Gjatë kontrolleve të ushtruara në disa subjekte në Tiranë, është bërë kapja dhe arrestimi në flagrancë i 6 personave, të implikuar në këtë veprimtari kriminale.

Gjithashtu u procedua në gjendje një 18 vjeçar, pasi gjatë kontrollit të ushtruar në një bar-kafe në administrim prej tij, janë gjetur 50 televizorë në kuti të pahapura, të markave të ndryshme, të dyshuar të kontrabanduar.

Sipas policisë, televizorët së bashku me 6 aparate celulare u sekuestruan në cilësinë e provës materiale.

Njoftimi i policisë:

Tiranë

Finalizohet nga Sektori për Hetimin e Krimeve Kibernetike, në bashkëpunim me Sektorin për Hetimin e Krimit Ekonomik dhe Financiar, Forcën e Posaçme Operacionale dhe Forcën e Posaçme “Shqiponja”, operacioni policor i koduar “Bad spin 2”.

Gjatë këtij operacioni, bazuar në inteligjencën policore, janë identifikuar subjekte si dhe shtetas, që kryejnë aktivitetin e paligjshëm të organizimit dhe përshtatjes së ambjenteve për organizimin e lotarive të palejuara (baste sportive online), në zona të ndryshme të Tiranës.

Gjatë kontrolleve të ushtruara në këto subjekte, është bërë kapja dhe arrestimi në flagrancë i 6 shtetasve të implikuar në këtë veprimtari kriminale:

E. Ç., 56 vjeç, J. Ç., 47 vjeç, V. H., 46 vjeç, E. F., 22 vjeç, D. R., 19 vjeç, M. M., 21 vjeç,.

Gjithashtu u procedua në gjendje të lirë shtetasi R. T., 18 vjeç, pasi gjatë kontrollit të ushtruar në një bar-kafe në administrim prej tij, janë gjetur 50 televizorë në kuti të pahapura, të markave të ndryshme, të dyshuar të kontrabanduar.

Televizorët së bashku me 6 aparate celulare u sekuestruan në cilësinë e provës materiale.

Materialet i kaluan prokurorisë.

The post Organizonin dhe përshtasnin ambjente për baste sportive, arrestohen 6 persona në Tiranë appeared first on Albeu.com.

Veç implikimit të shefit të krimeve, Alfred Kondit, në linjat e trafikimit të klandestinëve dhe kontrabandës së mallrave, ai është implikuar dhe në organizimin e pikave të basteve.

Hetimi i kryer nga zv/drejtuesi i prokurorisë Gjirokastër, Gazmend Frëngu, ka provuar se njeriu që zotëronte një pikë bastesh sportive ishte pikërisht djali i punonjësit të policisë Alfred Kondi, shtetasi Juxhin Kondi që thirret shkurtimisht “Xhino”.

Në pikën e bastit të “Xhinos” luanin jo vetëm qytetarë të thjeshtë po edhe punonjës të policisë, kolegë të shefit të krimeve Alfred Kondi.

Gjithashtu hetimi provoi se Kondi dhe agjenti Feim Onjea kanë shpërdoruar autoritetin e policisë, pasi kanë shkuar tek kompania “Elka” dhe kanë marrë prej saj një arkë me 6 shishe verë të kuqe.

Nga përmbajtja e bisedave rezulton se Alfred Kondi në bashkëpunim me djalin e tij, Juxhin Kondi dhe disa persona të tjerë organizon llotari sportive të palejuara, ku agjenti i policisë, Feim Onjea që thiret “Miu” i dërgon “skedina” (të dhëna për ndeshjet me bastin për parashikimin për rezultatin së bashku me shumën që duhet vendosur), ndërsa shefi i krimeve Gjirokastër, Alfred Kondi, këto të dhëna ja dërgon djalit të tij, Juxhin.

Nga këqyrja e internetit rezulton se ndeshjet dhe rezultate, pērkojnë me ndeshje reale të futbollit të zhvilluara më datat që zhvillohen bisedat.

Gazetari i “Ora News”, Elton Qyno ka mundur të sigurojë dosjen penale ku rezulton se Feim Onjea ose “Miu”, në disa raste ka luajtur apo fituar shuma të konsiderueshme në lekë, në vlerat sipas bisedave 10 milionë apo 14 milionë.

Në 12 Mars 2022, shefi i krimeve në policinë e Gjirokastrës Alfred Kondi, flet në aplikacioknin “Whats App” me agjentin e Forcës së Posaçme Operacionale, Feim Onjea, i cili i ankohet se e ka fikur fare ekipi i Brunemuthit 14 milion lekë, por është mirë me ndeshjet.

Bëhet fjalë për një ekip që luan në Premier League Angleze, i cili ishte luajtur në skedinë nga Feim Onjea, tek pika e basteve sportive të organizuar nga Juxhin Kondi, djali i shefit të krimeve Alfred Kondi.

“Po hëëë…”- i thotë shefi i krimeve, Alfred Kondi. Ndërsa Feimi ia kthen duke i shkruar: ”…o komandant, më fiku fare Bunemuthi 14 milion lekë. Por jam mirë me ndeshjet…”.

“Ça thua…Zjarr…?!”-ia kthen Alfred Kondi. Kurse Feim Onjea vijon ti shkruajë: “…me rezultat, me në kokë tek gol, e mbaroi 2 me 0. Ja pyet Xhinon…”(bëhet fjalë për djalin e Alfred Kondit).

Kondi më tej vijon ti shkruajë: ”…Kur mund të vijë Lika nesër…? Por Feim Onjea ia kthen se personi që ata kanë lënë takim në datën 13 Mars 2022, do i marë vetë në telefon. “…Ok…”-ia kthen Alfred Kokndi.

Ndërsa mënjehërë Feim Onjea, i shkruan në “Ëhats app” duke i thënë: “…kapa 10 miljonë e gjysëm tani, tek Xhinua…”.
“Bravo…bravo, po hë…”-ia kthen shefi i krimeve Kondi.

“…bëra atë që të thashë…me rezultat në kokë… ta thashë dje që do ndryshoj stil…”- ia kthen agjenti i oporacionales në Policinë Gjirokastër, Feim Onjea.

“Hallall…”-i thotë Alfred Kondi.

Ndërsa në një bisedë tjetër të datës 14 shtator 2021 të zhvilluar në aplikacioknin “Whats app”, agjenti i operacionales në policinë e Gjirokastrës Feim Onjea i shkruan shefit të krimeve Alfred Kondi si më poshtë vijon:

“…Ta gëzojë Baftjari, o komandant…më në fund e ula… më në fund e ula mirë helikopterin…Plasi dhe gjylja e madhe o komandant…”.

Kondi ia kthen: ”…më në fund, po shyqyr, po hëë…kështu ka lezet…”.

Feimi i thotë: ”…10 miljonë, i vura dhe +5 u bënë…”.

Kondi: ”…Po Duci, cop…suksese…?”.

Feimi: “…Lesht…”, …tani do kenë punë me mua…”.

Kondi: “…Bjeru…”.

Ndërkohë bisedat mes shefit të krimeve në Gjirokastër Alfred Kondi dhe agjentit të Operacionales, vijojnë lidhur me një rast të shfrytëzimit të bizneseve, pasi duhet të marin pa paguar disa shishe verë të kuqe tek kompania “Elka”.

Në dosjen hetimore të siguruar nga gazetari i “Ora News”, Elton Qyno pasqyrohet një bisedë e zhvilluar në 13 korrik 2023, ku Alfred Kondi i shkruan Feim Onjeas si më poshtë vijon:

“…ore më duhet një kuti nga ato me 6 shishe verë të kuqe për një mik…ku të godasim…?

Feimi ia kthen: “…vetëm tek “ELKA…apo e do nga ato të shtrenjtat…”.

Kondi: “…Vetëm atje…!!…po ashtu ka lezet se i njohim ato…”.

Ndërsa agjenti Feim Onjea ia kthen si më poshtë duke e orientuar:”…tek Panua, në Granicë, thuaj shef Visit, se ja këpur lirë ai atij…”. Kurse Alfred Kondi i thotë “Po…”.

Pas gati 1 muaj nga kjo bisedë sërisht shefi i krimeve Alfred Kondi në datën 17 Gusht 2023 e pyet agjentin Feim Onjea duke i thënë: ”…shiko sa është hekuri i nxehtë për ato verërat…kemi festa thuaj “ELKËS…”

Feimi ia kthen: ”…do vete nesër…”.

Alfredi: “…Ok, Ramadan…”.

The post Shefi i krimeve me pikë bastesh, agjenti “Miu”: O komandant, më fiku fare Bunemuthi 14 milion lekë… appeared first on Albeu.com.

Sekuestrohen në cilësinë e provës materiale, 4 celularë që shërbenin për këtë veprimtari të paligjshme.

Specialistët e Seksionit për Hetimin e Krimeve të Komisariatit të Policisë Nr. 6, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, pas një pune të mirëfilltë hetimore, kanë finalizuar operacionin policor të koduar “Just”

Në kuadër të këtij operacioni u arrestuan shtetasit E. M., 35 vjeç, A. K., 31 vjeç, A. Xh., 29 vjeç, dhe E. K., 32 vjeç, të gjithë banues në Tiranë.

Gjatë kontrolleve të ushtruara në një lokal në Vaqarr, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.

Gjatë operacionit u sekuestruan në cilësinë e provës materiale, 4 celularë që shërbenin për këtë veprimtari të paligjshme.

Materialet procedurale i kaluan Prokurorisë, për veprime të mëtejshme.

The post Tiranë/ Vinin baste sportive nëpërmjet telefonave, në pranga katër persona! Çfarë gjeti policia appeared first on Albeu.com.

Në faqen e Eurovision World, në tabelën që parashikon fituesin e ‘Eurovision Song Contest’, në vendin e parë është Kroacia, e cila ka rritur avantazhin e saj ndaj Ukrainës, e cila është e dyta, shkruan Klix.

Javën e kaluar, pasi të gjitha vendet pjesëmarrëse njoftuan se kush do të përfaqësonte Kroacinë, prezantuesit parashikuan një shans prej 15 për qind për të fituar, dhe këtë javë Baby Lasanga ka një shans katër për qind më të lartë.

Katër vendet e para në tabelë mbetën të pandryshuara në krahasim me versionin e javës së kaluar dhe të dytët janë përfaqësueset ukrainase Alyona Alyona & Jerry Heil me 12 për qind shanse, që është një për qind më pak se më parë.

E ndjekur nga Italia dhe Angelina Mango me këngën “La Noia”, shanset e së cilës ranë me tre për qind, e ndjekur nga Zvicra me nëntë për qind.

Marko Purišić ose Baby Lasagna mori 247 pikë nga publiku dhe gjithsej 74 pikë nga juria në finalen e Dora, pra në Eurovisionin kroat.

Menjëherë pas publikimit, kënga e tij u bë hit, ndërsa ditët e fundit është shpërndarë edhe nga fansat e Eurovisionit, të cilët e krahasojnë shpesh me përfaqësuesin e vitit të kaluar të Finlandës, artistin Kaaria.

Konkursi për këngën më të mirë të edicionit të 68-të të ‘Eurovision’-it do të mbahet në Suedi në ‘Malmo Arena’ më 7, 9 dhe 11 maj, pasi përfaqësuesja e tyre Loreen fitoi vitin e kaluar në ‘Eurovision 2023’

The post Bastet ‘online’ të Eurovisionit nxjerrin Kroacinë si fitues të mundshëm të edicionit të sivjetmë appeared first on Albeu.com.

Njoftimi i Policisë:

Në kuadër të operacioni policor i koduar “Games”, të bërënga Komisariati i Policisë Nr. 6 të Tiranës, u sekuestruan celularët që përdornin. Të arrestuarit janë shtetasit E. S., 31 vjeç, dhe E. V., 22 vjeç, të dy banues në Tiranë. Gjatë kontrolleve të ushtruara në dy lokale në Unazë të Re, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive. Materialet procedurale i kaluan Prokurorisë, për veprime të mëtejshme.

The post Tiranë/ Arrestohen 2 persona, vinin baste sportive në mënyrë të paligjshme nëpërmjet telefonave appeared first on Albeu.com.

Njëlloj si në shqipëri edhe në Kosovë vënia e basteve është e ndaluar me ligj, por kjo jo për deputetin Erxhan Galushi, i cili gjatë kohës që votoheshin ligjet në sallë, vinte baste për skuadrat nga Filipinet.

Mediat e Kosovës raportojnë se deri tani nuk ëhstë marrë asnjë masë ndaj deputetit.

The post Në sallë votoheshin ligjet, deputeti shqiptar vinte baste për skuadrat nga Filipinet (EMRI) appeared first on Albeu.com.

Nga telefoni i lojtarit të Juventusit dolën biseda me kolegë të tjerë. Fabrizio Corona zbuloi një lojtar të katërt, Zalewski të Romës, dhe më pas ekskluzivisht edhe atë të El Shaarawy, Casale dhe Gatti.

“Dhe tani çfarë ndodh, do të më arrestojnë?”. Ky është reagimi i Nicolò Zaniolo-s pas seancës dëgjimore të Sandro Tonalit në Prokurorinë e Torinos. Reagimi njerëzor i një djali të ri që shpjegon mirë momentin e ndërlikuar dhe frikën e lojtarit të Aston Villas, i cili pas njoftimit të hetimit të paraqitur nga Prokuroria e Torinos pret një thirrje për të sqaruar pozicionin e tij.

Zaniolo vazhdon të ritheksojë se nuk ka vënë kurrë bast në futboll, por se i është dhënë pas vesit të pokerit dhe blackjack-ut, ndonëse në faqet ilegale. Nëse versioni i tij konfirmohet nga gjurmët e gjetura në pajisjet e tij, ai mund të mos skualifikohet, por nëse do të dilte në pah përfshirja e tij në bastet e futbollit, dënimi i tij do të ishte më i lartë se ai i Tonalit dhe Fagiolit për shkak të mungesës së rrëfimit.

The post Bastet, Zaniolo në ankth: Do më arrestojnë, s’kam luajtur bixhoz me futbollin appeared first on Albeu.com.

Sipas Corriere dello Sport, hetuesit mësohet se kanë zbuluar se tre futbollistët nuk janë limituar duke luajtur në kazino online, por kanë “djegur” një milionë euro secili në ndeshjet e Serisë A dhe të Champions League.

Madje, sipas hetimeve, tre futbollistët duket se kanë vënë baste edhe për skuadrat në të cilat luanin. Brenda dosjes së hetuesve që po bën të dridhet futbollin italian ka prova se lojtarët e përfshirë deri tani kanë vënë bast shuma të mëdha parash në ndeshje të Serisë A dhe Champions League.

Të tre futbollistët rrezikojnë një skualifikim prej 4 ose më shumë vitesh, por nëse vërtetohet se kanë ndikuar në trukim të ndeshjesh me ose pa verpimet e tyre në fushë, atëherë rrezikojnë edhe të burgosen.

The post Baste deri në 1 milionë euro, 3 futbollistët italianë rrezikojnë pezullim deri në 4 vite si dhe … appeared first on Albeu.com.

Bomberi i Brentford shkëlqeu në ndeshjen e fundit ndaj Manchester City, ku bëri që dy golat e tij t’i jepnin klubit fitoren ndaj Manchester City me rezultatin 1-2. Së fundmi, anglezi po përballet me akuza të rënda për shkeljene e rregullave sa i përket basteve sportive.

Federata Angleze e Futbollit ka njoftuar se Toney është duke u akuzuar për 232 raste ku ka vendosur baste e që është e ndaluar për futbollistët profesionistë. Federata ka bërë me dije se ai i ka vendosur bastet midis 25 shkurtit të vitit 2017 e deri më 23 janar të vitit 2021.

Gjatë kësaj periudhe, Toney ka luajtur për klubet e ligave më të ulëta se elita e futbollit anglez. Sulmuesi anglez ka kohë deri më 24 nëntor për t’iu përgjigjur akuzave nga FA./ h.ll/albeu.com

Club Statement: Ivan Toney

— Brentford FC (@BrentfordFC) November 16, 2022

The post Hero ndaj Manchester City, Toney mund të dënohet rëndë nga federata appeared first on Albeu.com.

Hoxha tha se Call Centerat arrinin që të korruptonin policët shqiptarë përmes shumave të konsiderueshme parash që të punonin të pashqetësuar.

“Këto Call Centera që mashtronin qytetarët e vendeve të BE-së për gjoja investime ne bursa kanë patur të ardhura të jashtëzakonshme duke korruptuar policinë. Call Centerat dhe paratë e basteve të Ervis Martinajt ishin burimet kryesore të policëve të korruptuar në Shqipëri”, tha Hoxha duke shtuar se qytetarët e vendeve të BE-së kanë humbur shuma të mëdha në këto Call Centera.

“Ata mashtronin qytetarë nga Gjermania, Anglia, Zvicra, Spanja, etj., policët spanjollë nuk kanë patur besim te policia jonë dhe prandaj kanë ardhur vetë. Dihej që puna do të shkonte deri këtu pasi shumat e humbura nga qyetarët e Spanjës ishin të mëdha. Spanjollët kanë identifikuar përmes internetit se nga cila pikë Call Centeri ishin mashtruar qytetarët e tyre”, tha Hoxha duke shtuar se është goditur një objekt i vendosur në katin e tretë të një qendre tregtare në Elbasan.

“Rol kryesor kanë patur izraelitë nga vende të ish-Bashkimit Sovjetik“, tha Hoxha.

The post Artan Hoxha: Bastet e Ervis Martinajt dhe Call Center-at mbajtën me para policët e korruptuar në Shqipëri, roli i izraelitëve appeared first on Albeu.com.