Categories: kosovë

Vrasja e Arlinda Zekajt, protesta nis të mërkurën në Prishtinë dhe pritet të vijojë ditët pasuese

Pas vrasjes së Arlinda Zekajt, Kolektivi për Mendim dhe Veprim Feminist ka ftuar për revoltë kombëtare, duke kërkuar mbrojtjen e jetës dhe sigurisë së grave në Kosovë.

Protestuesit do të mblidhen të mërkurën, në orën 16:00, në sheshin “Zahir Pajaziti” në Prishtinë. Më pas, ata pritet të marshojnë drejt Ministrisë së Drejtësisë, Këshillit Prokurorial të Kosovës, Këshillit Gjyqësor të Kosovës, Policisë së Kosovës dhe Qeverisë së Kosovës.

Të lidhura

None found

Në një thirrje të publikuar në Facebook, Kolektivi ka akuzuar institucionet e Kosovës se shpërfillin jetën dhe sigurinë e grave.

“Vrasja me sopatë e një gruaje prej kunatit mbrëmë është alarmi për luftën që iu është shpallur grave. Sikurse rastet tjera të femicidit, kjo vrasje ishte paralajmëruar nga e ndjera, e cila e kishte lutur për ndihmë një shtet që është shndërruar për vite me radhë në bashkëdoras në vrasjen e grave. Arlinda Zekaj u vra me ndërmjetësim të shtetit i cili nuk iu beson grave, i përbuz, i neglizhon ato dhe vazhdon t’i shoh parësisht si prona të burrave”, thuhet në reagim.

Kolektivi thekson se edhe vrasja e Zekajt, ashtu si raste të tjera të femicidit, ishte paralajmëruar nga vetë viktima, e cila u kishte kërkuar ndihmë institucioneve.

Sipas organizatës, dhuna ndaj grave ushqehet nga patriarkia dhe neglizhenca e institucioneve, të cilat duhet të japin llogari.

Kolektivi njoftoi se protestat do të vijojnë të mërkurën, të enjten, të premten dhe në ditët pasuese, ndërsa planifikon edhe bllokimin e institucioneve të përmendura.

“Andaj, të mërkurën, të enjten, të premten e ditët në vijim, ne do dalim rrugëve, e do bllokojmë institucione sepse është momenti i fundit që ky shtet të jap llogari. Nisemi prej sheshit Zahiri, te Ministrinë e Drejtësisë, Këshilli Prokurorial i Kosovës, Këshilli Gjyqësor i Kosovës, Policia e deri te Qeveria”, thuhet në thirrjen e Kolektivit, i cili kërkon organizim dhe solidaritet në nivel kombëtar.

Organizata u ka bërë thirrje qytetarëve të marrin pjesë në protestë dhe kërkon që institucionet të mbajnë përgjegjësi për mbrojtjen e grave nga dhuna.

të fundit

Këmbimi valutor 16 Nëntor 2026/ Me sa blihen e shiten dollari dhe euro, çfarë ndodh me monedhat e tjera

Këtë të enjte, një dollar amerikan, blihet për 81.6 lekë dhe shitet për 82.6 lekë. Euro, blihet me 89.8 lekë…

2 minutes ago

Komisioni Evropian nën një sulm masiv kibernetik, cenohen sistemi i pagave dhe të dhënat e stafit

Një sulm i madh kibernetik ka goditur sistemet e Komisionit Evropian, duke shkaktuar ndërprerje të shërbimeve dhe ngritur shqetësime për…

6 minutes ago

Protestë e Sindikatës së Re të Punëtorëve të KEK-ut para Drejtorisë së korporatës

Sindikata e Re e Punëtorëve të Korporatës Energjetike të Kosovës (KEK) do të mbajë sot protestë para Drejtorisë së KEK-ut,…

10 minutes ago

Protestë në Prishtinë e KOMF-it dhe Rrjetit të Grave të Kosovës kundër alokimeve buxhetore për shërbimet sociale

Koalicioni i OJQ-ve për Mbrojtjen e Fëmijëve (KOMF) dhe Rrjeti i Grave të Kosovës do të mbajnë sot protestë në…

20 minutes ago

Paneli përzgjedhës fillon shqyrtimin e kandidaturave për Avokat të Popullit, intervistat zhvillohen në Kuvend

Paneli përzgjedhës për pozitën e Avokatit të Popullit do të mblidhet sot në Kuvendin e Kosovës për të shqyrtuar aplikacionet…

21 minutes ago