Hajdarmataj shprehet se kjo nuk është ngjarja e vetme që policia ka fshehur. Ai thekson se po të ishte deshifruar kjo çështje do të kishte nxjerrë shumë problematika edhe në shkallë institucionesh duke filluar që nga Ministria e Jashtme.

‘Siç thashë, ne jemi mësuar që në shumë raste policia mundohet të fshehë ngjarje, dhe sensitive. Ka qenë një periudhë që policia e shtetit ka pasur një trend për të mos deklaruar ngjarjet. Nuk bëhet fjalët për një konflikt të çastit, por kjo është një ngjarje që është shumë sensitive për opinionin publik, pasi është e përfshirë një shtetase e huaj.

Është një ngjarje që po ishte deshifruar, do të kishte nxjerrë shumë problematike, që nga Ministria e Jashtme etj.

Në këtë moment që ne po flasim jemi tek pjesa e prokurorisë e cila po heton ngjarjen. Por që në momentet e para që ka ndodhur kjo ngjarje, opinioni publik duhej të ishte informuar’, u shpreh ish-drejtuesi i policisë, Arben Hajdamataj në SYRI TV.

The post Dhunimi i kenianes në Tiranë, ish-drejtori i policisë: Po të dëshifrohej do zbuloheshin shumë problematika appeared first on Albeu.com.

Kontejneri erdhi nga Amerika Latine dhe ishte i ngarkuar me mish pule. Mishi ishte porositur nga një subjekt tregtar në Maqedoninë e Veriut. Në pranga u vu, 30-vjeçari Arben Ferizi, banues në Prishtinë, me detyrë administrator në kompaninë që kishte porositur ngarkesën e mishit të pulës në Brazil si dhe Egert Vargu, 39 vjeç, banues në Tiranë, me detyrë agjent doganor i kontraktuar nga kjo kompani.

Ish-drejtuesi i lartë i shtetit, Arben Hajdarmataj, në një lidhje të drejtpërdrejtë me “Radarin Informativ” në Abc me gazetaren Juli Xhokaxhi u shpreh se vendi ynë është kthyer në një përpunues të kokainës dhe heroinës.

Hajdarmataj: Janë krijuar kushtet në portin e Durrësit. Ne si shtet jemi shndërruar në përpunues të drogave të rënda. Nuk mendoj që gjithë kjo sasi kokaine që kapet mund të jetë për konsum të brendshëm. Imagjino sa mund të ketë që nuk kapet ose aq më keq që lihet me dijeninë e plotë të organeve ligj-zbatuese dhe policisë së shtetit. Ne si vend jemi kthyer në përpunues të lëndës narkotike kokainë dhe heroinë. Pse ndodh arrestimi i njerëzve që janë sa më larg të lidhjes me drogën? Kemi arrestim shoferësh, administratorësh. Pse nuk e lëmë asnjëherë të shkojë droga në destinacion por e ndërpresim në mes. Sepse fundi ose koka ku do shkojë kokaina nuk janë as magazinierët, as administratorët, as shoferët. Janë të tjerë persona që kanë lidhje drejtpërdrejt me shtetin ose policinë e shtetit në rangje të larta.

Abc mëson se lënda narkotike e sekuestruar në portin e Durrësit kishte ardhur për dy grupe kriminale. Lënda narkotike ishte e ndarë në 40 pako dhe në secilën prej tyre ishte e vendosur nga një foto e filmave të animuar.

Kontejneri kishte si destinacion final Maqedoninë e Veriut. Vijon puna hetimore për identifikimin dhe kapjen e personave të dyshuar që fshihen pas ngarkesës prej 45.5 kg kokainë. Kjo është sasia e dytë e drogës që sekuestrohet nga policia e Durrësit në port në harkun kohor të një muaji pasi më 17 Maj një tjetër ngarkesë prej 59 kg kokainë u kap në një kontejnerë me qymyr që vinte nga Ekuadori. Raportohet se janë veçuar edhe kontejnerë të tjerë për kontroll të ardhur nga vende që njihen për trafik kokaine./Abcnews.al

The post Droga në Shqipëri, Hajdarmataj: Po arrestohen “të vegjlit”, policia nuk lejon mallin të shkojë qëllimisht në destinacion appeared first on Albeu.com.

Hajdarmataj u shpreh në një intervistë për Ora News se brenda vitit në vendin tonë janë futur rreth 1 ton kokainë.

Sipas tij kjo sasi e kapur është e papërfillshme në krahasim me atë që hyn në tregun shqiptar.

“Raporte që vijnë nga BE, raporte që vijnë nga DASH, tregojnë më së miri atë që ne themi dhe në njëfarë mënyrë njoftojmë opinionin publik se çfarë po ndodh. Është  për të ardhur keq se pse jemi në një situatë të tillë. Kemi rreth një vit dhe është mbi 1 ton, sasi kokaine që kapet në Shqipëri. Grupet kriminale shqiptare kanë 10 vite që po fillojnë të jenë lider në Evropë. Kemi Holandën, Anglinë, Spanjën, ku shqiptarët dominojnë. Shqetësuese është se çfarë po ndodh në Shqipëri? Është kapur një sasi shumë e vogël në krahasim me sasinë që lëviz. E gjithë kjo sasi që futet në Shqipëri na lë të kuptojmë që kjo thjesht përpunohet në Shqipëri. Ne jemi bërë bazë e përpunimit të kësaj droge.”

Ai shprehet se policia dhe prokuroria nuk bëjnë hetime në lidhje me aksionet e drogës, ndërsa shton se grupet kriminale e kanë shtrirë ndikimin deri tek institucionet vendimarrëse.

“Kush janë grupet kriminale që dominojnë që kanë ndikime deri te vendimarrja e qeverisë shqiptare? Kush janë këto grupe kriminale që ndikojnë deri tek policia e shtetit? Kjo është më shqetësuese, këtu dalin element të shtetit, drejtuesit e lartë të policisë deri tek majat e qeverisë. Duhet të jetë një garant e fuqishëm që të fus këtë sasi drogë, ta përpunojë dhe ta nxjerrë. Grupet kriminale kanë shtrirë ndikimin e tyre deri tek institucionet vendimarrëse.

Në të gjitha rastet që është kapur droga në portin e Durrësit, maksimumi ne kemi ndaluar transportuesin. Është një zinxhir personash që merret  me këtë aktivitet. Policia dhe prokuroria nuk ka bërë hetim. Për sasinë që është kapur nuk kemi asnjë informacion si publik se çfarë ëhstë bërë më këto hetime. Këto hetime mbyllen me dashje, sepse prapa kësaj skeme kriminale janë njerëz me ndikime shumë të mëdha vendimarrëse në politikën shqiptare”, përfundoi ai./albeu.com

The post Raporti i Europol, Hajdarmataj: Grupet kriminale ndikojnë edhe tek institucionet vendimarrëse appeared first on Albeu.com.

I ftuar në emisionin “Open”, Hajdarmataj tregoi se Shkodra funksionin në bazë të kanunit dhe se kjo gjë dallohet qartë në lëvizjet pas vrasjeve.

“Shkodra është qytet problematik përsa i përket krimit. Shkodra ka edhe disa rregulla kanunore që përdoren dhe e shohim tek fakti që babai i Ibrahim Licit shkoi tek shtëpia e viktimës për ngushëllim. Është bërë në bazë të rregullave kanunore.

Në Shkodër ka fakte që kemi familje të ngujuara më shumë se në rrethet e tjera. Fakti që bashkëshortja e viktimës flet për fisin Bajrit, është pjesë e rregullave kanonore. I thanë që nuk kemi borxh “gjak”,”-tha Hajdarmataj. /tch

The post Ish-shefi i policisë: Krimi i organizuar në Shkodër “lëviz” me kanun! (VIDEO) appeared first on Albeu.com.