Categories: kosovë

Trepça rikthehet gradualisht në normalitet, vihen në punë pompat pas ndërprerjes së energjisë

Miniera e Trepçës po i rikthehet funksionimit normal pas incidentit të mbrëmshëm, kur 63 minatorë mbetën të bllokuar brenda saj për shkak të ndërprerjes së energjisë elektrike.

Të lidhura

None found

Kryesindikalisti i minatorëve, Ibrahim Jonuzi, njoftoi se prodhimi ka rifilluar dhe se kushtet për vijimin e punës janë krijuar. Ai bëri të ditur gjithashtu se janë vënë në funksion pompat që shërbejnë për largimin e ujit të mbledhur gjatë periudhës pa energji.

“Miniera është normalizuar, prodhimi është rikthyer dhe sistemi i pompimit është kyçur. Janë krijuar kushtet për punë dhe besojmë se, me përkrahjen e institucioneve të Republikës së Kosovës, KEK-ut dhe KOSTT-it, do ta përmirësojmë gjendjen dhe do ta rikthejmë gjithçka në normalitet. Po bëhen përpjekje maksimale”, deklaroi Jonuzi.

Ai shpjegoi se gjatë ndërprerjes së rrymës në minierë ishte grumbulluar ujë, pasi pompat nuk kishin mundur të punonin.

Sipas Jonuzit, minatorët qëndruan rreth tetë orë pa energji elektrike. Ai tha se pompat zakonisht largojnë nga 4 deri në 4.5 metra kub ujë në minutë, ndërsa një derë sigurie mbyllet gjatë ndërprerjes së rrymës për të penguar përhapjen e ujit. Si pasojë, uji u akumulua pas saj.

Pompat u aktivizuan rreth orës 03:10 dhe kanë nisur tashmë procesin e zbrazjes së ujit nga miniera.

“Rreth orës 3:10 i kemi kyçur pompat dhe besoj se shumë shpejt do ta largojmë ujin. Dera 12 është hapur, ndërsa horizontet 10, 9 dhe 8 janë aktive. Besoj që nesër do të hapet dera edhe në horizontin 11 dhe puna do të rifillojë edhe atje”, tha Jonuzi.

63 minatorët që kishin mbetur brenda pas ndërprerjes së energjisë dolën gjatë mbrëmjes së kaluar. Aktualisht, përparësi mbetet rikthimi i plotë i funksionimit të minierës, largimi i ujit të grumbulluar dhe vijimi i prodhimit.

Tags: pompaTrepça

të fundit

Tahiraj accuses PDK of hypocrisy over Special Court: you are playing power games

Veprimtari Saim Tahiraj ka kritikuar Partinë Demokratike të Kosovës lidhur me qëndrimet e saj për Gjykatën Speciale, duke e akuzuar…

3 minutes ago

Responsibility for The Hague: former soldier Hafir Hoxha demands accountability from institutions

Ish-ushtaraku Hafir Hoxha ka reaguar lidhur me procesin gjyqësor ndaj krerëve të UÇK-së në Hagë, duke ngritur pikëpyetje për përgjegjësinë…

4 minutes ago

MINTI launches ‘Gift Made in Kosova’ campaign to promote local products

Ministria e Industrisë, Ndërmarrësisë, Tregtisë dhe Inovacionit ka lansuar kampanjën “Dhuro Made in Kosova”, me qëllim të promovimit të produkteve…

4 minutes ago

Protest outside the Ministry of Education/ police form security cordon, prevent road blockage

Këtë të shtunë, studentë dhe qytetarë janë mbledhur në protestë para Ministrisë së Arsimit, në Rrugën e Durrësit, ku kërkojnë…

4 minutes ago

VIDEO/ Driblim elegant dhe përfundim vrastar: sulmuesi i Shqipërisë shpërthen në Turqi

Goli i Taulant SeferitNdërsa po luhet pjesa e dytë e ndeshjes Kayserispor – Sariyer, 3-0, e vlefshme për javën e…

8 minutes ago

Man City ngec ndaj Fulhamit dhe shkon katër ndeshje pa fitore

Manchester City është ndalur me barazim 1-1 ndaj Fulhami në ndeshjen e vlefshme për javën e 11-të në Ligën Premier.Ekipi…

8 minutes ago