U diskutua për forcimin e kapaciteteve profesionale në trajtimin e krimeve të luftës

Fondi për të Drejtën Humanitare Kosovë organizoi sot një panel diskutimi me temën “Forcimi i kapaciteteve profesionale në ndjekjen dhe gjykimin e krimeve të luftës në Kosovë”, në të cilin morën pjesë përfaqësues të institucioneve të drejtësisë, avokatë, organizata të shoqërisë civile dhe media.

Në mesin e panelistëve të këtij aktiviteti ishin Ilir Morina, udhëheqës i Departamentit për Krime Lufte në Prokurorinë Speciale, si dhe Naim Rudari.

Në kuadër të diskutimit u vu në pah nevoja për rritjen e kapaciteteve profesionale të institucioneve të drejtësisë, përparimin e bashkëpunimit juridik ndërkombëtar dhe organizimin e trajnimeve të specializuara për avokatët mbrojtës në rastet e krimeve të luftës.

Po ashtu, pjesë e debatit ishin edhe gjykimet në mungesë, përafrimi i praktikës vendore me standardet evropiane dhe sigurimi i një procesi të rregullt ligjor.