Por, kjo nuk është rasti i vetëm. Madje, atij i duhej të humbte peshë edhe për një rol në një film ku duhej të luante një prift.

Ai kishte rënë në 104 kilogram, por pasi xhirimet përfunduan pesha e tij u kthye në fazën e mëhershme prej 127 kilogram.

Aktorit amerikanit iu tha se duhej të xhironte edhe disa skena shtesë, dhe kështu e kuptoi se duhej të humbte përsëri peshë.

Kjo çoi në një diskutim në lidhje me zakonin e kaluar të James për të mbajtur dietë të rëndë.

“Unë mund të humbas peshë shumë shpejt, mund të agjëroj dhe ta humbas”, tha ai. “Seriozisht, mund ta humbas shpejt… Mund ta bëj brenda një muaji. Më pak se një muaj”.

James shpjegoi madje se si dikur filloi një periudhë të gjatë agjërimi, i motivuar pjesërisht nga dëshira për të humbur peshë, por edhe për arsye fetare, duke treguar se ai kaloi “41 ditë e gjysmë” pa ushqim, duke konsumuar vetëm “ujë dhe pak kripë” për të rimbushur elektrolitet e tij.

“Fillova agjërimin, nuk e mendoja se do të agjëroja 40 ditë, thjesht thash ‘do të bëj çfarë të mundem’ … U ndjeva shumë mirë për një kohë, por kishte momente kur ndihesha si i mjerë”, deklaroi James.

“Kam humbur, mendoj, rreth 27 kilogram”, vazhdoi ai. “Nuk jam ushqyer as me vitamina, organizmi im u pastrua tërësisht”.

The post Aktori i njohur amerikan thotë se ka agjëruar më shumë se 40 ditë për të humbur peshë appeared first on Albeu.com.

Megjithatë, kur agjërojmë tërë ditën duhet të sigurohemi që të kemi zgjedhur ushqimet me kujdes për të pasur energji deri në iftar.

Por, çfarë cilat ushqime duhet t’i hani për syfyr në mënyrë që të qëndroni të hidratuar dhe me plot energji, këtu kemi listuar disa prej tyre.

Vezë

Vezët janë të mbushura me shumë proteina. Janë të pasura me vitamina dhe lëndë ushqyese, shkruan FoodNdtv.

Ngrënia e vezëve do t’ju bëjë të ndiheni të ngopur. Ka shumë mënyra se si mund t’i hani vezët.Mund të bëni një omëletë të rëndë me perime dhe ta kombinoni me bukë kafe. Ju gjithashtu mund të bëni vezë të fërguara dhe t’i vendosni mbi bukë kafe, të cilën mund ta lyeni lyer me gjalpë kikiriku ose gjalpë bajame.

Tërshërë

Është një vakt i pasur me proteina, dhe do të keni shumë përfitime.

Një vakt i pasur me proteina ju jep energji të mjaftueshme. Tërshëra është një burim i shijshëm i proteinave dhe karbohidrateve. Ju mund të bëni një ‘smoothie’ me tërshërë që përfshin banane dhe qumësht; ju gjithashtu mund t’i shtoni edhe arra.

Pulë ose peshk

Peshku njihet si një ushqim që rrit vitalitetin. Megjithatë, nuk duhet ta fërgoni, pasi mund t’ju shkaktojë fryrje.

Në përgjithësi duhet të shmangni ushqimet e fërguara, sepse mund t’ju bëjnë më të etur. Duke qenë se nuk keni të drejtë të pini ujë gjatë agjërimi, është e rëndësishme të shmangni çdo ushqim që ka gjasa t’ju bëjë të etur.

Një ushqim tjetër që mund të hani është pula, pasi posedon lëndë ushqyese që japin energji dhe do e bëjnë më lehtë për ju të agjëroni lehtësisht.

Mund ta kombinoni pulën me perime. Nëse jeni duke ngrënë peshk, atëherë mund të zgjidhni sardelet.

Fruta dhe perime

Frutat dhe perimet janë të pasura me minerale dhe vitamina që e ndihmojnë njeriun të ndihet energjik. Gjithashtu, përveç se duhet të pini ujë, duhet të hani fruta dhe perime të cilat do t’ju ndihmojnë të qëndroni të hidratuar. Disa shembuj do të ishin shalqiri, luleshtrydhet, pjeshkat, portokallet, domatet, kastravecat dhe spinaq. Mund të bëni një sallatë me disa fruta dhe perime. Me këtë, ju mund të shijoni përfitimet shëndetësore të gjitha menjëherë.

Kikirika

Kikirikët “dhuratë e natyrës” mbushin njerëzit me një sasi të vogël. Nëse kombinoni kikirikët me qumësht të nxehtë, atëherë ky do të bëhet një kombinim i shëndetshëm, sepse produktet e qumështit janë gjithashtu shumë të mjaftueshme.

Ju mund t’i kombinoni ato edhe me kos. Nëse dëshironi t’i kombinoni me bukë, atëherë mund të përdorin gjalpin e kikirikëve.

Gjalpi i bajameve dhe i kikirikut do t’ju japin energji si dhe do t’ju lënë të ndiheni të ngopur për një kohë më të gjatë

The post Ushqimet që duhet të hani në syfyr, për një agjërim sa më të lehtë appeared first on Albeu.com.

Mijëra policë janë vendosur nëpër rrugët e ngushta të qytetit të vjetër në Jeruzalem, ku dhjetëra mijëra besimtarë pritet të shkojnë për lutje çdo ditë në xhaminë Al Aksa, një nga objektet më të shenjta të fesë islame.

Zona, e konsideruar si vendi më i shenjtë nga hebrenjtë që e njohin atë si Mali i Tempullit, ka qenë një vend ku patur përplasje mes palestinezëve dhe izraelitëve.

Muaji i agjërimit mund të ashpërsojë tensionet edhe në këtë qytet.

Ndryshe nga vitet e kaluara rrugicat e ngushta të qytetit nuk janë zbukuruar me dritat e festës.

“Nuk e ndiejmë që jemi në prag të Ramazanit”, thotë Um Ammar duke kaluar në rrugën e qytetit historik Al-Wad. Lufta në Rripin e Gazës po preokupon shumicën e njerëzve. Atmosfera është e zymtë. Kësaj i shtohet edhe pasiguria, se si mund të kalojë muaji i shenjtë i agjërimit dhe lutjeve.

“Ne në mbrëmje do të thyejë agjërimin, por shumë në Gazë nuk kanë mjaftueshëm ushqim”, thotë ajo. “Kur njerëzit ulen në tavolinë …Ky sivjet nuk është Ramazan, më shumë ndihet një atmosfer funerali.”

Sipas të dhënave të Ministrisë së Shëndtetësisë të drejtuar nga Hamasi gjatë sulmeve të Izraelit në Gazë janë vrarë rreth 31.000 vetë, ndërkohë që organitatat e ndihmave paralajmërojnë se po kërcënon një krizë urie.

The post Agjërim në luftë, besimtarët në Gaza falen në gërmadha appeared first on Albeu.com.

Myslimanët besojnë se ishte pikërisht ky muaj kur Zoti ia shpalli pejgamerit Muhamed vargjet e para të Kuranit, në një natë që siç njihet edhe fetarisht “Nata e Kadrit”, shkruan Vox.

Agjërimi gjatë muajit të Ramazanit është gjithashtu një nga pesë obligimet fetare për besimtarët e fesë islame; të gjithë duhet ta agjërojnë përveç atyre që mund të kenë probleme të mundshme shëndetësore dhe personave që jetojnë në disa rrethana të tjera.

Praktika e agjërimit shërben për disa qëllime shpirtërore dhe shoqërore, megjithatë ekzistojnë disa dilema për këtë praktikë që shumë besimtarë dëshirojnë të dinë.

Në këtë artikull do të shtjellojmë disa prej tyre.

Si funksionon agjërimi?

Gjatë muajit të Ramazanit, besimtarët duhet të qëndrojnë pa ngrënë dhe pa pirë nga lindja deri tek perëndimi i diellit, atyre po ashtu nuk i lejohet pirja e duhanit dhe aktiviteti seksual gjatë agjërimit.

Besimtarët, gjithashtu nuk mund të pinë ilaçe, derisa përtypja e çamçakëzit është e ndaluar.

Si është një ditë tipike gjatë Ramazanit?

Gjatë Ramazanit, myslimanët zgjohen shumë përpara agimit për të ngrënë vaktin e parë të ditës, dhe me këtë vakt duhet ta mbajnë vetën deri në perëndim të diellit.

Kjo do të thotë se duhet të hani shumë ushqime me proteina dhe të pini sa më shumë ujë deri në agim, pas kësaj nuk mund të hani e as të pini deri në kohën e iftarit.

Besimtarët nuk duhet të shmangin punën, shkollën a po ndonjë detyrë tjetër normale gjatë ditës vetëm sepse agjërojnë.

Megjithatë, në shumë vende myslimane, bizneset dhe shkollat mund të reduktojnë orët e tyre gjatë ditës ose të mbyllen tërësisht. Megjithatë, në pjesën më të madhe, myslimanët bëjnë punët e tyre të përditshme si zakonisht, pavarësisht se nuk mund të hanë ose të pinë asgjë gjatë gjithë ditës.

Kur bëhet iftari dhe thirrja e akshamit, besimtarët e prishin agjërimin e ditës me një vaktë të lehtë, por fillimisht me ujë dhe hurme

A mund të humbni peshë gjatë Ramazanit?

Disa prej jush mund të shtrojnë pyetjen nëse është koha e duhur për të humbur peshë, megjithatë është një temë e diskutueshme.

Gjatë muajit të Ramazanit mund të shtoni peshë, për shkak se ngrënia e vakteve të mëdha shumë herët në mëngjes dhe natën vonë me një periudhë të gjatë aktiviteti të ulët që kufizohet me letargjinë në mes, mund të shkaktojë ‘kërdi’ në metabolizmin tuaj.

Një meta-analizë e studimeve shkencore mbi efektet e agjërimit të Ramazanit në peshën trupore zbuloi se ndryshimet e peshës gjatë Ramazanit ishin relativisht të vogla, dhe pesha e njeriut mund të kthyet gradualisht në normën e para Ramazanit.

Ramazani ofron një mundësi për të humbur peshë , por modifikimet e strukturuara dhe të qëndrueshme të stilit të jetesës janë të nevojshme për të arritur humbje të qëndrueshme në peshë.

Pra, ashtu si me çdo plan tjetër diete ekstreme, ju mund të humbni disa kilogram, por nëse nuk bëni në të vërtetë “modifikime të strukturuara dhe të qëndrueshme të stilit të jetesës”, ndoshta nuk do të shihni rezultate të mëdha dhe të qëndrueshme.

Pse ndryshojnë datat e muajit të Ramazanit çdo vit?

Për çështje fetare, myslimanët ndjekin kalendarin islamik i njohur gjithashtu edhe kalendari hënor ose hixhri për të përcaktuar datat e ngjarjeve dhe festimeve fetare.

Kalendari islamik bazohet në 12 muaj, të ciklit hënor dhe këta 12 muaj islamikë janë: Muharrem, Safar, Rabiul Evuel, Rabi al-Thani, Xhumada el-Evuel, Xhumada al-Thani, Rexheb, Shaban, Ramazani, Shevali, Dhul Kada dhe Dhul-Hixhe (muaji i haxhit).

Siç thuhet, këto 12 muaj mblidhen afërsisht në 354 ditë, pra 11 ditë më pak se 365 ditët e kalendarit standard Gregorian.

Prandaj, kalendari hënor islamik lëviz prapa afërsisht 11 ditë çdo vit në raport me kalendarin e rregullt gregorian, kështu muaji i Ramazanit nuk bie njëjtë secilin vit me kalendarin që e aplikon bota perëndimore.

Pse ndonjëherë ka dilemë rreth datës se kur fillon Ramazani?

Data e fillimit të Ramazanit është një nga frazat më të kërkuara çdo vit në motorin e kërkimit në Google.

Kjo për shkak se myslimanët në mbarë botën nuk e dinë se kur saktësisht duhet të fillojë Ramazani.

Siç e dimë, çdo muaj i ri nis me Hënën e re, por në kohën e Muhamedit, kalkulimet astronomike nuk ishin edhe aq të sakta sa janë sot.

Meqenëse Hëna e re nuk është në fakt super e dukshme në qiellin e natës, myslimanët tradicionalisht e fillonin agjërimin derisa copa e vogël e gjysmëhënës të bëhej e dukshme për syrin e tyre.

Megjithatë, kjo metodë ishte pak e çrregullt, kushtet atmosferike dhe retë e bënin të vështirë dallimin e Hënës në disa vende, dhe kështu disa grupe e fillonin agjërimin e tyre në ditë të veçanta, madje edhe brenda të njëjtit vend.

Sot, megjithatë, ne kemi llogaritje të sakta shkencore që na tregojnë saktësisht se kur fillon Hëna e re dhe nuk kemi nevojë të presim derisa dikush të dallojë një gjysmëhënë të vogël në qiell.

Por, ekzistojnë edhe sot polemika të shumta midis vendeve myslimane se kur duhet të cilësohet nisja e një muaji të ri me ciklin e ri hënor.

A ka dallime mes mënyrave se si myslimanët synitë dhe shiitë e kremtojnë Ramazanin?

Në pjesën më të madhe, jo. Edhe myslimanët synitë dhe shiitë agjërojnë gjatë Ramazanit, por me disa dallime të vogla.

Përshembull, synitët e ndërpresin agjërimin e tyre të përditshëm në perëndim të diellit, kur dielli nuk është më i dukshëm në horizont (por ka ende dritë në qiell), ndërsa shiitët presin derisa skuqja e diellit të zhduket plotësisht dhe qielli është krejtësisht i errët.

The post 6 pyetje në lidhje me muajin e shenjtë të myslimanëve që duhet t’i dini appeared first on Albeu.com.

Agjërimi gjatë shtatzënisë?

Duke qenë se jemi në sezonin e Agjerimit, shumë gra shtatzëna pyesin veten nëse mund të agjërojnë. Është e nevojshme të theksohet se nëse vendosni të agjëroni gjatë shtatzënisë duhet të keni pëlqimin e gjinekologut pasi ka raste kur agjërimi nuk këshillohet. Në të njëjtën kohë, do të ishte mirë të konsultoheni me një nutricionist, në mënyrë që nëna dhe fetusi të marrin të gjithë elementët e nevojshëm, pasi agjërimi karakterizohet nga marrja e reduktuar e hekurit dhe kalciumit.

Çfarë mund të hani nëse agjëroni gjatë shtatzënisë dhe çfarë duhet të keni kujdes

Edhe pse ka disa burime bimore të hekurit, hekuri bimor absorbohet në një masë më të vogël se hekuri i kafshëve që gjendet në mish. Kështu, njerëzit që kanë nevoja më të mëdha për hekur nuk duhet të përjashtojnë për një kohë të gjatë nga dieta e tyre produktet me origjinë shtazore. Ju gjithashtu mund të hani ushqime të pasura me hekur, si brokoli, lulelakra, ushqime deti, bishtajore dhe halva tahini. Për përthithjen më të mirë të hekurit nga ushqimet me bazë bimore, është thelbësore që ato të shoqërohen nga një burim i mirë i vitaminës C (p.sh. limoni, portokalli, specat).

Përveç kësaj, mungesa e produkteve të qumështit dhe mishit gjatë periudhës së agjërimit nënkupton mungesën e kalciumit nga dieta juaj. Nëse zgjidhni të agjëroni gjatë shtatzënisë, është e nevojshme të merrni sasi të mjaftueshme të kalciumit, i cili kontribuon në shëndetin e kockave të nënës dhe zhvillimin e kockave të fetusit. Burime të mira të kalciumit gjatë agjërimit janë arrat, bishtajoret dhe frutat e thata.

Proteina është një tjetër përbërës bazë që duhet të jetë i pranishëm në dietën tonë dhe në të vërtetë në çdo vakt. Ka ushqime alternative bimore të pasura me proteina me shumë përfitime për shëndetin dhe trupin tonë. Duhet të bëhen kombinime të sakta të ushqimeve, në mënyrë që të merrni proteina të plota, të cilat do të ndihmojnë në zhvillimin e fetusit. Burime të tilla alternative janë bishtajoret, drithërat, arrat dhe ushqimet e detit. Si burimi kryesor i yndyrës në dietën tuaj, më në fund, duhet të keni vaj ulliri. Nëse vendosni të bëni edhe një vaj ulliri të shpejtë, atëherë duhet të konsumoni të paktën 3 ullinj të mëdhenj çdo ditë, që korrespondojnë me një lugë çaji vaj.

Ushqimet e agjërimit që duhet të shmangni

Gratë shtatzëna duhet të shmangin peshqit, si salmoni dhe toni, të cilët përmbajnë nivele të larta të merkurit, i cili mund të shkaktojë dëme në zhvillimin e sistemit nervor të fetusit. Gjithashtu shmangni butakët si gocat e detit dhe midhjet apo ushqimet e detit të ngrira në këtë kohë, pasi ato mund të shkaktojnë infeksione.

Në fund të fundit, të agjërosh gjatë shtatzënisë apo jo?

Nëse vendosni ta bëni këtë, ka plot opsione ushqimore që me kombinimet e duhura mund të ofrojnë lëndët ushqyese të nevojshme si për nënën ashtu edhe për fetusin, në mënyrë që të mos shfaqen mangësi dhe komplikime. Megjithatë, është gjithmonë mirë të kesh mendimin e ekspertëve.

The post A duhet të agjërosh gjatë shtatzënisë? appeared first on Albeu.com.

Ndërkohë që këtë muaj e kanë pritur edhe banorët e Big Brother VIP Albania, të cilët edhe janë zgjuar për syfyr mbrëmë.

Nita, Gerti dhe Fotinia mbrëmë janë zgjuar për syfyr, duke u përgatitur që ta fillojnë agjërimin për ditën e parë të Ramazanit.

The post Muaji i Ramazanit, këta janë 3 banorët e BBV që po agjërojnë appeared first on Albeu.com.

Ai përfshin përmbajtjen nga ngrënia, pirja, pirja e duhanit dhe marrëdhëniet seksuale, nga agimi deri në perëndim të diellit.

Agjërimi ka nisur më shumë se 1400 vjet më parë, dhe përfitimet që keni në shëndet janë të mëdha.

Kufizimi i marrjes së ushqimit gjatë ditës, parandalon problemet shëndetësore si kolesteroli i lartë, sëmundjet e zemrës dhe obeziteti.

Gjithashtu ndihmon në përmirësimin e shëndetit dhe mirëqenies mendore.

Duke mos konsumuar asnjë ushqim, trupi ynë është në gjendje të përqendrohet në heqjen e toksinave, pasi i japim sistemit të tretjes një pushim.

The post Muaji i Ramazanit! Këto janë përfitimet shëndetësore që merrni nga agjërimi appeared first on Albeu.com.

Pse praktikohet agjërimi?

Agjërimi praktikohet për arsye fetare dhe shpirtërore dhe ndonëse e përhapur më së shumti te besimtarët muslimanë, në fakt është praktikë edhe e feve të tjera, si krishtërimi, budizmi dhe judizmi. Agjërimi ka qenë një praktikë e pranishme te njerëzit gjatë evolucionit. Duke qenë se shpeshherë ishte e vështirë të konsumonin ushqim në çdo kohë, si rezultat ata evoluan duke qenë në gjendje të qëndronin pa ushqim për periudha të zgjatura kohore.

Si njihet sot?

Në ditët e sotme, agjërimi i ndërprerë është një ndër trendet më të njohura të shëndetit dhe fitnesit. Kjo praktikë njihet si Intermittent Fasting (IF) dhe është një model i ushqyerjes,që realizohet në cikle midis të ngrënit dhe agjërimit. IF nuk përcakton se çfarë duhet të hash, por kur duhet t’i hash.

Metodat e IF

– Metoda 16/8: konsiston në konsumimin e ushqimit përgjatë 8 orëve dhe ndërprerjen e tij për 16 orët në vijim. Pra, hani mjaftushëm nga ora 13:00 – 21:00 pastaj agjëroni për 16 orë.

– Metoda “ha-ndalo-ha”: përfshin agjërimin për 24 orë; hani për shembull në drekë dhe më pas hani sërish drekën e ditës tjetër.

– Metoda 5:2: bazuar në këtë metodë, konsumoni 500-600 kaloni gjatë dy ditëve të njëpasnjëshme dhe më pas hani normalisht 5 ditët e tjera të javës.

Metoda 16/8 është më e përhapura, pasi njerëzit e kanë më të lehtë të përshtaten.

Njerëz të famshëm që kanë ndjekur këtë stil jetese: Jennifer Aniston, Kourtney Kardashian, Molly Sims, Hugh Jackman, Hannah Jeter, Halle Berry, Jimmy Kimmel, Justin Theroux, Brooke Burke etj.
Personazhe shqiptarë: Armina Mevlani, Lori Hoxha dhe Rudina Dembacaj.

Përfitimet shëndetësore

– Humbje në peshë: IF ndihmon në djegien e yndyrës në zonën e barkut dhe jo vetëm, pa qenë nevoja të kufizoheni në konsumimin e kalorive me vetëdije.

– Insulina: agjërimi ul nivelin e sheqerit në gjak dhe rrit nga 20-31% nivelet e insulinës, të cilat janë të rëndësishme kundër diabetit të tipit 2.

– Shëndeti i zemrës: agjërimi i përhershëm mund të zvogëlojë kolesterolin e dëmshëm, trigliceridet e gjakut, sheqerin në gjak.

– Lufta me kancerin: studimet te kafshët kanë vërtetuar se agjërimi mund të parandalojë kancerin.

– Shëndeti i trurit: agjërimi rrit hormonin BDNF që ndihmon në rritjen e qelizave të reja nervore. Ka ndikim gjithashtu në luftën kundër Alzheimer-it.

– Efekti anti-plakje: redukton rrudhat dhe rrit jetëgjatësinë. Studimet e kryere te minjtë arritën në përfundimit se pas agjërimit, këto specie arritën të jetonin 36-38% më shumë se të tjerët.

Kur NUK këshillohet IF?

Intermittent Fasting nuk është për të gjithë. Personat që kanë probleme me çrregullimin e të ushqyerit duhet të konsultohen me mjekët pasi në këto raste, mund të ketë rrezikshmëri. Raste të tjera kur duhet të konsultoheni me mjekun para se të praktikoni IF:

– nëse vuani nga diabeti
– keni presion të ulët të gjakut
– merrni medikamente
– jeni nënpeshë
– po përpiqeni të mbetni shtatzënë
– jeni shtatzënë ose ushqeni fëmijën me gji

Efektet anësore

Uria është efekti anësor kryesor i agjërimit. Mund të ndiheni sikur nuk keni mjaftueshëm fuqi. Kjo është e përkohshme, pasi duhet pak kohë derisa trupi t’i përshtatet vakteve të reja.

Shënim: Si për çdo dietë tjetër, konsultohuni paraprakisht me mjekun.

The post Të enjten nis muaji i Ramazanit, 6 arsye pse duhet të agjëroni edhe nëse s’jeni besimtarë muslimanë appeared first on Albeu.com.

Ramazani është muaji i 9-të sipas kalendarit islamik në të cilin praktikohet agjërimi. Muslimanët besojnë se në muajin e shenjtë të Ramazanit, profeti i tyre zbuloi Kuranin, librin e shenjtë të Islamit.

Ekziston një kufizim i rreptë i ngrënies dhe pirjes gjatë periudhës së agjërimit, nga syfyri deri në iftar, sipas besimit islam.

Megjithatë, sipas diversitetit gjeografik, dallon edhe kohëzgjatja e agjërimit në vende të ndryshme të botës. Dallimi madje shkon deri në 9 orë.

Muslimanët që jetojnë në Islandë do të agjërojnë rreth 16-17 orë në ditë.

Në këtë mënyrë, muslimanët që jetojnë në Indi, Pakistan, Arabinë Saudite, Emiratet e Bashkuara Arabe, Katar dhe në shumicën e vendeve të Lindjes së Mesme agjërojnë deri në 14-15 orë çdo ditë.

Ndërsa, Zelanda e Re, Argjentina, Afrika e Jugut mund të kenë kohëzgjatjen e agjërimit më të shkurtër (11-12 orë).

Vendet me kohën më të gjatë për agjërim:

Grenlanda, Franca, Polonia dhe Anglia, përfshirë Islandën, do të agjërojnë rreth 16-17 orë. Ndërsa njerëzit që jetojnë në Indi, Portugali, Greqi, Kinë, Amerikë, Turqi, Kanada, Kore të Veriut, Japoni, Pakistan, Iran, Irak, Siri, Palestinë, EBA, Katar dhe Arabinë Saudite do të agjërojnë mesataraisht 14-15 orë në ditë.

Vendet me kohëzgjatjen më të shkurtër për agjërim:

Në Singapor, Malajzi, Sudan, Tajlandë dhe Jemen, kohëzgjatja e agjërimit do të jetë 13-14 orë. Brazili, Zimbabve, Indonezia, Afrika e Jugut, Argjentina, Zelanda e Re, Paraguai dhe Uruguai do të kenë kohën më të shkurtër të agjërimit, rreth 11-12 orë.

The post 11 apo 17 orë? Këto janë vendet me kohën më të gjatë dhe më të shkurtër të agjërimit appeared first on Albeu.com.

Frutat

Ushqimet e para që konsumoni pas agjërimit janë kritike për të ushqyer trupin dhe nuk duhet të shpenzojnë shumë energji për t’u tretur. Lëngjet dhe frutat përmbajnë ujë dhe treten lehtësisht. Provoni mollë, por minimizoni agrumet pasi ato mund të ndikojnë në stomak për shkak të aciditetit.

Perime

Perimet, në përgjithësi, janë burime të shkëlqyera të vitaminave, por ato krucifere si brokoli, lakrat e Brukselit dhe lulelakra janë të pasura me fibra. Ata do të parandalojnë kapsllëkun. Fibrat gjithashtu kanë aftësinë t’ju bëjnë të ndiheni më të ngopur, gjë që është e dobishme kur nuk mund të hani përsëri për 12 orë të tjera ose dëshironi të humbni peshë.

Avokado

Filloni përsëri tretjen me ushqime shumë të buta, lehtësisht të tretshme si avokado. Pak vaj kokosi ose vaj ulliri mbi avokado është gjithashtu i shijshëm dhe i shëndetshëm.

Vezë

Proteina është e rëndësishme për t’ju mbajtur të ngopur dhe për të reduktuar humbjen e muskujve gjatë agjërimit. Pra, nëse jeni duke kërkuar për diçka me gjashtë gram proteina që është gjithashtu e shpejtë dhe e lehtë për t’u gatuar, pse të mos provoni vezë të ziera?

Probiotikët

Zorrët tuaja e duan qëndrueshmërinë dhe me siguri do të funksionojnë kur jeni të uritur. Shtimi i ushqimeve të pasura me probiotikë si kosi ndihmon në luftimin e problemeve të herëpashershme të zorrëve si kapsllëku.

Peshku

Peshku jo vetëm që është i pasur me yndyrna dhe proteina të shëndetshme, ai gjithashtu përmban sasi të konsiderueshme të vitaminës D. Pas një dite të gjatë, keni peshkun si mishin tuaj të tretshëm dhe të mbushur me lëndë ushqyese.

The post Po agjëroni? 6 ushqimet që duhet të hani për iftar appeared first on Albeu.com.