kapitull të ri. Sot është një ditë historike për vendin tonë. Kjo ditë i përkushtohet qytetarëve tanë. Për të realizuar këtë qëllim strategjik kemi punuar shumë, kemi sjellë vendime të cilat kërkojnë shumë guxim dhe mençuri. BE-ja na pranon si maqedonas që flasin gjuhën maqedonase, kjo është siguruar për gjithmonë, për këtë nuk do të diskutohet asnjëherë. Jam i bindur se ndihma që BE-ja do ta afroj në periudhën e ardhshme do të ndikoj për një jetë më të mirë të qytetarëve tanë. Po ndërtojmë një shoqëri demokratike dhe evropiane”, tha Kovaçevski.

The post Kovaçevski pas konferencës ndërqeveritare: Sot, dita e shkrimit të një kapitulli të ri appeared first on Albeu.com.

“Populli të rri i qetë, ky nuk është viti 2019. Përmes iniciativës së deputetëve, jemi obliguar që me qëllim përmbushjen e premtimit tonë dhe për ta bllokuar tradhtinë, kemi nënshtruar deklarata të vërtetuara me noter se nuk do të pranojnë ndryshime kushtetuese duke garantuar me dinjitetin dhe kredibilitetin e tyre personal. Nuk lëvizim asnjë milimetër nga kjo. Nuk ka hapa mbrapa sepse prapa nesh qëndron gjithçka që kemi, familja jonë, dinjiteti jonë, emri jonë dhe Maqedonia jonë. Derisa nuk do ndodhte kjo tradhti që e mundësuan ata sot do të ruanim dinjitetin”, u shpreh Hristijan Mickoski, Kryetar i VMRO-DPMNE-së.

Kryeministri Dimitar Kovaçevski iu përgjigj Mickoskit mbi vendimin e deputetëve të tij për deklaratat noteriale. Kovaçevski tha se në kohën e Gruevskit VMRO-DPMNE-ja nënshkruante letra kambiale me vlerë 300.000 euro, ndërsa në kohën e Mickoskit notarizon deklarata. Ai gjithashtu kërkoi nga Mickoski të tregon pse i pengojnë bullgarët të përfshihen në Kushtetutë.

“E shohim se ajo parti politike nuk ka ndryshuar asnjë milimetër nga koha e kryetarit të mëparshëm. Aso kohe deputetët e tyre kanë nënshkruar kambiale, ndërsa tani nënshkruajnë deklarata të notarizuara. Deputetët sipas Kushtetutës janë të pavarur në vendimet e tyre në Kuvend. Ata nuk përfaqësojnë parti politike ose kryetar të partisë i cili i kërkon deklarata nga noterët dhe i keqtrajton nëpër konferenca për media, por përfaqësojnë qytetarët ”, tha Dimitar Kovaçevski, Kryeministër.

Kreu i BDI-së, Ali Ahmeti tha se sot dështuan forcat regresive dhe agjendat e huaja, duke ironizuar me Mickoskin të cilin e cilësoi si Zelenski nga Aliekspresi.

“Maqedonia e veriut nuk është Ukrainë dhe Evropa nuk është Rusi për të dal në protesta udhëheqësi i opozitës me bluzë të gjelbër si një ëannabe Zelenski nga AliEkspresi. Dhe ashtu siç edhe pritej, forcat regresive në shërbim të agjendave të huaja dështuan dhe qytetarët nuk i përkrahën. Urime qytetarë, urime vendit. Kthim prapa S’KA!”, Ali Ahmeti, Kryetar i BDI-së.

Kreu i Aleancës për Shqiptarët, Ziadin Sela ka deklaruar se deputetët e partisë së tij ishin vendimtar për miratimin e konkluzioneve.

“Sot deputetët e Aleancës për Shqiptarët ishin vendimtarë në sigurimin e kuorumit të nevojshëm për miratimin e konkluzave për propozimin francez, që hap dyert e BE-së të cilat ishin të mbyllura për tre dekada. Ashtu si në vitin 2017 kur mundësuam anëtarësimin në NATO edhe sot, dëshmuan se pushteti nuk na josh”, Ziadin Sela, Kryetar i ASH-së.

Vendimin e kuvendit e përshëndetën e kreu i partisë Alternativa, Afrim Gashi dhe deputetët e pavarur Skender Rexhepi dhe Kastriot Rexhepi./Alsat.mk

The post Kovaçevski: Mickoski po i mban peng deputetët njësoj si Gruevski appeared first on Albeu.com.

“Siç kam premtuar, ne po hapim një proces konsultimi të gjerë. Sot në orën 11:00 në Qeveri do të mbahet mbledhja e liderëve të partive nga koalicioni qeveritar, ku do të shqyrtohet propozimi i presidencës franceze. Menjëherë pas mbledhjes propozimin do ta publikojmë në formë integrale në faqen zyrtare të Qeverisë. Gjatë ditës, krahas takimit me koalicionin qeveritar, do të zhvillohen konsultime dhe diskutime me publikun, ekspertë si dhe me mediat. Siç e kam paralajmëruar edhe dje, i gjithë procesi do të zhvillohet në mënyrë transparente dhe publiku do të informohet në detaje për të gjitha hapat e mëtejshëm.

Bëj thirrje për përgjegjësi nga të gjithë aktorët relevantë në shoqëri, spekulimet për çështje të rëndësishme shtetërore dhe kombëtare nuk i bëjnë dobi askujt.

Prandaj, i bëj thirrje të gjithë aktorëve politikë dhe mediave që të mbështeten në informacionin zyrtar të institucioneve. Kërkoj konstruktivitet dhe mbështetje nga të gjitha palët e interesuara për të marrë një vendim të mençur në interes të të gjithë qytetarëve#, thuhet në njoftimin e kryeministrit Kovaçevski./alsat

The post Kryeministri maqedonas: Sot do ta prezantojmë propozimin francez appeared first on Albeu.com.

Sipas Kovaçevskit propozimi do të bëhet publik pasi t’i kalojë të gjitha filtrat e institucioneve.

The post Kovaçevski: Ka arritur propozimi i ri francez, pason një proces i gjerë konsultativ appeared first on Albeu.com.