Gazetarja Klodiana Lala raporton se trupa gjykuese e kryesuar nga Rudina Palloj, vendosi ta shpallë Bllakon fajtor për korrupsion pasiv për përfitim të 119 mijë eurosh, dhe përfitim për 7 milion lekë, duke e dënuar me 4 vite burg.

Pas reduktimit të dënimit, ai do të vuajë një dënim prej 2 vite e 8 muaj burg. Përveç kësaj, Ballkos i është hequr e drejta për të ushtruar funksione publike për një periudhë prej 5 vitesh.

Por, GJKKO ka vendosur lirimin e Bllakos pasi është vendosur shuarja e masës së sigurimit “arrest në burg” dhe është urdhëruar lirimi i tij nëse nuk ka masë tjetër.

Kjo, pasi masa e paraburgimit është më e madhe se masa e dënimit për Bllakon.

Sipas hetimeve të SPAK, Bllako ka përfituar në mënyrë të tërthortë rreth 120 mijë euro nga Klodian Zoto dhe Mirel Mërtiri, pronarët de facto të shoqërisë koncesionare të inceneratorit, për blerjen e një pajisjeje të përdorur në aktivitetin tregtar të babait të tij, një fabrikë birre në Ersekë.

Në dosje thuhet gjithashtu se Bllako i ka propozuar Vladimir Bezhanit të vijonte si këshilltar i jashtëm i ministrit të Mjedisit, Lefter Koka, dhe të ofronte konsulencë juridike gjatë periudhës kur po përgatitej procedura e dhënies së koncesionit.

Për këtë shërbim, Bllako akuzohet se i ka kërkuar Klodian Zotos që ta punësonte fiktivisht Bezhanin, duke i siguruar një pagë prej 7.5 milionë lekësh të reja.

Sipas SPAK, gjatë kohës që Bezhani ishte këshilltar i ministrit Koka, ai ka mbajtur kontakte me Klodian Zoton sipas udhëzimeve të Alqi Bllakos, duke i transmetuar informacione të marra nga Autoriteti Kontraktor.

The post U dënua me 2.8 vite burg për aferën e inceneratorit të Tiranës, ish-deputeti Alqi Bllako pritet të lirohet nga qelia! GJKKO: E ka shlyer dënimin me paraburgim appeared first on Albeu.com.

Hetimet e SPAK-ut, të përfunduara në nëntor të vitit të kaluar, zbuluan se Bllako, në cilësinë e Sekretarit të Përgjithshëm të Ministrisë së Mjedisit, kishte kryer korrupsion pasiv në dy raste lidhur me kontratën koncensionare të vitit 2017 për ndërtimin dhe menaxhimin e inceneratorit në Tiranë.

Bllako akuzohet për kryerjen e veprës penale “korrupsion pasiv i personave që ushtrojnë funksione publikë” në lidhje me hetimet për inceneratorin e Tiranës. Në datë 20 dhjetor, GJKKO kaloi për gjykim dosjen në ngarkim të Bllakos, për korrupsion kryer në dy raste.

Nga hetimet, ka rezultuar se Bllako në cilësinë e sekretarit të ministrisë së Mjedisit ka përfituar shumën prej 120 mijë euro për favorizimin që i ka bërë dy pronarëve që përfituan të drejtën për ndërtimin e inceneratorit, Klodian Zotos e Mirel Mërtirit. Ndërsa në rastin e dytë, ka rezultuar se Bllako i ka kërkuar rryshfet Klodian Zotos, shumën prej 7.5 milionë Lekësh për llogari të Vladimir Bezhanit, duke e punësuar atë fiktivisht tek shoqëria “Integrated Technology Services”.

Në muajin prill, SPAK çoi për gjykim një pjesë të të akuzuarve për inceneratorin e Tiranës mes të cilëve edhe ish-ministrin e mjedisit Lefter Koka, si dhe disa ish-zyrtarë të bashkisë së Tiranës dhe anëtarë të komisionit të vlerësimit të ofertave.

Ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit, Lefter Koka e kryetarin e shpronësimeve, Pëllumb Abeshi për Inceneratorin e Elbasanit. Bllakos iu caktua dënimi me 2.8 vite burg dhe 5 vite heqje e së drejtës për të ushtruar funksione publike për këtë aferë. Ndërkohë që është dënuar me 2.8 vite burg për inceneratorin e Fierit

The post Inceneratori i Tiranës/ Dënohet me 4 vite burg ish-deputeti i PS Alqi Bllako, përfiton gjykim të shkurtuar appeared first on Albeu.com.

Në nëntor të vitit të kaluar, Apeli i GJKKO-së vendosi dënimin me burg për ish-ministrin e Mjedisit, Lefter Koka, ish-deputetin e Partisë Socialiste, Alqi Bllako dhe të pandehurit e tjerë që akuzohen si të përfshirë në aferën e inceneratorit të Elbasanit.

Trupa gjykuese vendosi dënimin me 10 vite burg të ish-ministrit Koka, i cili përfitoi nga gjykimi i shkurtuar dhe u dënua përfundimisht me 6.8 vite burg.

Ndërkohë për ish-deputetin e Partisë Socialiste Alqi Bllako, u caktua dënimi me 2.8 vite burg dhe 5 vite heqje e së drejtës për të ushtruar funksione publike. Ai ishte shpallur i pafajshëm nga GJKKO për inceneratorin e Elbasanit, por Apeli i GJKKO vendosi dënimin me burgim për të.

Ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit Lefter Koka e kryetarin e shpronësimeve, Pëllumb Abeshi.

The post Inceneratori i Elbasanit/ Alqi Bllako rekurs në Gjykatën e Lartë, kërkon prishjen e vendimit të Apelit të Posaçëm dhe shpalljen e tij të pafajshëm appeared first on Albeu.com.

Sapo janë informuar se kanë mbërritur mediat, katërshja në fjalë kanë refuzuar të votojnë dhe kanë kërkuar që të votojnë pa praninë e kamerave dhe gazetarëve.

Në burgun e Durrësit gjenden 240 të burgosur. 195 prej tyre janë lejuar të votojnë ndërsa pjesa tjetër janë ndaluar për shkak të dënimeve të formës së prerë.

The post Zyrtarët e Partisë Socialiste në burgun e Durrësit, refuzojnë të votojnë para kamerave appeared first on Albeu.com.

Bllako është i akuzuar për kryerjen e veprës penale: “Korrupsioni pasiv i funksionarëve të lartë shtetërorë ose i të zgjedhurve vendorë”, dy herë, parashikuar nga neni 260 i Kodit Penal.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar ka paraqitur më 15 nëntor, kërkesën për dërgimin për gjykim të të pandehurit Alqi Bllako, i akuzuar për kryerjen e veprës penale: “Korrupsioni pasiv i funksionarëve të lartë shtetërorë ose i të zgjedhurve vendorë”, dy herë, parashikuar nga neni 260 i Kodit Penal.

Nga aktet e administruara dhe gjatë hetimeve të kryera për kontratën koncensionare të vitit 2017 për ”Ndërtimin e landfillimit, inceneratorit dhe rehabilitimit të vend depozitimeve ekzistuese, Tiranë”, e lidhur mes Ministrisë së Mjedisit dhe shoqërisë koncesionare “Integrated Energy B.V SPV” sh.p.k. janë konstatuar akte korruptive të të pandehurit Alqi Bllako, i cili në cilësinë e Sekretarit të Përgjithshëm të Ministrisë së Mjedisit ka kërkuar dhe përfituar në mënyrë të parregullt në dy raste; a. vlerën monetare prej 119.715 euro dhe b. vlerën monetare prej 7,520,000 lekë për Vladimir Bezhanin.

The post Inceneratori i Tiranës/ SPAK çon në gjyq ish-deputetin e PS-së, Alqi Bllakon appeared first on Albeu.com.

Pak ditë më parë, prokurori Dritan Prençi i ka komunikuar akuzën Bllakos, i cili prej më shumë se dy vitesh ndodhet në qeli për inceneratorët.

Në muajin prill të këtij viti, SPAK çoi për gjykim një pjesë të të akuzuarve për incineratorin e Tiranës.

Konkretisht: ish-ministrin e Mjedisit Lefter Koka; Pëllumb Abeshin; Erjon Murataj; Bledar Karolin; Taulant Tushën; Namik Simixhiu; Etleva Kondi; Alba Thoma; Valbona Ballgjini; Sidita Kopliku; Jetmir Llapaj; si dhe Silena Tolën.

Organi i Akuzës i komunikoi atyre akuzën “shpërdorim detyre”.

Koka, Bllako, Tusha dhe Karoli ndodhen në masën “arrest në burg”, ndërsa Alba Thoma, Ballgjini, Temali, Kondi, Abeshi dhe Tola në masën “arrest në shtëpi”. Namik Simixhiu ka masën “detyrim paraqitje”.

Për incineratorin e Elbasanit, Alqi Bllako u shpall i pafajshëm nga shkalla e parë, ndërsa për incineratorin e Fierit ai u dënua me 4 vite, dënim i cili zbriti në 2.8 vite burg për shkak të gjykimit të shkurtuar.

The post Incineratori i Tiranës “dj*eg” ish-deputetin e PS-së, Alqi Bllako merret i pandehur për korrupsion në dy raste appeared first on Albeu.com.

Seanca në Apelin e GJKKO, ka lidhje me hetimet për inceneratorin e Elbasanit, ndërkohë që për inceneratorin e Fierit ende nuk ka zhvillime në Gjykatën e Apelit të Posaçëm, duke bërë që vendimi të mos marrë formë të prerë.

Mësohet se prokurorët Klodian Braho dhe Arben Kraja, kërkuan që Bllako të dënohet me 4 vite burg, në përfitim të gjykimit të shkurtuar 2.8 vite burg, ndërsa për Kokën kërkon t’i shtohet edhe dënimi për “shpërdorim detyre”.

Ish-ministri është dënuar në shkallën e parë të GJKKO me 6.8 vite burg me gjykim të shkurtuar.

The post Inceneratori i Elbasanit/ Prokurorët e SPAK kërkojnë 4 vite burg për Alqi Bllakon, Kokës t’i shtohet akuza “shpërdorim detyre” appeared first on Albeu.com.

Gjithashtu, prokurorët e SPAK ka ankimuar në apelin e posaçëm dhe vendimin për Lefter Kokën, ku ky i fundit u dënua vetëm për veprën penale të korrupsionit.

SPAK kërkon në apel dënimin e Bllakos dhe Kokës, njësoj siç është kërkuar në pretencën e organit hetues, përkatësisht 10 vite për Kokën e 4 vite për Bllakon.

Ky i fundit vijon qëndrimin në qeli, për shkak të dënimit të tij me 2.8 vit burg sa i takon përfshirjes së tij në inceneratorin e Fierit, e po ashtu dhe nga masa për inceneratorit të Tiranë.

The post Alqi Bllako kërkon pafajësinë, Prokuroria kundërshton vendimin, SPAK apelon edhe dënimin e Kokës appeared first on Albeu.com.

Burimet pranë drejtorisë së burgjeve, bëjnë me dije se rikthimi i tyre lidhet me masat që pritet të mbahen në gjykatë dhe bëhet për lehtësim të distancës.

Lajmi në përditësim…

The post U dërguan për çështje sigurie në Fier, kthehen në Burgun e Durrësit, Vangjush Dako dhe Alqi Bllako appeared first on Albeu.com.

Por seanca u shoqëruar me debate të ashpra, pasi Alqi Bllako hodhi akuza të forta ndaj Prokurorisë së Posaçme.

Bllako tha se rikthimi tek akuzat fillestare nga ana e prokurorit Dritan Prençi, duke anashkaluar vendimin e gjyqtares paraprake, tregon se është orkestruar goditja e tij në kuadër të një agjende të caktuar.

Më tej, Bllako pretendon se nuk ka qenë zyrtar i lartë publik, por funksionar i lartë civil, teksa paralajmëroi se shkeljet e konstatuara do t’i ankimojë në KLP dhe deri në Strasburg.

Bllako: Shkelja e ligjit është aq flagrante se nuk di nëse ka të bëjë me injorancën profesionale, apo një hakmarrje personale. Vetëm SPAK mund të akuzojë për një detyrë që nuk ka qenë detyra ime. Standart i hapur esktraligjor, duke çuar përpara një axhendë hakmarrjeje personale ndaj personit tim.

Kush konsiderohet funksionar i lartë shtetëror e përcakton Kushtetuta. E ftova prokurorin në seancën paraprake të citonte një ligj të vetëm se ku bazohet, nuk dha sqarime sepse diçka e tillë nuk ekziston.

Është njësoj si gjykata të çojë për gjykim çështjen me akuzën shpërdorim detyre, ndërsa në konkluzionet përfundimtare prokuroria të ngrejë akuzën vrasje me paramendim.

Është haptazi shpërdorimi i prokurorit, me qëllim hakmarrjen personale. Një atentat ndaj gjykatës paraprake. Një shkelje e tillë jo vetëm do ankimohet në KLP, por deri në Strasburg./Albeu.com.

The post Inceneratori i Fierit, Alqi Bllakos nuk i mbajnë nervat në gjyq, akuza ndaj SPAK: Injorancë apo hakmarrje? appeared first on Albeu.com.