Tahiri qëndron kritik ndaj Qeverisë:65 ligje në tre muaj, por kuështë strategjia?

Agjenda legjislative e ekzekutivit ka marrë kritika nga kryetari i Grupit Parlamentar të Aleancës, Besnik Tahiri, i cili vë në dyshim qartësinë strategjike dhe prioritetet e Qeverisë.

Në një postim në rrjetin social Facebook, Tahiri vlerëson se miratimi i65 ligjeve brenda një periudhe më të shkurtër se tre muaj nuk mund të konsiderohet vetvetiu si sukses, nëse këto akte nuk reflektojnë kërkesat reale të qytetarëve.

“Sasia e ligjeve nukështë mjet matjeje – ajo që llogaritetështë cilësia, ndikimi dhe efektet konkrete. Kosovës i duhen ligje të mira që i japin zgjidhje problemeve të njerëzve, e jo thjesht një numër më i madh tyre”, shprehet Tahiri në postimin e tij.

Përveç kësaj, ai kërkon që Kuvendi ta luajë rolin e tij institucional lidhur edhe me strategjinë për mbrojtjen e të zhvendosurve, çështje që po diskutohet në Hagë.

“I ngrita këto dy çështje gjatë dhe pas mbledhjes së Kryesisë së Kuvendit”, njoftoi ai.

Tahiri mbyll reagimin duke theksuar se performancën e qeverisjes nuk e përcaktojnë statistikat, por përgjegjësia, vizioni dhe arritjet e prekshme për qytetarët.