“Ne jemi shumë krenarë që konkursi i krijuar nga dëshira për të ndihmuar rajonin në kohë pandemie, rezultoi sot në 6 produkte të shkëlqyera, që mund të jenë të dobishme për qytetarët dhe bizneset në rajonin tonë. I përgëzoj këta të rinj dhe u uroj të gjithëve suksese në shfrytëzimin e këtyre produkteve dhe në punët e tyre të tjera, në vijim. Gjithashtu do të doja të shfrytëzoja këtë mundësi për të ftuar të gjithë të rinjtë e interesuar, fillestarët, sipërmarrësit, studentët, qendrat e inovacionit dixhital, parqet shkencore, universitetet, SME-të, etj, nga të gjitha ekonomitë e Ballkanit Perëndimor për t’u bashkuar me Balkathon-in tonë të tretë, në pranverën e ardhshme. Ndoshta zgjidhja juaj do të jetë fituese,”- tha Maja Handjiska Trendafilova, Shefe e Departamentit të Programit të RÇ në këtë ngjarje.

Këto janë produktet dixhitale:

Taxi app Pokupi.me – krijuar nga grupi “Pokupi”, nga Mali i Zi, i prezantuar nga Ëael Alkhalidi

Ky aplikacion i sjell të gjitha kompanitë e taksive në një platformë, duke e bërë shërbimin për shoferët dhe klientët më të sigurtë dhe më të lehtë. Aplikacioni synon të kontribuojë në transformimin dixhital e modernizimin e transportit, duke mbështetur zgjidhjen e operacioneve të paligjshme të taksive dhe duke thjeshtuar procesin me administratën tatimore qeveritare dhe futjen e shërbimit të taksive. Aplikacioni është zhvilluar dhe mund të gjendet në https://pokupi.me/en/. Videon e prezantimit mund ta shikoni këtu këtu

Doktori online – e-Health Clinic: Krijuar nga grupi “Kosovo Digital Association” nga Kosova*, prezantuar nga Ilir Asllani

Kjo platformë inovative dhe gjithëpërfshirëse do të mundësojë qasje në shërbime shëndetësore më të shpejta, më të afërta dhe më pak të shtrenjta për pacientët, pavarësisht nga distanca ose vendndodhja e mjekut të tyre të preferuar. Platforma do t’u mundësojë pacientëve të rezervojnë një takim për konsultim online me një specialist të preferencës së tyre. Fillon me Kosovën* por synohet të zgjerohet në rajon. Këtë platform mund ta gjeni tek  www.ehealth-clinic.com.  Videon e prezantimit mund ta gjeni këtu  here.

Platforma e rritjes së biznesit të vogël – Açelera: Krijuar nga grupi “ISLLA”’, from Maqedonia e Veriut, prezantuar nga Katerina Klimovska.

Platforma Açelera ndihmon biznesin e vogël të rritet, duke gjetur klientë të mundshëm dhe duke promovuar biznesin. Synon të lidhë sipërmarrësit, zejtarët dhe artizanët me tregun që synojnë si dhe t’i ndihmojë ata të zhvillojnë biznesin me forma të lehtësuara e sa më miqësore për përdoruesit. Kjo platformë është e aksesueshme, duke nisur nga sot http://açelera.mk Videon e prezantimit mund ta gjeni  here.

Plastikë e biodegradueshme, e pranueshme për mjedisin – BIOFROST: Krijuar nga grupi “BIOFROST”, nga Serbia, prezantuar nga Nenad Jovanovski

Ky product ofron zgjidhje teknike që e bën plastikën e biodegradueshme më të pranueshme me mjedisin nga kërpi industrial. Përveç makinave, ekipi i Bifrost do të ofrojë trajnim për përdoruesit dhe do të fillojë prodhimin e artikujve industrialë të bazuar në kërp. Të gjitha produktet parashikohen të jenë në dispozicion për shitje në internet. Zgjidhja do të jetë e disponueshme së shpejti në https://bifrostbioplastic.com/. Videon e prezantimit mund ta gjeni këtu here.

Platforma online “E-KLINIKA”: Krijuar nga grupi e-Klinika, nga Bosnje Herzegovina, prezantuar nga Aleksandar Kovac.

Kjo platformë mundëson takimet online me mjekët  duke e lehtësuar e shpejtuar këtë shërbim për qytetarët, e në të njëjtën kohë ndihmon klinikat në menaxhimin e tyre të përditshëm duke u ofruar mundësitë që të jep bota e takimeve online. Zgjidhja është në fazën përfundimtare të zhvillimit dhe do të jetë e disponueshme së shpejti tek www.e-klinika.net. Videon e prazantimit mund ta gjeni këtu here.

App për tregtinë e ushqimit organik – fermërë nga shtëpia: Krijuar nga grupi “HEST”, nga Shqipëria, prezantuar nga Olsa Ramadani.

Ky aplikacion miqësor për përdoruesit do t’u japë një mundësi fermerëve të arrijnë klientët më lehtë duke shitur produktet e tyre organike në internet. Në të njëjtën kohë do t’u mundësojë qytetarëve të kenë qasje me ushqimet e shëndetshme, organike, të prodhuara në vend, më lehtë dhe në më pak kohë. Aplikacioni është në fazën përfundimtare të zhvillimit dhe do të jetë në dispozicion së shpejti. Videon e presentatimit mund te gjeni këtu here.

Më shumë për Balkathon.

Më shumë info për Western Balkans Digital Summit.

The post Samiti i 4-t Dixhital, gjashtë produkte të reja “të prodhuara në Ballkanin Perëndimor” appeared first on Albeu.com.

Sipas informacioneve paraprake, ai ka qenë duke pastruar pusin në momentin që humbi jetën.

Besohet se ngjarja ka ndodhur rreth orës 12:15, në rrugën “Ismail Qemali”, në Kamzë.

Viktima është shtetasi me inicialet Q. H., 65 vjeç, i cili po pastronte pusin e shtetasit QM.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Njoftimi i Policisë:

Tiranë/Informacion paraprak

Rreth orës 12:15, në rrugën “Ismail Qemali”, në Kamzë, dyshohet se duke pastruar pusin në banesën e shtetasit Q. M, ka rënë në brendësi të tij punëtori shtetasi Q. H., 65 vjeç, i cili për pasojë ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes./albeu.com

The post Po pastronte pusin në Kamzë, bie brenda dhe humb jetën 65 vjeçari appeared first on Albeu.com.

I ftuar në “Spotlight”, Nishani ka pohuar se ish-lideri historik i PD-së Sali Berisha ka bërë gabim që ka mbështetur Lulzim Bashën. “Është e vërtetë që ka patur mbështetje nga z.Berisha për Lulzim Bashën. Është ‘ashiqare’ i themi ne shqiptarët. S’e mohoj dot këtë. A ka bërë mirë, a ka bërë keq, nuk e di, historia do ta tregojë. Sot që po flasim, pas 8 viteve opozitë, z.Basha është një dështim. Z.Berisha ka përgjegjësitë e veta morale që e ka mbështetur z.Basha.”

Lidhur me garën në PD, kur më 13 qershor pritet të zgjidhet kryetari i ardhshëm i Partisë Demokratike, Nishani u shpreh se Berisha është i mërzitur me stanjacionin ku është tashmë selia blu. Sipas Nishanit, Berisha tashmë nuk mbështet asnjë kandidat. “Ai është i mërzitur me procesin dhe me stanjacionin ku është Partia Demokratike. Patjetër edhe me z.Basha, sepse ai është kryetari i partisë dhe ai po e mban të bllokuar, po e mban këtë lloj pengu.

Ndryshe nga 2013-ta, unë nuk shoh asnjë angazhim nga z.Berisha për të ndikuar apo për të mbështetur asnjërin prej kandidatëve. Aq më tepër që mbrëmë z.Berisha ka mbajtur një qëndrim shumë të qartë duke thënë se nuk ishte dhe nuk është koha e garës për kryetarin brenda Partisë Demokratike.”

The post Nishani: Nuk është burrë, Berisha është mërzitur me Bashën appeared first on Albeu.com.

Ai ka adresuar kritika ndaj politikanëve shqiptarë në këtë shtet, njofton agjencia e lajmeve INA.

“Gjuha shqipe zhvlerësohet dhe degradohet me qellim në mënyren më të keqe nga shteti Maqedon, ky njoftim është në doganen e shtetit te shpikur maqedon ne Kriva Palank.

Kjo tregon se politika shqiptare në pushtet nuk i intereson as bastardimi i gjuhes sonë hyjnore nga sllavet e Karpateve.

Turp o pushtetarë shqiptar ne Maqedoni”, është shprehur Ferid Bilalli nga Shtimja.

The post Ja si bastardohet gjuha shqipe në Maqedoni (FOTO LAJM) appeared first on Albeu.com.

Nga operacioni i koduar “Skadenca”, dy shtetasit e lindur në Jordani me banim në Tiranë kishin përshtatur një ambjet me qera teksa iu fshinin datat e skadencave produkteve të  skaduara, duke përdorur lëndë kimike, iu vendosnin atyre data të reja skadence, për të shtyrë afatin e përdorimit deri në dy vjet.

Njoftimi i Policisë:

Tiranë

Finalizohet pas një hetimi disajavor, operacioni policor i koduar “Skadenca”.

Operacioni i zhvilluar nga Seksioni i Krimit Ekonomik dhe Financiar, në bashkëpunim me Sektorin e Monitorimit dhe Hetimit të Drejtorisë së Përgjithshme të Agjencisë Kombëtare të Ushqimit nën drejtimin e Prokurorisë së Rrethit Gjyqësor Tiranë.

Vihen në pranga 2 shtetas.

Specialistët e Seksionit të Krimit Ekonomik dhe Financiar, në bashkëpunim me Sektorin e Monitorimit dhe Hetimit të Drejtorisë së Përgjithshme të Agjencisë Kombëtare të Ushqimit nën drejtimin e Prokurorisë së Rrethit Gjyqësor Tiranë, pas një hetimi disajavor, zhvilluan dhe finalizuan operacion policor të koduar “Skadenca” si rezultat i të cilit u vunë në pranga shtetasit e huaj:

Y. R., 57 vjeç dhe A. R., 28 vjeç, lindur në Jordani dhe banues në Tiranë.

Këta shtetas kishin hapur në një magazinë të marrë me qira, një subjekt me anë të të cilit tregtonin në sasi të mëdha produkte të ndryshme konsumi, të cilat kishin tejkaluar afatin e skadencës.

Këta shtetas, në bashkëpunim me njëri-tjetrin, pasi iu fshinin datat e skadencave produkteve të skaduara, duke përdorur lëndë kimike, iu vendosnin atyre data të reja skadence, për të shtyrë afatin e përdorimit deri në dy vjet.

Në cilësinë e provës materiale u sekuestrua një vulë që përdorej për falsifikimin e datave të skadencës, 3 shishe me lëndë kimike të cilat përdoreshin për fshirjen e datave të prodhimit dhe skadencës, si dhe produkte të ndryshme të skaduara dhe me datë prodhimi të falsifikuar.

Materialet u referuan në Prokurorinë pranë Gjykatës së Shkallës së Parë Tiranë, për veprat penale “Mashtrim me produktet ushqimore” kryer në bashkëpunim dhe “Falsifikimi i vulave, stampave dhe i formularëve”.

The post Shisnin produkte të skadura duke i falsifikuar etiketën, arrestohen dy shtetas të huaj me banim në Tiranë (FOTO LAJM) appeared first on Albeu.com.

Në videon e Kallxo, shihen njësitet elite të Policisë gjenden në vendin e ngjarjes për të siguruar perimetrat ku gjendet droga.

Drejtori e Antidrogës Bahri Shala tha se ende nuk është bërë ekzaminimi i sasisë së drogës që është kapur.

Vendi ku dyshohet se është ndaluar kamioni gjendet në hyrje të qytetit të Lipjanit, brenda oborrit të një kompanie.

The post Pamjet më të fundit nga vendi ku u kapën 400 kg kokainë (VIDEO) appeared first on Albeu.com.

Nga studioja e “Quo Vadis”, Bushati parashikoi që 2021 do të jetë një vit pozitiv për Shqipërinë.

“Ky do të jetë një vit shumë i mbarë, do të kemi hapje të shoqërisë, edhe ekonomia do të rindezë motorët. Shqipërinë e pret një vit i mbarë në 2021. Shumë shpejt do të shikojmë një Shqipëri tjetër në verë. Besoj se më 1 qershor Shqipëria do të hapet totalisht” tha ai.

The post Pa kufizim dhe pa orë policore, zbulohet data kur vendi do të hapet totalisht appeared first on Albeu.com.

Këtë lajm e ka dhënë kryeministri italian Mario Draghi, gjatë punimeve të samitit të vendeve të G20, që një ditë më parë u zhvillua në Romë në presidencën italiane.”Qytetet tona, plazhet e malet tona do të hapen e ju mikpresim”, u shpreh kreu i ekzekutivit italian.”Ka ardhur momenti , tha ai që të prenotoni pushimet tuaja në Itali!

Italia ka vendosur të mos pres aprovimin e patentës së gjelbër europiane, që pritet të jetë gati në gjysmën e dytë të muajit qershor, por të ofroj rregulla të qarta e të thjeshta për turistët e të garantoj një siguri maksimale në shëndetit publik.

Çdo turist që do dëshiroj të vizitoj Italinë nga çdo vend i botës, pas datës 15 maj është i lirë ta bëj me kushtin e zbatimit të disa rregullave; prezantimin në pikën kufitare të një dokumenti që vërteton se ka kryer të dy dozat e vaksinës anti-Covid e autorizuar nga Agjencia Europiane e Barnave, të certifikoj shërimin nga Covid në rast se ka qenë i infektuar dhe një tampon me rezultat negativ brenda 48 orëve para udhëtimit.

Turizmi vazhdon të mbetet një ndër sektorët më të goditur nga pandemia me një rënie në 73% në nivel global e humbjen e 62 milionë vendeve të punës.”Rinisja e udhëtimeve dhe e turizmit është thelbësore për rimëkëmbjen e ekonomisë globale”, theksohet në dokumentin e dalë nga samiti i vendeve G20 në Romë.

The post Pas mbi 14 muajve mbyllje, Italia me 15 maj hap kufijtë appeared first on Albeu.com.

Në denocimin për emisionin Stop, Adriana Pepmarku thotë se arsyeja që ajo dyshon për largimin e vajzës, është se e bija për 20 ditë do të futej në riedukim, për shkak të sjelljes së papërshtatshme. Adriana tregon se vajza shoqërohej me një shoqe 24-vjeçare nga Kruja, e cila shpesh e nxirrte nga mësimi.

“Ka 9 ditë që është larguar vajza nga shtëpia, është 15 vjeç. Ajo ka qenë me shoqëri të keqe, unë kam dashur ta çoj në riedukim, kam bërë letrat për riedukim sepse largohej shpesh nga shtëpia, mosbindje, shumë zhurmë në shtëpi. Ka pasur largime, ka ikur, ka qëndruar gjithë natën, ka ardhur, ka ikur ditën, ka ikur edhe nga ora e mësimit është bërë problem te shkolla. I kam shfrytëzuar të gjitha mundësitë me psikologe, edhe në përfundim arrita që do futet në riedukim.

Në përgjithësi marrëdhënia me të ka qenë e mirë, por ka qenë tepër agresive, kohët e fundit shumë agresive. Atë ditë që është larguar nga shtëpia, unë s’kam qenë në ambientet e shtëpisë, isha në Lezhë sepse po flisja me një për të marrë avokat falas për divorcin sepse im shoq e ka nisur divorcin edhe e ka mbyllur. Kjo e vuan këtë pjesë. Kur kam ardhur në shtëpi më kanë thënë fëmijët edhe mami im që Klara është larguar, ka ikur atë natë nuk erdhi fare. Atë natë kam pritur deri në 03:00. Në orën 04:00 kam bërë kallëzim në polici në Fushë-Krujë edhe nuk kam asnjë lloj informacioni.

Kam shkuar çdo ditë, jam interesuar, asnjë gjë. Ditën e premte e kam parë me sytë e mi vajzën time, të shoqëruar me dy vajza të tjera më të rritura se ajo. Kur ka ardh puna për ta marrë në pyetje, nuk e ka shoqëruar policia për ta marrë në pyetje, sepse unë e pashë në pyetje vajzën me të, edhe më iku, por kanë shkuar këta e kanë takuar ku ka dashur ajo. E kam dëgjuar që ka folur në telefon me këtë Gertën shpesh herë, jam në dijeni që ka shkuar e ka marrë edhe në orar të mësimit, e ka larguar nga mësimi. Nuk ia kam miratuar shoqërinë me të sepse është më e rritur se vajza ime, kjo është 15 vjeç, nuk ka çfarë të bëjë një 15-vjeçare me një 23-vjeçare.

Por ajo vazhdon të jetë me të. Mua më bën përshtypje fakti se policia thotë nuk mund të ndërhyjmë. Edhe dje kam pyetur dhe më kanë thënë nuk mund të ndërhyjmë sepse është minorene. Kur në fakt se është minorene dhe kam bërë kallëzim unë që jam mami i asaj, duhet të ndërhyjnë më tepër. Ata s’po më japin asnjë rrugëzgjidhje. Ku di unë tha se çfarë mund të bëhet me vajzën time, me shoqërinë e asaj vajze. E ku di unë se me kë të tjerë mund të shoqërohet. Duhet ta di se ku është? Çfarë bëjnë me të? Pse s’vjen në shtëpi? Unë kërkoj të bëhet çfarë është më e mira për të, asnjë gjë s’dua tjetër. Unë s’e paragjykoj për asnjë gjë. Vetëm të kthehet në shtëpi dhe të bëhet çfarë është më e mira për të”, thotë nëna e vajzës.

Mamaja e vajzës është interesuar në stacionin e Policisë së Fushë-Krujës. Punonjësi që e pret i thotë se të gjithë punonjësit janë nëpër qendrat e numërimit të votave. Madje punonjësi i policisë guxoi t’i thoshte nënës së vajzës se e bija mund të jetë duke punuar në lokale nate, duke u droguar apo prostituuar, e në gjuhën popullore kësaj i thonë “mjerë kujt i bie”.

Punonjësi: Është shpallur në kërkim.

Nëna: Është shpallur në kërkim, por unë s’kam asnjë lajm tash 9 ditë.

Punonjësi: Janë të gjithë te Kzaz-ja.

Nëna: Po pse nuk ndërhyjnë, kur e dinë që është e shoqërume?

Punonjësi: Ka qëllu periudha e zgjedhjeve. Të gjitha forcat janë në qëndrat e Kzaz. Të qetësohet cikë puna, gjithë agjentët e krimeve atje i ke. Ata janë me tjetër vendim atje. Mbase lirohen mbas 1 dite, 2 ditësh.

Nëna: Po si të pres edhe dy ditë të tjera unë? U bënë 9 ditë sot, mo vlla. Është 15 vjece. Po të ishte vajza jote?

Punonjësi: Tani, goca mbase i ka hyrë një rruge, që nuk na pëlqen, një rruge të keqe. Se kot nuk ka ik nga shpia ajo. Mund të punojë në lokale nate, mund të drogohet. Mund të jetë edhe me një tutor, që e shfrytëzon.

Nëna: Kam një javë që…

Punonjësi: Ti mund të vish edhe një javë. Këto në gjuhën familjare i thonë “mjerë kujt i bien”… Pa mbaruar Kzaz-ja, vetëm në pastë ndonjë ngjarje kriminale të rëndë, i përkushtohemi. Ka shumë ngjarje, shumë dosje. Ai për një periudhë i ka pezulluar. Të mbarojë ajo, vazhdojmë pastaj. Që të vazhdojë puna normale. Jemi në gjëndje gatishmërie dhe gatishmërinë e kemi për zgjedhje.

Gazetarja e emisionit Stop ka shkuar për t’u interesuar në stacionin policor të Fushë-Krujës.

Gazetarja: Si kaluat? A ndodhet ndonjë inspektor këtu?

Punonjësi: Jo, janë të gjithë tek Kzaz-ja.

Gazetarja: Po në qoftë se unë dua të bëj një kallzim tani, kush ma merr kallzimin?

Punonjësi: Për cfarë kallzimi bëhet fjalë?

Gazetarja: Për cfarëdo lloj gjëje. që më ndodh.Kush më përgjigjet këtu? Nuk do më përgjigjesh?

Punonjësi: Nuk mund të përgjigjem për këtë pyetje, që po bën.

Gazetarja: Është pyetje shumë e thjeshtë. Nëse unë dua të bëj një kallëzim për një gjë, që më ndodh këtu në Fushë-Krujë, kush ma merr kallzimin? Zotëri me ju po flas! Do më kthesh një përgjigje?

Punonjësi: Nuk mundem me të kthy përgjigje.

Gazetarja: Më fal, je këtu për qytetarët. Kush do e marri kallëzimin, që s’qenka asnjë?

Punonjësi: Janë te KZAZ-ja.

Gazetarja: Të gjithë?

Punonjësi: Po!

Gazetarja: Po ja unë kam një problem tani. Do ma zgjidhësh ti?

Punonjësi: Po!

Gazetarja: Një vajzë, që po kërkohet. Kush do ta gjejë? Kush po e kërkon? Kush do më përgjigjet, se cfarë po bëhet?

Punonjësi: Me atë punë po merremi. Inspektorin, që po e kërkon ti, e ke në Thumanë. Inspektorin e zonës, që e kërkon zonja. Është në pritje të kryeministrit.

Gazetarja: Dhe cfarë përgjigje ju dha për rastin?

Punonjësi: Po punojnë për ta identifikuar vendodhjen e saj.

Gazetarja: 9 ditë akoma nuk është identifikuar, se ku ndodhet vajza?

Punonjësi: Po ti e di, se ca punësh kemi patur ne nja 5-6 ditë?

Gazetarja: Keni patur zgjedhjet dhe janë më të rëndësishme zgjedhjet, se një fëmijë kur të ikën, apo jo? Kur kthehen zotërinjtë?

Punonjësi: Ata kthehen, kur të mbarojë kryeministri.

Gazetarja: Edhe po punohet me rastin! Faleminderit!

Prej këtej, gazetarja e emisionit Stop iu drejtua Komisariatit të Krujës, ku u vu në dijeni se të gjitha forcat policore janë në qendrat e numërimit të votave.

Punonjësi: Komunikova me sallën. Salla komunikoi me shefin e komisariatit. Më tha shprehimisht, jemi në dijeni,- tha. Kena bo të gjitha veprimet, jena në ndjekje. Janë ke zgjedhjet, se vazhdo procesi i numërimit dhe janë krejt forcat atje.

Pas këmbënguljes së gazetares së “Stop”, policia u vu në lëvizje dhe gjeti vajzën e mitur.

Inspektori i zonës: Vajza është rehabilitu!

Gazetarja: E keni gjetur?

Inspektori i zonës: Po!

Gazetarja: Është në shtëpi?

Inspektori i zonës: Po! Atë ditë është gjetur. I ka bo oficeri të tana veprimet.

Gazetarja: U desh që të vinim ne që të bënim veprimet. Kishin kaluar 10 ditë edhe nuk ishte bërë asgjë.

Inspektori i zonës: Jo moj, jo! Në kërkim kemi qenë, tan kohën.

Nëna e vajzës së mitur falenderon programin tonë për gjetjen e së bijës.

Nëna: Vajza u gjet! Është kthyer. Faleminderit për bashkëpunimin tuaj! Shumë mirë është. Shumë faleminderit për bashkëpunimin!

The post Nëna denoncon zhdukjen e vajzës 15-vjeçare, policia: Do jetë në lokal nate ose me ndonjë tutor (VIDEO) appeared first on Albeu.com.

Sipas njoftimit në gazetën qeveritare greke mbetet në fuqi kufizimi me 400, i numrit të personave që lejohen të hyjnë në ditë në Greqi nga Kakavia ndërkohë që pikat e tjera kufitare me Shqipërinë do të vijojnë të jenë të mbyllura.

Gati një javë më parë edhe Shqipëria vendosi karantinën 14 ditore për të gjithë shtetasit që hynin nga Greqia në Shqipëri.

Greqia vijon të përballet me nivel të lartë infektimesh nga koronavirusi ndërsa në vend po mbahen masa shtrënguese për të kufizuar lëvizjen për festën e Pashkëve ortodokse.

The post Karantinë 14 ditore për hyrjet nga Shqipëria në Greqi appeared first on Albeu.com.