Artur Zheji ishte një model i qytetarisë, me një elokuencë shumë të rrallë. Sigurisht kur vinte fjala ai ishte djali i Petro Zhejit, gjuhëtarit të famshëm dhe përkthyesit ekselent; e po ashtu ai ishte edhe djali i Besa Imamit, një tjetre mjeshtre e fjalës dhe nipi i Gjergj dhe Vera Zhejit. Pra, Artur Zheji nuk kishte si të ishte ndryshe dhe që e kthente fjalën në art dhe e trajtonte atë me bukurinë më të madhe.

Zheji ishte një njeri elokuent, ishte që njihte shumë mirë politikën dhe gjeopolitikën. E kujtoj që fëmi, kur ishte në moshën 15 vjeç që gjithmonë- gjithmonë kur kalonte tek “Rruga e Durrësit” ai gjithmonë kishte një libër me vete. Dhe për të folur për këtë njeri shumëdimensional kam ftuar aktorin e madh që i ka dhuruar shumë e shumë filma publikut shqiptar, Timo Fllokon. Unë do jua lë fjalën juve , pasi e keni pasur me të vërtetë mik, student dhe koleg.

Timo Flloko: Me të vërtetë Artur Zheji ishte në substancë një personalitet i jashtëzakonshëm, ku veprimtaria e tij shtrihej në shumë fusha dhe dimensione të jetës si në art, në analizë, si shkencëtar i mendimit, si politolog, si opinionist dhe në shumë gjëra të tjera.

Unë nuk jam i vetmi që mund të flas për të, sepse rrezja e tij është shumë më e madhe se ç’mund të flasë njëri apo tjetri përfshi dhe ne të dy. Dhe këtë e pamë edhe dje në homazhe, ku valenca e tij është shumë e madhe.

Ai ishte një shembull i qytetarisë, ishte njeriu i televizioneve, ishte personaliteti që në një mënyrë apo një tjetër i bënte kritikë vulgaritetit të shoqërisë dhe mediave shqiptare. Tek ai fjala ishte kult. Sigurisht!

The post “Një njeri që e ktheu fjalën në art”/ Timo Flloko për humbjen e Artur Zhejit: Personalitet i jashtëzakonshëm! appeared first on Albeu.com.

Pak pas orës 12:10, trupi i tij është nisur drejt banesës së fundit ku gazetari dhe publicist i njohur do të prehet, në varrezat e Tufinës.

Familjarë, miq e kolegë, vendosën kurora me lule pranë arkmortit, duke i dhënë lamtumirën.

Artur Zheji, u nda nga jeta më 23 gusht në moshën 64-vjeçare në Sarandë, ku ndodhej për pushime me familjen.

Me një karrierë të gjatë në media, Artur Zheji, ka shërbyer si drejtues në Radio Televizionin Shqiptar, Agjencinë Telegrafike Shqiptare dhe media të tjera, duke u bërë një nga zërat më të rëndësishëm të debatit publik në vend.

Përveç rolit si gazetar dhe drejtues emisioni, ai ishte edhe editorialist dhe komentues politik, duke lënë gjurmë të thella në mendimin mediatik shqiptar.

The post Gazetari Artur Zheji përcillet për në banesën e fundit appeared first on Albeu.com.

Artur Zheji, u nda nga jeta më 23 gusht në moshën 64-vjeçare në Sarandë, ku ndodhej për pushime me familjen.

Me një karrierë të gjatë në media, Zheji ka shërbyer si drejtues në Radio Televizionin Shqiptar, Agjencinë Telegrafike Shqiptare dhe media të tjera, duke u bërë një nga zërat më të rëndësishëm të debatit publik në vend.

Përveç rolit si gazetar dhe drejtues emisioni, ai ishte edhe editorialist dhe komentues politik, duke lënë gjurmë të thella në mendimin mediatik shqiptar.

Në një deklaratë për mediat ne homazhet e mbajtura ndaj tij, kreu i PD-së Sali Berisha, ka shprehur ngushëllimet e tij për ndarjen nga jeta të gazetarit.

Berisha vlerësoi figurën e Zhejit, si një personalitet të spikatur në fushën e gazetarisë dhe analizës politike.

Gjithashtu, ai shprehet se ndan dhimbjen me familjen dhe të afërmit e Zhejit në këtë moment të vështirë, duke i uruar që shpirti i tij të gjejë paqen e merituar.

“Erdha të shpreh ngushëllimet më të ndjera dhe nderimin tim të thellë për Artur Zhejin, një personalitet i mirënjohur i gazetarisë me një eksperiencë të gjatë, i analizës, publicistikës, botimeve.

Artur Zheji ishte një zë në vete në analizat e tij, në të cilat edhe po të mos ishe dakord me pikëpamjen, mënyrën civile të servirjes dhe të shtruar të mbrojtjes që ai bënte, do ta respektoje patjetër.

Me këtë rast shpreh ngushëllimet më të ndjera familjes së tij të nderuar, miqve, shokëve dhe lutem së bashku me ta që shpirti i tij, shpirti i Artur Zhejit të gjejë paqen e merituar”, tha Berisha.

Regjisori Kiço Londo, ndau një mesazh të ndjerë, duke kujtuar figurën e mikut të tij: “Vijmë nga i njëjti ajër, nga e njëjta krahinë, nga një gjak e nga i njëjti kurs në këtë shkollë të mrekullueshme. Sot është një ditë zie e thellë. Është një ditë ku të gjithë duhet të qajmë për dritën që humbëm, për mendimin e thellë që nuk do ta kemi më, për Arturin që jo vetëm trashëgonte një gjen gjeniu, por mbante edhe një damar të fortë gjeniu brenda vetes. Dritë e madhe që humbëm, por shpresa është që dita që Arturi po lë pas të na ndihmojë të bëhemi më të mirë”.

The post U nda papritur nga jeta, i jepet lamtumira e fundit gazetarit Artur Zheji appeared first on Albeu.com.

Artur Zheji, u nda nga jeta më 23 gusht në moshën 64-vjeçare në Sarandë, ku ndodhej për pushime me familjen.

Ai njihej si një nga figurat më të spikatura të gazetarisë dhe publicistikës shqiptare.

Me një karrierë të gjatë në media, Zheji ka shërbyer si drejtues në Radio Televizionin Shqiptar, Agjencinë Telegrafike Shqiptare dhe media të tjera, duke u bërë një nga zërat më të rëndësishëm të debatit publik në vend.

Përveç rolit si gazetar dhe drejtues emisioni, ai ishte edhe editorialist dhe komentues politik, duke lënë gjurmë të thella në mendimin mediatik shqiptar.

The post U nda papritur nga jeta, nisin homazhet në nderim të gazetarit Artur Zheji appeared first on Albeu.com.

Kryetar i Aleancës për Shqiptarët Deputet në Kuvendin e RMV-së, Ziadin Sela, shprehet se Zheji nuk ishte thjeshtë një gazetar, por ngriti zërin në Tiranë për shqiptarët në Strugë, Çamëri e Preshevë.

Reagimi i plotë:

Artur Zheji, një figurë emblematike mungesa e të cilit do të ndjehet gjatë!

Nuk ishte thjeshtë një gazetar, por një zë i shqiptarëve të çdo treve. Ngriste zërin në Tiranë për shqiptarin në Strugë e Likovë, në Çamëri e Guci, në Preshevë e Prishtinë.

Mjeshtër i pendës dhe fjalës publike, aktivist i angazhuar në çdo kauzë e proces të rëndësishëm për kombin. Ikja e tij në këtë moshë e papritmas, do të lë një zbrastirë të thellë në opinionin mbarëkombëtar.

Pusho në paqë, Artur!
Ngushllime të përzemërta për familjen, kolegët dhe mbarë popullin!

The post Ndarja nga jeta e Artur Zhejit, reagime edhe nga politika shqiptare në RMV, Ziadin Sela: Ngriti zërin për shqiptarët e çdo treve appeared first on Albeu.com.

Askush nuk e priste, por zemra ‘nuk e fali’ Zhejin. Menjëherë ai u dërgua nga familjarët në Spitalin e Sarandës, por nuk ia doli.

Mësohet se gazetari është shprehur se nuk ndjehej mirë teksa drekonte me familjen në qytetin bregdetar ku kishte zgjedhur të pushonte disa ditë. Menjëherë u telefonua ambulanca, por Zheji mbërriti në duart e mjekëve pa shenja jete.

Artur Zheji, djali i gjuhëtarit dhe përkthyesit të shquar, Petro Zheji dhe i aktores Besa Imami, ka lënë gjurmë në median shqiptare. Përgjatë karrierës së tij televizive, Zheji njihet kryesisht për drejtimin e programit analitik “360 Gradë” i shfaqur në ekran që prej vitit 2017.

Ndër të tjera, gazetari ka mbajtur dhe poste drejtuese, përmendim këtu Radio Televizionin Shqiptar (RTSH) si dhe ka qenë në krye të Agjencisë Telegrafike Shqiptare (ATSH).

Zheji lindi më 29 Gusht 1961, por sot mbylli sytë përgjithmonë. Ajo që do të mbetet pas është krijimtaria dhe kontributi i tij në median shqiptare.

Veprimtaria e gjatë e Zhejit përfshin analiza politike, editoriale dhe drejtimin e disa programeve televizive. Ndarja e parakohshme nga jeta e Artur Zhejit ka sjellë trishtim tek familjarët, miqtë si dhe në komunitetin mediatik shqiptar.

The post Djali i një përkthyesi dhe një aktoreje, kush ishte Artur Zheji, gazetari i karrierës që la gjurmë në median shqiptare appeared first on Albeu.com.

Duke folur për kërcënimet që Yuri Kim tha se i janë bërë SPAK, Zheji tha se nëse ky informacion është i saktë, tregon se Arben Kraja ka mbrojtje të dobët.

Artur Zheji: Me këtë daljen e fundit të Yuri Kim, tani po më kryqëzohet një informacion, në fillim të shtatorit u përhap një thashetheme, por ndonjë herë është dhe legjendë e qëllimshme, që në shtëpinë e Zotit Kraja, megjithëse rojet i kishte zënë gjumi, kanë hyrë hajdutë që nuk vodhën asgjë, përkundrazi i kanë lënë një gjë simbolike, që ne kemi qenë këtu… kjo qarkulloi shumë fort si një përrallë nga e sotmja, pra vulnerabiliteti i mbrojtjes së kryetarit të SPAK. Për koincidence zotit Kraja i skadon afati, dhe askush s’ka dalë të konkurrojë për atë vend, dhe kam idenë se nuk kanë dalë sepse nuk e duan atë vend jo se nuk kanë qejf të jenë kryetar të SPAK. Yuri Kim thotë frikë e madhe. Mesa duket nga deklarime t e ambasadores Kim, do të thotë se ky kërcënim është bërë.

Dritan Hila: Janë kamerat e një vile tjetër që e kanë filmuar dhe e kanë publikuar

The post “Hajdutët janë futur në shtëpinë e Arben Krajës, i kanë lënë një…”, Artur Zheji: Rojet flinin gjumë appeared first on Albeu.com.

Gazetari dhe analisti Artur Zheji i ftuar në emisionin “Pikat mbi I” ka folur për fjalimin e mbajtur nga kryeministri Rama në Këshillin e Evropës.

Zheji tha se Rama me anë të fjalimit të tij kishte si synim të tërhiqte vëmendjen dhe ia arriti duke pasur nje efekt pozitiv edhe në Kosovë.

Ai shtoi se përgjatë historisë Shqipëria ka dashur të jetë e rëndësishme dhe pse një vend i vogël, nëdrsa tha se “Rama ka një reminishencë nga Enver Hoxha”.

Sipas tij ky fjalim bën pjesë në nisjen e fushatës zgjedhore për Ramën pasi ka “afektuar krahun e majtë të vendit” dhe kanë krijuar pëlqyeshmëri te njerëzit.

“Ai ka 30 vite në politikë dhe e paska pasur ëndërr gjithë jetën të jetë protagonist i linjës së parë. Ai shpreh kënaqësinë që arriti qëllimin e tij. Ai e çau kornziën duke tërhequr vëmendjen me atë që tha. Është edhe pikësynim tjetër I tij, ai është futur në fushatë me këtë dalje. Në Shqipëri ka një numër shqiptarësh nga Kosova që jetojnë. Nëse kjo fjalë është projektuar të ketë efekt pozitiv në Kosovë, dhe në zonën e lidhur me Thaçin ka pasur, ku edhe Haradinaj foli mirë për këtë prononcim të Ramës. Kjo mbështetje nga Kosova i kthehet edhe si vota dhe pëlqyeshmëri në vend. Ai ka goditur sindromën e vendeve të vogla në Strasburg. Në historinë tonë kemi dashur të jemi të rëndësishëm dhe pse jemi vend i vogël, ka një remineshencë nga Enver Hoxha. Kjo ngjashmëri bën efekt akoma dhe i shkon në favor Ramës pasi afekton krahun e majtë të vendit që ka ende nostalgji për Enver Hoxhën. Ndërsa akuzohet si socialist i oligarkëve dhe jo i popullit, pas këtij fjalimi krijojnë diçka pozitive për zgjedhjet”, deklaroi Zheji.

The post Fjalimi i Ramës në KiE, Zheji: Ka ngjashmëri me Enver Hoxhën, ka nisur fushatën appeared first on Albeu.com.

Nga ana tjetër analisti Artur Zheji deklaroi se do të ketë edhe video të tjera që do të dalin nga vrasja, të cilat sias tij janë në “ankand” dhe janë shumë “të shtrenjta”.

Zheji: Mendoj se do ketë edhe video të tjera, krimi lë gjithmonë gjurmë. Videot kanë dalë në ankand dhe po shiten shumë shtrenjtë. Është gjykuar që për interesa të grupeve kriminale këto video duhet të dalin. Nuk e kuptoj pse është xhiruar, është e çuditshme. Të paktën ka vepruar me gjaftohtësi policia. Thënë gjithë kjo të paktën nuk i kanë hedhur benzinë zjarrit. Gjykatësit janë të pambrojtur dhe bandat në Elbasan i kanë shumë pranë. Mjafton që t’i thotë “të fala kalamajve” dhe ata e kuptojnë vetë mesazhin, pra çështja duhet të kalojë në Tiranë./albeu.com

The post Vrasja e Xhuvanit, Zheji: Ka video të tjera të ngjarjes, kanë dalë në ankand dhe po shiten shtrenjtë appeared first on Albeu.com.

Komentet Zheji i bëri në studion e “Open” në News24, ku ka bërë një analizë të situatës.

Sipas tij, presidenti rus ka lidhur një aleancë masive me shtete si Brazili,India, Irani dhe Afrika e Jugut, ç’ka sipas Zhejit mund të zerojë edhe pasojat e sanksioneve të marra nga Perëndimi.

“Kundër loja e Putinit është shumë e rrezikshme. Mbajti një kas të rrezikshëm me Kinën, krijoi një aks me Indinë, bëri pakt me Iranin, Brazilin Afrikën e Jugut, një aleancë 3 milion njerëzish pakt anti oksidental. kjo ka krijuar një gjendje të rëndë në kancelaritë botërore, janë rralluar konferencat e zyrtarëve, nuk ka kthim pas në qëndrimin ndaj agresionit rus, janë bërë kalkulime të tmerrshme.

Aleancat nëse janë të qëndrueshme, sanksionet ndaj Moskës zërohen. Perëndimi është duke përpunuar një strategji Perëndim Lindje, edhe mediat e kanë spostuar nga lajm i parë në lajm të dytë e më pas në lajmë bota”, tha ai.

Zheji u shpreh se Putin është gënjyer nga shërbimet e inteligjencës, duke menduar se Ukraina do të ishte e lehtë për tu pushtuar.

“Ukrainasit janë një popull i bukur, ambicion, por nuk e kemi ditur që do zbulohej një ditë në një popull me patriotizëm e moral të lartë, që në perëndim duhen si retorikë folklorike. lidhja me vlerat, flamurin, tokën, identitetin, është një surprizë e madhe. këtë surprizë e kishte edhe Perëndimi edhe Putini që nuk besonte se psikologjikisht Ukraina do të rezistonte më shumë se 2-3 javë, se ariu rus po sulmonte dhe Ukraina do kapitullonte nga frika.

Kur amerikanët i ofruan një aeroplan presidentit për tu larguar, ai kërkoi armë. Kjo rezistencë ka habitur të gjithë botën.

Shërbimet sekrete e kanë gënjyer Putinit sepse kanë pasur frikë të raportojnë dhe ia kanë bërë Ukrainën një shëtitje. gabimi më i madh i strategjisë ushtarake ishte se me 4-5 kolona të gjata me tanke që nuk do ndeshnin rezistencë, do të pushtonte vendin”, tha Zheji./albeu.com/

The post Artur Zheji: Aleancat e Moskës kanë trazuar kancelaritë perëndimore, çfarë pritet të ndodhë appeared first on Albeu.com.