55 vjeçar Archives - Albeu.com

EMRI/ Transportonte emigrantë të paligjshëm, vihet në pranga 55 vjeçari në Elbasan

E S — Sun, 13 Nov 2022 10:23:57 +0000

Një 55-vjeçar është arrestuar në aksin rrugor Librazhd-Elbasan. Mësohet se Kujtim Spahiu është arrestuar duke transportuar 6 emigrantë të paligjshëm.

Po ashtu nga policia u sekuestruan në cilësinë e provës materiale makina e 55-vjeçarit si dhe telefoni i tij.

Njoftimi i Policisë:

Finalizohet operacioni policor i koduar “Six”, për evidentimin dhe goditjen e veprimtarisë kriminale të dhënies ndihmë për kalim të paligjshëm të kufirit. Transportonte kundrejt fitimit, 6 emigrantë, me qëllim kalimin e paligjshëm të kufirit, kapet në flagrancë dhe vihet në pranga 55-vjeçari. Shërbimet e Policisë Rrugore të DVP Elbasan, në bashkëpunim me specialistët e Seksionit për Hetimin e Trafiqeve të Paligjshme dhe Narkotikëve, në vijim të operacioneve me fokus evidentimin dhe goditjen e veprimtarisë kriminale të dhënies ndihmë emigrantëve, kundrejt fitimit, për kalim të paligjshëm të kufirit, bazuar dhe në inteligjencën informative, kanë finalizuar operacionin policor të koduar “Six”. Si rezultat i këtij operacioni u arrestua shtetasi Kujtim Spahiu, 55 vjeç, banues në Tiranë.

55-vjeçari u kap në flagrancë, nga shërbimet e Policisë rrugore, në aksin rrugor “Librazhd-Elbasan”, duke transportuar me automjetin e tij, 6 emigrantë nga vëndet e treta, me qëllim kalimin e paligjshëm të kufirit. U sekuestruan në cilesinë e provës materiale, automjeti me të cilin transportoheshin emigrantët dhe aparati celular i të arrestuarit. Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

The post EMRI/ Transportonte emigrantë të paligjshëm, vihet në pranga 55 vjeçari në Elbasan appeared first on Albeu.com.

Vetëplagoset me armë zjarri 55-vjeçari në kryeqytet, kjo është gjendja e tij

E S — Sat, 27 Aug 2022 17:24:33 +0000

Një 55 vjeçar dyshohet se është plagosur me armë zjarri në fshatin Kllojkë në Tiranë.

Shtetasi H.LL, po transportohet në spital, ndersa policia ka gjetur dhe sekuestruar në vendngjarje një armë zjarri kallashnikov.

Njoftimi i policisë:

Më datë 27.08.2022, në fshatin Kllojkë, shtetasi H. Ll. (Xh)., 55 vjeç, dyshohet se është vetëplagosur me armë zjarri, dhe po transportohet në spital. Në vendngjarje është gjetur dhe sekuestruar, në cilësinë e provës materiale, arma e zjarrit kallashnikov, e dyshuar e përdorur gjatë ngjarjes.

Grupi hetimor po punon për sqarimin e rrethanave të ngjarjes./albeu.com

The post Vetëplagoset me armë zjarri 55-vjeçari në kryeqytet, kjo është gjendja e tij appeared first on Albeu.com.

Me shumë se gjysmë-shekullor, “Mbreti Kazu” bëhet me ekip të ri

E S — Tue, 11 Jan 2022 09:07:40 +0000

Ylli japonez i futbollit Kazuyoshi Miura nënshkroi një kontratë të re në moshën 54 vjeçare me një klub të divizionit të katërt të drejtuar nga vëllai i tij më i madh. Duke iu bashkuar Suzuka Point Getters, Miura, me nofkën “Mbreti Kazu”, u zotua të “luftojë për të ndihmuar ekipin të fitojë në fushë”.

Transferimi u njoftua më 11 janar në orën 11:11, një simbol për sulmuesin që do të mbajë numrin 11. Miura, i cili në shkurt do të mbushë 55 vjeç, tha në dhjetor se kishte marrë oferta nga klube të ndryshme në Japoni dhe jashtë saj , pasi luajti për Yokohama FC sezonin e kaluar në J-League (D1).

“Ju falënderoj që më dhatë mundësinë të luaj këtu”, shkroi ai në një deklaratë të lëshuar nga klubi i tij i ri.

Lojtari, i cili dëshiron të luajë deri në moshën 60-vjeçare, shpreson të ketë më shumë ndikim në formacionin e tij të ri, të drejtuar nga vëllai i tij Yasutoshi.

Ylli japonez ka qenë pjesë e shumë klubeve gjatë karrierës së tij të gjatë, në Brazil, Japoni, Itali, Kroaci dhe Australi. Ai ishte një nga futbollistët më të famshëm aziatikë të viteve 1990. r.t/albeu.com

The post Me shumë se gjysmë-shekullor, “Mbreti Kazu” bëhet me ekip të ri appeared first on Albeu.com.

U gjet në rrugë, ndërron jetë në spital 55 vjeçari: Dyshohet se është endacak

E S — Wed, 01 Sep 2021 07:49:56 +0000

Një 55 vjeçar ende i paidentifikuar ka ndërruar jetë mbrëmjen e djeshme në një spital të Tiranës. Raportohet se ishte gjetur në rrugë nga stafi mjekësor i spitalit.

Ndërsa paraprakisht nuk raportohet për shenja dhune, mësohet se 55 vjeçari ishte endacak dhe deri më tani nuk janë paraqitur të afërm të tij për të bërë identifikimin e trupit.

Njoftimi i Plotë

Më datë 31.08.2021, në spital, ka ndërruar jetë një shtetas ende i paidentifikuar, (endacak), rreth moshës 55 vjeç, i gjetur nga punonjësit e stafit mjeksor, në rrugën “Endri Keko”. Gjatë kqyrjes paraprake nuk janë konstatuar shenja dhune. Punohet për sqarimin e rrethanave të ngjarjes.

The post U gjet në rrugë, ndërron jetë në spital 55 vjeçari: Dyshohet se është endacak appeared first on Albeu.com.