Ndërkohë është zbuluar emri i punonjësit të policisë së Lezhës, i cili rezulton të jetë marrë i pandehur nga prokurori Françesk Ganaj, për shkak se akuzohet ka dhunuar Aldi Ramën, i cili pas daljes nga burgu vrau me armë zjarri punonjësin e policisë, Saimir Hoxha.

Sipas dosjes hetimore, për Myrteza Mehmetaj aktualisht prokuroria e Lezhës ka ngritur akuzën e “Kryerjes së veprimeve arbitrare”, edhe pse i pandehuri është larguar nga shërbimi në komisariatin e Lezhës dhe tashmë punon si specialist në policinë e Burgjeve, pranë burgut të Fushë-Krujës.

“Gjatë kohës kur Mehmetaj ka qënë me detyrë oficer policie në komisariatin e Lezhës dhe gjatë kohës së procedurave të arrestimit të Aldi Ramës, ka ushtruar dhunë fizike ndaj këtij të fundit. Rasti është ndjekur nga Shërbimi i Kontrollit të Brendshëm, të cilët në atë periudhë kërkuan kryerjen e një ekspertimi mjeko-ligjor ndaj 21-vjeçarit Aldi Rama. Në raportin e ekspertimit, mjekët konstatuan se dëmtimet në trup Rama, i ka pasur si pasojë e dhunës së ushtruar në ambjentet e brendshme të komisariatit Lezhë”, shkruhet në dosje.

Kujtojmë se vetë Aldi Rama në atë kohë akuzonte tre punonjës policie për dhunë në komisariat, megjithëse nuk dinte emrat e tyre.

Nga ana tjetër sjellim në kujtesë se Rama ekzekutoi efektivin Saimir Hoxha gjatë një operacioni anti-kanabis që po zhvillonte ky i fundit në Lezhë, më 29 shtator 2021.

Ai u largua me shpejtësi nga vendi i ngjarjes, por forcat RENEA ju vunë pas dhe pas më shumë se 5 orë kërkimesh, ai u gjet i vrarë me një plumb në kokë, duke ndërruar jetë në Spitalin e Traumës.

The post Specialist tek burgjet, zbulohet polici që dhunoi në Komisariat Aldi Ramën appeared first on Albeu.com.

Prokuroria e Lezhës ka mbyllur hetimet duke vendosur nën akuzë efektivin e policisë me iniciale M.M ndërsa nuk ka gjetur prova për dy efektivet e tjerë që në vitin 2019 kishin shoqëruar në komisariat 21 vjeçarin Rama, pas akuzave për dhunë ndaj të dashurës së tij.

Përfundimin e ka arritur prokurori Françesk Ganaj, i cili më parë për shkak të vonesës në dërgimin e shkresave nga prokuroria në gjykatë, bëri që ndaj te riut të ndryshonte masa e sigurisë nga “arrest me burg” në “arrest shtëpie”.

Për këtë arsye 21 vjeçari kishte mundësi të ishte i lirë dhe nën mllefin e akumuluar për dhunën ndaj tij, të zbrazte armën ndaj efektivit Saimir Hoxha që sëbashku me disa kolegë të tjerë e kishin ndaluar në zonën e Vainit për një kontroll.

Pas vrasjes se policit, ILD i kishte kërkuar Këshillit të Lartë të Prokurorisë të ndëshkonte me masë disiplinore prokurorët Milan Laskaj dhe Françesk Ganaj, pasi autori mund të ishte në izolim ditën e ngjarjes dhe mund të ishte evituar një krim ndaj uniformave blu.

Pas ngjarjes nisën hetimet në lidhje me akuzën që kishte ngritur ndaj policisë Aldi Rama ku pretendohej për dhune të ushtruar gjatë shoqërimit në dhomat e paraburgimit në Komisariatin e Lezhës dhe rreth 9 muaj më vonë, i njëjti prokuror, Françesk Ganaj, që la të lirë të riun që vrau nënkomisarin e policisë Saimir Hoxha, mbyll hetimet për dhunën e pretenduar në komisariat dhe çështja me një të akuzuar pritet të përfundojë në gjykatë.

Çfarë kishte ndodhur më herët?

Aldi Rama u ndalua në vitin 2019 pasi u kap me lëndë narkotike dhe një armë të ftohtë, por ndaj tij kishte bere denoncim për dhunë edhe një vajzë. Pavarësisht provave, prokurorët Françesk Ganaj dhe Milan Laska, nuk vepruan në kohë dhe dërguan me vonesë në gjykatë materialet në ngarkim të tij e kjo bëri që 21 vjeçari të lihej në arrest shtëpie. Ndërkohë ishte vetë i riu Rama që paditi policinë për dhunë dhe keqtrajtim gjatë shoqërimit dhe prokuroria nisi hetimet.

9 muaj nga vrasja e oficerit Hoxha dhe vetëvrasjes së autorit, 21 vjeçarit Aldi Rama, prokurori që e la të lirë kreu të gjitha veprimet hetimore, por gjeti fajtor vetëm për njërin nga 3 efektivët e policisë të kallëzuar per ngjarjen.

Vrasja

Më 28 shtator, ndërsa ishte në operacion për asgjësimin e lëndëve narkotike në zonën e Kunes oficeri Saimir Hoxha ndaloi një automjet ku ndodheshin tre persona njëri prej të cilëve 21 vjeçari Aldi Rama. Ky i fundit refuzoi t’i bindej nënkomisarit Saimir Hoxha që t’i jepte mjetin identifikimit dhe e qëlloi me dy plumba njëri prej të cilëve e kapi në zemër duke i shkaktuar vdekjen. Autori u largua dhe u fsheh për disa orë në lagunë, ku dyshohet se qëlloi ndaj vetes. I plagosur u dërgua në spitalin e Traumës në gjendje të rëndë por ndërroi jetë si pasojë e plagës së marrë.

The post Keqtrajtimi që i kishin bërë në komisariat e nxitën Aldi Ramën të ndërmarrë aktin e rëndë? Merret në hetim një efektiv policie appeared first on Albeu.com.

Hetimi disiplinor ka filluar mbi bazën e informacionit të paraqitur në media, lidhur me vrasjen e oficerit Saimir Hoxha në shtator të viti të kaluar, i cili u ekzekutua nga 21-vjeçari Aldi Rama.

ILD ka dalë ё përfundimin se, prokurorët kanë zvarritur hetimet për këtë çështje.

Njoftimi i plotë:

Inspektori i Lartë i Drejtësisë ka finalizuar hetimin disiplinor, të nisur me iniciativë, ndaj magjistratëve F.G., me detyrë prokuror i Prokurorisë pranë Gjykatës së Rrethit Gjyqësor Lezhë dhe M.L., për periudhën e ushtrimit të detyrës, si prokuror drejtues në Prokurorinë pranë Gjykatës së Rrethit Gjyqësor Lezhë. Hetimi disiplinor ka filluar mbi bazën e informacionit të paraqitur në media, lidhur me ngjarjen tragjike të datës 28.09.2021, ndodhur në qytetin e Lezhës, ku si pasojë e veprimeve të kryera nga shtetasi A.R, ka humbur jetën, oficeri i policisë S.H. Në median e shkruar dhe atë vizive janë pasqyruar informacione të cilat lidhen me historinë problematike të autorit të vrasjes dhe përballjen e tij me organet e drejtësisë.

Në analizë të dokumentacionit të administruar në kuadër të këtij procesi hetimor, ILD konkludon se:

Si rezultat i veprimeve dhe mosveprimeve në mospërmbushje të detyrës funksionale, si prokuror gjatë hetimeve paraprake, F.G., ka shkaktuar dorëzimin e akteve të procedimit penal në gjykatë në tejkalim të afatit të paraburgimit për të pandehurin, c’ka ka sjellë për pasojë konstatimin nga ana e gjykatës, të shuarjes së masës së sigurimit “arrest në burg” ndaj të pandehurit A.R. dhe caktimin ndaj tij të masës së sigurimit “arrest në shtëpi”.

Kjo sjellje përbën mospërmbushje të detyrës së prokurorit, të cilit i është dhënë atributi kushtetues për të ushtruar ndjekjen penale dhe kontrolluar hetimet paraprake, me qëllim dërgimin e çështjes në gjykatë, në respektim të afateve ligjore procedurale penale.

Prokurori M.L., pa shkaqe të arsyeshme ka lejuar moszbatimin e Udhëzimit të detyrueshëm të Prokurorit të Përgjithshëm, duke sjellë për rastin e kësaj çështje penale, konfuzion për kohën e dorëzimit të akteve nga prokurori i çështjes dhe në vijim në gjithë zinxhirin e hallkës së funksionimit administrativ në prokurori për kalimin e akteve në gjykatë.

Kjo sjellje e prokurorit M.L., përbën mospërmbushje të detyrës, duke cënuar pozitën dhe figurën e një drejtuesi prokurorie, që si prokurori më i lartë për të gjithë prokurorët e zyrës që drejton, duhet të respektojë ai i pari udhëzimet e një prokurori më të lartë.

Veprimet/mosveprimet e ndërmarra nga ana e magjistratëve F.G. dhe M.L., përbëjnë shkelje disiplinore të lehtë, sipas nenit 102, pika 1, shkronja “l” e ligjit me nr. 96/2016.

Për sa më sipër i kërkohet KLP-së, pranimi i kërkesës së Inspektorit të Lartë të Drejtësisë për caktimin e masës disiplinore “Vërejtje publike” ndaj magjistratit F.G., me detyrë prokuror në Prokurorinë pranë Gjykatës së Rrethit Gjyqësor Lezhë për shkeljen disiplinore të parashikuar nga neni 102, pika 1 shkronja “ç” dhe “dh” të Ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, të ndryshuar; dhe caktimin e masës disiplinore “Vërejtje publike”, për magjistratin M.L., aktualisht prokuror në Prokurorinë pranë Gjykatës së Rrethit Gjyqësor Tiranë për shkeljen disiplinore të parashikuar nga neni 102, pika 1 shkronja “l” të Ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, të ndryshuar.

The post Zvarritën hetimet për vrasësin e oficerit Saimir Hoxha, ILD kërkon masë disiplinore për dy prokurorët e çështjes appeared first on Albeu.com.

Ngjarja mund të mos ketë qenë një vendim i momentit i të riut Aldi Rama, i cili po ashtu mbeti i vdekur pak orë më vonë, por mund të ketë lidhje me një mllef të akumuluar të të riut.

Kohë me parë Saimir Hoxha e kishte arrestuar 21-vjeçarin në kushtet e flagrancës, dhe kishte bërë gati dhe dokumentacionin për prokurorinë.

Mësohet se procesverbali i arrestimit dhe referimit në prokurori të Aldi Ramës është firmosur pikërisht nga Saimir Hoxha dhe 2 kolegë të tij.

Kështu, ngrihen dyshimet se Aldi Rama ka qëlluar mbi nënkomisarin për shkak të mllefit që mund të kishte ndaj tij.

Procesverbali që mban dhe firmën e oficerit Saimir Hoxha i është bashkuar procedimit penal të regjistruar nga prokuroria e Lezhës, pas kallëzimit të bërë nga 21-vjeçari për dhunë dhe keqtrajtim nga uniformat blu.

Në lidhje me këtë çështje hetimet për veprën penale “Kryerja veprimesh arbitrare” po drejtohen nga prokurori Françesk Ganaj.

The post Detaje të reja nga vrasja e Saimir Hoxhës, nënkomisari kishte firmosur urdhër arresti ndaj Aldi Ramës appeared first on Albeu.com.

“Jemi shkëmbyer në rrugë me një mjet autoveturë e cila po lëvizte në drejtim nga Lezha për në Kune, në të cilën ishin tre djem të moshës së re dhe na tërhoqi vëmendjen, pasi ajo zonë është e pabanuar dhe në vendin që hapi krahun për tu shkëmbyer menjëherë janë kthyer pas nesh për në Lezhë, pas makinës tonë…”

DËSHMIA E PLOTË E PALUSHIT

Punoj pranë Drejtorisë Vendore të Policisë Lezhë, me detyrën shef i krimeve në Komisariatin e Policisë Lezhë që nga viti 2020. Më datë 28.09.2021, si çdo ditë kam ardhur në punë në orën 08:00 dhe rreth orës 09:00 së bashku me oficerin e krimeve të ndjerin Saimir Hoxha dhe punonjësin e policisë Petrit Doda kemi marrë makinën tip foristradë me targa TR3997M me ngjyrë të bardhë që është në administrim nga policia e shtetit dhe kemi shkuar në ishull-Lezhë në bregun e lumit Kune-Vain.

Sapo kemi shkuar në vendin ku kishte dyshime se në brendësi të ferrave në bregun e lumit kishte bimë narkotike cannabis sativa. Pasi kemi konstatuar bimë të mbjella të dyshuara si cannabis sativa, në këtë kohë kemi parë përreth zonës nëse kishte njeri dhe kemi filluar kryerjen e veprimeve hetimore, si këqyrja e vendit të ngjarjes, prerja dhe asgjësimi i bimëve narkotike duke marrë një monstër për kampion për të kryer ekspertimin kimik dhe e kemi vendosur në makinë, pasi është djegur e gjithë sasia e lëndës narkotike kemi marrë makinën për të ikur në Lezhë.

Unë isha në drejtim të mjetit, në sediljen e parë ishte i ndjeri Saimir Hoxha, ndërsa në sediljen e pasme ishte inspektori i policisë së rendit Petrit Doda. Gjatë rrugës kur po ktheheshim në drejtim të Lezhës, rreth 100 metra nga vendi ku ndërpritet shtresa e asfaltit të rrugës automobilistike, jemi shkëmbyer në rrugë me një mjet autoveturë e cila po lëvizte në drejtim nga Lezha për në Kune, në të cilën ishin tre djem të moshës së re dhe na tërhoqi vëmendjen, pasi ajo zonë është e pabanuar dhe në vendin që hapi krahun për tu shkëmbyer menjëherë janë kthyer pas nesh për në Lezhë, pas makinës tonë.

Në këtë moment kemi vënë re që kjo makinë po vinte pas nesh, gjë e cila na ka shtuar akoma dyshimet në lidhje me këta persona, në këto rrethana kemi diskutuar të tre bashkë dhe kemi vendosur që t’i ndalonim për të verifikuar se kush ishin këta persona dhe çfarë po kërkonin në atë zone. Rreth 100 metra pasi kemi kaluar ndërprerjen e asfaltit kam hapur krahun dhe kemi zbritur të tre nga mjeti dhe i kemi bërë më dorë shenjë ndalimi mjetit që vinte pas nesh dhe ky mjet ka ndaluar.

Pas ndalimit të mjetit unë së bashku me Petrit Dodën jemi afruar nga ana e shoferit dhe Petriti ka komunikuar me shoferin e mjetit duke i thënë se jemi punonjës policie dhe i ka kërkuar një dokument identifikimi, letër njoftim ose patentë të drejtuesit të mjetit, në këtë kohë drejtuesi i mjetit ka zbritur nga mjeti, Saimiri ka shkuar tek personi që ishte në sediljen e parë dhe i ka kërkuar një mjet identifikimi i cili iu bind dhe zbriti nga mjeti, ndërkohë Saimiri i është drejtuar pasagjerit që ishte ulur në sediljen e pasme, pas pasagjerit në anën e djathtë të mjetit duke i thënë se kush jeni ju dhe a keni dokument.

Unë kam dëgjuar se ky pasagjer i ka thënë Saimirit “unë nuk jam për t’u kontrolluar” dhe menjëherë kam dëgjuar një krismë armë zjarri dhe kam parë Saimirin duke lëvizur për nga mbrapa mjetit, ndërkohë unë dhe Petriti jemi shmangur në pjesën ku ishte ndaluar makina e policisë në anën e rrugës nga laguna. Gjatë kësaj kohe që u shmangëm për tu pozicionuar përballë mjetit të policisë kam nxjerrë armën e shërbimit dhe kam parë se automjeti i këtyre personave u nis me shpejtësi për tu larguar në drejtim të Lezhës dhe kam qëlluar disa herë me armën e zjarrit të shërbimit në drejtim të këtij mjeti duke mbajtur vijën e shënimit në pjesën e poshtme të mjetit dhe gomave, ku mjetit i është çarë goma dhe ka vazhduar rrugën në drejtim të Lezhës. Menjëherë së bashku me Petritin kemi bërë bllokimin e dy personave duke i shtrirë në tokë. Më pas, Petriti ka ikur për të parë Saimirin dhe sapo e ka parë më ka thënë që Saimiri është plagosur. Menjëherë kam lajmëruar ambulancën dhe kemi mbajtur dy personat për t’i shoqëruar në polici.

The post Zbulohet dëshmia e kolegut të Saimir Hoxhës: Na ndoqën me makinë, si e qëlloi për vdekje Aldi Rama appeared first on Albeu.com.

Ishte ora 20.00 e mbrëmjes së 28 shtatorit kur një grua, që çalonte duke ecur, e ndonjëherë ulej nëpër shkallët e pavionit të traumës në Spitalin Ushtarak, “lante” me lot shkallët e urgjencës, e kapte prej xhakete a përparëseje këdo nga mjekët, infermierët që hynin brenda në spital.

42 vjeçarja vinte vërdallë si e shushatur dhe pavarësisht ndonjë fjale që i thoshte ndokush atypari se do ta informonin për zhvillimet, (por duhet të largohej nga hyrja e spitalit), nuk lëvizte prej andej.

Herë fshinte lotët e herë fshinte hundët që i kullonin. Donte të dinte më shumë rreth të birit, që mëngjesin e asaj dite, ishte kthyer në kryelajmin e të gjitha mediave; në rrjetet sociale, ishte njeriu që po urrehej më shumë nga komentuesit, edhe pse ishte vetëm 21 vjeç.

Informacioni që arrinte të mblidhte ishte me “pikatore”. Dinte vetëm që i biri kishte qëlluar veten, në kokë, por edhe ky informacion kishte një tis misteri që vetë nëna nuk e pranonte për të birin. E vetmja gjë që mendonte ishte sesi të dilte nga ajo sallë operacioni ku e kishin futur prej orësh, dhe nuk jepte kush “xhevap”.

Të paktën t’i thoshin një fjalë të mirë, të ngushëllonin nënën që priste me sytë drejt qiellit të errët, duke iu lutur perëndisë, që sado të kishte gabuar, ai ishte djali, djali i saj. Një nënë, nuk e hedh dot poshtë të birin.

Pastaj ato orë endej në kujtime, sa pak kohë kishte kaluar me të. Çfarë kishte ndodhur. Fundja fare, Perëndia, do të kishte një shkak se pse jeta e saj kishte qenë zi e më zi gjithë këto vite, ndërkohë që ajo e djalit tashmë po merrte një tjetër drejtim. Veç të dilte gjallë nga operacioni, se mandej, do të merrej vetë  me të, nuk do ta linte më në Lezhë aty ku djaloshi ishte. Fundja çdo bënte. Edhe nëse dilte gjallë nga operacioni, ai do të përfundonte dyerve të burgut. Po nëna si nënë, do ta ndiqte kudo që të shkonte. E kishte bërë edhe më parë/Newsbomb.al/

The post Tragjedia e nënës së Aldi Ramës, vrasësit të policit në Lezhë: Bashkëshorti i sharroi këmbë e duar në sy të dy fëmijëve appeared first on Albeu.com.

I riu luftoi për jetë disa orë në spital por nuk i mbijetoi dot plagëve të rënda në kokë.

Disa ditë pas ngjarjes, Rufan Rama, babai i Aldi Ramës që vrau nënkomisarin e policisë Saimir Hoxha  ka deklaruar se do të marrë hak për të birin duke bërë akuzën e rëndë.

“ E kanë vrarë mor djalin, e kanë marrë pistoletën dhe ja kanë kthyer drejt kokës. Nuk rri pa ia marrë hakun, nuk e fal gjakun e tim biri more zotëri, do marr hak…shtet kopil…”- tha ndër të tjera babai i 21-vjeçarit.

Babai i Ramës këmbëngul për fax news, se nuk do ta falë këtë padrejtësi të bërë dhe se nëse drejtësia nuk ndërmerr asnjë veprim atëherë do të merrte vetë masa për të marrë hakun e djalit të tij.

Rufan Rama: Ata policë që e kanë kapur, kanë ushtruar një dhunë shumë të paparë, duke e rrahur në mënyrë barbare. Kur e kanë kapur në Lezhë e kanë dhunuar. Bravo ju qoftë gazetarëve dhe prokurorëve që e kanë deklaruar se djali e ka denoncuar këtë dhunë, por nuk ka pasur ekspertizë mjeko-ligjore.

Akoma do ketë vrasje në popull. Si e vranë Klodian Rashën që i futën pistoletën në duar. Kam komunikuar me të 2 javë para se të vritej. I ka thënë gjyshit që kam një dhimbje të madhe në këtë krah. Ai e ka pyetur po si kështu. Na fikën mor ky shtet, cfarë bëhet me këtë popull. Një njeri kur shkel ligjin arrestohet, si qenka kjo me të dalim të vrasim njerëz si të na mbushet mendja? A ishte një person i katërt në makinë?

Nuk jam i sigurtë kush e ka shkrepur armën. Kam parë disa lajme, para disa kohësh ka dalë një lajm sikur ka qenë një person i katërt i cili ka qenë më i rrezikshëm se Aldi dhe mendoj se mund ta ketë bërë krimin, më pas thonë hajt ta mbulojmë këtë se Aldi e ka bërë. Nuk të linte kush të dhunohesh në këtë mënyrë. E kanë vrarë mor djalin, e kanë marrë pistoletën dhe ja kanë kthyer drejt kokës. Nuk rri pa ia marrë hakun, nuk e fal gjakun e tim biri more zotëri, do marr hak…shtet kopil. /albeu.com/

The post Babai i Aldi Ramës bën akuzën e fortë: Djalin ma vrau policia, nuk e fal gjakun! appeared first on Albeu.com.

Hoxha u vra nga 21-vjeçari Aldi Rama, teksa po zhvillonte një operacion antikanabis në Lezhë, paraditen e 28 shtatorit.

Ai la pas gruan dhe dy djem të vegjël.

Disa orë më vonë, Aldi Rama, teksa ndodhej i rrethuar nga RENEA, qëlloi dhe veten e ndërroi jetë në spitalin e Traumës. Saimir Hoxha u shpall “Dëshmor i Atdheut”./albeu.com

The post U vra në krye të detyrës, trupa policore shqiptaro-amerikane ka një shpërblim për familjen e Saimir Hoxhës appeared first on Albeu.com.

Në raport thuhet se Rama ka marrë një plumb i cili ka hyrë në pjesë anësore të ballit dhe ka dalë prej tij, ndërkohë në këtë pjesë janë konstatuar edhe djegie.

Raporti tashmë pritet t’ia dërgojë Prokurorisë për të përcaktuar shkakun që ka sjellë vdekjen e 21-vjeçarit.

Këto elemente tregojnë se këto elementë tregojnë për një vetëvrasje të mundshme të të riut, duhet të presim që fjalën e fundit ta thotë Prokuroria.

Aldi Rama, të martën e shkuar vrau me dy plumba nënkomisarin Saimir Hoxha gjatë një aksioni antidrogë. Pas vrasjes së Hoxhës ai u arratis, por policia e lokalizoi brenda disa orësh. Para se të kapej, ai qëlloi veten me armë, në kokë. 21-vjeçari u transportua në spital, por ndërroi jetë te “Trauma”./albeu.com

The post Raporti mjeko-ligjor: Si vdiq Aldi Rama, 21-vjeçari që ekzekutoi Saimir Hoxhën appeared first on Albeu.com.

Sipas tij trupi i djalit të tij, Aldi Ramës, është tërhequr zvarrë, pasi ishte tepër i dhunuar.

Ai gjithashtu shtoi se ambulanca është vonuar jashtëzakonisht shumë, pasi ka ardhur në vendngjarje më një orë vonesë.

“Ambulanca ka vonuar, duhej të vinte për 10 minuta dhe ka bërë 1 orë”. Kështu u shpreh sot babai i Aldi Ramës, Rufan Rama, për emisionin “Shqipëria Live”, teksa fliste për ngjarjen e rëndë të pak ditëve më parë.

Teksa u shpreh se kishte 3 vite pa e parë djalin e tij, Rufani tha se hoxha në varrim i kishte thënë që nuk ishte mirë ta shikonte.

“Kisha 3 vite pa e parë djalin, nuk donin të më linin ta shihja. Hoxha më tha nuk është mirë ta shohësh. Djali im ishte i dhunuar, zvarrë e kanë tërhequr? Ambulanca ka ecur me 10km/h, ka vonuar për t’i dhënë ndihmën e duhur”, tha Rufani.

Si ndodhi ngjarja e rëndë:

Pas një informacioni të marrë, policia e Lezhës u nis për operacion në një parcelë kanabisi. Nënkomisari Saimir Hoxha bashkë me dy pjesëtarë të patrullës kundër kultivimit të kanabisit shkoi menjëherë në vendngjarje.

Gjatë operacionit ata asgjësuan mbi 100 rrënjë kanabisi dhe më pas pikasin një automjet, brenda së cilit ndodheshin tre persona.

Pasi ndaluan mjetin, policia i kërkon dokumentet shoferit dhe më pas zbresin edhe pasagjerin. Ndërkohë, vrasësi i Hoxhës, Aldi Rama refuzon të zbresë nga automjeti.

“S’ke shance të më kontrollosh ti mua,” mësohet t’i ketë thënë Rama nënkomisarit para se të nxirrte armën dhe ta qëllonte për vdekje./albeu.com

The post “E kanë tërhequr zvarrë”, babai i Aldi Ramës i përlotur ngre akuza të rënda: Ambulanca ka ardhur me 10km/h appeared first on Albeu.com.