Shqipëria dhe Italia do të finalizojnë të martën marrëveshjen për njohjen reciproke të kontributeve për sigurimet shoqërore, nga e cila do të përfitojnë edhe të gjithë ata italianë që jetojnë në vendin tonë.

Marrëveshja do të nënshkruhet nga ministri i Jashtëm italian Antonio Tajani dhe homologu i tij shqiptar, Igli Hasani gjatë vizitës dy ditore që ky i fundit do të zhvillojë të hënën dhe të martën në Itali.

Ministria për Europën dhe Punët e Jashtme bën të ditur se marrëveshja vjen si një detyrim dhe e drejtë ndaj qytetarëve shqiptarë, italianë dhe italo-shqiptarë, të cilët kanë punuar me përkushtim për 30 vjet dhe kanë kontribuar në ekonominë dhe përparimin social të të dy vendeve tona.

Përmes marrëveshjes, do të mbulohen pensionet e pleqërisë, sigurimet për përfitimet për sëmundjet, si dhe sigurimin për papunësinë si për shqiptarët që jetojnë në Itali, ashtu edhe për shtetasit italianë që jetojnë e punojnë në Shqipëri dhe derdhin kontributet e tyre këtu.

Janë rreth 500 mijë qytetarë shqiptarë emigrantë që jetojnë dhe punojnë në shtetin fqinj, që pritet të përfitojnë nga njohja e sistemit të pensioneve mes dy shteteve.

Pas firmosjes, marrëveshja para se të hyjë në fuqi duhet të kalojë për ratifikim në Kuvendet respektive.

The post Arrihet marrëveshja për pensionet me Italinë, do të nënshkruhet te martën nga Hasani dhe Tajani appeared first on Albeu.com.

Në një intervistë për La Stampa, Tajani theksoi se një hap i tillë do të ishte kyç në ruajtjen e paqes dhe parandalimin e konflikteve globale.

Ai sugjeroi më tej se krijimi i një force të unifikuar ushtarake evropiane është një element themelor për një politikë të jashtme efektive evropiane.

Ushtria e Bashkimit Evropian: Një vizion për ruajtjen e paqes

Avokimi i Tajanit për një ushtri të kombinuar të BE-së nënvizon fokusin në rritje në bashkëpunimin evropian të mbrojtjes.

Propozimi i tij është një vizion i guximshëm i rolit të BE-së në diplomacinë globale dhe çështjet e sigurisë. Ministri theksoi se të kesh një forcë ushtarake evropiane nuk është më një opsion, por një domosdoshmëri.

Me konfliktet globale në rritje, Tajani beson se një ushtri e kombinuar e BE-së mund të veprojë si një pengesë e rëndësishme dhe të luajë një rol vendimtar në ruajtjen e paqes.

The post Ministri i Jashtëm italian bën thirrje për formimin e ushtrisë së BE-së appeared first on Albeu.com.

Rama ka ndarë dhe një lajm të mirë pas takimit me Tajanin. Ai bën me dije se janë gati të firmosin marrëveshjen e pesnioneve me Italinë.

“Kryeministria – Me Ministrin e Punëve të Jashtme dhe Bashkëpunimit Ndërkombëtar të Italisë, Antonio Tajani

Dhe me lajmin e mirë se më në fuuuund jemi gati për firmosjen e Marrëveshjes së shumëpritur të Pensioneve të shqiptarëve në Itali”, shkruan Rama.

Paraditen e sotme Tajani u prit në takim edhe nga ministri i Jashtëm shqiptar, Igli Hasani.

Tajani do të shkojë edhe në portin e Shëngjinit për të kryer një inspektim të zonës ku do të ndërtohet qendra e identifikimit të emigrantëve, siç kërkohet nga Protokolli për bashkëpunimin në çështjet e migracionit ndërmjet Italisë dhe Shqipërisë, nënshkruar në Romë më 6 nëntor. /albeu.com

The post Rama pret në takim ministrin e Jashtëm italian, ndan lajmin e mirë: Gati të firmosim marrëveshjen e pensioneve me Italinë appeared first on Albeu.com.