36-vjeçari duket se do e mbyllë karrierën në Zvicër, aty ku edhe nisi çdo gjë për të. Abrashi më parë ishte përfolur edhe për një kalim në kampionatin shqiptar, por asgjë nuk u konkretizua.

“Grasshopers është shtëpia ime, e ndërtova karrierën time këtu dhe i detyrohem shumë këtij klubi. Do të thotë edhe më shumë për mua të vazhdoj të jem pjesë e tij. Besimi dhe vlerësimi nuk janë diçka që e marr si të mirëqenë dhe jam shumë mirënjohës për to. Të gjithë e dinë sa shumë rreh zemra ime për Grasshoperin. Do të vazhdoj të jap gjithçka për klubin”, u shpreh Abrashi për rinovimin e tij.

Drejtori sportiv, Alain Suter, tha fjalën e tij pas vendimit për të zgjatur bashkëpunimin.

“Amiri mishëron në mënyrë të përsosur vlerat që përfaqëson Grasshopers. Mentaliteti i tij, përvoja dhe prania e tij kanë një vlerë të jashtëzakonshme për ekipin tonë. Ai ka përjetuar të gjitha ulje-ngritjet me klubin dhe gjithmonë ka treguar përkushtimin e tij të plotë”, u shpreh drejtori sportiv i Grasshopers për Abrashin.

The post Abrashi e mbyll karrierën në Shqipëri? Ish-mesfushori i Kombëtares firmos kontratën e re appeared first on Albeu.com.

Me anë të kësaj marrëveshjeje, synohet shkëmbimi i përvojave, praktikave të mira dhe gjetja e burimeve për të arritur rezultate më pozitive, si dhe për të rritur nivelin e profesionalizmit të arbitrave.

Ky memorandum bashkëpunimi u nënshkrua në ambientet e “Shtëpisë së Futbollit” dhe të pranishëm ishin Presidenti i FSHF-së, Armand Duka dhe Presidenti i FSHB-së, Avni Ponari.

Presidenti i FSHF-së, Armand Duka, e cilësoi këtë marrëveshje bashkëpunimi shumë të rëndësishme dhe falënderoi Presidentin Ponari për gatishmërinë e tij.

Presidenti Duka, u shpreh i sigurt se kjo marrëveshje do t’i shërbejë të dyja federatave për shkëmbimin e eksperiencave më të mira dhe për të bërë akoma më shumë, për dy sportet më të rëndësishme në Shqipëri.

“Jemi në zyrat e Federatës Shqiptare të Futbollit për të firmosur një marrëveshje shumë të rëndësishme për arbitrimin, bashkë me Presidentin e Federatës Shqiptare të Basketbollit, z. Avni Ponari, të cilin e falënderoj dhe i uroj mirëseardhje. Gjithashtu, e falënderoj për gatishmërinë e tij për këtë marrëveshje. Dy sportet tona, futbolli dhe basketbolli, për mua më të rëndësishmet në vendin tonë, janë sporte të ngjashme sepse janë sporte kolektive dhe kanë elementë që mund t’i bashkojnë. Nëpërmjet këtij memorandumi ne do të bëjmë seminare dhe përgatitje të përbashkëta për arbitrat gjatë dy viteve të ardhshme.

Unë jam i sigurt që kjo marrëveshje do t’i shërbejë të dyja federatave dhe të dyja sporteve për shkëmbimin e eksperiencave më të mira që kanë Federata e Basketbollit dhe Federata e Futbollit. Së bashku do të bëjmë akoma më shumë. Një pikë shumë e rëndësishme e marrëveshjes është aktivizimi i arbitrave vajza dhe gra, si në futboll ashtu edhe në basketboll, mënyra se si duhet t’u qasemi atyre, kushtet që duhet të krijojmë dhe ndihma e tyre për zhvillimin e arbitrimit dhe gjithë sportit të basketbollit e futbollit.

Duke falënderuar edhe një herë Presidentin Ponari, uroj që të kemi një bashkëpunim sa më të mirë dhe të mos ndalemi vetëm në fushën e arbitrimit, por edhe në çdo aspekt tjetër ku kemi interesa të përbashkëta për zhvillimin e futbollit dhe basketbollit në Shqipëri dhe arenën ndërkombëtare”, – tha Presidenti Duka.

Presidenti i FSHB-së, Avni Ponari, e cilësoi këtë marrëveshje si historike dhe shumë të rëndësishme, pasi do të ndikojë në rritjen e cilësisë së arbitrimit.

Gjithashtu, ai falenderoi Presidentin Duka për gjithçka ka bërë për sportin në Shqipëri.

“Faleminderit, President Duka! Për mua është një ditë e veçantë, ndoshta dhe historike, sepse për herë të parë dy federata nënshkruajnë një marrëveshje të përbashkët. Një marrëveshje që do t’i shërbejë bashkëpunimit të vazhdueshëm dhe ndërtimit të një programi e strategjie për edukimin dhe rritjen e nivelit të cilësisë. Vajza dhe djemtë që ushtrojnë këtë profesion do të kenë mundësinë të pasqyrojnë dhe tregojnë nivelin e lartë të arbitrimit, sepse ata janë në të vërtetë njerëzit që përfaqësojnë federatat dhe janë dinjitozë, si në fushat e blerta ashtu edhe në pallatet e sportit.

Do të punojmë për të larguar konceptin e gabuar që arbitrat janë fajtorët e humbjeve. Do të luftojmë që kjo frymë të largohet dhe arbitrimi të marrë peshën dhe rolin që ka për të pasqyruar denjësisht aktivitetet dhe zhvillimin e aktiviteteve sportive.

Edhe njëherë, z. Duka, të uroj për këtë iniciativë dhe për gjithçka që ke bërë edhe për basketbollin, pa përmendur sukseset e mëdha që futbolli ka arritur nën drejtimin tuaj, si në Shqipëri ashtu edhe më gjerë”, – tha Presidenti i FSHB-së, Avni Ponari.

The post FSHF nënshkruan marrëveshje bashkëpunimi me Federatën e Basketbollit për rritjen e arbitrimit appeared first on Albeu.com.

Gjithashtu, Gonzato nënvizoi rëndësinë e besimit në arkitekturën e reformës dhe theksoi se pavarësia dhe llogaridhënia, janë elementë të domosdoshëm për një shoqëri demokratike.

“Do vazhdojmë punën me SPAK dhe me drejtësinë. Duhet të kemi besim tek arkitektura e reformës në drejtësi. Llogaridhënia dhe pavarësia qëndrojnë në thelb të çdo shoqërie demokratike. Pavarësia duhet që të drejtpeshohet, si prsh rishikimi i pavarësisë. Të gjithë aktorët kanë rolin e tyre për të luajtur. Kemi parë rezultate në luftimin e krimit e organizuar, atë kibernetik dhe financiar. Do vazhdojmë t’i japim mbështetje reformës në drejtësi”, tha Gonzato.

Grupi Parlamentar i Partisë Socialiste e ka kthyer Kuvendin në një strehë për zyrtarët e korruptuar. Pas rastit Bushka, kryeministri Edi Rama mori në “patronazh” për të mbrojtur stafin e Universitetit Bujqësor të Tiranës të cilët akuzohen për korrupsion dhe abuzim me tendera.

The post Presionet ndaj drejtësisë, ambasadori i BE Silvio Gonzato: Do vazhdojmë punën me SPAK-un appeared first on Albeu.com.

“Nuk mund të besoj fjalët që po shkruaj” – ka shkruar Grande. ““Yes And?” ‘remix’ në bashkëpunim me mbretëreshën e vetme të zemrës sime dhe frymëzimin e përjetshëm, do të dalë këtë të premte.”, shkruan DailyMail. Kopertina e remix-it është një imazh polaroid i dy bukurosheve bionde që shikojnë nga afër në kamerë.

Ariana i ka kapur flokët në bishtin e saj të njohur me grim natyral dhe qerpikë të mëdhenj.

Mariah buzëqeshi lehtë teksa kishte veshur një bluzë të zezë të tejdukshme me shkëlqim që tregonte sytjenat e saj të ekspozuara.

“Faleminderit nga thellësia e zemrës për realizimin e kësaj ëndrre dhe për spërkatjen e shkëlqimit dhe magjisë suaj në këngën time të vogël” – shtoi Grande në një shënim për Carey.

Në promovimin e remix-it, ylli i “Wicked” ndryshoi fotografinë e profilit të saj në Instagram në një imazh polaroid të syrit të saj. Carey bëri të njëjtën gjë me syrin e saj.

Kjo krijoi një enigmë për fansat që të bashkoheshin.

Vetë Mariah komentoi në postim, duke festuar bashkëpunimin: “E dashur engjëll, jam shumë e emocionuar që do të bashkohem me ty në “Yes And? Remix”!! Ky është një moment kaq magjik!! Të dua MC” – ka shkruar ajo.

The post Ariana Grande publikon remix-in e këngës “Yes And?” në bashkëpunim me Mariah Carey appeared first on Albeu.com.

Pas mbledhjes së grupit parlamentar demokrat, Alibeaj tha se PD do të regjistrojë kandidatët për kryetar bashkie dhe këshillat bashkiakë, dhe se dora vazhdon të jetë e shtrirë për bashkëpunim.

“PD nuk është e imja, nuk është e askujt me emër nominal, por PD është e të gjithë demokrateve që kanë vendosur sakrificën e tyre tek ajo logoi dhe sistem vlerash që PD mbart. Tek PD bëjnë pjesë të gjithë ata, edhe ata që mendojnë ndryshe. Qëndrimi që kemi mbajtur është bërë i qartë për shumë kohë dhe për shumë optika dhe këndvështrime. Shqipëria shkon në zgjedhje, zgjedhjet nuk janë të partive politike, janë për qytetarët. Sidomos në këtë situatë kaq të rëndë ekonomike, të mungesës së shtetit të së drejtës, të shpopullimit masiv, interesi primar është interesi i qytetarëve. PD ka këtë interes dhe në funksion të këtij interesi do bëjë gjithçka për të bërë bashkë shqiptarët  e pakënaqur në mënyrë që më 14 maj të bashkojmë forcat dhe për ti bërë ballë këtij regjimi, qoftë në pushtetin qendror, por edhe lokal”, tha Alibeaj.

/AlbEu.com/

The post “Nuk do të bashkëpunojmë”, Alibeaj i përgjigjet Berishës pas mbledhjes së grupit appeared first on Albeu.com.

Sigurisht këngët janë shoqëruar me videoklip dhe dyshja duken mjaft bukur. Anxhelina është shprehur se kjo është dhurata më e bukur që mund të merrte për ditëlindje pasi sot feston 29-vjetorin. “Nuk mund të merrja dhuratë më të bukur për ditëlindje!

The post Flori Mumajesi dhe Anxhelina Hadërgjonaj publikojnë këngët që bënë menjëherë namin (VIDEO) appeared first on Albeu.com.

Kjo verë nuk do të mbyllet pa bashkëpunimin e tyre dhe pa diskutim që premton shumë. Nëpërmjet rrjeteve sociale, artistët kanë konfirmuar se kënga me titull “Mi Amor” vjen mesnatën e sotme.

 

View this post on Instagram

 

A post shared by NOIZY OTR (@noizy)

Një ditë më parë, Noizy u shpreh për këtë bashkëpunim: “Një gjë po ju them. Kënga me Dhurata Dorën do të shkatërroj klubet e botës. Edhe ato që s’din me kërcy do të kërcejnë deri sa t’thyhen. Mbajeni mend.”

The post “Do të shkatërrojmë klubet”, Noizy paralajmëron “çmenduri” me bashkëpunimin me Dhurata Dorën appeared first on Albeu.com.