Përveç punësimeve për shefa kuzhine me paga nga 3,000 – 3,500 deri në 5,000 euro në muaj në struktura të veçanta, apo kameier me pagë 1,000 euro dhe ndihmëskamarier me pagë 800 euro, tashmë nga bizneset në Jug po kërkohen edhe punonjëse për pastrimin me pagë mujore 800 deri në 1,000 euro.

Në njoftimin e ngjitur në një nga pallatet zonës “5 maji” në Tiranë, një biznes në Sarandë ofron punësim për punonjëse pastrimi, me pagë nga 800 deri në 1,000 euro në muaj, përfshirë akomodim dhe ushqim falas. “Kërkohen sanitare për sezonin veror në Sarandë. Akomodimi dhe ushqimi falas. Paga 800 deri në 1000 Euro”, thuhet në njoftim.

Pagesat e punonjësve të pastrimit janë shtrenjtuar edhe në Tiranë. Tarifa e kërkuar për një orë pastrim varion nga 500 lekë deri në 1,000 lekë. Nga ekspertët e sektorit të punësimit, u parashikua që edhe sivjet, oferta më e madhe për punësime me paga të larta do të jetë nga bizneset HoReCa (Hotele-Restorante-Katering) në bregdet, të cilat e kanë të pamundur të plotësojnë stafet nga fuqia punëtore e zonave, çka ka sjellë transferimin e përkohshëm të atyre nga Tirana apo zona të tjera.

“Kjo dukuri është përforcuar sidomos gjatë dy viteve të fundit. Për ta lehtësuar këtë proces dhe për të rritur mundësinë e zgjedhjes së fuqisë punëtore më të kualifikuar operatorët ofrojnë akomodim, ushqim falas, etj. për fuqinë e tyre punëtore, që transferohet tek ata nga Tirana apo zona të tjera relativisht larg nga zona ku ata ushtrojnë aktivitetin e tyre të biznesit”, pohoi më herët për Monitor Indrit Puteci drejtues i agjencisë së rekrutimit “Profesionisti” të Çelësi Group.

Henri Jahja, kryetari i Shoqatës së Bareve dhe Restoranteve, pohoi më herët se bizneset që ofrojnë paga të ulëta e kanë të vështirë mbajtjen e punëtorëve. Për zgjidhjen e krizës së fuqisë punëtore sipas tij, ka ardhur kohë që në tërësi sektori duhet të ndryshojnë sjellje ndaj punonjësve, si për oraret e punës, ofrimin e ushqimit ndaj personelit, si dhe të rishikojnë sërish pagat.

“Puna jashtë orarit duhet të paguhet. Bizneset duhet të rishikojnë edhe rrogat e punonjësve, pasi duke rritur pagat nuk është e nevojshme më të mbahen 2 punonjës për të bërë 1 punë. Ndërsa për sa i përket ofrimit të ushqimit për personelin, është një çështje që nuk diskutohet më në të gjithë botën, kurse te ne disa e japin, të tjerë e konsiderojnë luks”, pohoi ai.

Jahja sakaq tha me herët se rritja e kostos për mbajtjen e fuqisë punëtore me paga të larta, ka shtrenjtuar çmimet e restoranteve në Vlorë dhe Sarandë nga 26 deri 33%.

“Nëse vjet çmimi minimal për person në restorantet e këtyre qyteteve varionte nga 2,000 deri 2,200 lekë, këtë sezon ka arritur deri 3,000 lekë për person”.

Në terësi në sektorin e bareve dhe restoranteve sipas të dhënave të Shoqatës së Bareve dhe Restoranteve, si në nivel menaxherial edhe për stafin e brendshëm, rrogat e punonjësve janë gati dyfish më të larta se vitin e kaluar. /Monitor

The post Mungesa e personelit, paga e punonjëseve të pastrimit deri në 1,000 euro/muaj appeared first on Albeu.com.

Unaza e florinjtë 1,500-vjeçare mund të ketë qenë ajo e mbreti ose princeshe që kishte lidhje me Francën.

Lars Nielsen thotë se hasi në objektiv ornamental të bizhuterisë me gurin e çmuar duke eksploruar pranë Emmerlev.

Neilson tha se Muzeu Kombëtar i Danimarkës beson se objekti është me rëndësi historike dhe është zotëruar nga familje mbretërore të lidhura me dinastinë Merovingian, e cila dikur sundonte zonë të Francës, Belgjikës e Gjermanisë, nga shekulli i 5-të deri në shekullin e 8-të.

Arkeologia dhe kuratorja e muzeumit Kirstine Pommergaard: “Unaza e artë zbulon jo vetëm një familje të re mbretërore në Emmerlev, por e lidh atë me një nga qendrat e pushtetit të Evropës në epokën e Hekurit. Me shumë gjasa unaza i përket një femre, si vajzës së një princi, të martuar në Emmerlev. Floriri ishte dhuratë diplomatike asokohe, në martesat e larta të kryera për ngritën e aleancave”.

Punimi detajuar i bënte kërkuesit të besonin se kishte lidhje mbretërore. Në të shihen spirale të detajuara dhe punime karakteristike të stilit të lashtë franceze.

Pommergaard shtonte: “Është një punim impresionues që është i vështirë të imitohet sot. Gurtë të tillë njiheshin si simbole pushteti në elitën nordike, ndoshta të një familje princësh në Emmerlev që kontrollonin zonën mes Ribe [qytezë në jug Jutland] dhe Hedeby [koloni e vjetër vikinge në Danimarkë.”

The post Detektori i metaleve gjen unazën 1,500-vjeçare të mbretërorëve në Danimarkë (FOTOT) appeared first on Albeu.com.

Të dhënat zyrtare referojnë se me 31 dhjetor 2023, detyrimet tatimore ishin mbi 155 miliardë lekë (1,5 miliardë euro).

Gjatë vitit të kaluar, borxhi tatimor pësoi rritje neto 8.4 miliardë lekë në krahasim me fillimin e vitit, ose 6%.

Nga stoku, rezulton se principali i detyrimeve tatimore të akumuluara përben rreth 61% të shumës totale, ndërkohë që pjesa tjetër e këtyre detyrimeve 39% e mbetur përbëhet nga penalitetet dhe kamatëvonesat.

Në stokun e detyrimeve të papaguara në afat të ndarë sipas llojit të tatimit, TVSH zë peshën më të madhe në stokun e borxhit me 36% në vlerë 55.3 miliardë lekë, e ndjekur nga Tatim Fitimi me 29% në vlerë 44.8 miliardë lekë, zëri Të Tjera me 15% dhe në vlerë 23.9 miliardë lekë, Sigurimet Shoqërore & Shëndetësore me 15% në vlerë 22.5 miliardë lekë, Tatimi në Burim me 4% në vlerë 5.9 miliardë lekë, TAP me 1% në vlerë 2,3 miliardë lekë dhe DIVA me 0.3% në vlerë 462 mln lekë.

Krahasuar me fundin e vitit 2022, gjatë këtij viti TVSH është rritur me 3.2 miliardë lekë, Tatim Fitimi me 2.1 miliardë lekë, Sigurimet Shoqërore dhe Shëndetësore me 2.1 miliardë lekë, Tatimi në Burim me 0.6 miliardë lekë, zëri Të Tjera me 0.2 miliardë lekë, TAP me 0.2 miliardë lekë dhe DIVA me 0.06 miliardë lekë.

Në total stokun e borxhit miliardë lekë sipas vjetërsisë paraqitet detyrimet deri në 3 muaj zunë 3% ndaj totalit të stokut; borxhi nga 3 – 6 muaj 2% ndaj totalit të stokut; borxhi nga 6-12 muaj 4% ndaj totalit të stokut; borxhi nga 1-2 vjet zuri 8% ndaj totalit të stokut dhe borxhi me vjetërsi mbi 2 vjet në vlerë 127,7 miliardë lekë zuri 82% ndaj totalit të stokut.

Tatimpaguesit Aktivë zënë 36% të numrit total të tatimpaguesve debitorë me një vlerë prej 40.8 miliardë lekë ose 26% të masës totale të borxhit. Tatimpaguesit Pasivë zënë 64% të numrit total të tatimpaguesve debitorë me një vlerë prej 114.4 miliardë lekë ose 74% të masës totale të borxhit.

Drejtoria e Mbledhjes së Detyrimeve të Papaguara në DPT është shprehur se ka monitoruar ecurinë e stokut të detyrimeve dhe ka kryer analiza të situatës së detyrimeve në nivel tatimpaguesi dhe veçanërisht atyre më të mëdha.

Sipas DPT-së indikatori kyç për matjen e performancës së Drejtorisë së Mbledhjes së Detyrimeve Tatimore të Papaguara është “Raporti i Detyrimeve Tatimore të Mbledhura, kundrejt detyrimeve të shtuara në të njëjtin vit.

Ky raport për vitin 2023 është realizuar në masën 79.3%, rreth 11.2% më shumë krahasuar me vitin paraardhës.

The post Detyrimet e bizneseve ndaj tatimeve arrijnë në 1,5 miliardë euro më 2023, rritje vjetore me 6% appeared first on Albeu.com.

Këta persona në Sudanin e Jugut po humbasin ndihmat ushqimore humanitare “në kohën më të keqe të mundshme” pasi Programi Botëror i Ushqimit i Kombeve të Bashkuara pezullon ndihmën, duke fajësuar mungesat kritike të financimit.

Sudani i Jugut përballet me urinë e paprecedentë mes goditjeve klimatike, rritjes së çmimeve të ushqimeve të lidhura me luftën në Ukrainë dhe rimëkëmbjen nga lufta civile. Mbi 60% e popullsisë prej më shumë se 11 milion njerëz përballet me pasiguri të rëndë ushqimore, sipas WFP, e cila tha se duhej të përgjysmonte racionet ushqimore vitin e kaluar.

Në mesin e atyre që tani humbasin ndihmën ushqimore në Sudanit Jugor janë 178,000 fëmijë që nuk do të marrin më ushqime në shkollë, tha WFP.

Ekspertët e sigurisë ushqimore kanë paralajmëruar se 1.4 milionë fëmijë do të kenë kequshqyerje akute gjatë muajit qershori dhe gusht.

“Nevojat humanitare janë shumë më të mëdha se fondet që kemi marrë këtë vit. Nëse kjo vazhdon, ne do të përballemi me probleme më të mëdha dhe më të kushtueshme në të ardhmen, duke përfshirë rritjen e vdekshmërisë, kequshqyerjen, sëmundjet,” tha në një deklaratë drejtoresha e vendit në detyrë e WFP, Adeyinka Badejo.

The post OKB-ja shkurton ndihmën ushqimore për 1.7 milionë njerëz të uritur në Sudanin e Jugut appeared first on Albeu.com.

Rama shton se po ashtu vetëm në Durrës janë rreth 600 vende të lira pune, ndërsa shtoi se sot janë 13 mijë të pënusuar më shumë se një vit më parë.

“Dua të them disa gjëra, në mars të vitit 2022, janë 13 mijë të punësuar më shumë se në marsin e 2021. është fakt që në 4 mujorin e këtij viti, sot kemi një pagë mesatare. Dua t’u them të gjithëve se është gjithmonë një mundësi që të bëhet një zgjedhje mes punësimit në vendin tonë dhe kërkimit në një vend tjetër. Gjërat nuk janë ashtu sic duket, se vërtetë që në emigracion ka rroga të larta por ka dhe shpenzime më të larta. Pavarësisht se këtu ose atje, vlera e aftësive për punë është e pazëvendësueshme.

Në hapësirën jashtë këtij panairi nga drejtoria rajonale e punësimit në Durrës mësohet se janë edhe 600 vende të tjera të lira, për të gjithë ata që kërkojnë punë. Thamë që punë ka po nuk ka profesionistë. Por kjo është ajo që ndeshet në cdo derë kompanie dhe kjo thellohet. Duhet një kualifikim më i lartë i punonjësve dhe si rezultat i faktit që Shqipëria ekspozohet në një treg ndërkombëtar

Ne e kemi rritur vëmendjen dhe mbështetjen, dhe rezultatet, sot kemi rreth 21 mijë nxënës të rregjistruar në shkollat profesionale. Ne duam të vazhdojmë të gjithë bashkë, në rrugën e punësimit. Kemi nevojë të etshme për krah pune në të gjitha pozicionet që nga kamarierët e nivelit bazik deri te menaxherët për të marë pagat. Mos të kërkojnë punë shteti e mos të rrinë në shtëpi e të presin për punë,” ka thënë Rama.

The post Rama nga Durrësi: Janë 1.500 vende pune të lira, s’ka profesionistë appeared first on Albeu.com.

Sipas mediave spanjolle 6 personat janë kapur me ngarkesa prej 1.6 ton hashash. Policia zbuloi se shqiptari dhe 5 spanjollët importonin drogën nga Afrika e Veriut në ishujt Kanaire.

Droga ishte fshehur në pjesën fundore të një kamioni të modifikuar. Rrjeti i goditur i drogës thuhet se drejtohej nga dy biznesmenë të sektorit të transportit në Alicante të cilët kanë pasur bashkëpunimin e dy trafikantëve me përvojë të drogës.

Duke përfituar nga afërsia gjeografike, ata krijuan një platformë me të cilën do të kryenin dërgesën e drogës nga Maroku në Spanjë, duke bërë një ndalesë në Ishujt Kanarie. Dyshohet se disa nga dërgesat e drogës kishin si destinacion vende të tjera të Europës./albeu.com/

The post MEGAOPERACIONI/ Grupi “ra në rrjetë”, roli kyç i trafikantit shqiptar në 1.6 ton drogë nga Afrika në Spanjë appeared first on Albeu.com.