Ndërkohë që Shqipëria nuk bëri asgjë, duket se Bullgaria e ka konkretizuar këtë plan. Mediat bullgare raportojnë se tashmë aty ka nisur punën Akademia e Barinjve.

Ajo do të bashkojë njerëz të gatshëm për të zotëruar profesionin dhe për të rivendosur praktikat e harruara tradicionale, si dhe për të mësuar se si të rrisin kafshët sipas zakoneve të vjetra bullgare.

Secili nga katër sezonet e trajnimit në akademi do të ofrojë një hyrje në historinë e racave autoktone në Bullgari, kullotjen dhe mjeljen e kafshëve, pastrimin e kullotave dhe praktikat tradicionale në blegtori.

Mbi 20 barinj po marrin pjesë në sezonin e parë të trajnimit dhe janë përfshirë në mënyrë aktive në rritjen e një tufe të përzier me dy raca autoktone – delja Karakaçane dhe dhia me flokë të gjatë malore.

Nismëtarët e Akademisë synojnë gjithashtu të krijojnë një praktikë në ruajtjen e racave autoktone, duke i cilësuar ato si një thesar të gjallë kombëtar,  shkruan agjencia e lajmeve bullgare BTA”.

The post Bullgaria ia kalon Shqipërisë, hap e para Akademinë e Barinjve: A do t’i dalë koha deri në shtator ministres për “studentët” e parë? appeared first on Albeu.com.

“Kam pas 200 krerë bagëti dhe nuk kam pas nevojë për shkollë, shkollën çobani e di vetë.”

Imer Hoxha sipas propozimit të Ministres së Bujqësisë, është kandidat për të marrë një diplomë si bari.

Por, i moshuari nga Kalaja e Dodës në Dibër thotë se nga përvoja e disa viteve ai është akademik në punën që bën.

Ndaj nismës së qeverisë i përgjigjet me një tjetër propozim.

“Shkollë duan politikanët jo bagëtia, politikanët janë bërë më keq.”

Lim Shahini nga fshatrat e Klosit, që prej vitesh e mban familjen me punën e çobanit, nuk merret shumë me politikën e madhe që diskutohet në Tiranë.

Por me prevojën e jetës e lajmet që ka dëgjuar i kujton Ministres së Bujqësisë se jo vetëm shqiptarët me shkollë, por edhe fermerët po ikin nga Shqipëria.

“Ata me shkollë ikin, nuk rrinë këtu.”

Sa për idenë e Akademisë së Barinjve, vetë barinjtë e kanë kuptuar si përpjekje për të larguar vëmendjen nga problemet e vërteta.

“Politikanët nuk kanë çfarë thonë tjetër dhe thinë duhen barinjtë me shkollë”.

Ministrja Frida Krifca jo vetëm që e mbrojti idenë e saj por ajo tha se propozimi i Akademisë së Barinjve  ishte i mbështetur në modelet të  ngjashme me vendet e zhvilluara./Ora News/

The post Barinjtë “akademikë” të Dibrës kanë një përgjigje për ministren Krifca appeared first on Albeu.com.

“Që në periudhën si drejtoreshë e AZHBR-së jam konsuluar me bujqësori dhe ne donatorë, GIZ-i ka qenë një partner. Ne kemi filluar që në 2018 të mbështesim stanet me infrastrukturën e nevojshme dhe me panele diellore që të lehtësojmë jetën e këtyre profesionistëve në fushë e vetë dhe është një program që do të vazhdojmë ta përforcojmë pikërisht për të ruajtur traditën në fusha të tilla.

Kjo nuk është vetëm e shprehur në blegtori dhe në zanatin e barinjve, por edhe në zanate të tjera të fermerëve të rinj që i bashkohen trupës së bujqësisë, do kemi mundësi në vijim të shpalosim programin”, tha Krifca./albeu.com

The post Ministrja e Bujqësisë në fokus barinjtë: Stanet do t’i pajisim me panele diellore appeared first on Albeu.com.

Krifca u shpreh se deklarata e saj ishte keqkuptuar, por shtoi se këtë lloj akademie nuk e kanë shpikur. Sipas saj ekziston në vende si Zvicra, Anglia e Spanja.

“Mund të bëj një sqarim në keqkuptimin e ndodhur në mbledhjene kaluar. Një keqkuptim i ndodhur dhe me artikulimin e fjalës akademi, në vijim të komisionit i kam kërkuar ndjekësë koleges time për mënyrën si u shpreha. Në lidhje me fjalën akademi kjo është një eksperiencë që nuk e kemi shpikur por e kemi parë në disa vende, Zvicra Anglia Spanja e kanë një qasje drejt zgjidhjes së problemit të migrimit të njerëzve nga profesioni i bujkut të cilët po përpiqen t’i adresojnë duke dhënë mbështejte në formimin e tyre për t’i angazhuar në këtë profesion. E kemi konsultuar dhe me donatorët, që si drejtoreshë e AZHBR jam konsultuar dhe me Universitetin Bujqësor, që në 2018 kemi filluar të mbështesim stanet. Është një program që do të vazhdojmë ta përforcojmë dhe ta ndihmojmë për të ruajtur traditën në fusha të tilla. Kjo jo e shprehur vetëm në blegtori dhe zanatin e barinjve por dhe në zanatin e fermerëvë të rtinj që i bashkohen trupës së bujqësisë. Ky ishte sqarimi që doja të bëja”, ka thënë ajo.

Kujtojmë se disa ditë më parë, Krifca, në Komisionin për Veprimtaritë Prodhuese, Tregtinë dhe Mjedisinë bëri këtë deklaratë:

“E dimë që blegtoria ka një rënie, sepse është e vështirë, nuk duan njerëzit të shkojnë në mal të jenë barinj. Njerëzit kërkojnë diçka më të lehtë. S’është çështje shkolle, është një profesion i trashëguar që në duam ta ruajmë atë. Ne do të nxisim të rinjtë, do shkojmë t’i gjejmë, do bëjmë një akademi për këtë, dhe do i subvencionojmë. Do u themi ejani bëjeni këtë sepse do t’ju subvencionojmë, jo për krerë por për mbajtjen e tufës.

Deklatara bëri shumë bujë në rrjete sociale dhe solli shumë reagime të cilat ishin ironizuese. Gjithashtu ka pasur dhe reagime nga çobanë të cilët janë shprehur se nuk kanë moshë dhe nerva për shkollë./albeu.com

The post “Akademi për barinjtë”, flet ministrja: Më keqkuptuan, nuk e shpikëm ne, ka në vendet europiane appeared first on Albeu.com.

Gjatë replikave me deputetin e partisë Demokratike, Ervin Salianji, Rama ka komentuar akademinë e barinjve, ku është shprehur se është një mundësi për të formësuar më shumë personat që janë të përfshirë në këtë kategori.

Rama shtoi se si piktor që është përpiqet të mësojë për pozicionin që ka, dhe nuk la këtu pa thumbuar edhe eksponentët e opozitës, për të cilët tha se vetë flasin e vetë qeshin.

“Fole sikur po ndaje delet para gostisë.Meqë u ka ngelur mendja te akademia e barinjve ju flas dhe për atë unë. Akademitë janë në të gjithë botën. Nuk janë ashtu siç i kuptoni ju por hapësira formimi që u ofrohen të gjithë kategorive të njerëzve që punojnë në fusha të ndryshme,. Mos qeshni me vete, ketë flet vete dhe qesh vetë ju e keni si linjë partie. Është turp që unë të bëj me akademinë tuaj të vogël, unë jam thjesht një piktor por për shkak të detyrës mësoj çdo ditë, nuk qesh kur flas vetë por flas kur qeshin të tjerët dhe zhgarravis. S’ka asnjë problem. Çfarë problemi ke ti me zhgarravinat? Ti duhet të shqetësohesh për zhgarravinën që i tregon publikut jo për ato që qëndrojnë në letër, kjo duhet të shqetësojë jo ty personalisht për të gjithëve. Mos u bëni si çensura e dikurshme e partisë, ju s’keni lidhje me të djathtën me të majtët jo e jo.”, ka thënë Rama./albeu.com/

The post Rama: Jam piktor por mësoj për detyrën, mos u bëni si çensura e dikurshme e partisë appeared first on Albeu.com.

E moshuara thotë se ata nuk kanë asnjë mbështetje nga shteti dhe se ky profesion është i vështirë për t’u mbajtur, duke treguar se zanatin e ka trashëguar ‘denbabaden’.

E pyetur për akademinë e barinjve që ka propozuar për të hapur Ministrja e Bujqësisë, e moshuara u shprejh se ajo tashmë nuk ka moshë për shkollë, por mund të jetë diçka e mirë për të rinjtë, megjithëse ajo shtoi se të rinjtë largohen nga Shqipëria e nuk merren me bagëti.

“Blegtoria është e rëndë. Unë i kam dy lopë këtu dhe dy në shpi. Katër lopë. Tokat i marrim me qera. Qeraja shkon 50 mijë-70 mijë në vit. Në kohë të thatë s’bohet asnjë deng, në kohë me shi bëhet bari. Unë s’kam tokë. Zanatin e kena pas trashëgimi den baba dem. Këta ka çobani. Çoban jam dhe krejt i pastroj. Unë shkoj marr makineritë. Nuk na ka mbështetur njeri. Po me lopë merem nga 20 vite. Vështirë shumë se duhet me i kullot, me shajnë. Fëmijët i kam martuar. Kanë punë ato, pasha zotin , janë të zorshme. Të rinjtë kapin botën, mazallah të merren. Ku me e gjet me na pagujt Ministria. Po kush të paguan. Rrejn ashtu ata. Unë jam 72 vjeçe ks’kam ku me shku. Mirë për të rinjtë që kanë qejf lopët. 3 muaj rrinë në regjim stallor bagëtitë, 6 muaj pastaj kullosin”, tha ajo.

The post Ministja e Ramës tha se do hapet akademia e barinjve, çobania në Kukes: S’kam moshë për shkollë unë! appeared first on Albeu.com.