Në reagimin e tij, Meta thekson se për hir të transparencës ndaj opinionit publik vendas dhe ndërkombëtar, po publikon të plotë dëshminë e shtetasit çek Josef Hejsek, të dhënë më 20 dhjetor 2011 para prokurorit dhe nën betim, duke e cilësuar atë si të vetmen dëshmi ku flitet konkretisht për marrëdhënien mes CEZ dhe DIA në kuadër të një procesi penal.

Sipas Metës, kjo dëshmi është mbajtur qëllimisht jashtë vëmendjes nga prokurorët për një kohë të gjatë dhe është paraqitur vetëm në momentin kur mbrojtja ka provuar se e dispononte atë, çka sipas tij ngre pikëpyetje serioze mbi integritetin e hetimit.

Ai shton se dokumenti është i vulosur nga OSHEE dhe është siguruar nga një ish-zyrtar i ndershëm i institucionit, i cili, sipas Metës, ka reaguar pasi ka mësuar për një “skenar të përgatitur politikisht” për ta përfshirë atë në këtë aferë.

Në vijim, Meta nënvizon se në dëshminë e publikuar nuk përmendet emri i tij dhe as i figurave të tjera politike, ndërsa thekson se vetë përfaqësuesit e CEZ kanë konfirmuar se procesi i përzgjedhjes së DIA-s ka qenë transparent dhe i bazuar në referenca ndërkombëtare dhe eksperiencë të kompanisë.

Postimi i plotë:

Për transparencë të plotë para opinionit publik vendas dhe ndërkombëtar, po publikoj sot të plotë dëshminë e Z. Josef Hejsek dhënë më 20 dhjetor 2011 para prokurorit nën betim, e vetmja dëshmi ku ai flet për DIA-n, përpara një organi të procedurës penale.

Këtë deklarim të tij, prokurorët e SPAK-ut e fshihnin me këmbëngulje për një kohë të gjatë deri në seancën paraprake, kur e kuptuan që ne e dispononim këtë provë ligjore.

Siç e shihni, ne e kemi me vulë të OSHEE, jo vetëm këtë dëshmi por edhe të gjitha materialet që kanë të bëjnë me çështjen CEZ-DIA sepse një zyrtar i dikurshëm i ndershëm i OSHEE na i vuri në dispozicion, fill pasi kishte dëgjuar që Edi Rama me të tijët po përgatisnin një intrigë për të përfshirë Ilir Metën te kjo aferë, siç u paralajmërua edhe në letrën zyrtare të ish-Kryetarit të Komisionit të Sigurisë Kombëtare, Z. Spartak Braho më 27 shtator 2015.

Siç e shihni, këtu jo vetëm që nuk përmendet Ilir Meta por as Qazim Tepshi ish-ambasador, as Sali Berisha ish-Kryeministër, dhe askush tjetër.

Këtu tregohet se, jo vetëm procesi është bërë i hapur, por se vendimtare për vendimin që është marrë në Pragë kanë qenë referencat që janë paraqitur nga DIA e Uashingtonit, që sipas tyre kishte përvojë prej 4 miliard dollarë për mbledhjen e borxheve dhe garancitë që i ishin dhënë nga kompanitë amerikane në Çeki.

Po kështu, po publikoj të plotë dëshminë e dhënë nga Z. Tomas Pleskaç i cili ka qenë shefi i Z. Hejsjek në Pragë, ku është marrë vendimi për lidhjen e kontratës CEZ-DIA dhe ku do të shikoni përgjigjen e tij me letërporosi dhënë SPAK-ut, në të cilën konfirmon se nuk ka asnjë dijeni për ndonjë lidhje mes tre personave, Ilir Metës, Qazim Tepshit dhe Kastriot Ismailaj.

Herën tjetër, do t’ju njohim me prova të reja që tregojnë se DIA ishte një krijesë amerikane dhe as ka patur dhe as mund të kishte lidhje me Ilir Metën.

The post Meta publikon dëshminë: SPAK fshehu provat që rrëzojnë akuzat për CEZ-DIA appeared first on Albeu.com.

Avokati i tij, Kujtim Cakrani, deklaroi se shtyrja erdhi për shkak të problematikave të konstatuara gjatë shqyrtimit të akteve procedurale nga ana e të pandehurit.

“Në leximin akteve, zoti Meta konstatoi që ndryshe është përpiluar kërkesa për kalimin në gjyq dhe ato prova që janë aty të evidentuara, nuk janë të shënuara, të evidentuara fizikisht. Kjo bëri që sot seanca të kishte këtë lloj kompleksiteti ndërmjet zotit Meta dhe prokurorëve”, tha ai për mediat. .

Avokati njoftoi gjithashtu se ditën e nesërme, 23 dhjetor, ata do t’i drejtohen Gjykatës Kushtetuese me prova shtesë për kërkesën e tyre për lirimin nga qelia të Metës.

“Nesër do paraqesim në Gjykatë Kushtetuese me kërkesë të tyre disa prova shtesë, që janë edhe raporti i fundit i Avokatit të Popullit, i cili ka konstatuar që po përdoret ndaj Meta një persekutim politik dhe ne nesër do t’ja vendosim në dispozicion GJK”, tha ai.

Kujtim Cakrani: Në leximin akteve, zoti Meta konstatoi që ndryshe është përpiluar kërkesa për kalimin në gjyq dhe ato prova që janë aty të evidentuara, nuk janë të shënuara, të evidentuara fizikisht. Kjo bëri që sot seanca të kishte këtë lloj kompleksiteti ndërmjet zotit Meta dhe prokurorëve. Prokurorët ndryshe shkruajnë në kërkesë dhe ato që parashtrojnë nuk i kanë prova fizike, që t’i paraqesin në gjykatë.

Kjo është ajo që ne kemi konstatuar dhe tashmë jemi në pritje të zhvillimit të seancës, të besoni që kjo çështje do përfundojë ashtu siç kanë përfunduar të gjitha çështjet e tjera të cilat janë të montuara politikisht. E them duke e bazuar në të gjithë provat që ne disponojmë.

Nesër do paraqesim në Gjykatë Kushtetuese me kërkesë të tyre disa prova shtesë, që janë edhe raporti i fundit i Avokatit të Popullit, i cili ka konstatuar që po përdoret ndaj Meta një persekutim politike dhe ne nesër do t’ja vendosim në dispozicion GJK, dhe besojmë që brenda këtë vitit të shprehet, sepse çështja është për gjykim.

The post Dosja “CEZ-DIA” dhe Lobimi në SHBA, shtyhet më datë 12 janar gjyqi paraprak për Ilir Metën, avokati: Do paraqesim në Kushtetuese disa prova shtesë appeared first on Albeu.com.

Gjykata Penale e Tiranës, ka dënoi më 25 Tetor 2017 me 11 vite burg ish-administratorin i kompanisë DIA, për pastrim parash dhe falsifikim dokumentesh në mbledhjen e borxheve të prapambetura të rrjetit të shpërndarjes CEZ.

Ai u akuzua nga Prokuroria se ishte paguar nga kompania CEZ, plot 6.5 mln dollarë, për një shërbim të cilin nuk e kishte kryer.

Prokuroria kërkoi në atë kohë dënimin e Kastriot Ismailajt me 15 vite burg për skandalin e CEZ-DIA, por gjykata e zbriti dënimin me 4 vite.

Gjithashtu, ish-administratorit të kompanisë DIA, me vendim të Gjykatës së Tiranës, iu konfiskuan edhe 4 milionë dollarë.

Sipas hetimeve, DIA s’ka kryer asnjë punë për mbledhjen e parave, por borxhet ishin mbledhur nga vetë administrata e CEZ.

Ndërsa nga ana tjetër, paratë e parashikuara në kontratë, i ishin kaluar DIA-s nga kompania CEZ për një punë të pakryer.

Provë kanë qenë komunikimet me email të Kastriot Ismailajt me drejtorin e Haysek. Paratë e marra nga DIA te CEZ-i, të cilat janë shpërndarë nëpër llogaritë e 15 kompanive të tjera.

The post Kërkoi shfuqizimin e dënimit me 11 vite burg për çështjen CEZ-DIA, Kushtetuesja rrëzon Kastriot Ismailajn appeared first on Albeu.com.

Mësohet se Meta do të paraqitet në SPAK në orën 10:00.

Ilir Meta, do të pyetet nga prokurorët e posaçëm në lidhje me dosjen “CEZ-DIA”, për të cilën dhe akuzohet.

Ish-Presidenti u arrestua më 21 tetor 2024 në ish-sheshin “Shqiponja” dhe ndodhet në qeli në masën e sigurimit “Arrest në burg”.

SPAK e akuzon Ilir Metën, se ka ndërmarrë veprime korruptive për kontratën CEZ-DIA, në kohën kur ka qenë ministër i Energjetikës gjatë qeverisjes “Berisha 2”.

Ish-Presidenti reagoi në rrjetet sociale nga qelia për marrjen në pyetje ditën e martë, duke thënë se do të jetë ai që do t’i marrë në pyetje hetuesit.

“Sapo mësova nga mediat e regjimit, që nesër unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk.

Pa dyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruhet në Facebookun e Ilir Metës.

The post Meta lë sot qelinë për t’u paraqitur në SPAK, do merret në pyetje për dosjen “CEZ-DIA” appeared first on Albeu.com.

Ai tha se nuk është person në hetim dhe se është pyetur në lidhje me funksionet shtetërore që ka mbajtur gjatë jetës së tij.

Ralf Gjoni: Jam pyetur si shtetas në cilësinë e të angazhuarit në angazhime dhe pozicione shtetërore. Nuk u pyeta si person në hetim. Nuk ka arsye për të më hetuar mua. Nuk kam qenë pjesë e dosjes së ish presidentit Meta, se s’kam qenë në kontakt me të kur ka qenë kryetar shteti. Nuk ka asnjë arsye për të më hetuar mua. Nuk mund ta them më shumë, mund të pyesni prokurorët. Dua të respektohem dhe dua të tregohem profesional, kaq kisha për të thënë.

Por, burime për mediet bëjnë me dije se Gjoni është pyetur për aferën CEZ-DIA dhe për lobimin në SHBA. Çifti Meta-Kryemadhi po hetohen në lidhje me pasurinë e tyre. Ralf Gjoni ka dhënë shpjegime përpara agjentëve të BKH-së dhe të prokurorëve të SPAK. E para që u pyet për pasurinë e çiftit Meta-Kryemadhi ishte Fatime Kryemadhi, nëna e Monika Kryemadhit./albeu.com

The post Mbi 3 orë në SPAK, ish-deputeti Ralf Gjoni: Nuk jam pjesë e dosjes së Ilir Metës appeared first on Albeu.com.

Por, në një reagim të mëvonshëm, Partia e Lirisë mohoi lajmin dhe tha se nuk kishin dijeni për kontrolle.

Reagimi: Partia e Lirisë sqaron se në ambientet e Partisë së Lirisë, nuk ka ardhur asnjë oficer i BKH për të bërë kontroll në zyrën e kryetarit të Partisë së Lirisë, zotit Ilir Meta dhe në seli. Partia e Lirisë nuk ka asnjë njoftim apo dijeni për një kontroll të tillë të BKH-së.

Kujtojmë se më 8 nëntor, Ilir Meta u thirr në SPAK lidhur me këtë çështje.

Para se të hynte brenda ambienteve të Prokurorisë së Posaçme, ai tha për gazetarët se është thirrur për çështjen ÇEZ-DIA, të cilën e quajti telenovelë.

Çështja ÇEZ-DIA

Jozef Hejsek, ish-shefi ekzekutiv i CEZ, ka dëshmuar se Ilir Meta ka rekomanduar Kastriot Ismailajn me kompaninë DIA si “njeriun e tij të besuar” për mbledhjen e borxheve të vjetra për llogari të CEZ. Dritan Prifti, një nga njerëzit më të afërt të Ilir Metës, ka rrëfyer se Meta pati udhëtuar në Çeki për të negociuar kontratën për Kastriot Ismailajn, të cilin e konsideronte si një person me dosje. Hetuesit mund të konfirmojnë udhëtimet e Metës në Çeki, por edhe çështjet e diskutuara.

Ndërkaq, vetëm në një rast, 1 ditë para zgjedhjeve të 28 qershorit 2019, Meta i kërkon Kastriot Ismailajt, 200 mijë (besohet euro) me urgjencë. Gruaja e Kastriot Ismailajt, Vojsava, ka rrëfyer lidhjet e forta mes Ilir Metës dhe bashkëshortit të saj. Ajo ka treguar për vizitat në familje dhe SMS-të që Meta i niste Kastriot Ismailajt duke i kërkuar para.

Në shtator të vitit 2015, Sali Berisha deklaronte në Parlament se Ilir Meta nuk kishte pasur asnjë tagër për të negociuar kontratën CEZ-DIA në Pragë. Në dosjen e dënimit të Kastriot Ismailaj me 11 vite burg, dënim i konfirmuar nga të gjitha shkallët e gjykatave, prokuroria ka konstatuar se qëllimi i Kastriot Ismailaj nuk ka qenë mbledhja e borxhit të për llogari të CEZ dhe as kryerja e ndonjë pune reale, por vjedhja e parave tё CEZ, sigurisht në bashkëpunim me CEZ.

Ismailaj paraqiste fatura fiktive, merrte paratë nga CEZ dhe më pas CEZ favorizohej nga qeveria Berisha-Meta. Pasi Ilir Meta u bashkua me PS, në vitin 2015, Sali Berisha e ktheu në kauzë implikimin e Metës në çështjen CEZ-DIA, kërkoi dorëheqjen dhe hetimin e tij./albeu.com

The post CEZ-DIA/ Agjentët e BKH kontroll në zyrën e Ilir Metës, PL e mohon appeared first on Albeu.com.

Ai nuk ka dhënë detaje për arsyen pse ndodhej në SPAK ku qëndroi rreth 1 orë e 30 minuta, por ka thënë vetëm se ishte paraqitur për punët e veta.

“Isha për punët e mia. Kastriot Ismailaj s’e njoh kush është. Nuk di asgjë për CEZ-DIA. Me Ilir Metën  kam marrëdhënie shumë të mira”, tha ai.

Çela më parë ka qenë deputet i LSI-së, por më pas kaloi nën siglën e Ps-së.

/albeu.com

The post “Isha për punët e mia”, Agron Çela flet pasi del nga SPAK: Me Metën marrëdhënie shumë të mira appeared first on Albeu.com.

Agron Çela është thirrur në SPAK për hetimet e CEZ-DIA. Ai ka qenë më parë deputet i LSI, por kaloi nën siglën e PS.

Deputeti i Partisë Socialiste, Agron Çela ditën e sotme, 14 nëntor është paraqitur në SPAK. Çela është filmuar teksa futet në ambientet e brendshme të Prokurorisë së Posaçme.

Mësohet se ai është thirrur lidhur me hetimet për çështjen ÇEK-DIA.

Çela më parë ka qenë deputet i LSI-së, por më pas kaloi nën siglën e Ps-së.

Kujtojmë se disa ditë më parë, edhe Ilir Meta u thirr në SPAK për të njëjtën çështje, të cilën e cilësoi telenovelë.

“Për telenovelën ÇEZ-DIA. Meqë jeni lajmëruar herët dhe po përballoni dhe shiun. Është një telenovelë, që është e gjykuar nja dy herë, dhe është rihapur për rastin konkret në dhjetor të 2029 nga një kallëzues i rremë që është dënuar dy herë nga gjykata për shpifje dhe për dhunë në familje”, tha Meta më 8 nëntor.

Çështja ÇEZ-DIA

Jozef Hejsek, ish-shefi ekzekutiv i CEZ, ka dëshmuar se Ilir Meta ka rekomanduar Kastriot Ismailajn me kompaninë DIA si “njeriun e tij të besuar” për mbledhjen e borxheve të vjetra për llogari të CEZ. Dritan Prifti, një nga njerëzit më të afërt të Ilir Metës, ka rrëfyer se Meta pati udhëtuar në Çeki për të negociuar kontratën për Kastriot Ismailajn, të cilin e konsideronte si një person me dosje. Hetuesit mund të konfirmojnë udhëtimet e Metës në Çeki, por edhe çështjet e diskutuara.

Ndërkaq, vetëm në një rast, 1 ditë para zgjedhjeve të 28 qershorit 2019, Meta i kërkon Kastriot Ismailajt, 200 mijë (besohet euro) me urgjencë. Gruaja e Kastriot Ismailajt, Vojsava, ka rrëfyer lidhjet e forta mes Ilir Metës dhe bashkëshortit të saj. Ajo ka treguar për vizitat në familje dhe SMS-të që Meta i niste Kastriot Ismailajt duke i kërkuar para.

Në shtator të vitit 2015, Sali Berisha deklaronte në Parlament se Ilir Meta nuk kishte pasur asnjë tagër për të negociuar kontratën CEZ-DIA në Pragë. Në dosjen e dënimit të Kastriot Ismailaj me 11 vite burg, dënim i konfirmuar nga të gjitha shkallët e gjykatave, prokuroria ka konstatuar se qëllimi i Kastriot Ismailaj nuk ka qenë mbledhja e borxhit të për llogari të CEZ dhe as kryerja e ndonjë pune reale, por vjedhja e parave tё CEZ, sigurisht në bashkëpunim me CEZ.

Ismailaj paraqiste fatura fiktive, merrte paratë nga CEZ dhe më pas CEZ favorizohej nga qeveria Berisha-Meta. Pasi Ilir Meta u bashkua me PS, në vitin 2015, Sali Berisha e ktheu në kauzë implikimin e Metës në çështjen CEZ-DIA, kërkoi dorëheqjen dhe hetimin e tij./Albeu.com

The post Deputeti i PS, Agron Çela shkon në SPAK appeared first on Albeu.com.

Në një intervistë për “Syri TV”, Meta u shpreh se edhe bashkëshortja e Matës, në vitin 2015, ka qenë administratore e njërës prej kompanive që mblidhnin borxhe, dhe ishte e paditur penalisht për falsifikime dhe mashtrime dhe se gjithashtu asaj vitin tjetër iu mbyll kjo çështje për të njëjtat motive.

“Reforma u nis me qëllimin e mirë dhe prandaj u votua në unanimitet. Nëse do të zbatohej me të njëjtën frymë, Shqipëria do të ishte një vend më i sigurt. Por reforma u kthye në Ramaformë. Në vend të zgjidhej prokurorja e përgjithshme e përkohshme me 84 vota u zgjodh me 69 vota.

Kjo dosje është rikthyer sepse zbatohen direktivat e Edi Ramës. Pas asnjë diskutim se këto çështje janë të orkestruara nga Edi Rama. Kjo ka qenë hera e dytë që jam paraqitur në SPAK. E kam shumë të qartë pozicionin tim në këtë çështje dhe të gjithë diktatin politik të rihapjes së kësaj çështje. Është hapur në një moment tepër kritik. Edhe personi i përdorur për të regjistruar këtë kallëzim, i dënuar për shpifje, dhunë në familje, që ka punuar në DIA dhe është punonjës i shtetit.

Nuk ka asnjë gjë të re, këta persona kanë qenë punonjës dhe eksponentë të DIA-s. Kanë dhënë dëshmi. Elvis Mata ka dhënë dy herë dëshmi në Gjykatën e Arbitrazhit, por dhe këtu. Dhe asnjëherë nuk ka përmendur emrin tim sepse nuk kishte pse. Por, çuditërisht, në vitin 2015 kur është hapur çështja, ai jep një intervistë një gazetari që përcjell dezinformim dhe të gjitha shpifjet vijnë vetëm për një qëllim, pasi ky person ishte paditur për shkak të abuzimeve që kishte bërë në detyrë. Dhe Damian Gjikuri bashkë me të gjithë ata që menaxhonin këto çështje, në bashkëpunim me Prokurorinë, ia mbyllin çështjen për ta bërë kallëzues të rremë për qëllime politike.

Jo vetëm kaq, bashkëshortja e tij, në vitin 2015, ishte administratore e njërës prej kompanive që mblidhnin borxhe, dhe ishte e paditur penalisht për falsifikime dhe mashtrime dhe asaj vitin tjetër i mbyllet kjo çështje. Dhe në këtë moment u bë bashkëpunëtore për shpifje dhe shantazhe”, tha Meta.

The post CEZ-DIA në SPAK, Meta: Elvis Mata u bë kallzues i rremë, një ish-ministër i Ramës e detyroi appeared first on Albeu.com.

Vetë Meta e cilësoi thirrjen e tij në SPAK si një telenovelë për të cilën është gjykuar dy herë.

“Telenovelën CEZ-DIA. Është telenovelë që është gjykuar 2 herë dhe është rihapur në dhjetor të 2019-ës nga një kallëzues i rremë i cili është dënuar 2 herë nga gjykata për shpifje dhe një herë nga gjykata për dhunë në familje”- tha Meta.

Kujtojmë që dy ditë më parë në SPAK u paraqit edhe ish-këshilltari i Ilir Metës, Ilir Kulla, i cili është pyetur po për aferën CEZ-DIA.

Burime për AlbEu.com, bëjnë me dije se Kullës i është kërkuar llogari për hyrje-djaljet tij jashtë vendit të cilat janë raportuar edhe në sistemin TIMS, pasi dyshohet se mund të ketë lëvizur shuma monetare për llogari të ish-Presidentit dhe familjes së tij.

Ndërkohë të njëjtat burime konfirmojnë se edhe Dorjan Duçka i cili dëshmoi para disa ditësh në SPAK është thirrur po për çështjen CEZ-DIA, e jo për atë që u raportua në media, siç është çështja “McGonigal.

Burimet bëjnë me dije se Duçka është pyetur pasi ka dyshime se ai ka ngritur një “Guaskë financiare” jashtë Shqipërisë, për pastrimin e parave të përfituara nga afera CEZ-DIA.

Po të njëjtat burime konfirmojnë për AlbEu.com, se ndaj ish-Presidentit Meta janë 3 Dosje në SPAK të cilat po hetohen paralelisht, pasi mund të kenë lidhje të forta me njëra-tjetrën.

Pas CEZ-DIA në SPAK, Meta po hetohet edhe për transaksionet e dyshimta që janë bërë jashtë vendit për kurimin e tij dhe të familjarëve të tij, si dhe për lobimin ndaj forcës politike para dhe pas drejtimit të tij.

Gjithashtu burimet bëjnë me dije se për dy nga çështjet nën hetim janë dhe familjarë të tij, të cilët pritet që të thirren në SPAK brenda pak ditësh.

Afera CEZ/DIA

Skandali i ka fillesat në vitin 2009, kur OSSH shiti 75% të aksioneve tek CEZ-DIA, gjatë qeverisjes së Sali Berishës, ndërsa në vitin 2013, kur socialistët morën pushtetin, u bë ndërprerja e kontratës abuzive. Prishja e kësaj marrëveshje që i shkaktoi buxhetit një dëm mbi 414 mln euro, u bë me argumentin se CEZ nuk kishte bërë asnjë prokurim për të importuar energji elektrike në vjeshtën e 2012, dhe në këto kushte e gjithë kërkesa për energji elektrike përballohej nga rezerva e kaskadës se Drinit.

Mesa duket hetimet e dosjes CEZ-DIA por dhe të dosjeve të tjera do të sjellin detaje të reja, por edhe implikimin e të tjerëve politikanë me peshë në Shqipëri dhe familjarëve të tyre. Opinioni publik nuk i mbetet gjë tjetër veçse të presë vijimin e hetimeve.

AlbEu.com do ju mbajë të informuar mbi çdo detaj të ri në lidhje me dosjet hetimore, ku dyshohet se politikanë shqiptarë janë të përfshirë në korrupsion.

The post CEZ-DIA nuk është e vetmja dosje për Metën në SPAK, për çfarë hetohet tjetër ish-Presidenti! Pse Duçka dhe Kulla u thirrën në prokurori? appeared first on Albeu.com.