Sipas vendimit të Gjykatës së shkallës së parë, Alda Klosi u dënua me 2 vjet e gjashtë muaj burg, por “në bazë të nenit 406 të K.Pr.Penale, i ulet 1/3 e masës së dënimit dhe e dënon përfundimisht të pandehurën A. K (Ç) me 1 (një) vit e 8 (tetë) muaj burgim”.

Vuajtja e dënimit i fillon Alda Klosit nga data e ndalimit më 07.02.2023.

Ndërsa sanitarja Rozeta Dobi është dënuar me 4 vjet e 8 muaj burg, kurse djali i saj me 3 vjet e 4 muaj burg.

The post Akuza për pastrim parash, gjykata e Apelit lë në fuqi dënimin për Alda Klosin appeared first on Albeu.com.

Sipas njoftimit të organit të akuzës, pasuria e ish-zyrtares Klosi i kaluar shtetit.

Njoftimi:

Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkon konfiskimin e pasurive të shtetases Alda Klosi pasi u vërtetua që pasuria objekt kërkese për konfiskim, nuk ka prejardhje të ligjshme dhe u provua se kjo pasuri është krijuar gjatë aktivitetit kriminal.

Më datë 27.12.2022, kjo prokurori, mbi bazën e materialit të referuar nga Komisariati i Policisë Nr.2 Tiranë, ka regjistruar procedimin penal nr.9220, për veprën penale “Vjedhja” parashikuar nga neni 134/3 i Kodit Penal. Nga aktet e hetimit rezultoi se më datë 15.12.2022, rreth orës 14:10, është njoftuar Salla Operative e Policisë Tiranë se në Rrugën e “Kosovarëve”, se tek pallati “Orion” është vjedhur banesa e shtetases Alda Klosi.

Nga kontrolli i ushtruar në banesën e Rozeta Dobi dhe Havier Dobi (autorë të vjedhjes), më datë 06.01.2023 janë gjetur dhe janë sekuestruar në cilësinë e provës materiale: shuma prej 58.150 (pesëdhjetë e tetëmijë e njëqind e pesëdhjetë) euro. Ndërsa më datë 07.01.2023, ora 19.30, në banesën e tyre nga policia gjyqësore janë sekuestruar me cilësinë e provës materiale: Shuma prej 404.800 (katërqind e katërmijë e teteqind).

Hetimi penal vërtetoi se paratë dhe valuta euro/dollarë të sekuestruara në banesën e shtetasve R.D dhe H. D., janë vjedhur tek banesa e shtetases Alda Klosi.

Gjithashtu, ndaj të pandehurës Alda Klosi, është ngritur akuza për kryerjen e veprës penale “Refuzimi për deklarimin, mosdeklarimi, fshehja ose deklarimi i rremë, i pasurive, interesave private të personave të zgjedhur e nëpunësve publik ose i çdo personi tjetër që ka detyrimin ligjor për deklarim”, parashikuar nga neni 257/a/2 i K. Penal dhe është dërguar kërkesa për gjykim me datë 09.10.2023.

Sa më sipër, organi i prokurorisë konkludon se shuma e parave të sekuestruara në banesën e R. D dhe apartamenti/garazhi i blerë në vitin 2019 nga ish – bashkëshorti i saj Alda Klosi, janë fshehur dhe nuk janë deklaruar në ILDKPKI. Këto pasuri nuk janë të justifikuara, pasi nuk mbulohen me të ardhura të ligjshme dhe derisa nuk janë të deklaruara, nuk provohet ligjshmëria e tyre.

Në këto kushte, brenda afatit gjashtë mujor, Prokuroria pranë Gjykatës së Shkallës së Parë të Juridiksionit të Përgjithshëm,Tiranë, paraqet kërkesën për konfiskim dhe kalimin në pronësi të shtetit të pasurive të mëposhtme:

• Shuma monetare 368.000,00 (treqind e gjashtëdhjetë e tetë mijë) Lekë, 15.600,00 (pesëmbëdhjetë mijë e gjashtëqind) USD dollarë amerikanë, 462.950,00 (katërqind e gjashtëdhjetë e dy mijë e nëntëqind e pesëdhjetë) Euro, sekuestruar për llogari të procedimit penal nr. 9220/2022 dhe arkëtuar në llogarinë e Prokurorisë në bankën “Credins Bank”, sipas mandateve përkatëse datë 10.01.2023;

• Apartament me sipërfaqe 85.09 m2 të shfrytëzueshme me numër pasurie 6/572+1-35, ZK 8210, Vol. 42,Fq 127 pasuri e ndodhur në Tiranë, në pronësi të shtetasit A. K.;

• Garazh me sipërfaqe 14.06 m2 të shfrytëzueshme me numër pasurie 6/572-G 16 ZK 8210, Vol 42,Fq 74 pasuri e ndodhur në Tiranë, në pronësi të shtetasit A. K.;

• Autoveturë Toyota Rav 4, me targa AA170ZY, Nr. Shasie JTMBB31V50D109772, në pronësi të shtetases A.K.

The post Apartamente, garazhe/ Prokuroria Tiranë: Mbi 500 mijë euro të Alda Klosit i kalojnë shtetit appeared first on Albeu.com.

Ndërkohë pas lirimit do të qëndroje në arrest shtëpie, për akuzën e dytë të pastrimit të parave derisa prokuroria të vendosë pas afatit që  i la gjykata.

Klosi u dërgua për gjykim në tetor të vitit të kaluar për veprën penale “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim” dhe më pas u dënua.

Ndërkohë, ajo po hetohet veçmas në drejtim të ligjshmërisë së burimeve të krijimit të pasurive ,që ajo dhe familjarët e saj zotërojnë.

Arrestimi i ish-zyrtares së lartë erdhi pas hetimit të kallëzimit të saj të kryer në polici për vjedhjen e qindra mijëra eurove në banesë.

Pas njoftimit të vjedhjes së banesës së Klosit në rrugën e Kosovarëve në Tiranë në dhjetorin e kaluar, policia arrestoi Rozeta Dobin dhe Havier Dobin, nënë e bir, nën akuzën e vjedhjes pasi në shtëpinë e tyre u gjet një shumë e konsiderueshme parash ndërsa Havierit iu sekuestruan disa makina.

Klosi deklaroi në polici më vonë se në banesë, kishte pasur 120 mijë euro dhe 30 mijë dollarë krahas bizhuterive, në çastin e vjedhjes.

Policia mbajti nën përgjim në komisariat Rozeta Dobin, e cila punonte si pastruese dhe Havierin, ndërsa këta diskutuan për një shumë tjetër parash të fshehur në tubin e ventilatorit të kuzhinës.

Policia nuk kishte gjetur këtë shumë në kontrollin e parë por kur rivizitoi banesën, gjeti 404 mijë euro dhe 8500 dollarë. Në total policia gjeti 462,950 euro; 15,500 dollarë amerikanë dhe 368 mijë lekë në shtëpinë e Klosit.

The post Me 500 mijë euro të padeklaruara, lirohet nga burgu Alda Klosi appeared first on Albeu.com.

Prokuroria hetoi për shumë kohë, por se kujt i përkiste shuma marramendëse që u gjetën në tubin e aspirimit nuk është bërë publike, ndonëse Prokuroria e Tiranës vijon të hetojë pasurinë e ish-zyrtares së lartë Alda Klosit, që denoncoi sanitaren e vet për vjedhjen e 120 mijë eurove në shtëpinë e saj.

Dje Prokuroria e Tiranës dhe pretencën për Alda Klosin, sanitaren dhe të birin e kësaj të fundit dhe po dje Gjykata e Tiranës u shpreh me vendim për dënimin e tyre.

Të tre kishin kërkuar gjykim të shkurtuar më herët ndërkohë që të tre kanë kërkuar lirim, duke dhënë shkaqe dhe arsye të ndryshme.

Kështu Gjykata e Tiranës, deklaroi fajtore për fshehje dhe mosdeklarim të pasurisë Alda Klosin, ish-shefen e kabinetit të ish-ministrit të Shtetit për Rindërtimin dhe Programin e Reformave, Arben Ametaj, duke e dënuar atë me 2.6 vjet burg.

Ndërkohë, sanitarja Rozeta Dobi dhe djali i saj Havier Dobi, u shpallën fajtorë për ‘vjedhje me pasoja të rënda” në bashkëpunim dhe u dënuan konkretisht me 7 dhe 5 vite burg.

Për të tre të akuzuarit aplikohet gjykimi i shkurtuar, duke përfituar uljen e 1/3- ës së dënimit dhe përfundimisht Alda Klosi, do të vuajë 20 muaj burg, Rozeta Dobi 4.8 vjet, ndërsa djalit të Rozetës i mbetën 3.4 vjet!

500 MIJË EUROT NË TUBIN E ASPIRIMIT

Ngjarja për të cilën u arrestuan nënë e bir, Rozeta dhe Havier Dobi, e ka zanafillën në dhjetor 2022 kur ish-zyrtarja e lartë, Alda Klosi kallëzoi në polici për vjedhjen e qindra mijëra eurove në banesë në rrugën e Kosovarëve në Tiranë.

Në janar 2023, policia arrestoi Rozeta Dobin dhe Havier Dobin, nënë e bir, nën akuzën e vjedhjes pasi në shtëpinë e tyre u gjet 404 800 euro, 8500 dollarë dhe aksesorë floriri, të cilat i ishin fshehur në tubin e aspirimit të banesës së tyre.

Ndërsa Havierit iu sekuestruan dy makina. Vetë Alda Klosi, kishte bërë denoncimin për vjedhjen e 120 mijë eurove, 30 mijë dollarë dhe bizhuterive.

Pas arrestimit pastruesja ‘e penduar’ e drejtësisë tha se 400 mijë eurot i mori në shtëpinë e Alda Klosit. Një muaj më pas, në shkurt 2023 u krye arrestimi i ish-zyrtares, e cila vijoi të mohonte se shuma e parave që u gjet në tubin e aspirimit, nuk i përkisnin asaj edhe pse Rozeta Dobi tregoi se paratë ishin marrë aty!

KLOSI KËRKON PAFAJËSI

Në seancën e djeshme gjyqësore që u mbajt në Gjykatën e Tiranës, Alda Klosi, nuk ishte e pranishme në seancë, por u mbrojt nga avokati, i cili kërkoi pafajësi dhe lirimin e klientes së tij, pasi si kryefamiljare duhej të kujdesej për një vajze dhe një djalë të mitur.

Gjithashtu, përmendi dhe probleme shëndetësore. Avokati kërkoi që dënimi të jetë i njëjtë me kohën e qëndrimit në paraburgim, në të cilën ka qëndruar prej ditës së arrestit.

Nga ana tjetër, akuza ka theksuar se në analizën financiare për Klosin, shuma e vjedhur nuk rezulton e provueshme nga burime të ligjshme dhe paralelisht ish-zyrtarja po hetohet edhe për pastrim parash.

Prokuroria ka kërkuar pak javë më parë, pushimin e çështjes për akuzën e pastrimit të parave. Por gjykata nuk e ka pranuar, duke kthyer sërish dosjen për plotësim hetimesh dhe duke i lënë prokurorisë kohë 3 muaj të tjerë për kryerjen e hetimeve.

SANITARJA PARA GJYKATËS

Në seancën e djeshme, ishte Prokuroria që kërkoi 6 vjet burg për sanitaren Rozeta Dobi, 2.6 vjet burg për ish-zyrtaren Alda Klosin, kurse për Havierin pezullimin e pjesës së mbetur të dënimit në shërbim prove.

Ish-zyrtarja, i ka qëndruar alibisë se shumën prej 120 mijë euro e 30 mijë dollarë ja vodhi Rozeta Dobi, të cilën e kishte punësuar prej pesë vitesh.

Por sanitarja ka insistuar se jo vetëm që këtë shumë ja kishte besuar shefja Klosi për t’i ruajtur, por edhe vlerën prej 400 mijë euro të gjetura në aspiratorin e kuzhinës i përkasin Alda Klosit.

Ndërkohë, prokuroria thotë se pretendimet e Rozeta Dobit, që paratë i janë dhënë nga Alda Klosi për t‘i mbajtur bien poshtë, për shkak të veprimeve dhe sjelljeve të saj në ditën e ngjarjes.

Vetë e pandehura Rozeta Dobi, shprehu pendesë për atë që ka ndodhur dhe kërkoi mëshirë dhe fajësoi Klosin për lekët e gjetura.

“Kërkoj mëshirë, kërkoj falje. Shumën e parave mi dha Alda Klosi për t‘i mbajtur disa kohë në shtëpinë time më pas t‘ia ktheja. Kam punuar gjithë jetën me punë të ndershme jo të bëj vjedhje. Klosi më tha mbaj lekët, se donte të fajësonte bashkëshortin për vjedhje”.

MBROJTJA E DOBIT

Edhe avokati mbrojtës i Dobit, kërkoi që të pezullohet dënimi me burg, pasi gruaja ka djalin për t’u kujdesur, pasi i ka vdekur bashkëshorti.

“Ne jemi treguar bashkëpunues dhe jemi arsyeja pse u zbulua e gjithë ngjarja. Të merret parasysh. Ata kanë edhe një fatkeqësia. Ka ndërruar jetë bashkëshorti i Rozeta Dobit dhe ajo duhet të kujdeset për djalin. Kërkojmë dënimin në minimum dhe pezullim të dënimit me burg.

Ajo do të jetë e gatshme të bashkëpunojë me drejtësinë. Ndihet e penduar për atë që ka bërë. Ne kërkojmë që çdo pasuri e deklaruar para datës së vjedhur ti kthehen Rozeta Dobit”, tha avokati.

Alda Klosi, ka mbuluar funksione të larta në administratë, si ish-drejtoreshë e koncesioneve në ministrinë e Financave disa vite më parë dhe deri në korrik të 2022, ka qenë shefe e kabinetit të ishzëvendëskryeministrit Arben Ahmetaj, për të kaluar më pas në Autoritetin e Mbikëqyrjes Financiare.

The post Vjedhja e parave në banesën e Alda Klosit nga pastruesja, ende mister burimi 500 mjë eurove në tubat e aspirimit appeared first on Albeu.com.

Përfundimisht me aplikimin e gjykimit të shkurtuar Klosi do të kryejë 20 muaj burg, Rozeta Dobi do të kryejë 4 vite e 8 muaj burg ndërsa Havier Dobi do të dënohet me 3 vite e 4 muaj burg

Ngjarja u zbulua në janar 2023 duke çuar në arrestimin e sanitares Dobi, djalit të saj Havier dhe më pas vetë ish zyrtares Alda Klosi.

Në seancën gjyqësore që u mbajt në gjykatën e Tiranës Rozeta Dobi shprehu pendesë për atë që ka ndodhur.

“Kërkoj mëshirë, kërkoj falje. Shumën e parave mi dha Alda Klosi për ti mbajtur disa kohë në shtëpinë time më pas tia ktheja. Kam punuar gjithë jetën me punë të ndershme jo të bëj vjedhje. Klosi më tha mbaj lekët, se donte të fajësonte bashkëshortin për vjedhje”

Klosi kërkon pafajësi

Vetë Alda Klosi nuk ishte e pranishme por u mbrojt nga avokati i cili kërkoi pafajësi sepse e pandehura Alda Klosi është kryefamiljare, ka një vajze dhe një djalë të mitur  dhe po ashtu ka probleme shëndetësore Gjithashtu kërkoi që dënimi të jetë i njëjtë me kohën e qëndrimit në paraburgim

Mbrojtja e Dobit: Gati të bashkëpunojë

Edhe avokati mbrojtës i Dobit kërkoi që të pezullohet dënimi me burg pasi gruaja ka djalin për tu kujdesur pasi i ka vdekur bashkëshorti.

“Ne jemi treguar bashkëpunues dhe jemi arsyeja pse u zbulua e gjithë ngjarja. Të merret parasysh. Ata kanë edhe një faktkeqësi. Ka ndërruar jetë bashkëshorti i Rozeta Dobit dhe ajo duhet të kujdeset për djalin. Kërkojmë dënimin në minimum dhe pezullim të dënimit me burg. Ajo do të jetë e gatshme të bashkëpunojë me drejtesinë. Ndihet e penduar per atë që ka bërë. Ne kerkojmë që çdo pasuri e deklaruar para datës së vjedhur ti kthehen Rozeta Dobit” tha avokati

Ndërkohë prokuroria thotë se pretendimet e Rozeta Dobit që paratë i janë dhënë nga Alda Klosi për ti mbajtur bien poshtë për shkak të veprimeve dhe sjelljeve të saj në ditën e ngjarjes.

Akuza

Rozeta Dobi akuzohet për vjedhe me pasoja të rënda dhe vjedhje më shumë se njëhere.

Havier Dobi akuzohet për vjedhje me pasoja të rënda.

Alda Klosi akuzohet për fshehje të pasurisë.

Kush eshte Alda Klosi

Klosi ka mbuluar funksione të larta në administratë, si ish drejtoreshë e koncensioneve në ministrinë e Financave para disa vitesh dhe deri në korrik të 2022, shefe e kabinetit të ish zëvendës kryeministrit Arben Ahmetaj, për të kaluar më pas në Autoritetin e Mbikqyrjes Finaciare./albeu.com

The post Gjykata jep vendimin, me sa vite burg u dënuan Rozeta Dobi dhe Alda Klosi appeared first on Albeu.com.

Mësohet se Prokuroria ka kërkuar që Alda Klosi  të dënohet me 2 vite e 6 muaj burgim.

Për pastruesen Rozeta Dobi ka kërkuar të shpallet fajtore dhe të dënohet me gjashtë vite burg.

Ndërsa për djalin e saj është kërkuar 4 vite burg dhe të aplikohet ulja e dënimit me 1/3./albeu.con

The post Prokuroria kërkon 6 vite burg për Rozeta Dobin, dhe 2 vite për Alda Klosin appeared first on Albeu.com.

Vjedhja e 550 mijë eurove në shtëpinë e Klosit, ka qenë një sajesë e ndërmjetësuar mes vetë pronares së shtëpisë Alda Klosi dhe pastrueses së saj, Rozeta Dobi.

Kjo e fundit, sipas Ora News, ka treguar para hetuesve të prokurorisë së Tiranës, se gjithçka që ka ndodhur ishte një skenar i thurur mes dy grave.

Ku sigurisht qëllimi i Alda Klosit ishte për të akuzuar dhe më pas futur në burg, ish-bashkëshortin e saj, shtetasin Altin Klosi me të cilin ishte divorcuar prej disa vitesh.

Konfliktet ishin rindezur mes ish-çiftit dhe shkak i sherreve ishte bërë ndarja e pasurisë mes tyre.

Sipas pastrueses, Altin Klosi e kërcënonte vazhdimisht Alda Klosin, ndaj dhe kjo vendosi të hakmeret, duke sajuar grabitjen dhe futjen e tij në burg.

Por me sa duket plani i tyre dështoi, dhe prej 10 mujash, të dyja ndodhen pas hekurave.

Nga ky skenar nuk shpëtoi dhe Havier Dobi, djali i pastrueses Rozeta Dobi, i cili vijon të qëndrojë në burg. Për të shpëtuar nga burgu djalin e saj, Rozera Dobi, në 3 shkurt 2023 vendosi të pendohet dhe bashkëpunojë me prokurorinë e Tiranës, duke treguar gjithçka që kishte kurdisur me Alda Klosin.

Në këtë dëshmi Dobi rrëzoi totalisht dëshminë e parë të dhënë në prokurori, duke shtuar se:

“…po është e vertetë që kam dhënë deklarime të ndryshme, nga ato të herës së parë. Deklarimet që unë kam dhënë në momentet e para të pyetjes si deklaruese dhe person nën hetim, nuk janë të vërteta. Ato i kam dhënë në atë formë, pasi nuk e besoja që situata do të arrinte deri këtu ku jemi sot. Pasi kisha besim tek Alda, që nuk do të arrinte deri këtu, pasi ne e kishim lënë që të fajësonte bashkeshortin , pasi ajo e donte patjetër në burg…”.

Në dosjen hetimore, thuhet se  në datën 3 shkurt 2023 e arrestuara Rozeta Dobi, ka shprehur vullnetin për bashkëpunim me organin e Prokurorisë, duke deklaruar të vërtetën se si realisht ka ndodhur, në lidhje me vjedhjen e banesës së Alda Klosit.

Dobi ndër të tjera ka deklaron se:

“…kam filluar punë si sanitare në banesën e Alda Klosit që prej pesë vitesh. Banesa e parë që kam filluar punë ka qenë ajo, në afërsi të “Mozaikut“ të Tiranës, e pikërisht përballë me banesën e vjetër. Ky pallat është pallat i ri. Në këtë banesë kam shërbyer për rreth dy vite. Pas kësaj periudhe kam shërbyer tek banesa tjetër, e cila është pallat i vjetër dhe ndodhet po në të njëjtin vend ku gjendet edhe banesa e parë. Tek banesa e vjetër kam shërbyer deri ditën që jam arrestuar. Deklaroj se në banesën e marrë me qira në Rr.”Kosovarëve”, kam punuar rreth dy muaj e gjysmë. Deklaroj se tek pallati i ri ku ka banuar Alda Klosi, i cili gjendet afër “Mozaikut” të Tiranës, për herë të parë kam vënë re, sipër krevatit të mbuluara me batanije disa tufa në Lekë dhe Euro.I kam marrë ato dhe i kam futur në sirtarin tek komoja e krevatit të Aldës. Pas këtij momenti kam telefonuar Aldën dhe i kam treguar se lekët dhe eurot që kishe mbi krevat t’i kam futur në sirtar tek dhoma e gjumit, ajo më është përgjigjur: “…faleminderit…”. Këtë fakt e kam konstatuar në fillimet e punës time rreth muajve të verës së vitit 2018. Pasi Alda, është larguar familjarisht nga kjo shtëpi, dhe pasi kanë vajtur tek banesa e vjetër, përballë, aty kam parë disa kuti me vlera të mëdha monetare në euro. Këtë fakt e kam konstatuar gjatë kohës së pastrimit të dollapëve. Për mënyrën e lëvizjes së tyre nuk kam dijeni se ku i merrte dhe ku i dërgonte ato Alda. Këtë konstatim e kam bërë rreth vitit 2021. Deklaroj se këto kuti me euro kanë qëndruar në këtë banesë deri nga fundi i vitit 2022. Eurot që gjendeshin në këto kuti, ishin të prerjeve të ndryshme nga 500 deri në 20 euro. Tek banesa e marrë me qira nga Alda Klosi në Rr. ”Kosovarëve”, gjatë kohës që unë kam pastruar në të, në fillim nuk kam konstatuar vlera monetare në Lekë apo Euro. Ditët e fundit të muajtit Dhjetor 2022, datë e saktë nuk më kujtohet, Alda ka bërë një bisedë me mua, dhe më ka kërkuar që unë ti mbaja në banesën time të gjithë shumën që është sekuestruar nga policia, pasi ajo kishte frikë nga ish -bashkeshorti, i cili e kërcënonte. Duke qenë se kisha vite që punoja në banesën e saj, pranova këtë fakt. Ajo më kishte treguar se eurot, dollarët gjendeshin në kasafortën brenda dollapit të rrobave. Kam marrë kasafortën, e kam futur në një çantë, kam zbritur poshtë, kam hipur në makinë me djalin dhe i kam çuar në banesën time, në “Unazë të Re”. Fillimisht kasafortën me gjithë euro, dollarë e kam futur në dollapin tim të rrobave. Lidhur me shumën që ka pasur kjo kasafortë nuk kam patur dijeni, pasi nuk i kam numëruar ndonjeherë. Pas një dite, kam menduar se ku t’i sistemoja në banesë, pjesën më të madhe i kam futur lart në tubin e aspiratorit të kuzhinës, ndërsa një pjesë tjetër, e kam vendosur në sirtarin tim në dhomën e gjumit, për t’i sistemuar edhe ato më vonë. Deklaroj se këto veprime i kam kryer e vetme…”.

Ndryshe nga ky rrëfim bashkëpunues me prokurorinë e Tiranës, në muajin Janar 2023, periudhë kur Rozeta është arrestuar nga Komisariati nr. 2, ajo ka treguar një version tjetër si më poshtë vijon:

“…unë e pranoj e kam bërë ketë veprim, pasi nuk kisha parë ndonjëherë një shumë aq të madhe dhe m’u errësuan sytë që të bëhesha mirë dhe të ndihmoja familjen time, pasi gjithmonë kemi qënë në varfëri. Ndihem shumë e penduar, do të doja shumë të ktheja kohën mbrapa dhe mos ta kisha bërë këtë gjë, jam ndjerë e penduar që në momentin e parë që i kam marrë, por nuk kisha si i rregulloja më gjërat. Askush nuk ka patur dijeni në familjen time për vjedhjen që unë bëra në familjen ku unë punoj. Me vjen shumë turp dhe me vjen shumë keq, që pa dashur është përfshirë dhe djali im. Vjedhjen e kam bërë vetëm unë dhe ai është i pafajshëm dhe unë e mora në qafë. Djali im e ka marrë vesh një javë përpara Vitit të Ri 2023, kur po rregulloja sirtarët në dhomën e gjumit dhe ai kaloi aty rastësisht dhe pa lekët dhe më pyeti. Unë i tregova të vërteten dhe ai me tha: “…çfarë ke bërë moj mama kështu…”./Albeu.com 

The post DOSJA/ Rrëfimi i plotë i pastrueses, Rozeta Dobi: Vjedhjen e eurove e sajuam me Alda Klosin, donte të fuste në burg ish-burrin që e kërcënonte appeared first on Albeu.com.

Ndërsa Rozeta Dobi dhe djali i saj Havier, akuzohen për vjedhje me pasoja të rënda kryer në bashkëpunim.

Klosi u arrestua më 3 shkurt 2023 i pas dëshmisë së dhënë në polici nga pastruesja Rozeta Dobi, e cila pranoi se edhe shuma tjetër e parave mbi 400 mijë euro që u gjet në banesën e saj janë të Alda Klosit.

Sanitarja tha për hetuesit se kishte bashkëpunuar me Klosin dhe se paratë ia kishte dhënë vetë ajo për t’ia ruajtur pasi kishte konflikte me ish-bashkëshortin. Ndërkohë, Klosi nuk ka pranuar akuzat.

The post Akuza për deklarim të rremë, prokuroria e Tiranës çon në gjyq Alda Klosin, pastruesen dhe djalin e saj appeared first on Albeu.com.

Ish-zyrtarja e Ministrisë së Financave akuzohet për pastrim parash dhe fshehje pasurie.

Avokati i saj Arbër Hoxha thotë në një deklaratë për mediat se ajo po mbahet padrejtësisht në burg pasi sipas tij akuza nuk ka asnjë provë, përveç dëshmisë së sanitares Rozeta Dobi. Edhe pse kanë kaluar 6 muaj nga arrestimi, Prokuroria nuk na në dorë akoma akt-ekspertimin kontabël mbi të ardhurat e saj.

Avokati Hoxha: Është bërë kërkesë-vendimmarrja për të kryer një akt ekspertimi kombëtar. Kanë kaluar më shumë se 4 muaj dhe akti i ekspertimit nuk është bërë ende gati. Duhet të ketë një dyshim të arsyeshëm në prova për të qëndruar në masën e sigurimit “arrest me burg”.  Vullneti i Alda Klosit është që duhet rrëzuar vullneti i prokurorisë. Ndaj saj duhet të kishte disa prova dhe një dyshim të arsyeshëm. Nuk ka një hetim konkret për gjetjen e parave në shtëpinë e Rozeta Dobit. Alda Klosi është e divorcuar dhe djali i saj ka lënë edhe marrëdhënien me shkollën sepse ka kriza të ankthit dhe depresionit. Ne jemi në kushtet që masa e sigurimit qëndron arrest me burg dhe gjykata ka zgjatur dhe 3 muaj afatin e burgimit. 138 mijë Eurot që kanë qenë në pronësi të Alda Klosit janë të sajat dhe për këtë është bërë kallëzimi. Pjesa tjetër e origjinës i takojnë Prokurorisë. E çuditshme që në dosjen hetimore ka 3 procesverbale të 3 shtetasve të ndryshëm ku Rozeta Dobi ka punuar dhe është e çuditshme që paska vjedhur sendet me vlerë dhe nuk paska vjedhur paratë. Kanë frikë të dalin pronarët e ligjshëm të pronave të lekëve. Hera e parë në Republikën e Shqipërisë që më shumë i besohet një sanitareje e cila është kapur me presh në duar duke vjedhur dhe nuk besohet një drejtoreshe e Ministrisë së Financave. Prokuroria në habi të të gjithëve merr për bazë atë që thotë hajduti dhe jo atë që thotë drejtoresha.

Lidhur me hetimet që SPAK po kryen për inceneratorët dhe përmendjen disa herë të emrit të Alda Klosit në dosjen “Arben Ahmetaj”, sipas avokatit, deri tani nuk ka asnjë procedim penal mbi këtë çështje mbi Klosin dhe kjo e fundit nuk është marrë asnjëherë në pyetje për këtë çështje.

Avokati Hoxha: Ndaj Alda Klosit nuk ka asnjë procedim dhe as që ka dijeni për veprën penale, gjithë këto të tjerat duhet parë nëse ka diçka të vërtetë apo jo. Nuk ka procedim për inceneratorët dhe as për shumën e parave.

Klosi u arrestua për shkak të shumës së madhe të parave që u gjetën në banesën e pastrueses Rozeta Dobi, të cilat ishin fshehur në tubin e aspirimit.

The post Në burg për pastrim parash dhe fshehje pasurie, zgjatet 3 muaj afati i hetimit për Alda Klosin appeared first on Albeu.com.

Seanca e të martës ka dështuar për shkak se gjyqtarja Vjollca Spahiu ka dhënë dorëheqjen nga shqyrtimi i kërkesës, për shkak se pretendon se ka konflikt interesi.

Klosi kërkon lirinë nga qeli me argumentin se ka probleme shëndetësore dhe se ka fëmijët në kujdestari.

Kujtojmë se Klosi u arrestua për paratë që u gjetën në banesën e pastrueses së saj Rozeta Dobi.

Bëhet fjalë për rreth 500 mijë euro që dyshohet se janë të Klosit./albeu.com

The post Alda Klosi kërkon lirim nga burgu, gjyqtarja dorëhiqet nga çështja appeared first on Albeu.com.