Zejnulla Gashi dhe Enver Fejzullahu bisedojnë mbi avancimin e aftësive të prokurorëve

Drejtuesi i Akademisë së Drejtësisë, Enver Fejzullahu, zhvilloi një takim me Kryeprokurorin e Shtetit, Zejnulla Gashi, me rastin e emërimit të tij të ri në krye të këtij institucioni. Gjatë kësaj vizite, Fejzullahu i shprehu urimet e sinqerta Gashit për postin e sapomarrë.

Në qendër të diskutimit mes tyre ishin temat kyçe që prekin sistemin prokurorial, duke vënë theksin tek domosdoshmëria e forcimit të vijueshëm të kompetencave të prokurorëve. Kjo synohet të arrihet nëpërmjet planifikimit dhe realizimit të programeve të mirëfillta trajnuese, të cilat kanë për qëllim pasurimin e ekspertizës dhe shkathtësive të nevojshme për të luftuar me efektivitet më të madh format e ndërlikuara dhe të sofistikuara të krimit modern.

Të dy zyrtarët e lartë theksuan peshën e veçantë që mban partneriteti midis institucioneve të tyre, sidomos në procesin e përzgjedhjes së moduleve trajnuese. Këto tema duhet të jenë të tilla që t’u përgjigjen drejtpërdrejt pengesave dhe kërkesave bashkëkohore me të cilat ndeshen prokurorët në punën e tyre të përditshme.